सोमवार 19 जुलाई 1971 की अव्यक्त मुरली

>

19-07-71 om shanti avyakt baapdaada madhuban

simple bano, sample bano

aaj yeh jo sangathan hua hai, isko kaunsa sangathan kahenge? is sangathan ka naam karma ke pramaan kaunsa kahenge? karttavya ke aadhaar par naam bataao? (harek ne naam bataaye) jo sabhi naam bole woh practical mein apna karttavya samajhkar bola? practical mein chal rahe hain to phir kya ho gaye? sapoot aur sabootmoorta। agar practice mein hain to sabootmoorta nahin kahenge, practical mein hain to sapoot aur sabootmoorta donon hi hain। yeh group simple aur sample hai। simple bankar sample dikhaane vaale। simple koi dress aadi mein nahin lekin sabhi baaton mein simple ban sample banne vaale। jaise koi bhi simple cheez agar svachchha hoti hai to apne taraph aakarshit karti hai। is reeti se mansa mein bhi jo sankalp hai, sambandh mein, vyavhaar mein bhi aur rahan-sahan mein bhi sabhi mein simple aur svachchha rahne vaale sample ban apni taraph aakarshitkarte hain। agar sankalp mein va sambandh mein simple nahin honge to aaltarnet kya honge? simple arthaat saadhaaranta। saadhaaranta mein mahaanta ho। jaise baap saakaar srishti mein simple rehte hue aap sabhi ke aage sample bane na। ati saadhaaranta hi ati mahaanta ko prasiddha karti hai to saadhaaranta arthaat simple nahin to problem ban jaate hain। sankalpon ke bhi problem mein rehte hain। rahan-sahan bhi simple na hone ke kaaran auron ke liye va apne liye koi na koi problem ban jaate hain। to problem banna hai va simple banna hai? problem vaale simple nahin ban sakte। to mansa mein bhi simple hon। agar koi mansa mein bhi uljhan hai arthaat problem hai to usko simple kahenge kya? jaise dekho, gaandhi ko simple kehte the, lekin simple bankar ke ek sample ban kar to dikhaaya na। uski simple activity hi mahaanta ki nishaani thi। woh ho gaya had ka act। lekin yahaan hai behad ke baap ke bachche ban behad ki act karna। tum to vishwa ke nimitta ho na। jaise vishwa behad ka hai, baap behad ka hai, vaise hi jo bhi act karte ho woh behad ki sthiti mein sthit hokar act karna hai। woh act hi apne taraph atrekta karta hai। to aakarshan-moorta banne ke liye kya karna pade? simple banna pade। yahaan daivi sambandh mein bhi agar koi simple nahin banta, problem ban jaata hai to result kya hoti hai? sneh aur sahayog se vanchit rah jaate hain। jo saadhaaran, simple hote hain uske taraph na chaahte hue bhi sabhi ko sneh aur sahayog dene ki shubh bhaavna hogi। to sarva snehi va sarva se sahayog praapta karne ke liye va sarva ke sahayogi banne ke liye simple banna bahut aavashyak hai। koi problem to nahin hai va svayan problem bane hue to nahin ho? chaahe laukik parivaar mein va vyavhaar mein, chaahe daivi parivaar mein - kab bhi apne mein problem na emerge karo, na koi ke liye problem banaao। agar problem bante ho to seva lene vaale ban jaate ho। aap ho eeshvareey sevaadhaari, to sevaadhaari arthaat seva karne vaale, na ki seva lene vaale। agar seva lene vaale bante ho to naam pramaan karttavya nahin hua na। khudaai-khidmatgaar seva leta nahin, deta hai। kyonki daata ke bachche hain na। jaise baap kuchh lete hain kya? woh to daata hai na। agar problem banne ke kaaran seva lete ho to daata ke bachche thahre? koi bhi prakaar ki agar extra seva lete ho to yeh kabhi bhi nasha nahin rahega ki ham daata va vardaata ke bachche hain।

to yeh pravritti vaala group hai ki nivritti vaale hain? laukik pravritti to samaapta hui na। laukik pravritti ko bhi eeshvareey pravritti mein parivartan kiya hai? jab tak parivartan nahin kiya hai tab tak alaukik sthiti mein ekras nahin rah sakte। isliye kaha tha ki apna naam, roop, gun aur karttavya sadaiv yaad kar phir pravritti mein raho, jisse laukik pravritti parivartan ho। sadaiv apne ko sevaadhaari samajhne se rob nahin rahega। sevaadhaari sadaiv namrachitta, nirmaan rehta hai aur apne ghar ko bhi ghar nahin lekin seva-sthaan samjhega। aur sevaadhaari ka mukhya gun hai tyaag। agar tyaag nahin to seva bhi nahin ho sakti। tyaag se tapasveemoorta bante ho। sevaadhaari ka karttavya hai sadaiv seva mein rehna। chaahe mansa seva mein rahe, chaahe vaacha seva mein rahe, chaahe karmana seva mein rahe lekin sevaadhaari arthaat nirantar seva mein tatpar rahne vaale। woh kabhi bhi seva ko apne se alag nahin samjhenge। nirantar seva ka hi dhyaan rahega। isko kehte hain sevaadhaari। to apne ko sevaadhaari samjho aur seva-sthaan samajhkar raho, tyaag vritti vaale tapasveemoorta hokar raho। nirantar seva ki hi buddhi mein lagan rahe to phir laukik pravritti badal kar eeshvareey pravritti nahin ho jaayegi? to yeh group naveenta kya dikhaayega, jo koi group ne na dikhaai ho? koi-na-koi naveentaazroor laani hai। khaas bhatthi mein aate ho to apne mein parivartan bhi khaas hona chaahiye। vaise to chalte-phirte ho lekin ab khaas visheshta laakar apna naam vishesh aatmaon mein jama kara ke jaana। baapdaada ke paas kitne prakaar ki list hai, maaloom hai? aapka kis list mein naam hai, yeh maaloom hai? apna naam vishesh aatmaon mein kar sako, iska prayatna karo। vishesh aatmaayen tab bante hain jab koi vishesh karttavya karte va visheshta dikhaate hain। to vishesh aatma ban karke hi jaana। marjeeva bane hue ho va banne ke liye aaye ho? marjeeva bankar hi brahmaakumaar bane va abhi banenge? jab markar ke janma liya tab to brahmaakumaar kahlaaya। markar naya janma lena isko hi marjeeva kehte hain na। nahin to janma lene se pahle brahmaakumaar kaise bane। bachche to ho, adhikaari ho। baaki hai sapoot ban kar saboot dena। baaki brahmaakumaar hain to marjeeva to ban hi gaye। marjeeva bane hue hain yeh smriti mein rahne se phir yeh shareer bhi aapka nahin raha। yeh shareer baap ne eeshvareey sarviske liye diya hai। aap to mar chuke ho na। lekin yeh puraana shareer sirf eeshvareeysarviske liye mila hua hai, aise samajhkar chalne se is shareer ko bhi amaanat samjhenge। jaise koi ki amaanat hoti hai to amaanat mein apnaapan nahin hota hai, mamta bhi nahin hoti hai। to yeh shareer bhi ek amaanat samjho। to phir deh ki mamta bhi khatma ho jaayegi। jaise trustee ho rahne se, amaanat samajhne se mamta kam hoti hai na। is reeti yeh shareer bhi sirf eeshvareey sarviske liye amaanat ke roop mein mila hua hai। jiski amaanat hai unki smriti, amaanat ko dekhkar to aati hai na। amaanat rakhi hui cheez ko dekh, dene vaale ki yaad aati hai na। yeh to amaanat roohaani baap ne di hai, roohaani baap ki yaad rahegi। amaanat samajhne se roohaaniyat rahegi aur roohaaniyat se sadaiv buddhi mein raahat rahegi,thakaavat nahin hogi। amaanat mein khyaanat karne se roohaaniyat ke badli uljhan aa jaati hai, raahat ke bajaay ghabraahat aa jaati hai। isliye yeh shareer hai hi sirf eeshvareeysarviske liye। amaanat samajhne se automatically roohaaniyat ki sthiti rahegi। yeh sahaj upaay hai na। ab nirantar sahaj yogi ban sakenge na। nirantar roohaaniyat ki avastha mein sthit raho, yeh naveenta dikhaana jo aap logon ko dekh kar sabhi anubhav karen ki yeh to sample ban kar aaye hain। auron ko bhi yaad ki yaatra sahaj banaane ke liye sample ban kar jaana। yeh group sample bankar jaayenge na।

agar ek-ek sthaan par ek sample jaayega to phir simple baat ho jaayegi। apna naam kya yaad rakhenge? sevaadhaari। sevaadhaari to ho hi lekin seva aise karo jo pratyaksha phal ki praapti kara sako। to salogan kya yaad rakhenge? apni roohaaniyat ki sthiti pratyaksha kar har aatma ko pratyaksha phal dilaane vaale। yeh hai is group ka karttavya। jitna apni roohaaniyat ki sthiti ko pakka karenge utna pratyaksha phal de sakenge। agar roohaaniyat ki sthiti ko pratyaksha nahin dikhaate to phal bhi pratyaksha nahin dikhaai deta। pratyaksha phal dikhaane ke liye apni roohaani sthiti ko pratyaksha karo। samjha, salogan। achha। apne oopar chhaap kaunsi lagaai? sevaadhaari samjha na, mansa mein bhi seva। aur yeh group mukhya tyaag kya karega jis tyaag se tapasvi ban sako? aap ki practical dincharya mein bahut karke vighna roop kya hota hai? ek shabd mein isko kahenge rob। isliye roohaani roohaab nahin aata hai। pravritti mein jo rob rakhte ho ‘main rachayita hoon’ va vyavhaar ka bhi jo rob rehta hai, sambandh mein bhi mukhya vighnarob aata hai। iska tyaag karna hai। sevaadhaari rob nahin dikhaate। isliye rob ka tyaag karna hai। yeh hai mukhya tyaag। himmat to hai na tyaag ki। jo bhi vaayde karte ho, ek-ek vaayde par avinaashi ki chhaap lagaao। avinaashi chhaap na lagaane ke kaaran vaayde alpakaal ke liye ho jaate hain। kaiyon keerijaltamen yeh dikhaai deta hai ki yahaan vaayde karke jaate hain, phir vaayde badalkar vilaap karne lag padte - kya karen, kya ho gaya, ab madad do। chaahte to nahin hain lekin yeh kaaran ban gaya। yogi ke badle viyogi ho vilaap karte hain। to ab nirantar yogi banna। vilaapon vaale viyogi nahin banna। yeh group yahi practical karke dikhaaye। jo kaha hai vahi karenge, chaahe kitni bhi baaten sahan karni paden, lekin saamna karke dikhaayenge। vijayi bankar ke hi dikhaayenge, ek do ke madadgaar, shubh chintak bante rahen to sahayogi ban kya nahin kar sakte hain! jab woh ek do ke sahayogi ban gheraav daal sakte hain, to kya aap maaya ko gheraav nahin daal sakte। paandav sena gheraav nahin daal sakti? ek do ke shubhchintak, sahayogi bante rahen to maaya ki himmat nahin jo aapke gheraav ke andar aa sake। yeh hai sahayog ki shakti। yeh sangathan hai sahayog ki shakti ka। yeh sangathan ke sahayog ki shakti ka pratyaksha roop dikhaana। achha।