शुक्रवार 29 मई 1970 की अव्यक्त मुरली

Brahma KumarisBrahma Kumaris> 29-05-70om shanti avyakt baapdaada madhuban

“sameep ratnon ki nishaaniyaan”

samay kitna sameep pahuncha hua dikhaai padta hai, hisaab nikaal sakte ho? bhavishya lakshan ke saath sampoorn swaroop ka lakshan bhi saamne rehta hai? sameep ka lakshan kya hoga? jaise koi shareer chhodne vaale hote hain to kai logon ko maaloom padta hai । aap bhi aise anubhav karenge ki yeh shareer jaise ki alag hai । isko ham dhaaran kar chala rahe hain । sameep ratna ki sameep aane ki nishaani yahi hogi । sadaiv apna aakri roop aur bhavishya roop saamne dekhte rahenge । practical mein anubhav hoga । light ka farishta swaroop saamne dikhaai dega ki aisa banna hai aur bhavishya roop bhi dikhaai dega । ab yeh chhoda aur woh liya । jab aisi anubhooti ho tab samjho ki sampoornata ke sameep hain । ek aankh mein sampoorn svarup aur doosri aankh mein bhavishya svarup । aisa pratyaksha dekhne mein aaega । jaise apna yeh svarup pratyaksha anubhav hota hai । baithe-baithe aise anubhav karenge jaise ki yahaan nahin lekin us sampoorn svarup mein baithe hain । yeh purushaarthi shareer ekdam merge ho jaayega । woh donon emerge honge । ek taraph avyakt doosri taraph bhavishya । jab pahle aisa anubhav aap log karenge tab doosron ko bhi anubhav hoga । jaise ek vastra chhod kar doosra liya jaata hain । vaise hi anubhav karenge । yeh merge ho woh emerge hoga । yeh bhoolta jaayega । is avastha mein will power bhi hoti hai । jaise will kiya jaata hai na ! to will karne ke baad aisa anubhav hota hai jaise meraapan sabhi khatma ho gaya । jimmevaari utar gayi । will power bhi aati hai aur yeh bhi anubhav hota hai jaise sabhi kuchh will kar chuke । sankalp sahit sab will ho jaaye । shareer ka bhaan chhodna aur sankalp tab bilkul will karna – yeh hai might । phir samaanta ki avastha hogi । samaanta va sampoornata ek baat hi hai । abhi yeh chart rakhna hai । woh chart to common hai । yeh 5 tattvon ka shareer hote hue bhi light svarup anubhav karenge । sunaaya tha na ki light shabd ke arth mein bhi antar hota hai । light arthaat halkaapan bhi hota hai aur light arthaat jyoti bhi kaha jaata hai । bilkul halkaapan arthaat light roop ho chal rahe hain, ham to nimitta hain । avyakt roop mein to har baat mein madad milti hai । achha ।

party se –h

1 - sabhi ka purushaartha theek chal raha hai? kis number ka lakshya rakha hai? (first) first number ke liye maaloom hai kya karna padta hai? first number lene ke liye vishesh faasta rakhna padta hai । faasta ke do arth hote hain । ek faasta vrat ko bhi kaha jaata hai । to vishesh kaunsa vrat rakhna hai?(pavitrata ka) yeh vrat to common hai । yeh vrat to sabhi rakhte hain । first aane ke liye vishesh vrat rakhna hai ki ek baat doosra na koi । har baat mein ek ki hi smriti aaye । jab yeh faasta rakhenge to first aa jaayenge । doosra faasta – jaldi chalne ko bhi kaha jaata hai arthaat teevra purushaartha ।

mahaarthi usko kaha jaata hai jo sadaiv maaya par vijay praapta kare । maaya ko sada ke liye vidaai de do । vighnon ko hataane ki poori knowledge hai? sarvashaktimaan ke bachche master sarvashaktimaan ho । to knowledge ke aadhaar par vighna hataakar sadaiv magan avastha rahe । agar vighna hatte nahin hain to zaroor shakti praapta karne mein kami hai । knowledge li hai lekin usko samaaya nahin hai । knowledge ko samaana arthaat svarup banna । jab samajh se karma hoga to uska phal saphalta avashya niklegi ।

2 – teevra purushaarthi ke kya lakshan hote hain? samjhaaya tha na ki pharmaanbardaar kisko kaha jaata hai? jiska sankalp bhi bigar pharmaan ke nahin chalta । aise pharmaanbardaar ko hi teevra purushaarthi kaha jaata hai । sarvashaktimaan baap ke bachche jo shaktimaan hain, unhon ke aage maaya bhi door se hi salaam kar vidaai le leti hai । vallabhaachaari log apne shishyon ko chhoone bhi nahin dete hain । achhoot agar chhu leta hai to snaan kiya jaata hai । yahaan bhi gyaan snaan kar aisi shakti dhaaran karo jo achhoot najdeek na aayen । maaya bhi kya hai? achhoot ।

achha !!!