सोमवार 26 मई 1969 की अव्यक्त मुरली

> 26-05-69om shanti avyakt baapdaada madhuban

“sampoorn snehi ki parakh”

sabhi kis sthiti mein baithe ho?lagan mein baithe ya magan avastha mein?kis avastha mein ho? jyaada samay lagan lagaane mein jaata hai ya magan roop mein ho?apni chaiking to karte honge । achha ।

sabhi ki yahi ichchha hai ki hamaanre paper ki result ka maanloom pade । vishesh sabhi ke dilon mein yahi sankalp chalta rehta hai । to aaj result sabhi suna dete hain । sabhi ne jo bhi likha hai yathaayogya,yathaashakti total result yahi kahenge ki baap mein nishchay buddhi to hai lekin jitna hi baap mein nishchay hai utna hi baap ke mahaavaakyon mein, pharmaan mein nishchay buddhi hokar chalna woh abhi purushaartha mein 50 dekhne mein aata hai । baap mein nishchay to 100 hai lekin baap ke pharmaan aur aagyaaon mein nishchay buddhi hokar ke jo pharmaann mila aur kiya । aise pharmaan mein nishchay buddhi majority 50 ki result mein hai । aise hi teacher mein nishchay hai lekin unki poori padhaai jo hai usmein poorn reeti se chalna woh bhi apni percentage ki result hai । aise hi guru roop mein bhi sadooru hai yeh poora nishchay hai lekin unke shreemat par chalna uski total result 50 tak hai । sirf baap, teacher,satguru mein nishchay nahin lekin is nishchay ke saath-saath unke pharmaan, unki padhaai aur unke shreemat par bhi sampoorn nishchay buddhi hokar chalna hai । ismen kami hai jisko abhi bharna hai?

sneh ki nishaani kya hai?sampoorn snehi ki parakh kya hoti hai?unka mukhya lakshya kya hota hai?aap sabhi ne jo sunaaya woh to hai hi । lekin phir bhi woh spashta karne ke liye jiske saath jiska sneh hota hai uskah soorat mein usi snehi ki soorat dekhne mein aati hai । unke naynon se vahi noor dekhne mein aata hai । unke mukh se bhi sneh ke bol nikalte । unke har chalan se sneh ka chitra dekhne mein aayega । usmein vahi snehi samaaya hua hoga । aisi avastha honi hai । abhi bachchon aur baap ke saskaaron mein bahut pharka hai । jab samaann ho jaayenge to aap ke sanskaar dekhne mein nahin aayenge । vahi dekhne mein aayenge । ek-ek mein baap ko dekhenge । aap sabhi dvaara baap ka saakshaatkaar hoga । lekin abhi woh kami hai । apne se poochhna hai aise snehi bane hain? sneh lagaana bhi sahaj hai । snehi swaroop banna- yeh hai final stage । to paper ki result sunaai । ek to ek kami hai, doosri baat jo sabhi ne likha hai usmein sahanshakti ki jo result hai woh bahut kam hai । jitni sahanshakti hogi utni service mein saphalta hogi । sangathan mein rahne ke liye bhi sahanshakti chaahiye । final paper jo vinaash ka hai usmein paas hone ke liye bhi sahanshakti chaahiye । woh sahanshakti ki result majority mein bahut kam hai । isliye usko ab badhaao ।

sahanshakti kaise aayegi?jitna-jitna snehi banenge । jitna jiske prati sneh hota hai to us sneh mein shakti aa jaati hai । sneh mein sahanshakti kaise aati hai, kabhi anubhav kiya hai? jaise dekho,koi bachche ki maa hai । bachche par aapda aati hai,maa ka sneh hai to sneh ke kaaran usmein sahanshakti aa jaati hai । bachche ke liye sab kuchh sahan karne liye taiyaar ho jaati hai । us samay sneh mein kuchh bhi apne tan ka va paristhitiyon ka kuchh phikra nahin rehta hai । to aise hi agar nirantar sneh rahe to use snehi prati sahan karna koi badi baat nahin hai । sneh kam hai is- liye sahanshakti bhi kam hai । yeh hai aap sabhi ke paper ki result । ab ek maans ke baad result dekhenge । vahaan teen-teen maans baad paper aata hai । yahaan ek maans baad isi result ko dekhenge ki snehi roop kitna bane hain?

mukhya hai nirbhayta ka gun । jo paper mein nahin diya tha । kyonki uski bahut kami hai । ek maans ke andar is nirbhayta ke gun ko bhi apne mein poora bharne ki koshish karni hai । nirbhayta kaise aayegi?uske liye mukhya kya purushaartha hai?niraakaari banna । jitna niraakaari avastha mein honge utna nirbhay honge । bhay to shareer ke bhaan mein aane se hota hai ।

yeh ek maans ka chart pahle bata dete hain । kumaariyon ka training class poora hoga to yeh bhi poochhege ki sahanshakti,nirbhay aur nishchay ki parakh jo bataai woh kahaan tak hai । in teenon baaton ka paper phir lenge । kumaariyon se baapdaada ka sneh vishesh kyon hota hai? kaun-si khaas baat hai jo baapdaada ka khaas sneh rehta hai?kyonki baapdaada samajhte hain agar inhon ko eeshvareey sneh nahin milega to aur kisi ke sneh mein latak jaayengi । baap merciful hai na । to raham ke kaaran sneh hai । bhavishya bachaav ke kaaran vishesh sneh rehta hai । ab dekhenge baapdaada ke sneh ka javaab kya deti hain । apne ko bachaana hai yeh hai baapdaada ke sneh ka respond । kin-kin baaton mein bachaana hai maaloom hai? ek to mansa sahit pyooriti ho । mansa mein koi sanshay na aaye aur doosri baat apni vaacha bhi aisi rakhni hai jo mukh se koi aisa bol na nikle । vaani mein bhi control,mansa mein bhi control । vaacha aisi rakhni hai jaise saakaar mein baapdaada ki thi । karma bhi aisa karna hai jaise saakaar tan dvaara karke dikhaaya । aap ka karma aisa ho jo aur bhi dekhkar aisa kare । yeh hai kumaariyon ke liye khaas । aur kisse bachna hai? sangadosh se to bachna hi hai,ek aur vishesh baat hai । ab bahut roop se,aatma ke roop se, shareer ke roop se aap sabhi ko bahkaane vaale bahut roop saamne aayenge । lekin usmein bahakna nahin hai । bahut pareekshaayen aayengi lekin kuchh hai nahin । pareekshaaon mein paas kaun ho sakta hai?jisko parakh poori hogi । parakhne ki jitni shakti hogi utna hi pareekshaaon mein paas honge । parakhne ki shakti kam rakhte ho, parakh nahin sakte ho ki yeh kis prakaar ka vighna hai, maaya kis roop mein aa rahi hai aur kyon mere saamne yeh vighna aaya hai,isse result kya hai? yeh parakh kam hone ke kaaran pareekshaaon mein fail ho jaate hain । parakh achhi hogi woh paas ho sakte hain ।

achha - om shanti !!!