गुरुवार 14 मई 1970 की अव्यक्त मुरली

>

14-05-70 om shanti avyakt baapdaada madhuban

“samarpan ka guhya arth”

aaj vatan se ek saugaat laaye hain। bataao kaun si saugaat laaye hain, maaloom hai?avyakt roop mein saugaat bhi avyakt hogi na। aaj vatan se darpan le aaye hain। darpan kislie laaya hai? aap sabhi jis vishesh programme ke liye aaye hue ho woh kaun sa hai? samarpan karaane aaye ho va sampoorn hone aaye ho? vatan se darpan laaya hai sabhi ko arpanmay ka mukhda dekhne ke liye aur dikhaane ke liye। samarpan ho chuke ho?sabhi ho chuke ho?is sabha ke andar kaun samajhte hain ki ham samarpan ho chuke hain? samarpan kisko kaha jaata hai? deh abhimaan mein samarpan hue ho। samarpan va sampoorn arpan hue? haan va na bolo। deh abhimaan se sampoorn arpan hue ho? ismen haan kyon kehte ho? svabhaav arpan hue hain? (ismen purushaartha hai) svabhaav arpan ka samaaroh kab karenge? aap log kanya samarpan samaaroh manaane aaye ho lekin baapdaada woh samaaroh manaana chaahte hain। woh kab manaaenge?iske liye kaha ki darpan le aaye hain। usmein teen baaten dekh rahe hain। ek svabhaav samarpan, doosra deh abhimaan ka samarpan aur teesra sambandhon ka samarpan। deh arthaat karmendriyon ke lagaav ka samarpan। teen cheeze darpan mein dekh rahe hain। jab svabhaav samarpan samaaroh hoga tab sampoorn moortta ka saakshaatkaar hoga। aur dahez kya milega?jab yeh sampoorn suhaag praapta hoga to shreshtha bhaagya ka dahez svatah hi milega। apne suhaag sada bhaagya। jo jitna suhaagin rehte hain। utna hi shreshtha bhaagyavaan bante hain। suhaag ki nishaani hoti hain bindi। chindi aur bindi donon hi hoti hain। to jo sada suhaagin hain unki bindi roop ki smriti sada kaayam rehti hai। agar yeh bindi roop ki sthiti sada saath hai to vahi sada suhaagin hai। to apne suhaag se bhaagya ko dekho। jitna suhaag utna bhaagya। avinaashi suhaag to avinaashi bhaagya। sada apne suhaag ko kaayam rakhne ke liye chaar baaten yaad rakhni hain। kaun si chaar baaten? chaar baaton mein se koi ek baat bhi bataao। jaise sthool dahez taiyaar karke aaye ho na।

vaise iska kaun se purushaartha ka dahez chaahiye। kaun si chaar baaten hain?ek to sadaiv jeevan ka uddeshya saamne ho, doosra baapdaada ka aadesh, teesra sandesh aur chautha svadesh। jeevan ka uddeshya saamne hone se purushaartha teevra chalega aur baapdaada ke aadesh ki smriti rakhkar ke purushaartha karne se purushaartha mein bhi saphalta milti hai। sabhi ko sandesh dena hai jisko service kaha jaata hai aur ab kya yaad rakhna hai? svadesh ki ab ghar jaana hai। ab vaapas jaane ka samay hai। samay sameep aa pahuncha hai। in chaar baaton mein koi bhi baat ki kami hai to us kami ka naam hi kamzor purushaarthi hai। kami ko bharne ke liye yeh chaar shabd saamne rakho। baapdaada bachchon ko aaj ek naya title de rahe hain। law makers। woh log pees makers title dete hain। lekin aaj baapdaada sabhi bachchon ko title dete hain ki aap sabhi law makers ho। satayugi jo bhi law chalne vaale hai use banaane vaale aap ho। ham law makers hain – yeh smriti mein rakhenge to koi bhi kadam soch samajh kar uthaaenge। aap jo kadam uthaate ho woh maano law ban rahe hain। jaise justice va cheef justice hote hain woh jo bhi baat final karte hain to woh law ban jaata hai। to yahaan bhi sabhi justice baithe hue hain। law makers ho। isliye aisa koi bhi kaarya nahin karna hai। jab hain hi law makers to jo sankalp aap karenge,jo kadam aap uthaaenge,aap ko dekh sa vishwa follow karega। aap logon ki praja aap sabhi ko follow karegi। to aise apne ko samajh phir har karma karo। ismen bhi number hote hain। lekin hai to sabhi law makers।

aaj baapdaada is sabha ko dekh harshit ho rahe the। kitne law makers ikatthe hue hain। aisa apne ko samajhkar chalte ho? itni badi jimmevaari samajhkar chalne se phir chhoti-chhoti baaten svatah hi khatma ho jaati hain। slogan bhi hai jo karma main karoonga mujhe dekh sabhi karenge। yeh slogan sadaiv yaad rakhenge tab hi kaarya theek se kar sakenge। apne ko akela nahin samjho। aap ek-ek ke peechhe aapki raajdhaani hai। ve bhi aap ko dekh rahe hain। isliye yeh yaad rahe ki jo karma main karoonga mujhe dekh sabhi karenge। isse kya hoga ki sabhi ke svabhaav va sanskaaron ka samarpan samaaroh jaldi ho jaayega। ab is samaaroh ko stage par laane ke liye jaldi-jaldi taiyaari karni hai। achha

do kumaariyon ka samarpan samaaroh

aaj kis kaarya ke liye bulaaya hai? satayug mein maata-pita raajsinhaasan par bithaate hain। sangam par kaun sa raajtilak milta hai, maaloom hai?sangam ka tilak lagaaya hua hai va lagaana hai? sangam ke takhtansheen hue ho? service ki jimmevaari ka taaj hai, takhta kaun sa hai? sangam ke takhtansheen hone ke baad hi satayug ke takhtansheen honge। sarva gahnon se shrringaar kar liya hai ki woh bhi kar rahe ho? is ghadi gahnon se saje hue ho। sangamayug se hi yeh sabhi rasmarivaaz aarambha ho rahi hai। kyonki sangamayug hai sarva baaton ka beej daalne ka samay। jaise beej bone ka samay hota hai na। vaise har daivi rasma ka beej daalne ka yeh sangamayug hai। beejroop dvaara sarva baaton ka beej padta hai। us beejroop ke saath-saath aap sabhi bhi beej daalne ki madad karna। aaj ke divas aise hi saadhaaran function nahin ho raha hai। lekin sunaaya na ki aap sabhi law-makers ho। yeh reeti rasma ka beej daalne ka divas hai। itna nasha hai? iski saari rasma braahmanon dvaara hoti hai। kitna bada kaarya karne ke nimitta ho(vishwa ko paltaane ke) kitne samay mein vishwa paltenge?apne ko kitne samay mein taiyaar karenge? ever ready ho? aaj sabhi apne ko kis roop mein anubhav kar rahe ho?kis roop mein baithe ho? jaisa din vaisa roop hota hai na। yeh sangam ki darbaar satayugi darbaar se bhi oonchi hai। aaj sabhi apne ko sarva shrringaar se saje hue dekh rahe ho ya sirf inheen(kumaariyon)ko hi dekh rahe ho। aap ek-ek ke sangamayug ke shrringaar saari satayugi shrringaar se bhi shreshtha hain। to baapdaada sabhi shrringaari hui moortiyon ko dekh rahe hain। satayugi taaj is taaj ke aage kuchh nahin hai। sangam ka taaj pada hua hai? yeh taaj aur takhta sadaiv kaayam rahe isliye kya prayatna karenge?iske liye teen baaten yaad rakhni hain। yeh jo svayanvar ka samaaroh hota hai, jo taajposhi mein jo reeti-rasma hoti hai woh sabhi yahaan sangam par hi kis na kis roop mein hoti hai। maaloom hai aaj ki duniya mein kya reeti rasma hai?kitne prakaaron ki rasma hai?ek braahamnon dvaara hoti hai,doosra court dvaara, teesra mandiron aur guruon dvaara। in teenon rasmon ka kis na kis roop mein yahaan beej padta hai। yeh madhuban mandir bhi hai, chaitanya mandir hai। is mandir ke beech aatma aur paramatma ki lagan hoti hai। saath saath court ka jo rivaaz hai woh bhi yahaan se shuru hota hai। sunaaya na ki aap law-makers ho। inhon ke aage yeh vaayda karenge to yeh court hui na। teenon hi rasma is sangam par alaukik roop se hoti hai। jiska yaadgaar sthool roop mein chalta rehta hai।

achha, teen baaten kaun si yaad rakhni hai? ek to apne ko upkaari samajhkar chalna hai,doosra nirhankaari,teesra adhikaari। adhikaar bhi saamne rakhna hai aur nirhankaar ka gun bhi saamne rakhna hai aur upkaar karne ka karttavya bhi saamne rakhna hai। yeh teen baaten sadaiv yaad rakhna hai। kitna bhi koi apkaari ho lekin apni drishti aur vritti upkaari ho। adhikaari bhi samajhkar chalna hai lekin nirhankaari bhi। jitna adhikaari utna nirhankaari। tab yeh taaj aur takhta sadaiv kaayam rahega। samjha।

achha !!!