शुक्रवार 9 अप्रैल 1971 की अव्यक्त मुरली

>

09-04-71 om shanti avyakt baapdaada madhuban

avyakt sthiti mein sarva gunon ka anubhav

aavaaz se pare ki sthiti priy lagti hai va aavaazmen rahne ki sthiti priy lagti hai? kaunsi sthiti jyaada priy lagti hai? kya donon hi sthiti ikatthi rah sakti hain? iska anubhav hai? yeh anubhav karte samay kaunsa gun pratyaksha roop mein dikhaai deta hai? (nyaara aur pyaara) yeh avastha aisi hai jaise beej mein saara vriksha samaaya hua hota hai, vaise hi is avyaktasthiti mein jo bhi sangamayug ke vishesh gunon ki mahima karte ho woh sarva vishesh gun us samay anubhav mein aate hain। kyonki master beejroop bhi hain, knowledgeful bhi hain। to sirf shanti nahin lekin shanti ke saath-saath gyaan, ateendriy sukh, prem, aananda, shakti aadi-aadi sarva mukhya gunon ka anubhav hota hai। na sirf apne ko lekin anya aatmaayen bhi aisi sthiti mein sthit hui aatma ke chehre se in sarva gunon ka anubhav karti hain। jaise saakaar swaroop mein kya anubhav kiya? ek hi samay sarva gun anubhav mein aate hain। kyonki ek gun mein sarva gun samaaye hue hote hain। jaise agyaanta mein ek vikaar ke saath sarva vikaaron ka gahra sambandh hota hai, vaise ek gun ke saath mukhya gunon ka bhi gahra sambandh hai। agar koi kahe ki meri sthiti gyaan-swaroop hai; to gyaan-swaroop ke saath-saath anya gun bhi usmein saamaye hue zaroor hain। jisko ek shabd mein kaunsi stage kahenge? master sarvashaktivaan। aisi sthiti mein sarva shaktiyon ki dhaarna hoti hai। to aisi sthiti banaana - yeh hai samaanta, sampoornata ki sthiti। aisi sthiti mein sthit hokarsarviskarti ho? service karne ke samay jab stage par aati ho to pahle is stage par upasthit ho phir sthool stage par aao। isse kya anubhav hoga? sangathan ke beech hote hue bhi alaukik aatmaayen dikhaai padengi। abhi saadhaaran swaroop ke saath-saath sthiti bhi saadhaaran dikhaai padti hai। lekin saadhaaran roop mein hote asaadhaaran sthiti va alaukik sthiti hone se sangathan ke beech jaise allaah log dikhaai padenge। shuru-shuru mein bhi aisi sthiti ka nasha rehta tha na। jaise sitaaron ke sangathan mein vishesh sitaare hote hain, unki chamak, jhalak door se hi nyaari aur pyaari lagti hai। to aap sitaare bhi saadhaaran aatmaon ke beech mein ek vishesh aatmaaen dikhaai do। jab koi asaadhaaran vastu saamne aa jaati hai to na chaahte hue bhi sabhi ka attention us taraph khinch jaata hai। to aisi sthiti mein sthit ho stage par aao jo logon ki nigaah aap logon ki taraph svatah hi jaaye। stage secretary parichay na de lekin aapki stage svayan hi parichay de। kya heera dhool mein chhipa hua bhi apna parichay khud nahin deta hai? to sangamayug par heere tulya jeevan apna parichay svayan hi de sakta hai। abhi tak ki result kya hai? maaloom hai? abhi kis tulya bane ho? bhaashan aadi jo karte ho uski result kya dikhaai deti hai? vartamaan samay mein jo number one praja kahen woh bhi kam nikalte hain। saadhaaran praja jyaada nikal rahi hai। kyonki saadhaaran roop ke saath sthiti bhi bahut samay saadhaaran ban jaati hai। abhi saadhaaran roop mein asaadhaaran sthiti ka anubhav svayan bhi karo aur auron ko bhi karaao। baaharmukhta mein aane ke samay antarmukhta ki sthiti ko bhi saath-saath rakho - yeh nahin hota। ya to antarmukhi bante ho ya to baaharmukhi ban jaate ho। lekin antarmukhi bankar phir baaharmukhi mein aana - is abhyaas ke liye apne oopar vyaktigat attention rakhne ki aavashyakta hai। baaharmukhta ki aakarshan antarmukhta ki sthiti se jyaada hoti hai। iska kaaran yeh hai ki sadaiv apne shreshtha swaroop va shreshtha nashe mein sthit nahin rehte। isliye sthiti powerful nahin hoti hai।

knowledgeful ke saath powerful bhi bankar knowledge do to anek aatmaon ko anubhvi bana sakenge। abhi sunaane vaale bahut hain lekin anubhav karaane vaale kam hain। sunaane vaale to anek hain hi, lekin anubhav karaane vaale sirf aap hi ho। to jis samay service karti ho us samay yahi lakshyarkho ki gyaan- daan ke saath apne va baap ke gunon ka daan bhi karna hai। gunon ka daan sivaay aap logon ke anya koi kar nahin sakta। isliye svayan sarva gunon ke anubhav-swaroop honge to anya ko bhi anubhvi bana sakenge। kamal pushpa ke samaan bane ho? apne jeevan ka hi chitra dikhaaya hai na। ki aur koi mahaarthiyon ke jeevan ka chitra hai? hamaara chitra hai - aise hi vahte hain na। chitra kyon banaaya jaata hai? charitra ka hi chitra banta hai। to aise charitravaan ho tab to chitra banaaya hai na। yeh ek hi chitra smriti mein rakhkar har karma mein aao to sadaiv aur sarva baaton mein alipta (nyaara) rahenge। yeh alpakaal ke liye rehte ho। kitna bhi, kaisa bhi vaataavran ho, kaisa bhi vaayumandal ho lekin sirf yeh chitra bhi yaad rakho to vaayumandal se nyaare rahenge। abhi vaayumandal ka prabhaav kahaan-kahaan pad jaata hai। lakshyabhut ooncha hai ki ham paanch tatvon ko bhi paavan karne vaale hain, parivartan mein laane vaale hain। woh vaayumandal ke vash kabhi ho sakte hain? parivartan karne vaale ho, na ki prakriti ke aakarshan mein aakar parivartan mein aane vaale ho। phir kamal pushpa ke samaan sadaakaal rah sakenge।

aaj is group ka kaunsa din hai? ab theory poori hui। practical paper dene ja rahi ho। ab yeh group anya sabhi group se vishesh kya kaarya karke dikhaayega? kitne samay mein aur kitne vaaris banaakar laayengi? thode samay mein anekon ko banaayengi। inhonne vaayde to bahut kiye hain। function hi vaaydon ka karte hain। jitne vaayde karti ho un sabhi vaaydon ko nibhaane ke liye sirf ek hi kaayda yaad rakhna। kaunsa? (jeete-ji marna) baar-baar jeete-ji marna hota hai kya? baapdaada sadaiv harek mein sabhi prakaar ki ummeeden rakhte hain। lekin ummeedon ko poorn karne vaale nambarvaar apna show dikhaate hain। isliye is group ko mukhya ek vaayda yaad rakhna hai। saare course ka saar kya tha? chitron mein bhi mukhya chitra kaunsa practical mein dikhaayenge jisse baapdaada ko pratyaksha kar sakenge? sabhi shikshaaon ka saar bataao। koi bhi karma se dekhne, uthne, baithne, chalne aur sone se bhi pharishtaapan dikhaai de। sabhi karma mein alaukikta ho। koi bhi laukikta karma mein va sanskaaron mein na ho। aisa parivartan kiya hai? sarvottampurushaartheeke lakshan bhi vishesh hote hain। unka sochna, karna, bolna - teenon hi samaan hote hain। woh yeh nahin kahenge ki sochte to the ki yeh na karen lekin kar liya। nahin। sochna, bolna, karna- teenon hi ek samaan aur baap samaan hon। aise shreshtha purushaartheebne ho? achha।

yeh group jitna hi bada hai utna hi shaktishaali swaroop bankar chaaron or phail jaayenge to phir shaktiyaan jay-jaykaar ki aavaaz bulanda kar sakti hain। sanskaaron ke adheen bhi nahin hona hai। koi ke sneh ke adheen bhi nahin hona hai। vaayumandal ke adheen bhi nahin। samjha? ab aise shabd mukh se to kya man mein sankalp roop mein bhi na aaen ki - kya karen, majboor hoon। chaahe koi vyakti ne va vaayumandal ne majboor kiya, lekin nahin। majboor nahin hona hai parantu majboot hona hai। samjha? phir yeh complain na aaye। apne purooshaartha ki complain bhattheeke pahle koi nikaali thi? woh kya thi? nirbalta ke kaaran sangadosh mein aana। is complain ko complete karke ja rahi ho? koi bhi aise sang mein nahin aa sakengi। koi eeshvareey roop se maaya apna saathi banaane ki koshish kare to? dekhna, apne vaaydon ko yaad rakhna। naare jo gaaye hain -’’ek hain, ek ke rahenge, ek ki hi mat par chalenge’’- yeh sadaiv pakka rakhna। eeshvareey roop se maaya aisa saamne aayegi jo unko parakhne ki bahut aavashyakta padegi। parakhne ki shakti dhaaran kar ja rahi ho? sadaiv yeh avinaashi rakhna। ab result dekhenge। alpakaal ki result nahin dikhaani hai। sadaakaal aur sampoorn result dikhaani hai। jo vaayde kiye hain is group ne, himmat bhi rakhi hai parantu un vaaydon se hataane mein maaya majboor kare to phir kya karenge? vaayde to bahut achhe kiye hain। lekin samjho koi majboor kar dete hain to phir kya karenge? jo khud hi majboor ho jaayega woh phir ladaai kya karega।

sach kisko kaha jaata hai -- yeh maaloom hai? jo baat agar sankalp mein bhi aati ho, sankalp ko bhi chhipaana nahin hai - isko kaha jaata hai sach। agar purooshaartha kar saphalta bhi leti ho to bhi apni saphalta va haar khaane ka donon ka samaachaar spashta sunaana। yeh hai sach। sach vaale apne vaayde poora kar sakenge। achha!