गुरुवार 3 दिसंबर 1970 की अव्यक्त मुरली

>

03-12-70om shanti avyakt baapdaada madhuban

“saamna karne ke liye kaamnaaon ka tyaag”

aaj harek avyakt sthiti ka anubhav kar rahe hain, kahaan tak harek niraakaari aur alankaari bane hain woh dekh rahe hain। donon aavashyak hain। alankaari kabhi bhi deh-ahankaari nahin ban sakega। isliye sadaiv apne aap ko dekho ki niraakaari aur alankaari hoon। yahi hai manmanaabhav,madhyaajeebhav,। svasthiti ko master sarvashaktimaan kaha jaata hai। to master sarvashaktimaan bane ho na। is sthiti mein sarva paristhitayon se paar ho jaate hain। is sthiti mein svabhaav arthaat sarva mein sva ka bhaav anubhav hota hai। aur anek puraane svabhaav samaapta ho jaate hain। svabhaav arthaat sva mein aatma ka bhaav dekho phir yeh bhaav-svabhaav ki baaten samaapta ho jaaegi। saamna karne ki sarva shaktiyaan praapta ho jaayengi। jab tak koi sookshm va sthool kaamna hai tab tak saamne karne ki shakti nahin aa sakti। kaamna saamna karne nahin deti। isliye braahmanon ka antim swaroop kyon gaaya jaata hai, maaloom hai?is sthiti ka varnan hai ichchha maatram avidya। ab apne poochho ichchha maatram avidya aisi sthiti ham braahmanon ki bani hai? jab aisi sthiti banegi tab jayjaykaar aur haahaakaar bhi hogi। yeh hai aap sabhi ka antim svarup। apne svarup ka saakshaatkaar hota hai sadaiv apne sampoorn aur bhavishya svarup aise dikhaai den jaise shareer chhodnevaale ko buddhi mein spashta rehta hai ki abhi-abhi yeh chhod naya shareer dhaaran karna hai। aise sadaiv buddhi mein yahi rahe ki abhi-abhi is svarup ko dhaaran karna hai। jaise sthool chola bahut jaldi dhaaran kar lete ho vaise yeh sampoorn svarup dhaaran karo। bahut sundar aur shreshtha vastra saamne dekhte phir puraane vastra ko chhod woh naya dhaaran karna kya mushkil hota hai? aise hi jab apne shreshtha sampoorn svarup va sthiti ko jaante ho, saamne hai to phir woh sampoorn shreshtha svarup dhaaran karne mein deri kyon?koi bhi ahankaar hai to woh alankaarheen bana deta hai। isliye nirhankaari aur niraakaari phir alankaari। is sthiti mein sthit hona sarva aatmaon ke kalyaankaari banne vaale hi vishwa ke raajya adhikaari bante hain। jab sarva ke kalyaankaari bante ho to kya jo sarva ka kalyaan karne vaala hai woh apna akalyaan kar sakta hai? sadaiv apne ko vijayi ratna samajh kar har sankalp aur karma karo। master sarva shaktimaan kabhi haar nahin kha sakte। haar khaane vaale ko na sirf haar lekin dharmaraaj ki maar bhi khaani padti hai। kya haar aur maar manzoor hai? jab haar khaate ho, haar ke pahle maar saamne dekho। maar se bhoot bhi bhaagte hain। to maar ko saamne rakhne se bhoot bhaag jaayenge। ab tak haar khaana kinhon ka kaam hai? master sarvashaktimaanon ka nahin hai isliye vahi puraani baaten,puraani chaal ab master sarva shaktimaanon ki soorat par shobhta nahin hai। isliye sampoorn svarup ko abhi-abhi dhaaran karne ki apne se pratigya karo। prayatna nahin। prayatna aur pratigya mein bahut pharka hai। pratigya ek second mein ki jaati hai। prayatna mein samay lagta hai। isliye ab prayatna ka samay bhi gaya। ab to pratigya aur sampoorn roop ki pratyakshata karni hai। saakshaat baap samaan saakshaatkaar moorta banna hai। aise apne aapko saakshaatkaar moorta samajhne se kabhi bhi haar nahin khaayenge। abhi pratigya ka samay hai na ki haar khaane ka। agar baar-baar haar khaate rehte hain to uska bhavishya bhi kya hoga? oonche-oonche pad to nahin pa sakte। baar-baar haar khaane vaale ko devtaaon ke haar banaane vaale banna padega। jitna hi baar-baar haar khaate rahenge utna hi baar-baar haar banaani padegi ratnajdit haar bante hain na। aur phir dvaapar se bhi jab bhakta banenge to anekon moortiyon ko baar-baar haar pahanna padega। isliye haar nahin khaana। yahaan koi haar khaane vaala hai kya। agar haar nahin khaate to balihaar jaate hain। abhi balihaar va bali chadhne ki taiyaari karne vaale ho। samaapti mein bali chadhna hai va chadh chuke ho? jo balihaar ho gae hain। unhon ka paper lenge। itne sabhi ko aaj se koi complain nahin aayengi। jab haar nahin khaayenge to complain phir kaahe ki। aap logon ka paper vatan mein taiyaar ho raha hai।

om shanti।