गुरुवार 26 मार्च 1970 की अव्यक्त मुरली

> 26-03-70om shanti […/…/…/jpg/Ray2.jpg]avyakt baapdaada madhuban

mahaarthi – pan ke gun aur karttavya – २६-०३-१९७०

aaj bolna hai va bolne se pare jaana hai ? bolne se pare avastha achhi lagti hai va bolne ki achhi hai ? (donon) jyaada kaun si achhi lagti hai ? bolte hue bhi bole se pare ki sthiti ho sakti hai ? donon ka saath ho sakta hai va jab na bolen tab pare avastha ho sakti hai ? ho sakti hai to kab hogi ? is sthiti mein sthit hone ke liye kitna samay chaahiye ? ab ho sakti hai ? kuchh maas va kuchh varsha chaahiye ? practice abhi shuru ho sakti hai ki kaarobaar mein nahin ho sakti ? agar ho sakti hai to ab se hi ho sakti hai ? jo mahaarthi kahlaaye jaate hain unki practice aur practical saath-saath hona chaahiye | mahaarthi aur ghodesvaar mein antar hi yeh hota hai | mahaarthiyon ki nishaani hogi practice ki aur practical hua | ghodesvaar practice karne ke baad practical mein aayenge | aur pyaade plaansa hi sochte rahenge | yeh antar hota hai | bachchon ko mukh se yeh shabd bhi nahin bolna chaahiye ki attention hai, practice karenge | abhi woh sthiti bhi paar ho gai | abhi to jo sankalp ho woh karma ho | sankalp aur karma mein antar nahin hona chaahiye | woh bachpan ki baaten hain | sankalp karna, plaansa banaana phir uspar chalna, ab woh din nahin | ab padhaai kahaan tak pahunchi hai ? ab to antim stage par hai | mahaartheepan ke kya gun aur karttavya hote hain, isko bhi dhyaan dena hai | aaj vaahi sunaane aur antim sthiti ke svarup ka saakshaatkaar karaane aaye hain | serviceable kya kar sakte hain, kya nahin kar sakte hain, kya kah sakte hain, kya nahin kah sakte hain ? ab se dhaarna karne se hi antim moortta banenge, saakaar saboot dekha na practice aur practical ek samaan tha ki alag-alag tha | jo soch vaahi karma tha | bachchon ka karttavya hi hai follow karna | paanv ke oopar paanv | full step lene ka arth hi hai paanv ke oopar paanv | jaise ke vaise pholo karenge | woh stage kab aaegi ? mahaarthiyon ke mukh se kab shabd hi kamjori siddha karta hai | ek hota karke dikhaayenge, ek hota hai haan karenge, sochenge | himmat hai, lekin faith nahin | faithful ke bol aise nahin hote | faithful ka arth hi hai nishchaybuddhi | man, vachan, karma har baat mein nishchaybuddhi | sirf gyaan aur baap ka parichay, itne tak nishchaybuddhi nahin | lekin unka sankalp bhi nishchaybuddhi, vaani mein bhi nishchay, kabhi bhi koi bol himmathin ka nahin | usko kaha jaata hai mahaarthi | mahaarthi ka arth hi hai mahaan |

aapas mein kya-kya plan banaaya hai ? aisa plan banaaya jo is plan se nayi duniya ka plan practical mein ho jaae | nayi duniya ka plan practical mein aana arthaat puraani duniya ki koi bhi baat phir se practical mein na aaye | sab log kehte hain | phir koi man mein kehte hain, koi mukh se kehte hain ki plans to bahut bante hain, ab practical mein dekhen | lekin yeh sankalp bhi sada ke liye mitaana yeh mahaarthi ka kaam hai | sabhi ki nazar abhi bhi madhuban mein vishesh mukhya ratnon par hai | to us nazar mein aise dikhaana hai jo unko nazar aap logon ki badli huyi nazron ko hi dekhen | to ab woh puraani nazar nahin, puraani vritti nahin | tab antim nagaada bajega | yeh sangathan common nahin hai, yeh sangathan kamaal ka hai | is sangathan se aisa svarup bankar nikalna hai jo sabhi ko saakshaat baapdaada ke hi bol mahsoos hon | baapdaada ke sanskaar sabhi ke sanskaaron mein dekhne mein aayen | apne sanskaar nahin | sabhi sanskaaron ko mitaakar kaun se sanskaar bharne hain ? baapdaada ke | to sabhi ko saakshaatkaar ho ki yeh saakshaat baapdaada bankar hi nikle hain | aisa sabhi ko karaana hai | koi bhi puraana sankalp va sanskaar saamne aaye hi nahin | pahle yeh bhent karo, yeh baapdaada ke sanskaar hain ? agar baapdaada ke sanskaar nahin to un sanskaaron ko touch bhi nahin karo | buddhi mein sankalp roop se hi touch na ho | jaise criminal cheez ko touch nahin karte ho vaise hi agar baapdaada ke samaan sanskaar nahin hai to un sanskaaron ko bhi touch nahin karna hai | jaise niyam rakhte ho na ki yeh nahin karna hai to phir bhal kya bhi paristhiti aati hai lekin woh aap nahin karte ho | paristhiti ka saamna karte ho, kyonki lakshya hai yeh karna hai | vaise hi jo apne sanskaar baapdaada ke samaan nahin hai unko bilkul touch karna nahin hai | aise samjho | deh aur deh ke sambandh yeh seedhi to chadh chuke ho | lekin ab buddhi mein bhi sanskaar emerge na hon | jaise sanskaar honge vaisa svarup hoga | kiske sanskaar saral, madhur hote hain to woh sanskaar svarup mein aate hain |

jab sanskaar baapdaada ke samaan ban jaayenge to baapdaada ke svarup sabhi ko dekhne aaenge | jaise baapdaada vaise hoobhu vaahi gun, vaahi karttavya, ve hi bol, ve hi sankalp hone chaahiye phir sabhi ke mukh se niklega yeh to vaahi lagte hain | soorat alag hogi, seerat vahi hogi | lekin soorat mein seerat aani chaahiye | ab baapdaada bachchon se yahi ummeed rakhte hain | sabhi hain hi snehi saphalta ke sitaare | purushaarthi sitaare | serviceable bachchon ka purushaartha saphalta sahit hota hai | nimitta purushaartha karenge lekin saphalta hai hi hai | ab samjha kya karna hai ? jo sochenge, jo kahenge vahi karenge | jab aise shabd sunte hain ki sochenge, dekhenge, vichaar to aisa hai | to hansate hain ab tak yeh kyon ? ab yeh baaten aisi lagti hai jaise buzurga hone ki baad koi guddiyon ka khel kare to kya lagta hai ? to baapdaada bhi muskuraate hain – buzurga hote bhi kabhi-kabhi bachpan ka khel karne mein lag jaate hain | guddiyon ka khel kya hota hai, maaloom hai ? saadi jeevan unki bana dete hain, chhote se bada karte, phir svayanvar karte | | | | vaise bachche bhi kai baaton ki, sankalpon ki rachna karte hain phir uski paalna karte hain phir unko bada karte hain phir unse khud hi tang hote hain | to yeh guddiyon ka khel nahin hua ? khud hi apne se aashcharya bhi khaate hain | ab aisi rachna nahin rachni hai | baapdaada vyartha rachna nahin rachte hain | aur bachche bhi vyartha rachna rachkar phir unse hatne aur mitne ka purushaartha karte hain | isliye aisi rachna nahin rachni hai | ek sekand mein sulti rachna bhi quick rachte hain aur ulti rachna bhi itni tezi se hoti hai | ek sekand mein kitne sankalp chalte hain | rachna rachkar usme samay dekar phir unko khatma karne liye prayatna karne ki aavashyakta hai ? ab is rachna ko brake lagaana hai |

woh birth kantrol karte hain na | yeh bhi sankalpon ki utpatti hoti hai, to yeh bhi birth(janma) hai | vahaan woh jansankhya ati mein jaati hai aur yahaan phir sankalpon ki sankhya ati hoti hai | ab isko kantrol karna hai | purushaartha ki kamjori ke kaaran sankalpon ki rachna hoti hai, isliye ab inko naam nishaan se khatma kar dena hai | puraani baaten, puraane sanskaar aise anubhav hon jaise ki naamaalum kab ki puraani baat hai | aise naam nishaan khatma ho jaae | ab bhaasha badalni hai | kai aise bol ab tak nikalte hain jo sampoornata ki stage anusaar nahin hai | isliye ab se sankalp hi vahi karna hai, bol bhi vahi, karma bhi vahi karni hai | is bhatthi ke baad sabhi ki soorat mein sampoornata ki jhalak dekhne mein aaye | jab aap log abhi se sampoornata ko sameep laayenge tab nambarvaar aur bhi sameep la sakenge | agar aap log hi ant mein laayenge to dusre kya karenge ? saakaar roop ne sampoornata ko saakaar mein laaya | sampoornata saakar roop mein sampanna dekhne mein aati thi | sampoorn aur saakaar alag dekhne mein aata tha | vaise hi aapka saakaar svarup alag dekhne mein nahin aaye | saakaar roop mein mukhya gun kya spashta dekhne mein aaye ? jis gun se sampoornata sameep dekhne aati thi ? woh kya gun tha ? jis gun ko dekh sabhi kehte the ki saakaar hote bhi avyakt anubhav hota hai | woh kya gun tha ? (harek ne sunaaya) sabhi baaton ka rahasya to ek hi hai | lekin is sthiti ko kaha jaata hai-upraam | apne deh se bhi upraam | upraam aur drishta |

jo saakshi bante hain unka hi drishtaant dene mein aata hai | to saakshi drishta ka saabut aur drashtaanta ke roop mein saamne rakhna hai | ek to apni buddhi se upraam | sanskaaron se bhi upraam | mere sanskaar hin is merepan se bhi upraam | sanskaaron se bhi upraam | mere sanskaar hain is merepan se bhi upraam | mein yeh samajhti hoon, is main-pan se bhi upraam | main to yeh samajhti hoon | nahin | lekin samjho baapdaada ki yahi shreemat hai | jab gyaan ki buddhi ke baad main-pan aata hai to woh main-pan bhi nuksaan karta hai | ek to main shareer hoon yeh chhodna hai, doosra main samajhti hoon, main gyaani aatma hoon, main buddhimaan hoon, yeh main-pan bhi mitaana hai | jahaan main shabd aata hai vahaan baapdaada yaad aaye | jahaan meri samajh aati hai vahaan shreemat yaad aaye | ek to main-pan mitaana hai doosra mera-pan | woh bhi girta hai | yeh main aur mera tum aur tera yeh chaar shabd hain inko mitaana hai | in chaar shabdon ne hi sampoornata se door kiya hai | in chaar shabdon ko sampoorn mitaana hai | saakaar ke antim bol check kiye, har baat mein kya suna ? baba-baba | service mein saphalta na hone ki correction bhi kaun si baat mein thi ? samjhaate the har baat mein baba-baba kahkar bolo to kisko bhi teer lag jaayega | jab baba yaad aata to main-mera,tu-tera khatma ho jaata hai | phir kya avastha ho jaaegi ? sabhi baaten plen ho jaayengi phir plen yaad mein thahar sakenge |

abhi bindi roop mein sthit hone mein mehnat lagti hai na | kyon ? saara din ki sthiti plen na hone kaaran plen yaad thaharti nahin | kahaan na kahaan main-pan, meraapan, tu, tera aa jaata hai | shuru mein sunaaya tha na ki sone ki zanjeer bhi kam nahin nahi | woh zanjeer apne taraph kheenchati hain | harek apne ko check kare | bilkul upraam-buddhi, bilkul-plen | agar raasta clear hota hai to pahunchne mein kitna time lagta hai ? usi raaste mein rukaavat hai to pahunchne mein bhi time lag jaata | rookaavat hai tab plen yaad mein bhi rukaavat hai | ab isko mitaana hai | jab aap karenge aapko dekhkar sabhi karenge | nambarvaar stage par pahunchna hai | aap log pahunchenge tab dusre pahunchenge | itni jimmevaari hai | sankalp mein, vaani mein, karma mein va sambandh mein va service mein agar koi bhi had rah jaati hai to woh baaundreez jo hain woh baandej mein baandh deti hain | behad ki sthiti mein hone se hi behad ke roop mein sthit ho jaayenge | ab jo kuchh khaad hai unko mitaana hai | khaad ko mitaane liye yeh bhatthi hai | jab sangathan ho to saakshaat baapdaada ke svaroopon ka sangathan ho | ab yeh sampoornata ki chhaap lagaani hai | sampoorn avastha vartamaan samay se hi ho | yeh hai mahaarthiyon ka karttavya | ab aur kya karna hai ? scholarship kaun sa lete hai ? scholarship lene vaale ka ab pratyaksha saakshaatkaar hota jaayega | aise nahin ki baapdaada gupta rahe to ham bachchon ko bhi gupta rehna hai | nahin | bachchon ko stage par pratyaksha hona hai | pratyakshata bachchon ki honi hai | service ke stage par bhi pratyaksha kaun hain ? to sampoornata ki pratyakshata bhi stage par laani hai | aise nahin samjho ant tak gupta hi rahenge | baapdaada ka gupta part hai, bachchon ka nahin | to ab woh pratyaksha roop mein laao | ab maaloom hain service kaun si karni hai ? sammelan kiya, bas yahi service hai ? inke saath-saath aur shreshtha service kaun si karni hai ?

ab mukhya service hai hi apni vritti aur drishti ko paltaana | yeh jo gaayan hai nazar se nihaal, to drishti aur vritti ki service yeh practical mein laani hai | vaacha to ek saadhan hai lekin koi ko sampoorn sneh aur sambandh mein laana uske liye vritti aur drishti ki service ho | yeh service ek sthaan par baithe hue ek sekand mein anekon ki kar sakte hain | yeh pratyaksha saabut dekhenge | jaise shuru mein baapdaada ka saakshaatkaar par baithe hua na | vaise ab door baithe aapki powerful vritti a isa kaarya karegi jaise koi haath se pakad kar laaya jaata hai | kaisa bhi naastik tamoguni badla hua dekhne mein aaega | ab woh service karni hai | lekin yeh service saphalta ko tab paayegi jab vritti aur baitan mein clear hogi | jimmevaari to hare apni samajhte hi hain | harek ko apni service hote hue bhi yagya ki jimmevaari bhi apne centre ki jimmevaari ke samaan hi samajhna hai | khud offer karna hai | vaani ke saath-saath vritti aur drishti mein itni taaqat hai, jo kiske sanskaaron ko bahut kam samay mein badal dakte ho | vaani ke saath vritti aur drishti nahin milti to saphalta hoti hi nahin | mukhya yeh service hai | abhi se hi behad ki service par behad ki aatmaon ko aakarshit karna hai | jis service ko aap service samajhte ho praja banaane ki, woh to aap ki praja ke bhi praja khud banne hain, woh to pradarshaniyon mein ban rahe hain | abhi to aap logon ko behad mein apna sukh dena hai tab saara vishwa aapko sukhdaata maanega | vishwa mahaaraajan ko vishwa ka daata kehte hain na | to ab aap bhi sabhi ko sukh denge tab sabhi tumko sukhdaata maanenge | sukh denge tab to maanenge | isliye ab aage badhna hai | ek sekand mein anekon ki service kar sakte ho | koi bhi baat mein feel karna fail ki nishaani hai | koi bhi baat mein feel hota hai, koi ke sanskaaron mein, samparka mein, koi ki service mein feel kiya maana fail | woh phir fail jama hota hai | jaise aajkal rivaaz hai, teen-teen maas mein pareeksha hoti hai, uske liye fail va paas ke number final mein milaate hain | jo baar-baar fail hota hai woh final mein fail ho padte hain | isliye bilkul flawless banna hai | jab flawless banen tab samjho full paas | koi bhi flaw hoga to full paas nahin honge |

om shanti