सोमवार 9 जून 1969 की अव्यक्त मुरली

>

09-06-69om shanti avyakt baapdaada madhuban

“susti ka meetha roop – aalasya”

sabhi vyakta mein hote avyakt sthiti mein ho? avyakt sthiti kisko kehte hain, uski pahchaan hai? pahle hai avyakt sthiti ki pahchaan aur pahchaan ke baad phir hai parakh to in donon baaton ka gyaan hai? avyakt sthiti kisko kehte hain? (vyakta ka bhaan na rahe) vyakta mein kaarya karte hue bhi vyakta ka bhaan kaise nahin rahega?vyakta mein hote hue avyakt sthiti rahe,yeh kitna anubhav hota hai,aaj yeh sabhi se poochhna hai! avyakt sthiti mein jyaada se jyaada kitna samay rehte ho? jyaada mein jyaada kitna samay hona chaahiye,maaloom hai? (aath ghanta) sampoorn stage ke hisaab se to aath ghanta bhi kam se kam hai। aap ke vartamaann purushaartha ke hisaab se aath ghanta jyaada hai? (koi ne bhi haath nahin uthaaya) achha। jo ६ ghante tak pahunche hai woh haath uthaaye। (koi nahin uthaate hai।) achha 4 ghante tak jo pahunche hai woh haath uthaaye (koi ne 4 ghante mein koi ne 2 ghante mein haath uthaaya) is result ke hisaab se kitna samay purushaartha ka chaahiye? course bhi poora ho gaya। revise course bhi ho raha hai phir bhi majority ki result iska kya kaaran hai?sabhi purushaartha bhi karte ho, umang bhi hai, lakshya bhi hai phir bhi kyon nahin hota hai? (attention kam hai) kis baat ka attention kam hai? yeh to attention sabhi rakhte hain ki laayak bane, naj- deek aaye phir bhi mukhya kaun sa attention kam hai, jis kaaran avyakt sthiti kam rehti hai? sabhi purushaarthi hi yahaan baithe ho। aisa koi hoga jo kahe main purushaarthi nahin hoon। purushaarthi hote hue bhi kami kyon? kya kaaran hai? antarmukh rehna chaahte hue bhi kyon nahin rah sakte ho? baaharmukhta mein bhi kyon aa jaate ho? gyaani tu aatma bhi to sabhi bane hain, gyaani tu aatma, samajhdaar bante hue phir besmajh kyon ban jaate ho। samajh to mili hai। samajh ka course bhi poora ho chooka hai। course poora hua goya samajhdaar ban hi gaye। phir bhi besmajh kyon bante ho? mukhya kaaran yeh dekha jaata hai -koi-koi mein albelaapan aa gaya hai, jisko susti kehte hain। susti ka meetha roop hai aalasya। aalasya bhi kai prakaar ka hota hai। to majority mein kis na kis roop mein aalasya aur albelaapan aa gaya hai। ichchha bhi hai, purushaartha bhi hai lekin albelaapan hone kaaran jis tarah se purushaartha karna chaahiye woh nahin kar paate hain। buddhi mein jyaada gyaan aa jaata hai to usse phir jyaada albelaapan ho jaata hai। jo apne ko kam samajhdaar samajhte hain woh phir bhi teevra purushaartha kar rahe hain। lekin jo apne ko jyaada samajhdaar samajhte hain, woh jyaada albelepan mein aa gaye hain। jaise pahle-pahle purushaartha ki tadpan thi। aisa ban kar dikhaayenge। yeh karke dikhaayenge। abhi woh tadpan khatma ho gai hai। tripti ho gai hai। apne aap se tripta ho gaye hain। gyaan to samajh liya, service to kar hi rahe hain। chal hi rahe hain, yeh tripta aatma is roop se nahin banna hai। purushaartha mein tadap honi chaahiye। jaise baandheliyaan tadaphti hain to purushaartha bhi teevra karti hain। aur jo baandheli nahin, woh tripta hoti hain to albele ho jaate hain। aisi result meja- riti purushaarthiyon ki dekhne mein aati hai। hamesha samjho ki ham number one purushaarthi ban rahe hain। ban nahin gaye hain। teenon kaalon ka gyaan buddhi mein aane se apne ko jyaada samajhdaar samajhte hain। pahle bhi sunaaya tha na - jahaan baalak banna chaahiye vahaan maalik ban jaate ho, jahaan maalik banna chaahiye vahaan baalak ban jaate ho। to abhi bachche roop ka meetha-meetha purushaartha to kar rahe ho। raajya ke adhikaari to ban gaye। tilak bhi aa gaya lekin yeh dheela aur meetha purushaartha abhi nahin chal sakega। jitna shaktiroop mein sthit honge to purushaartha bhi shaktishaali hoga। abhi puru- shaartha shaktishaali nahin hai। dheela-dheela hai। purushaarthi to sabhi hain lekin purushaartha shaktishaali jo hona chaahiye woh shakti purushaartha mein nahin bhari hai। savere uthte hi purushaartha mein shakti bharne ki koi na koi pyaainta saamne rakho। amritvele jaise rooh-roohaan karte ho vaise hi apne purushaartha ko shaktishaali banaane ke liye bhi koi na koi pyaainta vishesh roop se buddhi mein yaad rakho। abhi vishesh purushaartha karne ki aavashyakta hai। saadhaaran purushaartha karne ke din abhi beet rahe hain। jaise vishesh function aadi ke programme rakhte ho na vaise ab yahi samajhna hai ki samay thoda hai। usmein vishesh purushaartha ka programme rakhna hai। yeh vishesh purushaartha karne ka lakshya rakh aage badhna hai। agar aisi dheeli result mein rahenge to jo aane vaali pareekshaayen hain unki result kya rahegi? pareekshaayen kadi aane vaali hain। uska saamna karne ke liye purushaartha bhi kada chaahiye। agar puru- shaartha saadhaaran,pareeksha kadi to result kya hogi?

achha aaj to gopon se mulaakaat karte hain। apne purushaartha mein santushta ho? chal to rahe ho lekin kitni percentage mein? jo samajhte hain ham 75 shreemat par chal rahe hain woh haath uthaaye। (kaiyon ne haath uthaaya) achha mukhya shreemat kya hai? mukhya shreemat yahi hai ki jyaada se jyaada samay yaad ki yaatra mein rehna। vayonki is yaad ki yaatra se hi pavitrata,daiveegun aur service ki saphalta bhi hogi। jo 75 shreemat par chalte hain unhon ka yaad ka chart kitna hai? yaad ka chart bhi 75 hona chaahiye। isko kahenge poori-poori shreemat par chalne vaale। aaj khaas gopon ko aage kiya hai। gopiyon ko peechhe mangaaya hai kyonki jab bhi milan ki koi baat hoti hai to gopiyon jaldi aa jaati hain। gop dekhte-dekhte rah jaate hain। gopon ko jimmevaari bhi deni hai। yoon to di hui hai। jaise aap logon ke chitra mein dikhaaya hai na ki dvaapar ke baad taaj utar jaate hain। to yeh jimmevaari ka taaj bhi diya hua to hai lekin kabhi-kabhi jaanboojh kar bhi utaar dete hain aur maaya bhi utaar deti hai। satayug mein to taaj itna halka hota hai jo maaloom bhi nahin padta hai ki kuchh bojh sir par hai। satayug ki scene seenriyo saamne aati hain ki nahin? satayug ke najaare svayan hi saamne aate hain ya laate ho?jitna-jitna aage badhenge to na chaahte hue bhi satayugi najaare svayan hi saamne aayenge। laane ki bhi jaroorat nahin। jitna-jitna najdeek hote jaayenge, utna-utna najaare bhi najdeek hote jaayenge। satayug mein chalna hai aur khel-paal karna hai। yeh to nishchit hai hi aaj jo bhi sabhi baithe hain unmein se kaun samajhta hai ki ham shreekrishna ke saath pahle janma mein aayenge?unke family mein aayenge va sakhi sakha banenge va to school ke saathi banenge? jo samajhte hain teenon mein se koi na koi zaroor banenge aise nishchay buddhi kaun hai? (sabhi ne haath uthaaya) najdeek aane vaalon ki sangamayug mein nishaani kya hogi? yahaan kaun apne ko najdeek samajhte hain? yagya service va jo baapdaada ka kaarya hai usmein jo najdeek hoga vahi vahaan khel-paal aadi mein najdeek honge। yagya ki jimmevaari va baapdaada ke kaarya ki jimmevaari ke najdeek jitna-jitna honge utna vahaan bhi najdeek honge। najdeek hone ki parakh kaise hogi? harek ko apne aap se poochhna chaahiye-jitni buddhi, jitna tan-man-dhan aur jitna samay laukik jimmevaariyon mein dete ho utna hi is taraph dete ho?is taraph jyaada dena chaahiye। agar jyaada nahin to uska vajan ek jaisa hai?agar donon taraph ka ek jitna hai to bhi najdeek gina jaayega। is hisaab se apne ko parakhna hai। abhi tak result mein laukik jimmevaariyon ka bojh jyaada dekhne mein aata hai। khaas mukhya gopon ko yeh baaten zaroor dhyaan mein rakhni chaahiye ki aaj ka din jo beeta kitna samay laukik jimmevaari taraph diya aur kitna samay alaukik va paarlaukik jimmevaari taraph diya? kitne madadgaar bane?yeh checking karte rahenge to pata padega ki kaun sa taraph khaali hai। sabhi prakaar ki paristhitiyon mein rehte hue bhi kam se kam donon taraph ek jitna zaroor hona chaahiye। kam nahin। us taraph kam hua to harja nahin। is taraph kam nahin hona chaahiye। to phir laukik jimmevaari ke kami ko bhi theek kar sakenge। parmaartha se vyavhaar bhi siddha ho jaata hai। koi-koi kehte hain pahle vyavhaar ko theek kar parmaartha mein lagen। yeh theek nahin hai। to yeh khaas dhyaan rakhna hai। khaas gopon mein baapdaada ki ummeed hai jo gop hi poori kar sakte hain। gopiyon se nahin ho sakti। woh kaun si ummeed hai? paandavon ka mukhya kaarya yahi hai jo kai prakaar ke log aur kai prakaar ki pareekshaayen samay prati samay aane vaali bhi hain aur aati bhi rehti hain to pareeksha aur logon ki parakh yeh vishesh gopon ka kaam hai। kyonki paandavon ko shaktiyon ki rakhvaali karne ka mukhya kaarya hai। shaktiyon ka kaam hai teer lagaana lekin har prakaar ki pareeksha aur logon ko parakhna aur shaktiyon ki rakhvaali karna paandavon ka kaam hai। itni jimmevaari utha sakte ho?ki shaktiyon ke rakhvaali ki aap ko aavashyakta hai?kahaan-kahaan dekhne mein aata hai paandav apni rakhvaali ki auron se ummeed rakhte hain lekin paandavon ko apni rakhvaali ke saath chaaron or ki rakhvaali karni hai। behad mein drishti honi chaahiye na ki had mein। agar apni hi rakhvaali nahin karenge to phir auron ki mushkil ho jaayegi।

achha !!!