रविवार 2 फ़रवरी 1969 की अव्यक्त मुरली

>

02-02-69om shanti avyakt baapdaada madhuban

"avyakt milan ke anubhav ki vidhi"

prem swaroop bachche, gyaan sahit prem jo hota hai vahi yathaartha prem hota hai। aap sabhi ka premras baapdaada ko bhi kheench laata hai। sabhi bachchon ke dil ke andar ek aasha dikhaai de rahi hai। woh kaun si? kai bachchon ne sandesh bheja ki aap humein bhi apne avyakt vatan ka anubhav karaao। yeh sabhi bachchon ki aashaayen ab poorn hone ka samay pahunch hi gaya hai। aap kahenge ki sabhi sandeshi ban jaayenge। lekin nahin। avyakt vatan ka anubhav bhi bachche karenge। lekin divya- buddhi ke aadhaar par jo ab alaukik anubhav kar sakte ho woh divya drishti dvaara karne se bhi bahut laabhdaayak, alaukik aur anokha hai। isliye jo bhi bachche chaahte hain ki avyakt baap se mulaakaat karen,woh kar sakte hain। kaise kar sakte hain, iska tareeka sirf yahi hai ki amrit- vele yaad mein baitho aur yahi sankalp rakho ki ab ham avyakt baapdaada se mulaakaat karen। jaise saakaar mein milne ka samay maaloom hota tha to neend nahin aati thi aur samay se pahle hi buddhi dvaara isi anubhav mein rehte the। vaise ab bhi avyakt milan ka anubhav praapta karna chaahte ho to uska bahut sahaj tareeka yeh hai। avyakt sthiti mein sthit hokar rooh-roohaan karo। to anu- bhav karenge ki sachmuch baap ke saath baatcheet kar rahe hain। aur isi rooh-roohaan mein jaise sande- shiyon ko kai drishya dikhaate hain vaise hi bahut guhya, gopneey rahasya buddhiyog se anubhav karenge। lekin ek baat yeh anubhav karne ke liye aavashyak hai। woh kaunsi?maaloom hai?amritvele bhi avvakta sthiti mein vahi sthit ho sakenge jo saara din avyakt sthiti mein aur antarmukh sthiti mein sthit honge। vahi amritvele yeh anubhav kar sakenge। isliye agar sneh hai aur milne ki aasha hai to yeh tareeka bahut sahaj hai। karne vaale kar sakte hain aur mulaakaat ka anokha anubhav praapta kar sakte hain।

vatan mein baithe-baithe kai bachchon ke dilon ki aavaaj pahunchti rehti hai। aap sochte honge - shiv- baba bahut kathor hai lekin jo hota hai usmein rahasya aur kalyaan hai। isliye jo aavaaj pahun- chati hai woh sunkar ke harshaata rehta hoon। kya baapdaada nirmohi hai? aap sabhi bachche nirmohi ho?nirmohi bane ho? to baapdaada nirmohi aur bachchon mein shuddh moh to milan kaise hoga। baapdaada mein shuddh moh hai? (saakaar baba ka bachchon mein shuddh pyaar tha) shivbaaba ka nahin hai?baapdaada ka hai? (jaisa hamaara hai vaisa nahin) shuddh moh bachchon se bhi jaasti hai। lekin baapdaada aur bachchon mein ek antar hai। woh shuddh moh mein aate hue bhi nirmohi hain aur bachche shuddh moh mein aate hain to kuchh swaroop ban jaate hain। ya to pyaare bante ya to nyaare bante। lekin baapdaada nyaare aur pyaare saath-saath bante hain। yeh antar jo raha hua hai isko jab mitaayenge to kya banenge? antarmukh,avyakt,alaukik। abhi kuchh kuchh laukikpan bhi mil jaata hai। lekin jab yeh antar khatma kar denge to bilkul alaukik aur antarmukhi,avyakt pharishte najar aayenge। is saakaar vatan mein rehte hue bhi pharishte ban sakte ho। aap phir kahenge aap vatan mein jaakar pharishta kyon banen?yahaan hi bante। lekin nahin। jo bachchon ka kaam woh bachchon ko saaje। jo baap ka kaarya hai woh baap hi karte hain। bachchon ko ab padhaai ka show dikhaana hai। teacher ko padhaai ka show nahin dikhna hai? teacher ko padhaai padhaani hoti hai। student ko padhaai ka show dikhaana hota hai। show case mein shaktiyon ko paandavon ko aana hai। baapdaada to hai hi gupta।

abhi sabhi ke dil mein yahi sankalp hai ki ab jaldi-jaldi drama ki scene chalkar khatma ho lekin jaldi hogi? ho sakti hai? hogi ya ho sakti hai?bhaavi jo bani hui hai, woh to bani hui bani hi rahegi। lekin bani hui bhaavi mein yeh itna najar aata hai ki agar kalpa pahle maaphik sankalp aata hai to sankalp ke saath-saath avashya pahle bhi purooshaartha teevra kiya hoga। to yeh bhi sankalp aata hai ki drama ka scene jaldi poora kar sabhi avyaktavtan vaasi ban jaayen। banna to hai। lekin aap bachchon mein itni shakti hai jo avyakt vatan ko bhi vyakta mein kheenchakar la sakte ho। avyakt vatan ka naksha vyakta vatan mein bana sakte ho। aashaayen to harek ki bahut hain। aise hi pahunchti hain jaise is saakaar duniya mein bahut badi office hoti hai telephone aur teleegraaph ki,vaise hi bahut shuddh sankalpon ki taare vatan mein pahunchti rehti hain। abhi kya karna hai?kai bachchon ke kuchh lok sangrah prati prashn bhi hain woh bhi pahunchte hain। kai bachche moonjhate hain ki saakaar dvaara to yeh kaha ki sookshm vatan hai hi nahin,to baba kahaan gaye? kahaan se milne aate hain? kahaan yeh sandesh bhejte hain? kyon bhog lagaate ho? iska bhi raaj hai। kyon kaha gaya tha? iska mool kaaran yahi hai ki jaise aap logon ne dekha hoga ki kabhi-kabhi chhote bachche jab koi cheej ke peechhe lag jaate hain to woh cheej bhal achhi bhi hoti hai lekin had se jyaada us achhi cheej ke peechhe pad jaate hain to bachchon se kya kiya jaata hai? woh cheej unki aankhon se chhipaakar yeh kaha jaata hai ki hai hi nahin। isliye hi kaha jaata hai ki iski jo extra lagan lag gai hai, woh kuchh theek ho jaae। isi reeti se vartamaan samay kai bachche inhi baaton mein kuchh chatak gaye the। to unko chhudaane ke liye saakaar mein kehte the ki yeh sookshm vatan hai hi nahin। to yeh bhi bachchon ki is baat se buddhi hataane ke liye kaha gaya tha। lekin iska bhaav yeh nahin hai ki agar bachchon se cheej chhipaai jaati hai to woh cheej khatma ho jaati hai। nahin। yeh ek yukti hai,chatki hui cheej se chhudaane ki। to yeh bhi yukti ki। agar sookshm vatan nahin to bhog kahaan lagaate ho?is rasam rivaaj ko kaayam kyon rakha? koi bhi aisa kaarya hota hai to khud bhi sandesh kyon puchhvaate the?to aise bhi nahin ki sookshm vatan nahin hai। sookshm vatan hai। lekin ab sookshm vatan mein aane jaane ke bajaae svayan hi sookshm vatan vaasi banna hai। yahi baapdaada ki bachchon mein aasha hai। aana-jaana jyaada nahin hona chaahiye। yeh yathaartha hai। kamaai kismen hai? to baap bachchon ki kamaai ko dekhte hain aur kamaai ke laayak banaate hain। isliye yeh sabhi rahasya bolte rahe। abhi samjha ki kyon kaha tha aur ab kya hai?sookshm vatan ke avyakt anubhav ko anubhav karo। sookshm sthiti ko anubhav karo। aane jaane ki aasha alpakaal ki hai। alpakaal ke bajaae sada apne ko sookshmavtanvaasi kyon nahin banaate? aur sookshmavtanvaasi banne se hi bahut wonderful anubhav karenge। khud aap log varnan karenge ki yeh anubhav aur sandeshiyon ke anu- bhav mein kitna pharka hai,woh kamaai nahin। yeh kamaai bhi hai aur anubhav bhi। to ek hi samay do praapti ho woh achha ya ek hi chaahte ho? aur kai bachchon ke man mein yeh bhi prashn hai ki na maaloom jo baapdaada kehte the ki sabhi ko saath mein le jaayenge,ab woh to chale gaye। lekin woh chale gaye hain? muktidhaam mein ja nahin sakte - sivaae baaraat va bachchon ke। baaraat ke bigar akele ja sakte hain? baaraat taiyaar hai? yahi suna hai ab tak ki baaraat ke saath hi jaayenge। jab baaraat hi saj rahi hai to akele kaise jaayenge। abhi to sookshm vatan mein hi avyakt roop se sthaapna ka kaarya chalta rahega। jab tak sthaapna ka kaarya samaapta nahin hua hai tab tak bina kaarya saphal kiye hue ghar nahin lautenge, saath hi chalenge aur phir chalne ke baad kya karenge? maaloom hai - kya karenge? saath chalenge aur saath rahenge। aur phir saath-saath hi srishti par aayenge। aap bachchon ka jo geet hai kabhi bhi haath aur saath na chhoote, to bachchon ka bhi vaayda hai to baap ka bhi vaayda hai। baap apne vaayde se badal nahin sakte। aur bhi koi prashn hai? yoon to samay prati samay sab spashta hota hi jaayega। kaeeyon ke man mein yeh bhi hai na ki na maaloom janma hoga va kya hoga?janma hoga?jaise aap ki mama ka janma hua vaise hoga?aap bachchon ka vivek kya kehta hai? drama ki bhaavi ko dekh sakte ho?thoda-thoda dekh sakte ho?jab aap log sabko kehte ho ki ham trikaaldarshi baap ke bachche hain to aane vaale kaal ko nahin jaante ho?aapke man ke vivek anusaar kya hona chaahiye? avyakt sthiti mein sthit hokar haan va naan kaho?to javaab nikal aayega। (is reeti se baapdaada ne do chaar se poochha) bahut karke sabhi ka yahi vichaar tha ki nahin hoga। aaj hi uttar chaahte ho ya baad mein! halchal to nahin cham rahi hai। yeh bhi ek khel racha jaata hai। chhote-chhote bachche taalaab mein patthar maarkar unki lahron se khelte hain। to yeh bhi ek khel hai। baap tum sabhi ke vichaar saagar mein prashron ke patthar phenk kar tumhaare buddhi roopi saagar mein lahar utpanna kar rahe hain। unhi lahron ka khel baapdaada dekh rahe hain। abhi aap sabke saath hi avyakt roop se sthaapna ke kaarya mein lage rahenge। jab tak sthaapna ka part hai tab tak avyakt roop se aap sabhi ke saath hi hain। samajh gaye? vatan mein mama ko bhi emerge kiya tha। pata hai kya baat chali?jaise saakaar roop mein saakar vatan mein mama bolti thi ki baba aap baithe rahiye ham sabhi kaam kar lenge। isi hi reeti se vatan mein bhi yahi kaha ki ham sabhi kaarya sthaapna ke jo karne hain woh karenge। aap bachchon ke saath hi bachchon ko bahlaate rahiye। aise hi saakaar mein kehti thi। vahi vatan mein rooh-roohaan chali। aap sabhi ke man mein to hoga hi-ki hamaari mama kahaan gai। abhi yeh raaj is samay spashta karne ka nahin hai। kuchh samay ke baad sunaayenge ki woh kahaan aur kya kar rahi hai। sthaapna ke kaarya mein bhi madadgaar hai lekin bhinna naam roop se। achha - ab to time ho gaya hai।

aaj vatan mein door se hi savere se khushbu aa rahi thi। dekh rahe the kaise sneh se cheeje bana rahe hain। aapne dekha, bhandaare mein chakra lagaaya? cheejon ki khushbu nahin sneh ki khushbu aa rahi thi। yeh sneh hi avinaashi banta hai। avinaashi sneh hai na?yaad harek ki pahunchti hai,uska respond lene ke liye avastha chaahiye। respond phauran milta hai। jaise saakaar mein bachche baba kehte the to bachchon ko respaand milta tha। to respond ab bhi phauran milta hai lekin beech mein vyakta bhaav ko chhodna padega tab hi us respond ko sun sakenge। ab to aur hi jyaada chaaron or service karne ka anubhav kar rahe hain। ab avyakt hone ke kaaran ek aur quality badh gai hai। kaun si?maaloom hai?woh yeh hai - pahle to baahrayaami tha,abhi antaryaami ho gaya hoon। avyakt sthiti mein jaanne ki aavashyakta nahin rehti। svatah hi ek second mein sabhi ka naksha dekhne mein aa raha hai। isliye kehte hain ki pahle se ek aur gun badh gaya hai। avyakt sthiti mein to khushbu se hi pet bhar jaata hai। aap logon ko maaloom hai?

ek mukhya shiksha bachchon ke prati de rahe hain। ab service to karni hi hai, yeh to sabhi bachchon ki buddhi mein lakshya hai aur lakshya ko poorn bhi karenge lekin is lakshya ko poorn karne ke liye beech mein ek mukhya vighna aayega। woh kaun sa, pata hai? mukhya vighna service mein baadha daalne ke liye kaun sa aayega?sabhi ke aage nahin majority ke aage aayega! woh kaun sa vighna hai? pahle se hi bata dete hain। service karte-karte yeh dhyaan rakhna ki mainne yeh kiya,main hi yeh kar sakta hoon yeh main pan aana isko hi kaha jaata hai gyaan ka abhimaan, buddhi ka abhimaan, service ka abhimaan। in roopon mein aage chalkar vighna aayenge। lekin pahle se hi is mukhya vighna ko aane nahin dena। iske liye sada ek shabd yaad rakhna ki main nimitta hoon। nimitta banne se hi nira- kaari, nirhankaari aur namrachit,nihsankalpa avastha mein rah sakte hain।

agar mainne kiya, main-main aaya to maaloom hai kya hoga?jaise nimitta banne se niraakaari,nirhankaari,nirsankalpa sthiti hoti hai vaise hi main main aane se magroori, murjhaais, maayoosi aa jaayegi। uski phir result kya hogi? aakhreen ant mein uski result yahi hoti hai ki chalte-chalte jeete hue bhi mar jaate hain। isliye is mukhya shiksha ko hamesha saath rakhna ki main nimitta hoon। nimitta banne se koi bhi ahankaar utpanna nahin hoga। nahin to agar main pan aa gaya to matbhed ke chakra mein aa jaayenge। isliye in anek vyartha ke chakkaron se bachne ke liye svadarshanchakra ko yaad rakhna। kyonki jaise-jaise mahaarthi banenge vaise hi maaya bhi mahaarthi roop mein aayegi। saakaar roop mein ant tak karma karke dikhaaya। kya karma karke dikhaaya?yaad hai?kya shiksha di yahi ki nirhankaari aur nirmaanchit hokar ek do mein prem pyaar se chalna hai। ek maataaon ka sangathan banaana। jaise kumaariyon ka training class kiya hai vaise hi maataayen jo madadgaar ban sakti hain aur hain, unhon ka madhuban mein sangathan rakhna। kumaariyon ke saath maataaon ka sangathan ho। sangathan ke samay phir aana hoga। sneh ko dekhte hain to drama yaad aa jaata hai। drama jab beech mein aata hai to silence ho jaate hain। sneh mein aaye to kya haal ho jaayega। nadi ban jaayenge। lekin nahin,drama। jo karma ham karenge woh phir sabhi karenge,isliye silence। agar sabhi saath hote to jo antim karmaateet avastha ka anubhav tha woh drama pramaan aur hota। lekin tha hi aise isliye thode hi saamne the। saamne hote bhi jaise saamne nahin the। sneh to vatan mein bhi hai aur rahega। avinaashi hai na। lekin jo sunaaya ki sneh ko drama silence mein le aata hai। aur yahi silence,shakti ko laayegi। phir vahaan saakaar mein milan hoga। abhi avyakt roop mein milte hain। phir saakaar roop mein satayug mein milenge। woh scene to yaad aati hai na। khelenge, paath- shaala mein aayenge, milenge। aap noore ratna satayug ki scenery vatan mein dekhte rehte ho। jo baap dekhte hain woh bachche bhi dekhte rehte hain aur dekhte jaayenge।

ab to jvaala roop hona hai। aapka hi jvaala roop ka yaadgaar hai। pata hai jvaala devi bhi hai woh kaun hai? yeh sabhi shaktiyon ko jvaalaaroop devi banna hai। aisi jvaala prajjavlit karni hai। jis jvaala mein yeh kaliyugi sansaar jalkar bhasma ho jaayega। achha -

vidaai ke samay :-

sabhi centres ke avyakt sthiti mein sthat hue noore ratnon ko baap va daada ka avyakt yaadapyaar sveekaar ho। saath-saath jo eeshaara diya hai usko jaldi se jaldi jeevan mein laane ka teevra purooshaartha karna hai। achha goodnight। sabhi shiv shaktiyon aur paandavon prati baap ka namaste।