मंगलवार 4 मार्च 1969 की अव्यक्त मुरली

>

04-03-69om shanti avyakt baapdaada madhuban

“holi ke shubh avsar”

aaj aapki khaas holi hai kya? holi kaise manaai jaati hai? holi manaane aati hai?kaam ki holi kaun si hai? vartamaan part anusaar holi kaise manaayenge? vartamaan samay kaun si holi manaane ki aavashyakta hai?holi mein kai baaten karni hoti hai। lag bhi jaata hai। jalaaya bhi jaata hai aur saath-saath shrringaara bhi jaata hai। aur kuchh mitaana bhi hota hai। jo bhi baaten holi mein karni hai woh sabhi is samay chal rahi hai। jalaana kya hai,mitaana kya hai, rangana kya hai aur shrringaarna kya hai? yeh sabhi kar lena isko kaha jaata hai manaana। agar in chaaron baaton mein se kuchh kami hai to manaana nahin kahenge। holi ke dinon mein bahut sundar sajte hain। kaise sajte hain?dev- taaon ke samaan। aap sabhi saje hue hain? sajaavat mein koi kami to nahin hai। sajaavat mein mukhya holi ka shrringaar kaunsa hota hai?saang jo banaate hain unhon ko pahle-pahle mastak mein bulb lagaate hain। yeh bhi is samay ki copy ki hui hai। aap ka bhi kaam ka mukhya shrringaar hai mastak par aatma ka deepak jalaana। iski nishaani balva jalaate hain। lekin yeh sabhi baaten hone liye holi ka arth yaad rakhna hai। ' 'holi'' jo kuchh hua woh ho gaya। ho liya। jo scene hui holi arthaat beet chuki। vartamaan samay jo pyaainta dhyaan mein rakhni hai woh hai yeh holi ki arthaat drama ke dhaal ki। jab aise majboot honge tab woh rang bhi pakka lag sakega। agar holi ka arth jeevan mein nahin laayenge to rang kachcha ho jaata hai। pakka rang khaane ke liye har vakta socho ho li। jo beeta ho hi gaya। aisi holi mana rahe ho?va kabhi-kabhi drama ki scene dekhkar kuchh manthan chalta hai। gyaan ka manthan doosri baat hai। lekin drama ki scene par manthan karna kyon, kya,kaise। woh kis cheej ka manthan kiya jaata। dahi ko jab manthan kiya jaata hai tab makkhan nikalta hai। agar paani ko manthan karenge to kya niklega?kuchh bhi nahin। result mein yahi hoga ek to thakaavat, doosra time vesta। isliye yeh hua paani ka manthan। aisa manthan karne ke bajaaye gyaan ka manthan karna hai। saakaar roop mein last dinon mein service ki mukhya yukti kaun si sunaai thi? ' 'gheraav daalna' ' double gheraav daalna hai ek to vaani dvaara service ka doosra- avyakt aakarshan ka। yeh aisa gharaav daalna hai jo khud na usse nikal saken, na doosre nikal saken। gheraav daalne ka dhang abhi tak practical mein dikhaaya nahin hai। museum banaana to sahaj hai। museum banaana yeh koi gheraav daalna nahin hai। lekin apne avyakt aakarshan se unhon ko ghaayal karna yeh hai gheraav daalna। woh abhi chal raha hai। abhi service ka samay bhi jyaada nahin milega। samasyaayen aisi khadi ho jaaengi jo aapke service mein bhi baadha padne ki sambhaavna hogi। isliye jo samay mil raha hai usmein jisko jitni service karni hai woh adhik se adhik kar len। nahin to service ka samay bhi holi ho jaayega। yaani beet jaayega। isliye ab apne ko aape hi jyaada mein jyaada service ke bandhan mein baandhana chaahiye। is ek bandhan se hi anek bandhan mit jaate hain। apne ko khud eeshvareey seva mein lagaana chaahiye auron ke kahne se nahin। auron ke kahne se kya hoga?aadha phal milega। kyonki jisne kaha athva prerna di unki bhaaeevaari ho jaati hai। dukaan mein agar do bhaaeevaar (saajheedaar) ho to bantavaara ho jaata hai na! ek hai to woh maalik ho rehta hai। isliye agar kiske kahne se karte hain to us kaarya mein bhaaeevaari ho jaati hai। aur svayan hi maalik ban karke karte hain to saari milkiyat ke adhikaari ban jaate hain। isliye harek ko maalik bankar karna hai lekin maalikapne ke saath-saath baalakpan bhi poora hona chaahiye। kahaan-kahaan maalik bankar khade ho jaate hain,kahaan phir baalak hokar chhod dete hain। to na chhodna hai na pakadna hai। pakadna arthaat jid se nahin pakadna hai। koi cheej ko agar bahut jor se pakda jaata hai to us cheej ka roop badal jaata hai na। phool ko jor se pakdon to kya haal hoga। pakadna to hai lekin kahaan tak,kaise pakadna hai, yeh bhi samajhna hai। ya to pakadte atak jaate hain va chhodte hain to chhoot jaate hain। donon hi samaan rahe yeh purushaartha karna hai। jo maalik aur baalak donon reeti se chalne vaala hoga unki mukhya parakh yeh hogi - ek to nirmaanta hogi uske saath nirhankaari,nirmaan aur saath-saath prem swaroop। yeh chaaron hi baaten unke har chalan se dekhne mein aaengi। agar chaaron mein se koi bhi kam hai to kuchh stage ki kami hai। achha-

vatan mein aaj holi kaise kheli maaloom hai? sirf bachchon ke saath hi the। aap bhi holi mana rahe ho na! vahaan sandeshi aai to ek khel kiya। kaun sa khel kiya hoga? (aap le chalo to dekhe) buddhi ka vimaan to hai। buddhi ka vimaan to divya drishti se bhi achha hai। yahaan to woh ho hi nahin sakta। woh cheej hi nahin। aaj suhejon ka din tha na! to jab sandeshiyo vatan mein aai to saakaar ko chhipa diya। ek bahut sundar phoolon ki pahaadi banaai thi unke andar saakaar ko chhipaaya hua tha। door se dekhne mein to pahaadi hi najar aati thi। to jab sadeshi aai to saakaar ko dekha nahin। bahut dhoodha dekhne mein hi nahin aaya। phir achaanak hi jaise chhipne ka khel karte hain na! aisa khel dekha। phoolon ke beech saakaar baitha hua najar aaya। woh scene badi achhi thi।

avyakt baapdaada harek ko amrit kar bhog de rahe the aur ekaek se mulaakaat bhi kar rahe the। khaas museum vaalon ko direction de rahe the avyakti aakarshan se museum aisa banaao jo koi bhi andar aaye, dekhe to ekdam aakarshit ho jaaye।

achha !!!