गुरुवार 25 जून 1970 की अव्यक्त मुरली

Brahma KumarisBrahma Kumaris> 25-06-70om shanti avyakt baapdaada madhuban

“vyakta aur avyakt vatan ki bhaasha mein antar”

vyakta lok mein rehte avyakt vatan ki bhaasha ko jaan sakte ho? avyakt vatan ki bhaasha kaun si hoti hai? kab avyakt vatan ki bhaasha suni hai? abhi to avyakt ko vyakta lok ke nivaasiyon ke liye avyakt aadhaar le vyakta dekh ki reeti maaphik bolna padta hai । vahaan avyakt vatan mein to ek sekand mein bahut kuchh rahasya spashta ho jaate hain । yahaan aap ki duniya mein bahut bolne ke baad spashta hota hai । yeh hai farka vyakta bhaasha aur avyakt baapdaada ke ishaaron se yeh samajh sakte ho ki aaj baapdaada kya dekh rahe hain? jaise science dvaara kahaan-kahaan baaten, kahaan kahaan ke drishya catch kar sakte hain । vaise aap log avyakt sthiti ke aadhaar se sammukh ki baaton ko catch nahin kar sakte ho? teen baaten dekh rahe hain । woh kaun si? baapdaada aaj yahi dekh rahe hain ki harek kahaan tak checker bana hai aur checker ke saath maker kahaan tak bane hain । jitna jo checker hoga utna maker ban sakta hai । is samay aap law maker bhi ho aur new world ke maker bhi ho aur pees maker bhi ho । lekin maker ke saath checker zaroor banna hai । vishesh kya check karna hai? yahi service ab rahi hui hai jisse naam baala hona hai । woh chekarsa kya check kare hain? edaltareshan karne vaale jo hain unhon ke paas almighty government ka checker bankar jaao । jaise us government ke chekarsa va inspektarsa koi ke paas jaate hain to woh apna bhed bata nahin dete hain । is reeti se paandav government ke authority se chekarsa bankar jaao । jo woh dekhne se hi apni corruption, edaltareshan se ghabraaenge aur phir sir jhukaayenge । ab yeh service rahi hui hai । isse hi naam baala hona hai । ek ne bhi sir jhukaaya to anekon ke sir jhuk jaayenge । paandav government ki authority bankar jaana aur lalkaar karna । ab samjha । apna bhi checker banna hai aur service mein bhi । jo jitna checker aur maker banta hai vahi phir ruler bhi banta hai । to kahaan tak checker bane hain aur makers bane hain aur kahaan tak roolarsa bane hain । yeh baaten ek-ek ki dekh rahe hain ।

jab apne ko in teen roopon mein sthit karenge to phir chhoti-chhoti baaton mein samay nahin jaayega । jab hai hi auron ke bhi corruption, edaltareshan check karnevaale to apne paas phir corruption, edaltareshan rah sakti hai? to yeh nasha rehna chaahiye ki ham in teenon hi sthitiyon mein kahaan tak sthit rah sakte hain । roolarsa jo hote hain woh kiske adheen nahin hote hain । adhikaari hote hain । woh kab kiske adheen nahin ho sakte । to phir maaya ke adheen kaise honge? adhikaar ko bhoolne se adhikaari nahin samajhte । adhikaari na samajhne se adheen ho jaate hain । jitna apne ko adhikaari samjhenge utna udaarchitta zaroor banenge । jitna udaar chitta banta utna woh udaahran svarup banta hai – anekon ke liye । udaarchitta banne ke liye adhikaari banna pade । adhikaari ka arth hi hai ki adhikaar sadaiv yaad rahe । to phir udaahran svarup banenge । jaise baapdaada udaahran roop bane । vaise aap sabhi bhi anekon ke liye udaahran roop banenge । udaarchitta rahne vaala bhi udaahran bhi banta aur anekon ka sahaj hi uddhaar bhi kar sakta hai । samjha । jab koi mein maaya pravesh karti hai to pahle kis roop mein maaya aati hai? (harek ne apna-apna vichaar sunaaya) pahle maaya bhinna-bhinna roop se aalasya hi laati hai । deh abhimaan mein bhi pahla roop aalasya ka dhaaran karti hai । us samay shreemat lekar vereephaai karaane ka aalasya karte hain phir deh abhimaan badhta jaata hai aur sabheen baaton mein bhinna-bhinna roop se pahle aalasya roop aata hai । aalasya, susti aur udaasi eeshvareey sambandh se door kar deti hai । saakaar sambandh se va buddhi ke sambandh se va sahayog lene ke sambandh se door kar deti hai । is susti aane ke baad phir vikraal roop kya hota hai? deh ahankaar mein pratyaksha roop mein aa jaate hain । pahle chhathe vikaar se shuru hote hain । gyaani tu aatma vatson mein last number arthaat susti ke roop se shuru hoti hai । susti mein phir kaise sankalp uthenge । vartamaan isi roop se maaya ki praveshta hoti hai । is par bahut dhyaan dena hai । is chhathe roop mein maaya bhinna-bhinna prakaar se aane ki koshish karti hai । susti ke bhi bhinna-bhinna roop hote hain । shaareerik, maansik, donon sambandh mein bhi maaya aa sakti hai । kai sochte hain chalo ab nahin to phir kab yeh kar lenge । jaldi kya padi hai । aise-aise bahut royal roop se maaya aati hai । kai yeh bhi sochte hain ki avyakt sthiti is purushaarthi jeevan mein 6-8 ghanta rahe, yeh ho hi kaise sakta hai । yeh to ant mein hona hai । yeh bhi susti ka royal roop hai । phir karoonga, sochoonga, dekhoonga yeh sab susti hai । ab iske checker bano । koi ko bhi royal roop mein maaya peechhe hatti to nahin hai? pravritti ki paalna to karna hi hai । lekin pravritti mein rehte vairaagya vritti mein rehna hai, yeh bhool jaata hai । aadhi baat yaad rehti hai, aadhi baat chhod dete hain । bahut sookshm sankalpon ke roop mein pahle susti pravesh karti hai । iske baad phir bada roop leti hai ।

agar usi samay hi unko nikaal den to jyaada saamna na karna pade । to ab yeh check karna hai ki teevra purushaarthi banne mein va high jump dene mein kis roop mein maaya susta banaati hai । maaya ka jo baahri roop hai unko to check karte ho lekin is roop ko check karna hai । kai yeh bhi sochte hain ki fix seetsa hi kam hai । to auron ko aage purushaartha mein dekh apni buddhi mein soch lete hain ki itna aage ham ja nahin sakenge । itna hi theek hai । yeh bhi susti ka roop hai । to in sabhi baaton mein apne ko change kar lena hai । tab hi law makers va pees makers ban sakenge । va new world makers ban sakenge । pahle svayan ho hi new nahin banaayenge to new world makers kaise banenge । pahle to khud ko banaana hai na । purushaartha mein teevrata laane ka tareeka maaloom hai । phir usmein thaharte kyon nahin ho । jab tak apne aap se koi pratigya nahin ki hai tab tak paripakvata aa nahin sakegi । jab tak yahaan fix nahin karenge tab tak vahaan seetsa fix nahin hongi । to ab bataao purushaartha mein teevrata kab laayenge?(abhi se) museum va pradarshani mein jo slogan sabhi ko sunaate ho na ki ‘ab nahin to kab nahin’ । woh apne liye bhi yaad rakho । kab kar lenge aisa na socho । abhi bankar dikhaayenge । jitna pratigya karenge utni paripakvata va himmat aaegi aur phir sahayog bhi milega ।

aap puraane ho isliye aap ko saamne rakh samjha rahe hain । saamne kaun rakha jaata hai? jo snehi hota hai । snehiyon ko kahne mein kabhi sankoch nahin aata hai । ek-ek aise snehi hain । sabhi sochte hain baba bada aavaaz kyon nahin karte hain । lekin bahut samay ke sanskaar se avyakt roop se vyakta mein aate hain to aavaaz se bolna jaise achha nahin lagta hai । aap logon ko bhi dheere-dheere aavaaz se pare ishaaron par kaarobaar chalaani hai । yeh practice karni hai । samjha । baapdaada buddhi ki drill karaane aate hain jisse parakhne ki aur dooraandeshi banne ki qualification emerge roop mein aa jaaye । kyonki aage chal karke aisi service hogi jisme dooraandeshi buddhi aur nirnayshakti bahut chaahiye । isliye yeh drill kara rahe hain । phir powerful ho jaaengi । drill se shareer bhi balvaan hota hai । to yeh buddhi ki drill se buddhi shaktishaali hogi । jitni-jitni apni seat fix karenge samay bhi fix karenge to apna pravritti ka kaarya bhi fix kar sakenge । donon laabh honge । jitni buddhi fix rehti hai to programme bhi sabhi fix rehte hain । pragraam fix to programme fix । progress hilti hai to programme bhi hilte hain ab fix karna seekho । ab sampoorn bankar auron ko bhi sampoorn banaana baaki rah gaya hai । jo banta hai woh phir saboot bhi deta hai । abhi banaane ka saboot dena hai । baaki is kaarya ke liye vyakta desh mein rehna hai ।

achha !!!