गुरुवार 5 नवंबर 1970 की अव्यक्त मुरली

>

05-11-70om shanti avyakt baapdaada madhuban

“dile is denjar”

harek apne light aur might ko dekh parakh sakte hain? apne aap ko parakhne ki shakti apne mein anubhav karte ho?apne ko ab tak purushaarthi moorta samajhte ho va saakshaat aur saakshaatkaar moorta bhi samajhte va anubhav karte ho? va samajhte ho ki yeh antim stage hai? abhi-abhi aapke bhakta aapke sammukh aayen to aapki soorat se unki kis moorta ka saakshaatkaar hoga। kaun-sa saakshaatkaar hoga?saakshaatkaar moorta sadaiv sampoorn sthiti ka saakshaatkaar karaayenge, lekin abhi agar aapke saamne koi aaye to unhein aisa saakshaatkaar kara sakenge?aise to nahin ki aapke purushaartha ki utraai aur chadhaai ka unhein saakshaatkaar hota rahega। photo nikaalte samay agar koi bhi halchal hoti hai to photo theek niklega? aise hi har second aise hi samjho ki hamaara photo nikal raha hai। photo nikaalte samay sabhi prakaar ka dhyaan diya jaata hai vaise apne oopar sadaiv dhyaan rakhna hai। ek-ek second is sarvottam va purushottam sangamayug ka drama roopi camera mein aap sabhi ka photo nikalta jaata hai। jo vahi chitra phir charitra ke roop mein gaayan hota aaega। aur abhi ke bhinna-bhinna stage ke chitra,bhinna-bhinna roop mein pooje jaayenge। har samay yeh smriti rakho ki apna chitra drama roopi camera ke saamne nikaal raha hoon। ab ke ek-ek chitra ek-ek charitra gaayan aur poojan yogya banne vaale hain। jaise yahaan bhi jab aap log koi drama stage par karte ho aur saakshaatkaar karte ho to kitna dhyaan rakhte ho। aise hi samjho behad ki stage ke beech part baja rahi hoon va baja raha hoon। saare vishwa ki aatmaon ki nazar meri taraph hai। aise samajhne se sampoornata ko jaldi dhaaran kar sakenge। samjha। ek slogan sada yaad rakho jisse sahaj hi jaldi sampoorn ban sako। woh kaun sa slogan yaad rakhenge? (jaana hai aur aana hai)yeh to theek hai। lekin jaana kaise hai sampoorn hokar jaana hai va aise hi? iske liye kya yaad rakhna?dile is denjar। agar koi bhi baat mein deri ki to raaz bhaag ke adhikaar mein itni deri pad jaaegi। isliye yeh sadaiv yaad rakho ki vartamaan samay ke pramaan ek second bhi dile nahin karni hai। aajkal complete arthaat sampoorn karmaateet banne ke liye purushaartha karte-karte mukhya ek complain samay prati samay sabhi ki nikalti hai। chaahte hain complete hona lekin woh complete hone nahin deti। woh kaun si complain hai?vyartha sankalpon ki। complete banne mein vyartha sankalpon ke toofaan vighna daalte hain। yeh majority ki complain hai। ab isko mitaane liye aaj yukti bataate hain। man ki vyartha sankalpon ki complain kaise poori hogi? yaad ki yaatra to mukhya baat hai lekin iske liye bhinna-bhinna yuktiyaan hain। woh kaun-si?jo bade aadmi hote hain unhon ke paas apne har samay ki apointament ki diary bani hui hoti hai। ek-ek ghanta unhon ka fix hota hai। aise aap bhi bade te bade ho na। to roz amritvele saare din ki apni apointament ki diary banaao। agar apne man ko har samay apointament mein busy rakhenge to beech mein vyartha sankalp samay nahin le sakenge। apointament se free rehte ho tab vyartha sankalp samay le lete hain। to samay ki booking karne ka tareeka seekho। apne aap ki apointament khud hi banaao ki aaj saare din mein kya-kya karna hai। phir samay saphal ho jaayega। man ko kismen apaainta karna hai। iske liye 4 baaten bataai hain। 1-milan, 2-varnan, 3- magan, 4- lagan। lagan lagaane mein bhi samay bahut jaata hai na। to magan ki avastha mein kam rehte hain। isliye lagan, magan,milan aur varnan। varnan hai service,milan hai rooh-roohaan karna। baapdaada se milte hain na। to in chaar baaton mein apne samay ko fix karo। agar roz ki apni dincharya phirksa karne ke liye apointament saare samay ki fix hogi to beech mein vyartha sankalpon ko disturb karne ka samay hi nahin milega। jaise koi bade aadmi hote hain to busy hone ke kaaran aur vyartha baaton taraph dhyaan aur samay nahin de sakte hain। aise apni dincharya mein samay ko fix karo। itna samay is baat mein,is samay is baat mein lagaana hai। aisi apointament apni nishchit karo tab yeh complain khatma hogi aur complete ban jaaegi।

achha !!!