शनिवार 5 फ़रवरी 1972 की अव्यक्त मुरली

>

05-02-72om shanti avyakt baapdaadaamdhuban

nasha aur nishaana

ek second mein apne ko apne sampoorn nishaane aur nashe mein sthit kar sakte ho? sampoorn nishaana kya hai, usko to jaante ho na। jab sampoorn nishaane par sthit ho jaate hain, to nasha to rehta hi hai। agar nishaane par buddhi nahin tikti to nasha bhi nahin rahega। nishaane par sthit hone ki nishaani hai nasha। to aisa nasha sadaiv rehta hai? jo svayan nashe mein rehte hain woh doosron ko bhi nashe mein tika sakte hain। jaise koi had ka nasha peete hain to unki chalan se, unke nain-chain se koi bhi jaan leta hai -- isne nasha piya hua hai। isi prakaar, yeh jo sabhi se shreshtha nasha hai, jisko eeshvareey nasha kaha jaata hai, isi mein sthit rahne vaala bhi door se dikhaai to dega na। door se hi woh avastha itna mahsoos karen - yeh koi eeshvareey lagan mein rahne vaali aatmaayen hain! aise apne ko mahsoos karte ho? jaise aap kahaan bhi aate- jaate ho, to log dekhne se hi samjhen ki yeh koi prabhu ki pyaari nyaari aatmaayen hain। aise anubhav karte hain? bhakti-maarga mein bhi aisi aatmaayen hoti hain। unhon ke nain-chain se prabhu-premi dekhne aate hain। to aisi sthiti isi duniya mein rehte hue, aisi kaarobaar mein chalte hue samajhte ho ki yeh avastha rahegi ya sirf last mein darshan-moorta ki yeh stage hogi? kya samajhte ho - kya ant tak saadhaaran roop hi rahega va yeh jhalak chehron se dikhaai degi? va sirf last time jaise parde ke andar taiyaar ho phir parda khulta hai aur scene saamne aakar samaapta ho jaati hai, aise hoga? kuchh samay yeh jhalak dikhaai degi। kai aise samajhte hain ki jab first, second aatmaayen jo nimit baneen vahi saadhaaran gupta roop apna saakaar roop ka part samaapta kar chale gaye to ham logon ki jhalak phir kya dikhaai degi? lekin nahin। ‘san shows father’ gaaya hua hai। to father ka show bachche practical mein laane se hi karenge। ‘aho prabhu’ ki pukaar jo aatmaon ki niklegi va pashchaataap ki lahar jo aatmaon mein aayegi woh kab, kaise aayegi? jinhonne saakaar mein anubhav hi nahin kiya unhon ko bhi baap ke parichay se ki ham baba ke bachche hain, yeh kab maanenge ki barobar baap aaye lekin ham logon ne kuchh nahin paaya? to yeh practical roohaani jhalak aur pharishtepan ki phalak chehre se, chalan se dikhaai de। apne ko aur aap nimit bani hui aatmaon ki stage ko dekhte hue anubhav karenge - baap ne inhon ko kya banaaya! aur phir pashchaataap karenge। agar yeh jhalak nahin dekhte to kya samjhenge? itna samay gyaan to nahin lenge jo knowledge se aapko jaanen। to yeh practical chehre se jhalak aur phalak dikhaai degi। baap ke to mahaavaakya hi hain ki main bachchon ke aage pratyaksha hota hoon। lekinvishvake aage kaun prakhyaat honge? woh saakaar mein baap ka karttavya tha, practical mein bachchon ka karttavya hai prakhyaat hone ka aur baap ka karttavya hai backbone banne ka, gupta roop mein madadgaar banne ka। isliye aise bhi nahin ki jaise maat-pita ka gupta part chala vaise hi ant tak gupta vaataavran rahega। jayjaykaar shaktiyon ki gaai hui hai aur ‘aho prabhu’ ki pukaar baap ke liye gaai hui hai। aap log aapas mein bhi ek do ke anubhav karte honge - jab vishesh attention apne nishaane va nasha ka rehta hai, to bhale kitne bhi bade sangathan mein baithe honge to bhi sabhi ko vishesh kuchh dikhaai zaroor dega। mahsoos karenge ki yeh samay yaad mein bahut achha baithe। abhi jo saadhaaran attention hai woh badalkar natural vishesh attention ho jaayega aur chehre se jhalak-phalak dikhaai degi। sirf smriti ko shaktishaali banaana hai। achha!