रविवार 28 सितंबर 1969 की अव्यक्त मुरली

> 28-09-69om shanti avyakt baapdaada madhuban

“poore course ka saar – kathni-karni ek karo”

kis roop mein mulaakaat kar rahe ho?avyakt roop se va sneh roop se va shakti roop se? baap roop se to mulaakaat kar hi rahe ho । lekin snehroop mein va shaktiroop mein va avyakt roop mein?vartamaan kaunsa vishesh roop hai?saare din mein in teenon roopon mein se jyaada kaunsa roop rehta hai? in teenon se shreshtha kaunsa hai? (har ek ne apna samaachaar sunaaya) ab sirf prashra poochhte hain phir spashta karenge । ab sabne jo extra training course liya hai,inmen sabse powerful point kaun si li hai?jo point aage vighnon ko ek second mein khatma kar de । har ek ne bhinna-bhinna point to sunaai ab jinhonne bhi point sunaai hai - vo phir bhi apna anubhav likh bheje ki is point ko use karne se kitne samay mein vighna door hua hai?jaise koi davaai ek use karke dekhta hai phir anekon ko uska laabh lene mein sahaj hota hai । to yeh sab bhinna-bhinna point jo nikli hain un sab ka saar do shabdon mein yaad rakho jismen aapki sab baaten aa jaaye । yeh jo ab course kiya hai uska mukhya saar do aksharon mein yaad rakhna hai ki jo kehte hain vo karna hai । kehte hain ham brahmaakumaari hain । ham baapdaada ke bachche aagyaakaari hain । madadgaar hain । jo bhi baaten kehte ho vo practical karna hai । kehna arthaat karna । kahne aur karne mein antar nahin ho । yahi aapke course ka saar hai । kehte to aap kai varshon se ho vikaar buri cheej hai, auron ko bhi sunaate ho lekin khud ghar grihasthi se nyaare hokar nahin chalte ho । to apna hi kehna aur karna badal jaata hai । isliye aaj se yeh baat yaad rakho । jo kahenge so karenge । jo bhi sochte ho athva duniya ko bhi jo kehte ho vo karke dikhaana hai । sirf kehna hi nahin । karna hai । ab service jo rahi hai vo kahne se nahin hogi । lekin apni karni se । kathni, karni aur rahni kehte hain na । jo bhi saare din mein aap karma karte hain । ghar mein rehte ho । to kathni karni aur rahni teenon hi ek ho tab karmaateet avastha mein jaldi se jaldi pahunch sakenge । har samay yeh check karo jo kehti hoon vo karti hoon? kehte ho ham sarvashaktimaan ki santaan hain aur karte kya ho?kamjori ki baat । aaj se yeh pakka karo ki jo kahoongi so karoongi । jo khud aise banenge unko dekh kar aur bhi aape hi karenge । aapko mehnat karne ki jaroorat nahin rahegi । ab tak to yahi ulhaane milte rehte hain ki kehte ek hain karte to doosra ho । ulaahnon ko khatma karna hai । ulaahna khatma ho phir kya ban jaayenge?allaah (oonch) ban jaayenge । jitna allaah banenge to phir na chaahte hue naam baala hoga । to kiye hue course ki yeh shiksha hai mukhya saar ।

sabse khauphnaak manushya kaunsa hota hai jinse sab dar jaate hain?duniya ki baat to duniya mein rahi । lekin is daivi parivaar ke andar sabse khauphnaak, nuksaan kaarak vo hai jo andar ek aur baahar se doosra roop rakhta hai । vo par-nindak se bhi jaasti khauphnaak hai । kyonki vo koi ke najdeek nahin aa sakta । snehi nahin ban sakta । unse sab door rahne ki koshish karenge । isliye is bhatti mein aap logon ko yeh shiksha mili । isko sachchaai aur saphaai kaha jaata hai । saphaai kis baat mein?sachchaai kis baat mein? inka bhi bada guhya rahasya hai । sachchaai jo kare vo hi varnan kare । jo soche vahi varnan kare । banaavti roop nahin । mansa-vaacha-karmana teenon roop mein chaahiye । agar man mein koi sankalp utpanna hota hai to usmein bhi sachchaai chaahiye aur saphaai । andar mein koi bhi vikarma ka kichra nahin ho । koi bhi bhaav-svabhaav puraane saskaaron ka bhi kichra nahin ho । jo aisi saphaai vaala hoga vo hi sachcha hoga aur jo sachcha hota hai unki parakh kya hoti hai? jo sachcha hoga woh sabka priy hoga । usmein bhi sabse pahle to woh prabhupriy hoga । sachche par saahab raaji hota hai । to pahle prabhupriy hoga । phir daivi parivaar ka priy hoga usko koi bhi aisi najar se nahin dekhega । unki najar, vaani mein, unke karma mein aisi paripakvata hogi jo kabhi bhi na khud hi dagmag hoga na hi doosron ko karega । jo sachcha hoga woh priy hoga । kai samajhte hain ki ham to sachche hain lekin mujhe samjha nahin jaata hai । sachcha heera kabhi chhip thode hi sakta hai । isliye hi yeh samajhna main aisa hoon parantu mujhe aisa samjha nahin jaata hai - yeh bhi sachchaai nahin hai । sachchaai kabhi chhip nahin sakti hai aur sachche sabke priy ban jaate hain । kai yeh bhi samajhte hain ki ham najdeek nahin hai isliye hi prakhyaat nahin hai । lekin jo sachche aur pakke hote hain vo door hote hue bhi apni parakh chhipa nahin sakte । koi kitna bhi door ho lekin baapdaada ke najdeek hoga । jo baap ke najdeek hai vo sabke najdeek hai । to sachcha banna । saphaai ka saboot chalan mein dikhta hai । sirf samajhna hi nahin hai lekin karma mein karke dikhaana hai । jo karma ho vo bhi doosron ke service ke nimitta ho । apni mansa, vaacha,karmana ko check karo । aap apne ko kya kahalvaate ho? aur baapdaada bhi aap sabhi ko kya title dete hain, woh yaad hai?serviceable bachche । to jo serviceable hai unka har sankalp, har shabd,har karma service hi karega । bhaashan karna,kisi ko samjhaana sirf yahi service nahin hai । parantu jo serviceable hai vo har second service hi karte rehte hain । to apne ko dekhna hai ki hamaari har second serviceable chalan hoti hai? va kahaan disservice vaali chalan to nahin hai? jab naam serviceable hai to karma bhi aisa hi hona chaahiye । isliye jo kehna hai vo karna bhi hai । yeh yaad rakhne se purushaartha mein sahaj saphalta paayenge । kai bahut khush hote hain ki hamne itne jigyaashu samjhaaye,itne bhaashan kiye, bahut service ki lekin vo bhi had ki service hai । ab to behad ki service karni hai । mansa-vaacha-karmana teenon roopon se behad ki service ho - usko kaha jaata hai serviceable । ab apne ko dekho ki ham serviceable bane hain? aisa serviceable phir snehi bhi bahut hoga । ab aisa sabhi ne thappa lagaaya hai va koi saahas bhi rakh rahe hain? jab karna hi hai to goya thappa lag hi gaya । apne mein shak kyon rakhte ho?ki na maaloom pareeksha mein paas ho va fail ho । hoshiyaar students sadaiv nishchay se kehte hain ki ham to number one aayenge । agar pahle se hi apne mein sanshay rakhenge to sanshay ki result kya hoti hai? phir vijayi ban na saken। agar jara bhi sanshay rakha to vijayi nahin banenge । jab tak nishchay nahin hai । aap logon ne shuru se hi daanv lagaaya hai ki varsa leke hi chhodenge ya socha tha ki dekhenge?daanv lagaaya goya ban hi gaye ।

jab apne ko nishchay buddhi kehte hain to koi bhi baat mein na baap mein,na baap ki knowledge mein, na baap ke parivaar mein sanshay va vikalpa uthna chaahiye । ham shivbaaba ke hain to phir sarvashaktimaan ke bachche nishchay buddhi hain । yeh kaun bolta hai? sarvashaktivaan ke bachche bolte hain । nishchay rakhne se hi vijay ho jaayegi । bhal karke andar samjho na maaloom kya hoga? parantu phir bhi nishchay mein vijay ho jaayegi । agar nishchay nahin hai to aapka karma bhi vaisa hi chalega । nishchay rakhenge ki hamko karna hi hai to karma bhi vaisa hi hoga । agar khyaal karenge ki achha dekhenge,karenge । to karma bhi dheela hi chalega । kabhi bhi apne mein kamjori ki, sanshay ki feeling nahin aani chaahiye । kamjori ke sankalp hi sanshay hai । ab kahaan tak yeh puraane sanskaar aur sankalp rahe । puraane sanskaar bhi nahin । sanskaar to moti cheej hai । lekin puraane sankalp khatma hone chaahiye । tab kahenge bhatti se pakkar nikal rahe hain । bhatti ka arth hi kya hai? bhatti mein saara jalkar khatma ho jaate hain । rup hi badal jaata hai । koi bhi cheej bhatti mein daalenge to unka roop, gun aadi sab badal jaayega । aap bhi bhatti karte hain to roop, gun badalna chaahiye । eent jab pakti hai to pahle mitti hoti hai phir pakne se unka roop gun badal jaata hai । aur kartavya bhi badal jaata hai । isi reeti apna roop gun aur kartavya teenon hi badalte jaana hai । yeh hai bhatti ki result । ab bataao ki badal liya hai?va badlenge? aapke umangon ke saath baapdaada ki bhi madad hai । jitna aap apne mein nishchay rakhenge utna baapdaada bhi avashya madadgaar bante hain । snehi ko avashya sahayog milta hai । kisse bhi sahayog lena hai,to snehi banna hai । snehi ko sahayog ki maangani nahin karni padti hai । baapdaada ke snehi banenge,parivaar ke bhi snehi banenge । to sabhi ka sahayog svatah hi praapta hoga । mukhya yahi do baaten hai nishchaybuddhi aur nashtomoha, yeh to tilak maathe par laga hi diya hai । slogan bhi yaad rakhna hai jo kahenge vo karenge yeh hai maataaon ki sajaavat । maataayen shrringaar jyaada karti hain na । to in maataaon ka shrringaar ratnon se kiya jaata hai । sabse chamakne vaala shrringaar hota hai ratnon ka । sone mein bhi ratna hota hai to jaasti chamakta hai । to baapdaada ne in maataaon ko ratnon se shrringaara hai । kyonki sangam par sone se bhi jyaada heera banna hai । jitna-jitna apne ko ratnon se sajaayenge utna hi na chaahte hue bhi duniya ki najar aapke taraph jaayegi । duniya ko kahne ki aapko darkaar nahin hogi ki hamaari taraph dekho । yeh gyaan ratnon ka shrringaar door vaalon ka bhi dhyaan khinchavaayega । isliye in ratnon ke shrringaar ko sada ke liye kaayam rakhenge aisa nishchay karna hai ।

aaj amritvele koi bachche vishesh yaad aae jo sakaar roop mein jyaada saath rahe hain,aaj vishesh unki yaad aai kyonki aajkal saath rahne vaalon ka purushaartha pahle se bahut achha hai isliye purushaartha ke sneh mein unki yaad aai । vartamaan samay madhuban vaalon mein parivartan vishesh dekhne mein aa raha hai । har sthaan mein ekaek ratna chamak kar ja rahe hain । ab ek-ek sthaan se chamka hua ratna phir jaakar aap samaan kaise banaate hain woh ab dekhenge । kabhi bhi himmatheen bol nahin bolne chaahiye । purushaarthaheen va himmatheen banna - woh ab jamaana gaya । ab to madadgaar banna hai aur bankar dikhaana hai । abhi sabke dil ke andar yeh rehta hai ki ham bhi jaldi hi jaayen । aage to kehte the ki sangamayug mein jitna jaasti rahen utna hi jaasti achha hai । kyonki saakaar ke saath mein hi kaam ke suhaij the । abhi to chaahte hain ki jahaan apna rahbar wahin ham raahi bhi chalen । tum logon ki chalan vaani se bhi jyaada service karegi । double service mein saphalta hogi tabhi double taaj milega । bolo single taajdhaari banna hai ya double?ki bane hi hue hain? shaktiroop banne ka saadhan kya hai? shaktiroop tabhi ban sakenge jab ki avyakt sthiti hogi । avyakt sthiti mein rahkar bhal vyakta mein aate bhi hain to sirf service arth । service samaapta hui to phir avyakt sthiti mein rehna aisa abhyaas rakhna hai ।

jo bali chadh jaata hai unko return mein kya milta hai?bali chadhne vaalon ko eeshvareey bal bahut milta hai । jo sampoorn svaaha hote hain vahi sada suhaagin bante hain । unka suhaag khatma nahin hota hai । jo sada suhaagin hote hain unki avinaashi bindi sadaiv hoti hai । aatma-sthiti mein sthit rahne ki bindi sada suhaagin ko har samay mastishka mein yaad rehti hai sada suhaagin ki aur kaunsi nishaani hoti hai? ek to bindi doosra kangan hota hai, vo hai kaam roopi kangan । donon kabhi bhi nahin utaarenge । sangam ke kangan utaar dene se suhaag khatma ho jaata hai । abhi vishesh kamaal ki service karni hai । jo apne sang se sabko aisa rang lagaao jo ki kabhi utar nahin sake। museum mein to sirf sandesh lekar chale jaate hain । lekin ab yeh dhyaan rakhna hai ki hamaare sang ka rang itna to avinaashi rahe jo ki kabhi bhi woh utar nahin sake। abhi jump dekar aage jaana hai । pahle tha sirf chalne ka samay । phir daudne ka samay bhi aaya । abhi to hai jump ka samay agar daud kar pahunchne ki koshish karenge to tu let ho jaayenge । jump dene mein to samay nahin lagta । ekras avastha mein rahne liye ek hi shuddh sankalp rakhna hai । vo kaunsa ek? ek to snehi banna,doosra serviceable hoon । bas । inke bina aur koi sankalp nahin । serviceable ko service ka hi sankalp chalega । bhatti ka jo lakshya hai ki khud badalkar auron ko badalna hai । yeh lakshya sadaiv yaad rakhna hai । yeh hai nishchay ki chhaap । aap par kaun sa chhaap laga hai? nishchaybuddhi, nashtomoha aur serviceable ka । yeh trimoorti chhaap ki nishaani lagi hui hai । yeh apni nishaani kaayam rakhni hai । aap samaan auron ko apne se bhi oonch banaana hai । kam nahin । ham se ooncha koi bane,yeh bhi to apni oonchaai hai na ।

om shanti ।