सोमवार 6 सितंबर 1965 की साकार मुरली

> >

06-09-1965 madhuban aabu raatri murli saakaar baba om shanti madhuban

helo good evening ye chhah sitambar ka raatri class hai

kyonki unhon ke haath mein power hai kiski ladaai band karne ki । bhale kitni bhi taakat vaale hon । aapas mein suna hai na- Russia hai, America hai va ye jo aapas mein hain, ye to aapas mein ladenge bhi nahin । inmen Russia ka inke saath git git hai, kyonki France, iglainda aur America ye phir bhi aapas mein mil jaaenge । Russia alag hai । abhi to unko bhaavi kehte ja rahe hain । abhi deri hai । bachche bhi abhi itna uthe nahin hain, vriddhi ko nahin paae hain । ab to bahut chaahiye । abhi chhota jhaad hai । har ek apni avasthaaen bhi dekhen to samajh sakte hain ki ham us avastha ko, karmaateet satopradhaan avastha mein abhi nahin aae hain, koi bhi nahin, kyonki jab koi ka bhi aise ho jaaega to pahle to inka hi hoga, kyonki bachche jaante hain ki maala mein pahle hi pirona hai । to ye khud hi kehte hain abhi to bahut time chaahiye । saath mein hote hue bhi bhool jaate hain । isse samajhte hain ki abhi shaayad kuchh deri hai । apni avastha anusaar hi samajhte hain । baap hai purushaartha karaane vaala, shreemat dene vaala । har ek ko yahi phurna rehta hai । ye bhi phurna hua na- oonch pad praapta karne ke liye purushaartha karne ka phurna । jo purushaarthi hote hain unko phurna rehta hai ki ham baap ko jaldi jaldi yaad karen aur bahuton ki service karen, roohaani seva karen, kyonki isko kaha hi jaata hai roohaani seva । roohaani seva se jismaani seva ho jaati hai । jismaani seva se roohaani seva nahin hoti hai । to ye roohaani seva ki shreemat baap hi dete hain । vo sab jismaani seva, kyonki roohaani aatma patit bani hai, unko paavan karna hai । to ye roohaani seva to patit-paavan hi sikhlaave । aur koi roohaani seva sikhlaay bhi na sake । jabki apni rooh ko hi koi nahin jaante hain । jaise tumhaari buddhi mein rehta hai ki hamaari aatma mein 84 janma ka ye part avinaashi noondha hua hai । koi bhi duniya mein nahin hai jisko ye buddhi mein practical mein hai । tumhaare mein bhi kabhi-kabhi ye sab baaton ko bahut bhoolte hain । dekha jaata hai ki koi manushya is gyaan ki ek bhi baat ko nahin jaan sakte hain । isliye gaaya jaata hai ki ghor andhiyaara । to ye bhi zaroor hai ki ghor andhiyaare se phir ghor sojhra । phir jab sojhra poora hone lagta hai to ghor andhiyaara nahin hota hai, phir aaste aaste andhiyaara shuru hota hai । is samay mein aa karke ghor andhiyaara hota hai । chakkar bhi aise hi samjha sakte hain ki barobar kalhayug mein shurooaat mein itna andhiyaara nahin ho sakta hai jitna pichhaadi mein hota hai । sangam ka yug kitna chhota hai jismen ye change hoti hai! aur yug to bade-bade hain । har ek 1250 varsha ka aur ye dekho, sangamayug kitna chhota hai, jis sangamayug mein sthaapna hoti hai aur ye samajhna bhi bahut sahaj hai ki sangamayug mein hi patit aur paavan । ismen to bahut clear likha hua hai- sangamayug mein patit so paavan । sangamayug mein to sabhi patit hain hi । paavan yug mein hain hi lakshmi-naaraayan । isse siddha hota hai ki patit-paavan aa karke phir ye jo patit hain unko gyaan de karke phir se lakshmi aur naaraayan ya sooryavanshi raajdhaani ke maalik banaate hain । baba samajhte hain jinka mukh bahut dheere-dheere khulta hai unko in chitra ke oopar achhi tarah se samjhaane se phir buddhi mein baithega aur achha hi baithega, kyonki sthaapna bhi, shivbaaba kaise sthaapan kare? kis dvaara kare? brahma zaroor chaahiye । to brahma unko hi banaate hain jo pichhaadi mein ja karke, jiski 84. .janma ke ant ki bhi vaanaprastha avastha hoti hai । tab aa karke bataate hain ki dekho ab poora vaanaprastha avastha । abhi baaki jo samay hai, vo purushaartha ka । to isko kaha jaata hai antim vaanaprastha avastha । satayug mein koi vaanaprastha avastha leta nahin hai, yahaan lete hai । to lete- lete jab baap ka tarna aata hai yeh service karke aur phir vaanaprastha mein jaana tab ant hota hai । nahin to vaanaprastha to manushya bahut lete aate hain na, phir satsang mein jaate hai । sabhi nahin jaate hai, par bhaarat mein bahut । yahaan bhi hai ek । phir vahaan vaanaprastha, nahin to baahar nikal jaate hain haridvaar taraph… । aise nikal jaate hain । to ye hai jaise ki tumhaari antim vaanaprastha avastha mein gharbaar chhod karke satsang mein jaana । bas, phir ye bhi band hote hain । purushaartha nahin karte hain, kyonki vahaan sukh hai na । yahaan purushaartha karte hain ki vaani se pare jaane ke liye ham guru karen । vahaan ye darkaar nahin rehti hai । to ye bhi antim vaanaprastha avastha aur phir sabki is samay mein vaanaprastha avastha । sabko vaani se pare muktidhaam mein jaana hi hai zaroor । machchharon ke maaphik jaate hain na । buddhi mein ye bhi samajh mein aa jaata hai- satayug mein kya hai, treta mein kya hai, dvaapar mein aur kalhayug mein kya hai aur sangam mein kaise ye sabhi vaapas jaane hain zaroor । dekho, bachchon ki buddhi mein ye bhi to roshni hai na । aur koi ki buddhi mein ye roshni nahin hoti hai ki yahaan jeeven itna bahut achha hai । agyaan kaal mein agar koi ki taang toot jaave ya bekaama ban jaave to un bichaare ko kuchh na kuchh dekar chhuda dena chaahiye । tum bhi vailyuebal bante ho । vailyuebal samajhte ho? amoolya yaani jiska moolya koi kathan na kar sake । amoolya ka arth aise bhi nahin ki jiska moolya koi nahin ho aur amoolya ka arth ye bhi hai ki inka moolya koi kathan na kar sake । is samay mein sirf tumhaara moolya koi kathan kar na sake । tum itne vailyuebal ho, agar apan ko aise samjho to । most vailyuebal ho, kyonki service karte ho । to jo service karte hain vo vailyuebal hua na । roohaani service karte ho, isliye most vailyuebal ho । to tumko kitni aamadni bhi milti hai, mehnat karte ho to । tumhaari hayaati jitni badi ho itni achhi । dekho, bombe mein suna na, andhe bhi aate hai, rag, bhi aate hai । vo bhi to phir uthaay lete hai । baaki jo manushya maatra hai unki koi bhi value abhi nahin hai, dekho । sab machchharon ke maaphik khatam ho jaaenge । tum service bhi karte ho aur most vailyuebal pad bhi paate ho, isliye tumko kaha hai na- heere jaisa janma, jo kaudi jaisa tha । to dekho, kitne vailyuebal ho gae । kaudi kahaan! heera kahaan! ye tumhaara most vailyuebal janma hai, jo samajhne vaale hain । baaki ka nahin hai । tum jo manushyon ko samjhaate ho, apne baap ka parichay dete ho aur baap se varsa lene ke liye unko maarga bataate ho । bas, in jaisa achhi service aur koi bhi nahin hai । thodi baat hai na । baap ki pahchaan dete ho aur ye samjhaate ho ki baap se varsa mila tha, abhi raavan ne chheen liya hai, phir abhi baap se varsa liya jaata hai । kaise? vo to baat mashhoor hai maamekam yaani mujhe yaad karo aur varse ko yaad karo । most common baat hai । kahin bahut mehnat nahin hai । achha, baaja bajaao । duhkh se to chhootenge na । baap aate hain, sabko duhkh se to chhudaate hain na । shantidham mein le jaate hain, sukhdhaam mein le jaate hain । sabhi duhkh se to chhoot jaate hain na । ye bhi barobar hai ki satayug mein sab sukhi hain, baaki aatmaaen muktidhaam mein hain । abhi ye bhi to yaad kar sakte ho na । bilkul common point hai ki jab satayug hota hai tab devtaaon ka raajya hai । aur sabhi aatmaaen kahaan hain? muktidhaam mein hain yaani shantidham mein hain । jab devtaaen sukhdhaam mein hain to vo shantidham mein hain । bas, sab koi maangate bhi yahi the na- shanti-sukh । to ye bhi kiski buddhi mein tum bithaao ki ab tum jaante nahin ho ki Christ ke 3000 varsha pahle bhaarat svarga tha aur bhaarat mein yahaan thode sooryavanshi the । to dekho, sukhdhaam mein the aur baaki shantidham mein the । abhi dekho bahut hi duhkhadhaam mein sab hain । abhi vaise hota hai । baap aae hue hain aur aa karke sukhdhaam ki sthaapna karte hain । baaki shantidham mein hain । abhi ye kiske dil mein nahin tik sake to unki kya buddhi kahen! bilkul sahaj point । ye to likh karke poori kanth kar dena chaahiye jo simple reeti se koi ko bhi samjhaaya jaae । sirf thoda vichaar karo jo vo bhaarat tha 5000 varsha pahle… । ye akshar yaad kar do । akhbaar mein bahut likhte hain ki Christ se 3000 varsha pahle… । hota bhi aise hi hai । Christ ki bhi 2000 aa karke poori hoti hai । to ye khyaal sirf unko samjhaao, doosri koi baat na samjhaao ki bhaarat jab tha, devi-devtaaen raajya karte the, koi nahin the । to bhala ye itni aatmaaen kahaan theen jo is samay mein hain? are bhai, vo muktidhaam mein, kyonki unko part phir repeat karna hai । to dekho, baap aate hain, unko mukti dete hain, unko jeevanmukti dete hain । vo bhi phir mukti se jeevanmukti mein hi aate hain apni-apni taakat aur drama ke plan anusaar । ab ye kitni sahaj baat hai । deedi samjha! ye bahut note kara do । inko pakki kara do yaani ye sandali par baith karke bolne mein to koi takleeph nahin hai ki bhaaratvaasi! jab aadi sanaatan devi-devta dharma tha, aur koi bhi dharma nahin tha । jara vichaar karo ki baaki itni aatmaaen jo 500 karod, vo zaroor muktidhaam mein hongi । muktidhaam bhi kyon kahen, shantidham mein, kyonki shanti-shanti bahut maangate hain । to barobar shantidham mein the । to bachchon ko buddhi mein aata hai na । zaroor abhi bahut hain । abhi phir bhi history repeat karenge । patit-paavan baap aae hain paavan duniya sthaapan karne । baaki sab hi muktidhaam mein chale jaaenge । abhi ye simple baat bhi buddhi mein nahin baithti hai, jo sandali par baith karke samjhaaen kisko! yeh baat samjhaaen to bhi bahut samjhaave । vistaar karen, kar sakte hain, na karen to bhi theek ki bhai, yaad hi karna hai abhi shantidham ko aur sukhdhaam ko । ye duhkhadhaam ko bhool jaana hai । vo shantidham aur sukhdhaam ka varsa milta hai baap se । aur koi se mil nahin sakta hai, kyonki sarva ka sadgati daata ek । achha, baaja bajaao । agar koi english bolte hain to samajh jaate hain ye angreji padhe hue hain । to inko bhi do - chaar point achhi samjhaate hain na, to samjhenge ki ye bilkul right baat bolti hai । itna to sikhaakar bhejo ।. . .baithti hai na, theek baat hai na । koi ko bhi bhaaratvaasi… koi ko bhi samjhaao । angrejon ko samjhaao । musalmaanon ko samjhaao । jisko chaahiye usko samjhaao ki bhai dekho, abhi kalhayug hai, anek dharma hain । dekho, saadhe paanch sau karod manushya hain । achha, abhi ye to thoda vichaar karo ki jab pahle pahle satayug mein devi-devtaaon ka aadi sanaatan tha, kitne manushya honge! baaki aatmaaen kahaan theen? ye sabhi vahaan theen । bas । phir ye doosre jo dharma vaale peechhe aate hain, vo kaise svarga mein aa sakte hain? vo svarga kabhi dekh nahin sakte hain । ye jaini hain, koi svarga dekh sakenge kya? nahin । ye jo bhi chhote-chhote hain, Christian hain… .mukhya, bauddhi hain- kya kabhi ho sakta hai ki vo log us vaikuntha mein aa saken? jab vahi nahin aa sakenge… to unke peechhe vaale kaise aa sakenge! aisi baaten thoda buddhi mein bithaave to bhi khushi ka paara chadh jaave । itni roshni aa jaati hai । achha! (myujik baja) meethe-meethe, sikeeldhe bachchon prati maat-pita, baapdaada ka yaadapyaar aur good night ।