शनिवार 13 मार्च 1971 की अव्यक्त मुरली

>

13-03-71 om shanti avyakt baapdaada madhuban

bandhanmukta aatma ki nishaaniyaan

jo bhi yahaan baithe hain woh sabhi apne ko bandhanmukta aatma samajhte hain arthaat sabhi bandhanmukta bane hain va abhi tak koi-na-koi bandhan hai? shakti sena bandhan mukta bani hai? jo samajhte hain ki sarva bandhanmukta bane hain woh haath uthaayen।sarviske kaaran nimitta maatra rahe hue hain, woh doosri baat hai। lekin apna bandhan khatma kiya hai? aise samajhte hain ki apne roop se bandhanmukta hokar ke sirf nimitta maatrasarviske kaaran is shareer mein karttavya arth baithe hue hain? (majority ne haath uthaaya) jinhonne bhi haath uthaaya woh kabhi sankalpamaatra bhi sankalp va shareer ke, paristhitiyon ke adheen va sankalp mein thode samay ke liye bhi pareshaani va uska thoda bhi leshmaatra anubhav karte hain va usse bhi pare ho gaye hain? jab bandhanmukta hain to man ke vash arthaat vyartha sankalpon ke vash nahin honge। vyartha sankalpon par poora control hoga। paristhitiyon ke vash bhi nahin honge। paristhitiyon ka saamna karne ki sampoorn shakti hogi। jinhonne haath uthaaya woh aise hain? to in bandhanon mein bhi abhi bandhe hue hain na। jo bandhanmukta hoga unki nishaani kya hogi? jo bandhanmukta hoga woh sadaiv yogayukta hoga। bandhanmukta ki nishaani hai yogayukta। aur, jo yogi hoga, aise yogi ka mukhya gun kaunsa dikhaai dega? jaan-boojhkar ke buddhi ka khel karaate hain। to aise yogi ka mukhya gun va lakshan kya hoga? jitna yogi utna sarva ka sahayogi aur sarva ke sahayog ka adhikaari svatah hi ban jaata hai। yogi arthaat sahayogi। jo jitna yogi hoga utna usko sahayog avashya hi praapta hota hai। agar sarva se sahayog praapta karna chaahte ho to yogi bano। yogi ko sahayog kyon praapta hota hai? kyonki beej se yog lagaate ho। beej se connection athva sneh hone ke kaaran sneh ka return sahayog praapta ho jaata hai। to beej se yog lagaane vaala, beej ko sneh ka paani dene vaala sarva aatmaon dvaara sahayog roopi phal praapta kar leta hai। jaise saadhaaran vriksha se phal ki praapti ke liye kya kiya jaata hai? vaise hi jo yogi hai usko ek- ek se yog lagaane ki aavashyakta nahin hoti, ek-ek se sahayog praapta karne ki aasha nahin rehti। lekin ek beej se yog arthaat connection hone ke kaaran sarva aatmaayen arthaat poore vriksha ke saath connection ho hi jaata hai। to connection ka attention rakho। to sahayogi banne ke liye pahle apne aap se poochho ki kitna aur kaisa yogi bana hoon? agar sampoorn yogi nahin to sampoorn sahayogi nahin ban sakte, na sahayog mil sakta hai। kitni bhi koi koshish kare parantu beej se yog lagaane ke sivaay koi patte arthaat kisi aatma se sahayog praapta ho jaaye-yeh ho nahin sakta। isliye sarva ke sahayogi banne va sarva ka sahayog lene ke liye sahaj purooshaartha kaunsa hai? beej roop se connection arthaat yog। phir ek-ek se mehnat kar praapta karne ki aasha samaapta ho jaayegi, mehnat se chhoot jaayenge। shortcut raasta yeh hai। agar sarva ka sahayogi, sada yogayukta honge to bandhanmukta bhi zaroorhonge। kyonki jab sarva shaktiyon ka sahayog, sarva aatmaon ka sahayog praapta ho jaata hai to aisi shaktiroop aatma ke liye koi bandhan kaatna mushkil hoga? bandhan- mukta hone ke liye yogayukta hona hai। aur yogayukta banne se sneh aur sahayog yukta ban jaate hain। to aise bandhanmukta bano। sahaj-sahaj karte bhi kitna samay lag gaya hai।

aisi sthiti abazroorhoni chaahiye। jo bandhanmukta ki sthiti sunaai ki shareer mein rehte hue sirf nimitta eeshvareey karttavya ke liye aadhaar liya hua hai। adheenta nahin। nimitta aadhaar liya hai। jo nimitta aadhaar shareer ko samjhenge woh kabhi bhi adheen nahin banenge। nimitta aadhaarmoorta hi sarva aatmaon ke aadhaarmoorta ban sakte hain। jo svayan hi adheen hain woh uddhaar kya karenge। isliesarviski saphalta bhi itni hai jitni adheenta se pare harek hai। to sarva ki saphalta ke liye sarva adheenta se pare hona bahutazroori hai। is sthiti ko banaane ke liye aise do shabd yaad rakho jisse sahaj hi aisi sthiti ko pa sako। woh kaunse do shabd hain? jab bandhanmukta ho jaayenge to jaise telephone mein ek-do ka aavaaz catch kar sakte hain, vaise koi ke sankalp mein kya hai, woh bhi catch karenge। abhi ajun ban rahe ho, isliye sochna padta hai। do shabd hain - (1) saakshi aur (2) saathi। ek to saathi ko sadaiv saath rakho। doosra - saakshi bankar har karma karo। to saathi aur saakshi - ye do shabd practice mein laao to yeh bandhanmukta ki avastha bahut jaldi ban sakti hai। sarvashaktimaan ka saath hone se shaktiyaan bhi sarva praapta ho jaati hain। aur saath-saath saakshi bankar chalne se koi bhi bandhan mein phansenge nahin। to bandhanmukta hue ho na। iske liye ye do shabd sadaiv yaad rakhna। woh yog, woh sahayog। donon baaten aa gaeen। ab aisa purooshaartha kitne samay mein karenge? bilkul bandhanmukta hokar ke saaksheepan mein nimittamaatra is shareer mein rahkar karttavya karna hai। abhi is baari yeh apne aapse sankalp karke jaana। kyonki aap (teachers) logon ko sahaj bhi hai। teachers ko vishesh sahaj kyon hai? kyonki unhon ka poora jeevan hi nimitta hai। samjha? teachers hain hi nimitta bane hue। to unhon ko yeh sankalp rakhna hai ki is shareer mein bhi ham nimittamaatra hain। yeh to sahaj hoga na। in (gopon) logon ko to phir double zimmevaari hai, isliye inhon ko yuddha karni padegi hataane ki। baaki jo hain hi nimitta bane hue, to unhon ke liye sahaj hai। aap (maataaon) ke liye phir sahaj kya hai? jaise unhon ko is vishesh baat ke kaaran sahaj hai vaise aap logon ko bhi ek baat ke kaaran sahaj hai। jo pravritti mein rehte hain unhon ke liye sahaj baat isliye hai ki unhon ke saamne sadaiv contrast hai। contrast hone ke kaaran nirnay karna sahaj ho jaata hai। nirnay karne ki shakti kam hai, isliye sahaj nahin bhaasta hai। ek baar jab anubhav kar liya ki isse praapti kya hai, phir nirnay ho hi jaata hai। thokar ka anubhav ek baar kiya to phir baar-baar thodehi thokar khaayenge। nirnay shakti kam hai to phir mushkil bhi ho jaata hai। to yeh pravritti mein athva parivaar mein rehte hain, unke anubhvi hone ke kaaran, saamne contrast hone ke kaaran dhokhe se bach jaate hain। jo vardaan ke adhikaari ban jaate hain woh kiske adheen nahin hote। samjha? to ab adheenta samaapta, adhikaar shuru। kab koi adheenta ka sankalp bhi na aaye। aisa pakka nishyach hai। nishchay mein kabhi percentage nahin hoti hai। shaktisena ne apne mein kya dhaarna ki? jab sneh aur shakti samaan honge phir to sampoorn ho hi gaye। apne shoorveer roop ka saakshaatkaar kiya hai? shoorveer kabhi kisse ghabraate nahin। lekin shoorveer ke saamne aane vaale ghabraate hain। to abhi jo shoorveerta ka saakshaatkaar kiya, sadaiv vahi saamne rakhna। aur aaj jo do shabd sunaaye woh sadaiv yaad rakhna। achha।