शनिवार 15 फ़रवरी 1969 की अव्यक्त मुरली

>

15-02-69 om shanti avyakt baapdaada madhuban

"shivraatri ke avsar par avyakt baapdaada ke mahaavaakya"

(santari daadi ke tan dvaara)

aaj kiske svaagat ka din hai? (baap aur bachchon ka) parantu kai bachche apne ko bhi bhoole hue hain to baap ko bhi bhula diya hai। aaj ki din woh svaagat hai jaise pahle hoti thi? kitni taaren aati thi! to bhoola na। baap jab hai hi to phir bhulaana kahaan tak! yeh hai nishchay, yeh hai padhaai। jab padhaai kaayam hai to woh kaarya bhi jaisa ka vaisa chalta rahega। woh nishchay nahin to kaarya mein bhi jara bachche apne martabe ko samajhte hain ki main kiska bachcha hoon? baap sada hai to bachche bhi sada hai। parantu deh abhimaan apne svadharma ko bhula deta hai। bhoolne se kaarya kaise chalega। aage kaise badhenge?jabki baap ne apna parichay diya hai, bachchon ko bhi apna parichay mila hua hai। kitna samay se isi lakshya ko pakka karaane ke liye mehnat ki gai hai, us mehnat ka phal kahaan tak? sirf yaad karaane ke liye yeh kah raha hoon, murli to chalaani nahin hai। sirf bachchon se milne aaya hoon। bachchi ne kaha bahut yaad kar rahe hain, baba aap chalenge to refresh karenge। refresh to ho hi - agar nishchay hai to। phir bhi bachchon se milne ke liye aana pada,thode samay ke liye। svamaan ki smriti dilaane ke liye aaye hain। bachche, sadaiv apne ko saubhaagyashaali samjhen। sada saubhaagyashaali unko kaha jaata hai jinka baap,teacher aur satguru se poora connection,poori lagan hai।

kanya ki sagaai ke baad kya hota hai? pati ke saath lagan lag jaati hai। tab unko kehte hain sada suhaagin। parantu woh kahaan tak suhaagin hai?andar mein kya bhara pada hai! kanya sau braahmaanon se uttam gini jaati hai। sagaai karne ke baad ashuddha banne kaaran aantarik abhaagin hai। yeh kisko bhi pata nahin hai। baap hi batlaate hain sada suhaagin kaun hai। sada ke liye paramatma se poori lagan rahe,vo sada suhaagin hai।

yeh to abhi padhaai ka samay hai, baap apna kartavya kar rahe hain,direction dete padhaate hain। jab tak padhaana hai, padhaate rahenge। vinaash saamne khada hai, uska connection baap ke saath hai। aise mat samjho baap ki judaai hai। judaai bhi nahin vidaai bhi nahin। jab tak vinaash nahin tab tak baap saath hai। vatan mein baap gaya hai koi kaarya ke liye। samay anusaar woh sab kuchh hota rahega। ismen na koi vidaai hai, na judaai, judaai lagti hai? tumne vidaai di thi?agar vidaai di hogi to judaai bhi hogi। vidaai nahin di hogi to judaai bhi nahin hogi। yeh drama ke andar part chalta rehta hai। baap ka khel chal raha hai। khel mein khel chalta rahega। aage to bahut hi khel dekhne hain। itni himmat hai? jab himmat rakhenge tab bahut dekhenge। aage bahut kuchh dekhna hai। parantu kadam ko sambhaal-sambhaal kar chalaana hai। agar sambhal kar nahin chalenge to kahaan khadda bhi aa jaayega। accident bhi ho padenge। bachchon se milne ke liye thode samay ke liye aaya hoon। bahut kaarya karna hai। vatan se bahut kuchh karna padta hai। bachchon ki bhi dil poori karni padti hai to bhakton ki bhi dil poori karni padti hai। sabhi kaarya kaam par hi hote hain। baap ka parichay mila ,khazaana, lottery mili। abhi bachchon ki service poori ki। vatan se abhi sabki karni hai। bachche sage bhi hain to lage bhi hain। service to sabki karni hai। savere bhi aakar drishti se parichay de diya। drishti dvaara searchlight de sabhi ko sukh dena baap ka kartavya hai। abhi to sabhi ko museum ki service karni hai। sabko baap ka parichay dena hai। baap ne jo service ke chitra banvaaye hain, us par service karni hai। anguli dene se pahaad uthta hai na। yahi gaayan hai gop gopiyon ne anguli se pahaad uthaaya। anguli nahin denge to pahaad nahin uthega। srishti par aatmaon ka uddhaar kar, woh pahaad uthaakar phir saath le jaana hai। samooh hota hai na। ant mein samooh bankar sabhi ke saath rehna hai। pahle-pahle saakshaatkaar mein laal-laal samooh dekha tha tab to samajh mein nahin aaya parantu ab vahi aatmaon ka samooh hai, jinko saath le jaane ka drama ke andar programme hai। sabhi ki service karni hai। achha

savere uthkar baap ki yaad mein raho, kyonki us samay baap sabhi ko yaad karte hain। us samay koi-koi bachche dikhaai nahin padte hain। dhoodhna padta hai। bhal akele reeti yaad karte hain,parantu sangathan ke saath bhi zaroor chalna hai। jitna yaad mein rahenge utna hi baap ke najdeek hote jaayenge। baap ko bhulaane se moonjhate hai। baap ko sadaiv saath rakhenge to bhool nahin sakte।