गुरुवार 10 जून 1971 की अव्यक्त मुरली

>

10-06-71 om shanti avyakt baapdaada madhuban

seva ki dharni taiyaar karne ka saadhan – searchlight

harek ke mastak par teen rekhaayen kaunsi dekh rahe hain? aapko apni rekhaayen dikhaai deti hain? jaise baap ke yaadgaar chitra mein sadaiv teen rekhaayen zaroor dikhaate hain। aise hi harek shaaligraam ke mastak par teen rekhaayen kaunsi dikhaai deti hain? mastak ko kab darpan mein dekha hai? kaunse darpan mein dekha hai? harek ke mastak par ek rekha va nishaani vijay ki nishaani hai। vijay ki nishaani hoti hai trishool। trishool man, vaani, karma teenon mein saphalta ki nishaani, vijay ki nishaani hai। shaktiyon ke chitron mein bhi trishool dikhaate hain। to harek ke mastak mein yeh vijay ki nishaani trishool hai। trishool ke oopar doosri rekha va nishaani hai bindi। teesri rekha phir hai trishool ke neeche jo lambi line hoti hai, woh nishaani hai line clear aur careful ki। careful bhi aur clear bhi। maarga ke beech mein koi bhi rookaavat na aaye। to teesri nishaani hai seedha maarga par ekras ho chalne vaale। teenon hi rekhaayen va nishaaniyaan harek ke mastak par dekh rahe hain। rekhaayen sabhi ki hoti hain lekin koi ki spashta hoti hain, koi ki spashta nahin hoti hain। to aapne apni lakeeren dekheen? trishool hai, line clear bhi hai aur aatmik sthiti ki bindi bhi hai। bhakta log bhi mastak mein tilak ki nishaani rakhte hain। aap logon ko mastak mein lagaane ki aavashyakta nahin hai। sadaiv apne mastak ki in rekhaaon se apni sthiti ko parakh sakhte ho। teenon hi rekhaayen tej honi chaahiye, tab hi saakshaatkaarmoorta ban sakte ho va apne karttavya ko saphal kar sakte ho। ab aap service par ja rahe ho। abhi se hi un aatmaon ke oopar apni search-light daalne shuru karna hai। shuru ki hai ya vahaan jaakar shuru karenge? searchlight ki roshni door se jaati hai। to yahaan se hi searchlight daalni hai। aatmaon ko chun sakte ho। yahaan se hi kaarya shuru karne se vahaan jaate hi pratyaksha saboot dikhaai dega। searchlight bankar ke hi chalte-phirte ho va jab baithte ho tab hi searchlight dete ho? nirantar searchlight samajhkar chaaron or vaayumandal ko banaane ka karttavya abhi se hi karna hai। jo vahaan jaate hi vaayumandal ke aakarshan se sameep aane vaali aatmaayen apna sahaj hi bhaagya pa saken। kyonki abhi samay kam aur saphalta hajaar guna dikhaani hai। pahle ka samay aur tha। samay jyaada aur saphalta kam hoti thi। lekin abhi kam samay mein saphalta hajaar guna ho, woh plan banaana hai। plan ke pahle plen banna hai। agar plen ban gaye to plan practical mein theek aa jaayega। plen banne se hi plan theek chal sakega। plen banne ke baad phir plan kya rakhna hai, jisse sada saphalta praapta ho? so thode mein sunaate hain jo kabhi bhoole nahin। ek to yaad rakhna ki ham sab ekmat hain arthaat ek ke hi mat par ek mati। doosri baat -- vaani mein bhi sadaiv ek ka hi naam baar-baar apne ko va doosron ko smriti mein dilaana hai। teesri baat -- chalan athva karma mein economy ho। na sirf tan mein economy karni hai, lekin vaani mein bhi economy ho, sankalp mein bhi economy, samay mein bhi economy। to chalan mein sabhi prakaar ki economy ho। yeh teenon hi baaten -- ek mati, ek ka naam arthaat eknaami aur phir economy। yeh teenon hi baaten sadaiv smriti mein rakh phir kadam uthaana va sankalp ko vaani mein laana hai।

koi bhi len-den karte ho to usi samay ek salogan yaad rakhna hai - baalak so maalik। jis samay vichaaron ko dete ho to maalik bankar dena chaahiye lekin jis samay final hota hai us samay phir baalak ban jaana hai। sirf maalikapna bhi nahin, sirf baalkapna bhi nahin। jis samay jo karma karna hai us samay vahi sthiti honi chaahiye। aur jab bhi anya aatmaon keesarviskarte ho to sadaiv yeh bhi dhyaan mein rakho ki doosron ki sarviske saath apni service bhi karni hai। aatmik-sthiti mein apne ko sthit rakhna, yeh hai apneesarvis। pahle yeh check karo ki apneesarvisbhi chal rahi hai? apni sarvisanheen hoti to doosron ki service mein saphalta nahin hogi। isliye jaise doosron ko sunaate ho na ki baap ki yaad arthaat apni yaad va apni yaad arthaat baap ki yaad। is reeti se doosron ki service arthaat apni service। yeh bhi smriti mein rakhna hai। jab koi bhi sarvispar jaate hain to sadaiv aise samjho ki sarviske saath-saath apne bhi puraane sanskaaron ka antim- sanskaar karte hain। jitna sanskaaron ka sanskaar karenge utna hi satkaar milega। sabhi aatmaayen aapke aage man se namaskaar karengi। ek hota hai haathon se namaskaar karna, doosra hota hai man se। man hi man mein gun gaate rahen। jaise bhakti bhi ek to baahar ki hoti hai, doosri hoti hai maansik। to baahar se namaskaar karna- yeh koi badi baat nahin hai। lekin man se namaskaar karenge, gun gaayenge baap ke ki inhon ko banaane vaala kaun? doosra, jo unhon ke apne dridh vichaar hain unko bhi aapke sunaaye hue shreshtha vichaaron ke aage jhuka denge। to namaskaar hua na। man se namaskaar karen, yeh purooshaartha karna hai। baahar ke bhakta nahin banaana hai। lekin maansik namaskaar karne vaale banaane hain। vahi bhakta badal kar gyaani ban jaayen। jitna-jitna buddhi ko sadaiv svachchha arthaat ek ki yaad mein arpan karenge utna hi svayan darpan ban jaayenge। darpan ke saamne aane se na chaahte hue bhi apna swaroop dikhaai deta hai। is reeti se jab sadaiv ek ki yaad mein buddhi ko arpan rakhenge to aap chaitanya darpan ban jaayenge। jo bhi saamne aayenge woh apna saakshaatkaar va apne swaroop ko sahaj anubhav karte jaayenge। to darpan banna, jisse svatah hi saakshaatkaar ho jaaye। yeh achha hai na। door se hi maaloom padta hai na ki koi searchlight hai। bhale kahaan bhi, kitne bhi bade sangathan mein hon, lekin sangathan ke beech mein door se hi maaloom pade ki yeh searchlight hai arthaat maarga dikhaate rahen।

aap log nolejaaur yaad ki searchlight dvaara maarga dikhlaane vaale searchlight ho। aur jab dridh sankalp karke jaate hain to sankalp se swaroop ban hi jaayenge। sankalp hai ki ham vijayi ratna hain, to swaroop bhi vijay ka hi ban jaata hai। vaani aur karma aise hi chalte hain। sankalp ke aadhaar se vijay karma mein bhari hui hai। vijay ka tilaksarvisaebul aatmaon ko laga hua hai। sarvisaarthaat vijay ka tilak laga hai। yeh serviceable group ja raha hai na। jiska ek second va ek sankalp bhi sarviske sivaay na ho woh hai serviceable। aisa yeh group hai na। jab khaas sarvispar jaate hain to apne oopar bhi khaas dhyaan dena hota hai। yeh saadhaaransarvisanheen hai lekin visheshsarvishai। saadhaaransarviskarte ho to saadhaaran smriti rehti hai। jab koi bhi vishesh kaarya karna hota hai to vishesh yaad rehti hai। to saadhaaran smriti mein nahin, lekin powerful smriti mein rehna hai। sadaiv powerful smriti mein rahne se vaayumandal powerful rahega। powerful vaayumandal hone ke kaaran koi bhi aatma is vaayumandal se nikal nahin paayenge, tab hi service ki saphalta hogi। sadaiv ek-do ke vichaaron ko satkaar dekar sveekaar karna hai, to phir maansik namaskaar sahaj karenge। sadaiv ‘haan ji, haan ji’ ka paath pakka karna। jitna ‘haan ji, haan ji’ karenge utna hi sabhi jay-jaykaar karenge। aap apne shakti-swaroop ki va paandav-swaroop ki pratyakshata karne ke liye ja rahe ho na। ashva chakra lagaakar aatmaon ko yagya mein svaaha karaane liye ja rahe hain। svayan to svaaha ho hi chuke hain। ekdam plen banna hai। saath mein bojh nahin lena। paandav paanch hain lekin mat ek hai। kehte hain na ki ham sabhi ek hain। ek igzaampal kaayam rakhne ke liye yeh first group hai। smriti-swaroop ki ek-do ko har samay smriti dilaane se ek mat ho jaayenge। paanch paandavon ki ekmat ki visheshta bhi hai aur harek ki apni-apni visheshta bhi hai। harek ki apni visheshta kaunsi hai? jaise four masketiyarsa (Four Musketeers; chaar bandookdhaari phauji) ka sunaate hain na। to ek-do mein mil julkar har kaarya ko saphal banaana hai। harek apne oopar vishesh ek duty le। har ek apne vishesh kaarya ki zimmevaari sunaao। sangathan mein hote hue bhi apni visheshta ka sahayog dene se sahaj ho jaata hai।

ek-ek paandav kya visheshta dikhaayenge? aatma ke naate to sabhi paandav ho aur shaktiyaan bhi ho। apni visheshta ka maaloom hai? apna umang-utsaah aur ekras avastha sadaiv rahe। kitna bhi koi kin baaton dvaara aap logon ko haraane ki koshish kare, lekin jab practical anubhveemoorta hokar ke unko aatmik drishti aur powerful sthiti mein sthit hokar do shabd bhi powerful bolenge to woh apne ko kaagaz ka sher samjhenge। jaise deviyon ka dikhaate hain na ki saamne asur vikraal roop se saamna karne aate hain, lekin unhon ke aage jaise bilkul pashu arthaat besmajh ban jaate hain। kitna bhi bada samajhdaar ho lekin aapke anubhveemoorta aur aatmik drishti ke saamne bilkul hi apne ko besmajh samjhenge। bhale aapke saamne kitna bhi roop dhaaran karne ki koshish karen। shaktiyon ke paanv ke neeche sadaiv bhains dikhaate hain, kyon? kitna bhi koi apne ko sensibul,knowledgeful samjhen lekin bhains bilkul besmajh hoti hai। bankar ek roop aayen aur ban jaayenge doosra roop। shaktiyon ka yaadgaar dikhaate hain na। asur saamna karne vikraal roop dhaaran kar aate hain lekin jab shaktiyon ka teer lagta hai to phir doosra roop ho jaata hai। isliye sadaiv yeh yaad rakhna ki ham aalmaaiteeathoriteeke dvaara nimitta bane hue hain। almighty government ke messenger ho। koi se bhi discuss mein apna mind disturb nahin karna hai। nahin to ve log science ki shakti se sankalpon ko bhi reed karte hain। isliye kabhi bhi koi baat ka aavaazbhi aaye to apne ko disturb nahin karna। apne chehre par va man ki sthiti mein antar na laana। mantra yaad rakhna। jaise koi vaani se va aur tareeke se vash nahin hote hain to mantar-jantar karte hain। to jab dekho aisi koi baat saamne aaye to apne aatmik drishti ka netra aur manmanaabhav ka mantra prayog karna, to sher se bhains ban jaayenge। jaadu-mantar to aata hai na। yahaan se hi sabhi system nikli hai। mantar chalaana, riddhi-siddhi bhi yahin se hi nikli hai। apni aatmik drishti se apne sankalpon ko bhi siddha kar sakte ho। woh hai riddhi-siddhi aur yahaan vidhi se siddhi। shabdon ka antar hai। riddhi-siddhi hai alpakaal, lekin yaad ki vidhi se sankalpon aur karmon ki siddhi hai avinaashi। woh riddhi-siddhi use karte hain aur aap yaad ki vidhi se sankalpon aur karmon ki siddhi praapta karte ho। achha।