बुधवार 2 फ़रवरी 1972 की अव्यक्त मुरली

>

02-02-72om shanti avyakt baapdaadaamdhuban

preet buddhi ki nishaaniyaan

sabhi avyakt roop mein sthit ho? yeh to jaante ho-avyakti milan avyakt sthiti mein sthit rahne se hi kar sakte ho। apne aap se poochho- avyakt sthiti mein sthit rahne ke anubhveemoorta kahaan tak bane hain? avyakti sthiti mein rahne vaalon ka sada har sankalp, har kaarya alaukik hota hai। aisa avyakti bhaav mein, vyakta desh aur karttavya mein rehte hue bhi kamal pushpa ke samaan nyaara aur ek baap ka sada pyaara rehta hai। aise alaukik avyakti sthiti mein sada rahne vaale ko kaha jaata hai allaah log। title to aur bhi hai। aise ko hi preet buddhi kaha jaata hai। preet buddhi aur vipreet buddhi - donon ke anubhvi ho। isliye aap log mukhya sloganlikhte bhi ho - vinaash kaale preet buddhi paandav vijayanti aur vinaash kaale vipreet buddhi vinshayanti। isasloganko saare din mein apne aap se lagaate ho ki kitna samay preet buddhi arthaat vijayi bante hain aur kitna samay vipreet hone se haar kha lete hain? jab maaya se haar khaate ho to kya preet buddhi ho? preet buddhi arthaat vijayi। to jab doosron ko sunaate ho ki vinaash kaale vipreet buddhi mat bano; preet buddhi bano to apne ko bhi dekhte ho ki is samay ham preet buddhi hain va vipreet buddhi hain? preet buddhi vaala kab shreemat ke vipreet ek sankalp bhi nahin utha sakta। agar shreemat ke vipreet sankalp va vachan va karma hota hai to kya usko preet buddhi kahenge? preet buddhi arthaat buddhi ki lagan va preet ek preetam ke saath sada lagi hui ho। jab ek ke saath sada preet hai to anya kisi bhi vyakti va vaibhvon ke saath preet jut nahin sakti, kyonki preet buddhi arthaat sada baapdaada ko apne sammukh anubhav karenge। jab baap sada sammukh hai, to aise sammukh rahne vaale kab vimukh nahin ho sakte। vimukh hote hain arthaat baap sammukh nahin hai। preet buddhi vaale sadaiv baap ke sammukh rahne ke kaaran unke mukh se, unke dil se sadaiv yahi bol nikalte hain-tumheen se khaaoon, tumheen se baithoon, tumheen se boloon, tumheen se sunoon, tumheen se sarva sambandh nibhaaoon, tumheen se sarva praapti karoon। unke nain, unka mukhda na bolte hue bhi bolte hain। to aise vinaash kaale preet buddhi bane ho arthaat ek hi lagan mein ekras sthiti vaale bane haae? jaise saakaar roop mein, saakaar desh mein vardaan-bhoomi mein jab sammukh aate ho, to jaise suna vaise hi sada preet buddhi ka anubhav karte ho na। anubhav sunaate ho na। aise hi buddhiyog dvaara sada baapdaada; ke sammukh rahne ka abhyaas karo to kya sada preet buddhi nahin ban sakte? jiske sammukh hai hi sada baapdaada to jaise soorya ke saamne dekhne se soorya ki kirnen avashya aati hain; isi prakaar agar gyaan-soorya baap ke sada sammukh raho to gyaan-soorya ke sarva gunon ki kirnen apne mein anubhav nahin hongi?

gyaan-soorya ki kirnen na chaahte bhi apne mein dhaaran hote hue anubhav karenge lekin tab jab baap ke sada sammukh honge। jo sada baap ko sammukh anubhav karte hain, unhon ki soorat par kya dikhaai dega jisse aap svayan hi samajh jaayenge ki yeh sadaiv baap ke sammukh rehta hai? jo saakaar mein bhi sammukh rehte hain unhon ki soorat par kya rehta hai? saakaar mein sammukh rahne ka to sahaj anubhav kar sakte ho। bahut panraana shabd hai। revise course chal raha hai na, to puraana shabd bhi revise ho raha hai। yeh bhi buddhi ki drill hai। buddhi mein manan karne ki shakti aa jaayegi। achha, ek to unki soorat par antarmukhta ki va antarmukhi ki jhalak rehti hai aur doosra apne sangamayug ki aur bhavishya ki sarva svamaan ki phalak rehti hai। samjha? ek jhalak dikhaai deti hai, doosra phalak dikhaai deti hai। to aise sadaiv na sirf phalak dikhaai de lekin jhalak bhi dikhaai de,harshitmukh ke saath antarmukhi bhi dikhaai de - aise ko kaha jaata hai sada baap ke sammukh rahne vaale preet buddhi। agar sada yeh smriti rahe ki is tan ka kisi bhi samay vinaash ho sakta hai; to yeh vinaash kaal smriti mein rahne se preet buddhi svatah ho hi jaayenge। jab vinaash ka kaal aata hai to agyaani bhi baap ko yaad karne ka prayatna zaroor karte hain lekin parichay ke bina preet jut nahin paati। agar yeh sada smriti mein rakho ki yeh antim ghadi hai, antim janma nahin antim ghadi hai, yeh yaad rahne se aur koi bhi yaad nahin aayega। phir aise sada preet buddhi ho? shreemat ke vipreet to nahin chalte ho? agar mansa mein bhi shreemat ke vipreet vyartha sankalp va vikalpa aate hain to kya preet buddhi kahenge? aise sada preet buddhi rahne vaale vijayi ratna ban sakenge। vijayi ratna banne ke liye apne ko sada preet buddhi banaao। nahin to oonch pad paane ke bajaay kam pad paane ke adhikaari ban jaayenge। to sabhi apne ko vijayi ratna samajhte ho? kahaan bhi kis prakaar se koi saath preet na ho, nahin to vipreet buddhi ki list mein aa jaayenge। jaise logon ko pradarshani mein sangam ke chitra par khada karke poochhte ho ki abhi aap kahaan ho aur kaun ho? sangam par khada karke kyon poochhte ho? kyonki sangam hai oonch te oonch sthaan va yug। isi prakaar apne aap ko oonchi stage par khada karo aur phir apne aap se poochho ki main sada preet buddhi hoon? va nahin hoon va kabhi preet buddhi ki list mein aate ho, kabhi nikal jaate ho? agar ab tak bhi sada preet buddhi nahin bane arthaat kahaan na kahaan sookshm roop mein va sthool roop mein kis se bhi, kahaan bhi preet lagi hui hai। to vartamaan samay jabki padhaai ka course samaapta ho aur revise course chal raha hai, to isse samajhna chaahiye pareeksha ka samay kitna sameep hai। jaise aajkal kaurav government bhi beech-beech mein paper lekar unhon ki marks final paper mein jama karti hai, isi prakaar vartamaan samay jo bhi karma karte ho, samjho - practical paper de rahe hain aur is samay ke paper ki result final paper mein jama ho rahi hai। abhi thode samay mein yeh bhi anubhav karenge - koi bhi vikarma karne vaale ko sookshm roop mein sajaaon ka anubhav hoga। jaise preet buddhi chalte-phirte baap, baap ke charitra aur baap ke karttavya ki smriti mein rahne se baap ke milne ka practical anubhav karte hain, vaise vipreet buddhi vaale vimukh hone se sookshm sajaaon ka anubhav karenge। isliye phir bhi baapdaada pahle se hi suna rahe hain ki un sajaaon ka anubhav bahut kada hai। unke seerat se harek anubhav kar sakenge ki is samay yeh aatma saja bhog rahi hai। kitna bhi apne ko chhipaane ki koshish karenge lekin chhipa nahin sakenge। woh ek second ki saja anek janmon ke duhkh ka anubhav karaane vaali hai। jaise baap ke sammukh aane se ek second ka milan aatma ke anek janmon ki pyaas bujha deta hai, aise hi vimukh hone vaale ko bhi anubhav hoga। phir un sajaaon se chhootkar apni us stage par aane mein bahut mehnat lagegi। isliye pahle se hi warning de rahe hain ki ab pareeksha ka samay chal raha hai। aise phir ulhana nahin dena ki humein kya maaloom ki is karma ki itni guhya gati hai? isliye sookshm sajaaon se bachne ke liye apne se hi apne aap ko sada saavdhaan rakho। ab gafaltan karo। agar jara bhi gaphlat ki to jaise kahaavat hai - ek ka sau guna laabh bhi milta hai aur ek ka sau guna danda bhi milta hai, yeh bol abhi practical mein anubhav hone vaale hain। isliye sada baap ke sammukh, sada preet buddhi bankar raho। achha!

sada sammukh rahne vaale lucky sitaaron ko baapdaada bhi namaste karte hain। achha!