शुक्रवार 23 अक्टूबर 1970 की अव्यक्त मुरली

Brahma KumarisBrahma Kumaris> 23-10-70om shanti avyakt baapdaada madhuban

“mahaarthi banne ka purushaartha”

roohaani drill aati hai, drill mein kya karna hota hai? drill arthaat shareer ko jahaan chaahe vahaan mod saken aur roohaani drill arthaat rooh ko jahaan jaise aur jab chaahe vahaan sthit kar saken arthaat apni sthiti jaise chaahe vaisi bana saken, isko kehte hain roohaani drill । jaise sena ko martial va drill master jaise ishaare dete hain vaise hi karte hain । aise svayan hi master va martial ban jahaan apne ko sthit karna chaahen vahaan kar saken । aise apne aapke drill master bane ho? aise to nahin ki master kahe haindsa down aur students haindsa up karen । martial kahe right to sena kare left । aise sainikon va students ko kya kiya jaata hai? dismiss । to yahaan bhi svayan hi dismiss ho hi jaate hain – apne aadhikaar se । practice aisi honi chaahiye jo ek second mein apni sthiti ko jahaan chaaho vahaan tika sako । kyonki ab yuddha sthal par ho । yuddha sthal par sena agar ek second mein direction ko amal mein na laaye to unko kya kaha jaavega? is roohaani yuddha par bhi sthiti ko sthit karne mein samay lagaate hain to aise sainikon ko kya kahen । aaj baapdaada purushaarthi, mahaarthi bachchon ko dekh rahe hain । apne ko jo mahaarthi samajhte vo haath uthaao (thodon ne haath uthaaya) jo mahaarthi nahin hai woh apne ko kya samajhte hain? apne ko ghodesvaar samajhte hain woh haath uthaaven । jinhonne mahaarthiyon mein haath nahin uthaaya unhon se baapdaada ek prashn poochh rahe hain । apne ko baapdaada ka vaaris samajhte ho? jo apne ko ghodesvaar samajhte hain woh apne ko vaaris samajhte hain? vaaris ka poorn adhikaar lena hai va nahin? jab lakshya poora varsa lene ka hai to ghodesvaar kyon? agar ghodesvaar hain to maaloom hai number kahaan jaayega? second grade vaale kahaan aayenge itni paravrish lene ke baad bhi second grade । agar bahut samay se second grade purushaartha hi raha to varsa bhi bahut samay second grade milega । baaki thoda samay first grade mein anubhav karenge । sarvashaktimaan baap ke bachche kahlaane vaale aur vyakta-avyakt dvaara paalna lene vaale phir second grade । aise mukh se kehna bhi shobhta nahin hai । ya to aaj se apne ko sarvashaktimaan ke bachche na kahlaao ।

baapdaada aise purushaarthiyon ko bachche na kahkar kya kehte hain? maaloom hain? bachche nahin kachche hain । abhi tak bhi aisa purushaartha karna bachchon ke svamaan laayak nahin dikhaai padta hai । isliye phir bhi baapdaada kehte hain ki beeti so beeti karo । ab se apne ko badlo । mahaarthi banne liye sirf do baaten yaad rakho । kaun-si? ek to apne ko sadaiv saathi ke saath rakho । saathi aur saarthi, woh hai mahaarthi । purushaartha mein kamzori ke do kaaran hain । baap ke snehi bane ho lekin baap ko saathi nahin banaaya hai । agar baapdaada ko sadaiv saathi banaao to jahaan baapdaada saath hai vahaan maaya door se moorchhit ho jaati hai । baapdaada ko alpa samay ke liye saathi banaate hain isliye shakti ki itni praapti nahin hoti hai । sadaiv baapdaada saath ho to sadaiv baapdaada se milan manaane mein magan hon । aur jo magan hota hai uski lagan aur koi taraph lag na saken । shuru-shuru mein baap se bachchon ka kya vaayda hua hai? tumheen se khaaoon, tumheen se baithoon, tumheen se rooh ko rijhaaoon । yeh apna vaayda bhool jaate ho? agar saare dincharya mein har kaarya baap ke saath karo to kya maaya disturb kar sakti hai? baap ke saath honge to maaya disturb nahin karegi । maaya ka distrakshan ho jaayega । to bhal baap ke snehi bane ho lekin saathi nahin banaaya hai । haath pakda hai saath nahin liya hi isliye maaya dvaara ghaat hota hai । galtiyon ka kaaran hai gaphlat । gaflat galtiyaan karaati hai ।

agar rooh ko na dekh roop taraph aakarshit hote hain to samjho murde se preet kar rahe hain । murde se preet rakhne vaale ko samajhna chaahiye ki hamaara bhavish murdaaghaat mein kaarya karne ka hai । jis samay aisa sankalp bhi aaye to murda ghaat ka part samjho । sabhi ko kehte ho na em aur object ko saamne rakho । to jo bhi kaarya karte ho, jo bhi sankalp karte ho uske liye bhi lakshya aur praapti arthaat em object saamne rakho । sarvashaktimaan baap vardaata se apna kalpa-kalpa isi part ka varsa lene liye aaye ho । murde ko surjeet karne vaale murda ghaat mein part noondhane liye aaye hain? apne se poochho । jo bhi bachcha apni galtiyon ko ek baar baap ke saamne rakhta hai unko yeh samajhna chaahiye ki baap ke aage apni kamiyon ko rakhne ke baad agar dubaara kar liya to kshama ke saagar ke saath 100 guna saja se bachaane liye sadaiv baapdaada ko apne saamne rakho । har kadam baapdaada ko follow karte chalna hai । har sankalp ko har kaarya ko avyakt bal se avyakt roop dvaara vereephaai karaao । jaise saakaar mein saath hota hai to vereephaai karaane baad practical mein aate hain । vaise hi baapdaada ko avyakt roop se sadaiv sammukh va saath rakhne se har sankalp aur har kaarya vereephaai karaakar phir karne se koi bhi vyartha vikarma nahin hoga । koi dvaara bhi koi baat sunte ho to baat ka saaz mein na jaakar raaz ko jaanon । raaz ko chhod saaz ko sunne se naazukpan aata hai । kabhi bhi nahin socho ki phalaana aise kehta hai tab aisa hota hai lekin jo karta hai so paata hai । yeh saamne rakho । doosre ke kamaai ka aadhaar nahin lena hai । na doosre ki kamaai mein aankh jaani chaahiye । jis kaaran hi eershya hoti hai । iske liye sadaiv baap ka yeh slogan yaad rakho ki apni ghont to nasha chaahe । doosre ke nashe ko nishaana nahin banaao । lekin baapdaada ke gun aur kartavya ko nishaana banaao । sadaiv baapdaada ke kartavya ki smriti rakho ki baapdaada ke saath main bhi adharma ke vinaash arth nimitta hain woh svayan phir adharma ka kaarya va daivi maryaada ko todne ka kartavya kaise kar sakte hain । main master maryaada purushottam hoon । to maryaadaaon ko tod nahin sakte hain । aisi smriti rakhne se samaan aur sampoorn sthiti ho jaaegi । samjha । socho kam, kartavya adhik karna hai । sirf sochne mein samay nahi ganvaana hai । srishti ke qayaamat ke pahle kamzori aur kamiyon ki qayaamat karo ।

bhatthi vaalon ne bhatthi mein apna roop aur rang aur raunak badli ki hai । anek roop badalna mitaaya hai? sada ke liye roohaani roop dikhaai de aisa apne ko banaaya hai? ulajhnon ka naam nishaan na rahe aisa apne ko ujjaval banaaya hai? alpakaal ke liye pratigya ki hai va antakaal tak pratigya ki hai? apni puraani baaton, puraane sanskaaron ko aisa parivartan mein laana hai । jaise janma parivartan hone ke baad puraane janma ki baaten bhool jaati hain । aisa puraane sanskaaron ko bhasma kiya hai va asthiyaan rakh di hai? asthiyon mein phir se bhoot pravesh ho jaata hai । isliye asthiyon ko sampoorn sthiti ke saagar mein sama ke jaana hai । kahaan chhipaakar le na jaana । nahin to apni asthiyaan sthiti ko pareshaan karti rahengi । sankalpon ki samaapti karni hai । achha –

tum harek bachche ko purushaartha karna hai takhtansheen banne ka na ki takhtansheen ke aage rahne ka । takhtansheen tab banenge jab ab sameep banenge । jitna jo sameep hoga utna samaanta mein rahega । tum bachchon ke nainon ko koi dekhe to unko mukti jeevanmukti ka raasta dikhaai de । aisa naynon mein jaadu ho । to aap ke nain kitni seva kareng nain bhi service karega to mastishka bhi service karega । mastishka kya dikhaata hai, aatmaon ko? baap । aapke mastishka se baap ka parichay ho aisi service karni hai tab sameep sitaare banenge । jaise saakaar mein baap ko dekha mastak aur nain service karte the । mastishka mein jyoti bindu rehta tha, nainon mein tej trimoorti ke yaad ka । aise samaan banna hai । samaan banne se hi sameep banenge । jab aap svayan aisi sthiti mein rahenge to maaya kya karegi, maaya svayan khatma ho jaaegi । tum bachchon ko regular banna hai । baapdaada regular kisko kehte hain । regular unko kaha jaata hai jo subah se lekar raat tak jo kartavya karta hai woh shreemat ke pramaan karta hai । sab mein regular । sankalp mein, vaani mein, karma mein, chalne mein, sone mein, sabmen regular । regular cheez achhi hoti hai । jitna jo regular hota hai utna doosron ki service theek kar sakta hai । serviceable arthaat ek sankalp bhi service ke sivaae na jaae । aise serviceable aur koi saboot bana sakte hain । service keval mukh ki hi nahin lekin sarva karmendriyaan service karne mein tatpar ho । jaise mukh busy hota hai vaise mastishka, nain service mein busy ho । sarva prakaar ki service kar service ka saboot nikaalna hai । ek prakaar ki service se saboot nahi nikalta sirf saraahna karte hain । chaahiye saboot, to saboot dene liye sarva prakaar ki service mein sada tatpar rehna hai । serviceable jitna hoga vaisa aap samaan banaaega । phir baap samaan banaaega ।

achha !!!