गुरुवार 3 जून 1971 की अव्यक्त मुरली

>

03-06-71 om shanti avyakt baapdaada madhuban

nirantar yogayukta banne ke liye kamal pushpa ka aasan

aaj ka din kaunsa hai? bhatthi ka din hai।bhattheeke din ko kaunsa divas kehte hain? bhattheeke aarambha ka din arthaat jeevan ke phaisle ka din hai। bhattheemen kis liye aati ho? jeevan ka sadaakaal ke liye phaisla karne। sabhi is lakshya se aai ho? kyonki bhattheemen aane se baapdaada dvaara va ananya bachchon dvaara ek gift milti hai। woh kaunsi? jo cheez milti hai, sunaana bhi sahaj hota hai। (do-chaar ne apna-apna vichaar sunaaya) jo bhi baaten sunaai hain un sabhi baaton ki praapti ka aadhaar kaunsi gift hai? woh hai buddhi ka parivartan। rajoguni va vyakta bhaav ki buddhi se badal satoguni, avyaktabhaav ki divya buddhi। jis divya buddhi ki praapti se hi avyakt sthiti va yogayukta sthiti ko praapta kar sakte hain। to gift kaunsi hui? ‘‘divya satoguni buddhi’’। buddhi ke parivartan se hi jeevan ka parivartan hota hai। to divya buddhi ki gift vishesh bhatthi mein praapta hoti hai। ab us gift ko use karna va sadaakaal ke liye kaayam rakhna - yeh apne haath mein hai। lekin gift sabhi ko praapta hoti hai। jo bheebhattheemen aaye hain divya satoguni buddhi ki gift dvaara apne ko bahut sahaj aur bahut jaldi parivartan mein la sakte hain। to aaj ka din jeevan-parivartan ka din hai। to aaj ke din jo gift praapta hoti hai usko dhaaran karte rehna। gyaan to sunti hi rahi ho, lekin bhatthi mein kya karne aati ho? gyaan-swaroop banne ke liye aati ho। yog ki nolejva yog ka abhyaas bhi karti aai ho, lekin bhattheemen aati ho -sada yogayukta hokar rahne ka paath pakka karne ke liye। nirantar yogayukta banne ke liye kaunsi sahaj yukti bhattheedvaara praapta karni hai? hathayogi jo hath ya tapasya karte hain, to tapasya ke samay aasan par baithte hain। bhinna-bhinna aasan hote hain। to aap logon ke liye sada yogayukta banne ke liye kaunsa aasan hai? nirantar yogayukta avastha sahaj rahe, iske liye baapdaada sahaj aasan bata rahe hain। woh hai kamal pushpa ka aasan। kamal- aasan kehti ho na। devtaaon ke jo chitra banaate hain, to usmein kis par khada hua va baitha hua dikhaate hain? kamal ke oopar। to nirantar karma karte hue bhi sahaj yogayukta banne ke liye sadaiv kamal-aasan arthaat apni sthiti kamal pushpa ke samaan rakhenge to nirantar yogayukta ban jaayenge। lekin kamal ka pushpa ban is aasan par is sthiti mein rahne ke liye kya karna pade? apne ko light banaana pade। halka bhi aur prakaash-swaroop bhi। kamal ka pushpa kitna gyaanayukta hai। kamal pushpa ko dekh gyaan ki smriti aati hai na। to kamal-aasan par viraajmaan rahne se sada yogayukta ban sakti ho। aasan kabhi bhi nahin chhodo। yeh kamal pushpa samaan sthiti ka aasan sada kaayam rakhna arthaat is par sada sthit rehna hai। tab bhavishya mein bhi raajya-sinhaasan itna hi samay kaayam rahega। agar is aasan par nahin baith sakti ho arthaat is sthiti mein sthit nahin ho sakti to sinhaasan ko bhi praapta nahin kar sakengi। to raaj-sinhaasan praapta karne ke liye pahle kamal-aasan par sthit rahne ka abhyaas karna pade। bhattheemen aaye ho apne ko sabhi prakaar ke bandhan se mukta kar halka banaane ke liye va sada kamal pushpa ki sthiti mein sthit hone ke aasan par viraajmaan rahne ka abhyaas seekhne ke liye। to jo bhi bojh ho woh sabhi prakaar ka bojh bhatthi mein khatma karke jaana। chaahe man ke sankalpon ka bojh ho, chaahe sanskaaron ka bojh ho, chaahe duniya ki koi bhi vinaashi cheejon prati aakarshithone ka bojh ho, chaahe laukik sambandhi ki mamta ka bojh hai, sabhi prakaar ke bojh kaho va bandhan kaho, unhon ko khatma karne ke liebhattheemen aaye ho। abhi apne jeevan ki unnati ka golden chance yeh bhatthi hai। is chance mein jo jitna chance lete hain utna hi sadaakaal ke liye apne jeevan ko aage badha sakenge। bhattheemen kaunsa lakshya rakhkar aai ho? sanskaaron ko parivartan mein laakar phir kya banne ka lakshyarkha hai? yeh group vishesh kis baat mein sabhi group se achha hai, yeh maaloom hai? is group ki ek bahut achhi visheshta hai। gold mein jab khaad daali jaati hai, to uske baad gold ko mould nahin kar sakte hain। original gold hota hai to usko mould kar sakte hain। to aise samjhen ki yeh sachcha sona hai, inmen koi khaad nahin hai। aap log apni visheshta ko jaanti ho? is group ko dekhkar aise lagta hai jaise jab vriksha naya lagaaya jaata hai to pahle bahut komal, sundar chhote-chhote patte nikalte hain, jo bahut priy lagte hain। to yeh group bhi naye patte hain lekin komal hain। komal aur sakhta cheezen hoti hain na। komal arthaat sanskaaron ki haddiyon itni sakhta nahin hain jo change nahin ho saken। chhote bachche ki haddiyaan pahle komal hoti hain, phir jaise-jaise bade hote hain to sakhta hoti jaati hain। yeh group bhi komal sanskaaron vaala hai। in sanskaaron ko parivartan karna sahaj ho jaayega। kade sanskaaron vaale to nahin ho na।

(daadi ji do din ke liye madraassarvispar jaane liye baapdaada se chhutti le rahi hain)

jo vishwa ke raaje banne vaale hain unhon ki visheshta yeh hai - sarva aatmaon ko raazi rakhna। mahaarthiyon ke kadam-kadam mein padmon ki kamaai rehti hai। (seeta maata bhi chhutti le rahi hai) apne ko samartha aatma samajh is shareer ko dekh rahi ho? saakshi avastha ki sthiti mein sthit hone se shakti milti hai। jaise koi kamjor hota hai to unko shakti bharne ke liye glookoz chadhaate hain। to jab apne ko shareer se pare ashareeri aatma samajhte hain to yeh saaksheepan ki avastha shakti bharne ka kaam karti hai। aur jitna samay saakshi avastha ki sthiti rehti hai utna hi baap saathi bhi yaad rehta hai arthaat saath rehta hai। to saath bhi hai aur saakshi bhi hai। ek saaksheepan ki shakti, doosra baap ke saathi banne ki khushi ki khuraak। to bataao phir kya ban jaayengi? nirogi। shakti roop nyaari aur pyaari। is samay aisi nyaari aur pyaari sthiti mein sthit ho? yeh sthiti itni powerful hai - jaise doctor log bijli ki rejej dete hain keetaanu maarne ke liye। to yeh sthiti bhi aisi powerful hai jo ek second mein anek vikarmon roopi keetaanu bhasma ho jaate hain। vikarma bhasma ho gaye to phir apne ko halka aur shaktishaali anubhav karenge। sadaiv pravritti ko bheesarvisbhoomi samajhna chaahiye। apne ko baapdaada ke ati priy samajhti ho। kyon? aisi kya visheshta hai jo ati priy ho। ek baap doosra na koi। aise ek ke hi lagan mein rahne vaale baap ko ati priy hain। samjha? achha।