शनिवार 25 जनवरी 1969 की अव्यक्त मुरली

> 25-01-69om shanti avyakt baapdaada madhuban

"samarpan ki oonchi stage – shvaanson shvaans smriti"

avyakt sthiti mein sthit hokar avyakt ko vyakta mein dekho । aaj ek prashn poochh rahe hain । sarva samarpan bane ho? (sarva samarpan hain hi) yeh sabhi ka vichaar hai ya aur koi ka koi aur vichaar hai? sarva samarpan kisko kaha jaata hai? sarva mein yeh deh ka bhaan bhi aata hai । deh le lenge to deni bhi padegi । lekin deh ka bhaan todkar samarpan banna hai । aap kya samajhte ho?deh ke abhimaan se bhi sampoorn samarpan bane ho?mar gaye ho va marte rehte ho?deh ke sambandh aur man ke sankalpon se bhi tum dehi ho । yeh deh ka abhimaan bilkul hi toot jaae tab kaha jaae sarva samarpanmay jeevan । jo sarva tyaagi, sarva samarpan jeevan vaala hoga unki hi sampoorn avastha gaai jaayegi । aur jab sampoorn ban jaayenge to saath jaayenge । aapne shuru mein sankalp kiya tha na ki baba jaayenge to ham bhi saath jaayenge । phir aisa kyon nahin kiya? yeh bhi ek sneh hai । aur sang tod ek sang jodne ki yeh chain hai jo ant samay ki nishaani hai । jab kaha tha to kyon nahin shareer chhoda?chhod sakte ho? abhi chhoot bhi nahin sakta । kyonki jab tak hisaab-kitaab hai,apne shareer se tab tak chhoot nahin sakta । yog se ya bhog se hisaab-kitaab chuktu zaroor karna padta hai । koi bhi kada hisaab-kitaab raha hua hai to yeh shareer rahega । chhoot nahin sakta । vaise to samarpan ho hi lekin ab samarpan ki stage oonchi ho gai hai । samarpan usko kaha jaata hai jo shvaanson shvaans smriti mein rahe । ek bhi shvaans vismriti ka na ho । har shvaans mein smriti rahe aur aise jo honge unki nishaani kya hai? unke chehre par kya najar aayega? kya unke mukh par hoga, maaloom hai ?(harshitmukh) harshitmukhta ke sivaae aur bhi kuchh hoga? jo jitna sahansheel hoga unmein utni shakti badhegi । jo shvaanson shvaans smriti mein rehta hoga usmein sahanshi- lata ka gun zaroor hoga aur sahansheel hone ke kaaran ek to harshit aur shakti dikhaai degi । unke chehre par nirbalta nahin । yeh jo kabhi-kabhi mukh se nikalta hai, kaise karen, kya hoga, yeh jo shabd nirbalta ke hain,woh nahin nikalne chaahiye । jab man mein aata hai to mukh par aata hai । parantu man mein nahin aana chaahiye । manamnaabhav madhyaaji bhav । manamnaabhav ka arth bahut guhya hai । man,bilkul jaise drama ka second by second jis reeti se, jaisa chalta hai,usi ke saath-saath man ki sthiti aise hi drama ki patri par seedhi chalti rahe । jara bhi hile nahin । chaahe sankalp se,chaahe vaani se । aisi avastha ho,drama ki patri par chal rahe ho । parantu kabhi- kabhi ruk jaate ho । mukh kabhi hil jaata hai । man ki sthiti hilti hai - phir aap pakadte ho । yeh bhi jaise ek daag ho jaata hai । achha- phir bhi ek baat ab tak bhi kuchh vaani tak aai hai,practical mein nahin aai hai । kaun si baat vaani tak aai hai practical nahin? yahi drama ki dhaal jo sunaai । lekin aur baat bhi bata rahe the । woh yeh hai jaise ab samay najdeek hai, vaise samay ke anusaar jo antarmukhta ki avastha, vaani se pare,antarmukh hokar, karmana mein avyakt sthiti mein rahkar dhaaran karne ki avastha dikhaai deni chaahiye, woh kuchh abhi bhi kam hai । kaarobaar bhi chale aur yeh sthiti bhi rahe । yeh donon hi ikttha ek samaan rahe । abhi ismen kami hai । ab saakaar to avyakt sthiti swaroop mein sthit hai । lekin aap bachche bhi avyakt sthiti mein sthit honge to avyakt mulaakaat ka alaukik anubhav kar sakte ho । ek mukhya baat aur bhi hai, vartamaan samay dhyaan par dete hain, jo tumhaare mein honi chaahiye । woh kaun si? koi ko aata hai?jo mukhya saakaar roop mein bhi kehte the - amritvele uthna । amritvele ka vaayumandal aisa hi rahega । saakaar mein amritvele bachchon se door hote bhi mulaakaat karte the । lekin abhi jab amritvele chakra lagaane baba aate hain to woh vaayumandal dekha nahin hai । kyon thak gaye? is amri- tavele ke alaukik anubhav mein thakaavat door ho jaati hai । parantu yeh kami dekhne mein aati hai । yeh baapdaada ki shubh ichchha hai ki jaldi se jaldi is avyakt sthiti ka har ek bachcha anubhav kare । vaise to aap jab saakaar se saakaar reeti se milte the to aap ki aakaari sthiti ban jaati thi । ab jitna-jitna avyakt aakaari sthiti mein sthit honge utna hi alaukik anubhav karenge ।