गुरुवार 8 जून 1972 की अव्यक्त मुरली

>

08-06-72om shanti avyakt baapdaadaamdhuban

sampoorn stage ki parakh

apne ko vighna-vinaashak samajhte ho? koi bhi prakaar ka vighna saamne aave to saamna karne ki shakti apne mein anubhav karte ho? arthaat apne purooshaartha se apne aapko baapdaada ke va apni sampoorn sthiti ke sameep jaate anubhav karte ho va vahaan ka vahaan hi rookne vaale apne ko anubhav karte ho? jaise raahi kab rookta nahin hai, aise hi apne ko raat ke raahi samajh chalte rehte ho? sampoorn sthiti ka mukhya gun practical karma mein va sthiti mein kyya dikhaai deta hai va sampoorn sthiti ka vishesh gun kaunsa hota hai, jis gun se yeh parakh sako ki apni sampoorn sthiti ke sameep hain va door hain? abhi ek second ke liye apni sampoorn sthiti mein sthit hote hue phir bataao kaunsa vishesh gun sampoorn stage ko va sthiti ko pratyaksha karta hai? sampoorn stage va sampoorn sthiti jab aatma ki ban jaati hai to iska practical karma mein kya gaayan hai? samaanta ka। ninda stuti, jay-paraajay, sukh-duhkh sabhi mein samaanta rahe, isko kaha jaata hai sampoornata ki stage। duhkh mein bhi soorat va mastak par duhkh ki lahar ke bajaae sukh va harsha ki lahar dikhaai de। ninda sunte hue bhi aise hi anubhav ho ki yeh ninda nahin, sampoorn sthiti ko paripakva karne ke liye yeh mahima yogya shabd hain, aisi samaanta rahe। isko hi baapdaada ke sameepta ki sthiti kah sakte hain। zara bhi antar na aave -- na drishti mein, na vriti mein। yeh dushman hai va gaali dene vaala hai, yeh mahima karne vaala hai -- yeh vriti na rahe। shubhaachintak aatma ki vriti va kalyaankaari drishti rahe। donon prati ek samaan, isko kaha jaata hai -- samaanta। samaanta arthaat balance theek na hone ke kaaran apne oopar baap dvaara bliss nahin le paate ho। baap blissful hai na। agar apne oopar bliss karni hai va baap ki bliss leni hai to iske liye ek hi saadhan hai -- sadaiv donon baaton ka balance theek rahe। jaise sneh aur shakti - donon ka balance theek rahe to apne aapko bliss va baap ki bliss milti rahegi। balance theek rakhne nahin aata hai। jaise woh nat hote hain na। unki visheshta kya hoti hai? balance ki। baat saadhaaran hoti hai lekin kamaal balance ki hoti hai। khel dekha hai na nat ka। yahaan bhi kamaal balance theek rakhne ki hai। balance theek nahin rakhte ho। mahima sunte ho to aur hi nasha chadh jaata hai, glaani se ghrina aa jaati। vaastav mein na mahima ka nasha, na glaani se ghrina aani chaahiye। donon mein balance theek rahe; to phir svayan hi saakshi ho apne aapko dekho to kamaal anubhav hogi। apne aapse santushtata ka anubhav hoga, aur bhi aapke is karma se santushta honge। to isi purooshaartha ki kami hone ke kaaran balance ki kami kaaran blissful life jo honi chaahiye woh nahin hai। to ab kya karna pade? balance theek rakho। kai aisi do-do baaten hoti hain -- nyaara aur pyaara, mahima aur glaani। tumhaara pravriti maarga hai na। aatma aur shareer bhi do hain। baap aur daada bhi do hain। donon ke karttavya sevishva-parivartan hota hai। to pravriti-maarga anaadi, avinaashi hai। laukik pravriti mein bhi agar ek theek chalta hai, doosra dheela hota hai, balance theek nahin hota hai to khitkhit hoti hai, samay vesta jaata hai। jo shreshtha praapti honi chaahiye woh nahin kar paate hain। ek paanv se chalne vaale ko kya kaha jaata hai? langada। woh high jump de sakega va tej daud laga sakega? to ismen bhi agar samaanta nahin hai to aisepurushaartheeko kya kaha jaavega? agar purooshaartha mein ek cheez ki praapti adhik hoti hai aur doosre ki kami mahsoos karte hain to samajhna chaahiye ki high jump nahin de sakenge, daud nahin sakenge। to jab high jump nahin de sakenge, daud nahin sakenge to sampoornata ke sameep kaise aayenge? yeh kami aa jaati hai jo svayan bhi varnan karte ho। sneh ke samay shakti merge ho jaati hai, shakti ke samay sneh merge ho jaata hai। to balance theek nahin raha na। donon ka balance theek rahe, isko kaha jaata hai kamaal। ek samay ek jor hai; doosre samay par doosra jor hai to bhi doosri baat। lekin ek hi samay par donon balance theek rahen, isko kaha jaata hai sampoorn। ek merge ho doosra emerge hota hai to prabhaav ek ka padta hai। shaktiyon ke chitron mein sadaiv do gunon ki samaanta dikhaate hain -- snehi bhi aur shakti-roop bhi। nainon mein sadaiv sneh aur karma mein shakti- roop। to shaktiyon ko chitrakaar bhi jaante hain ki yeh shiv-shaktiyaan donon gunon ki samaanta rakhne vaali hain। isliye woh log bhi chitra mein isi bhaav ko prakat karte hain। jab practical mein kiya hai tabhi to chitra bana hai। to aisi kami ko abhi sampanna banaao, tab jo prabhaav nikalna chaahiye woh nikal sakega। abhi is baat ka prabhaav jaasti, doosron ka kam hone kaaran thoda prabhaav hota hai। ek baat ka varnan kar dete hain, sabhi ka nahin kar sakte। banna to sarva gun sampanna hai na। to aise sampoornata ko sameep laao। jaise dharma aur karma, donon ka sahayog bataate ho। log donon ko alag karte hai, aap donon ka sahayog bataate ho। to karma karte hue। dharma arthaat dhaarna bhi sampoorn ho to dharma aur karma donon ka balance theek hone se prabhaav badhega। karma karne samay karma mein to lag jaate aur dhaarna poori nahin hoti; to isko kya kaha jaayega? logon ko kehte ho - dharma aur karma ko alag karne ke kaaran aaj ki jeevan va paristhitiyaan aisi ho gai hain। to apne aap se poochho ki dharma aur karma arthaat dhaarnaayen aur karma, donon ki samaanta rehti hai va karma karte phir bhool jaate ho? jab karma samaapta hota tab dhaarna smriti mein aati hai। jab bahut karma mein busy rehte ho, us samay itni dhaarna bhi rehti hai va jab kaarya halka hota hai tab dhaarna bhaari hoti hai? jab dhaarna bhaari hai to karma halka ho jaata hai? taraaju ka donon taraph ek samaan chalta rahe tab taraaju ka moolya hota hai। nahin to taraaju ka moolya hi nahin। taraaju hai buddhi। buddhi mein donon baaton ka balance theek hai to unko shreshtha buddhivaan va divya buddhivaan, tej buddhivaan kahenge। nahin to saadhaaran buddhi। karma bhi saadhaaran, dhaarnaayen bhi saadhaaran hoti hain। to saadhaaranta mein samaanta nahin laani hai lekin shreshthata mein samaanta ho। jaise karma shreshtha vaisi dhaarna bhi shreshtha। karma dhaarna arthaat dharma ko merge na kar de, dhaarna karma ko merge na kare to dharma aur karma - donon hi shreshthata mein samaan rahen - isko kaha jaata hai dharmaatma। dharmaatma kaho va mahaan aatma va karmayogi kaho, baat ek hi hai। aise dharmaatma bane ho? aise karmayogi bane ho? aise blissful bane ho? ekaantavaasi bhi aur saath-saath ramneekta bhi itni hi ho। kahaan ekaantavaasi aur kahaan ramneekta! shabdon mein to bahut antar hai, lekin sampoornata mein donon ki samaanta rahe। jitna hi ekaantavaasi utna hi phir saath-saath ramneekta bhi hogi।

ekaanta mein ramneekta gaayab nahin honi chaahiye। donon samaan aur saath- saath rahen। aap jab ramneekta mein aate ho to kehte ho antarmukhta se neeche aa gaye aur antarmukhta mein aate ho to kehte ho aaj ramneekta kaise ho sakti hai? lekin donon saath-saath hon। abhi-abhi ekaantavaasi, abhi-abhi ramneek। jitni gambheerta utna hi milansaar bhi hon। aise bhi nahin - sirf gambheermoorta hon। milansaar arthaat sarva ke sanskaar aur svabhaav se milne vaala। gambheerta ka arth yeh nahin ki milne se door rahen। koi bhi baat ati mein achhi nahin hoti hai। koi baat ati mein jaati hai to usko toofaan kaha jaata hai। ek gun toofaan misal ho, doosra merge ho to achha lagega? nahin। to aise apne mein powerful dhaarna karni hai। jaise chaaho vahaan apne ko tika sako। aise nahin ki buddhi roopi paanv tik na sake। balance theek na hone ke kaaran tik nahin sakte। kab kahaan, kab kahaan gir jaate va hilte-julte rehte hain। yeh buddhi ki halchal hone ka kaaran samaanta nahin hai arthaat sampanna nahin hain। koi bhi cheez agar full ho to uske beech mein kab halchal nahin ho sakti। halchal tab hoti hai jab kami hoti hai, sampanna nahin hota hai। to yeh buddhi mein vyartha sankalpon ki va maaya ki halchal tab machti hai jab phool (Full) nahin ho, sampanna nahin ho। donon mein sampanna va samaanta ho to halchal ho hi nahin sakti। to apne aapko kisi bhi halchal se bachaane ke liye sampanna bante jaao to sampoorn ho jaayenge। sampoorn sthiti va sampoorn stage arthaat sampoorn vastu ka prabhaav na nikle - yeh to ho hi nahin sakta। chandrama bhi jab 16 kala sampoorn ho jaata hai to na chaahte hue bhi harek ko apni taraph aakarshitkarta hai। koi bhi vastu sampanna hoti hai to apne aap aakarshan karti hai। to sampoornata ki kami ke kaaranvishvaki sarva aatmaon ko aakarshan nahin kar paate ho। jitni apne mein kami hai utna aatmaon ko apni taraph kamaaakarshitkar paate ho। chandrama ki kala kam hoti hai to kiska attention nahin jaata hai। jab sampoorn ho jaata hai to na chaahte hue bhi sabhi ka attention jaata hai। koi dekhe na dekhe, lekinazroor dekhne mein aata hi hai। sampoornata mein prabhaav ki shakti hoti hai। to prabhaavshaali banne ke liye sampanna banna pade। samjha?

agar balance theek nahin hota hai to hilne-julne ka jo khel karte ho, woh saakshi ho dekho to apne oopar bhi bahut hansi aave। jaise koi apne poore hosh mein nahin hota hai to unki chalan dekh hansi aati hai na। to apne aapko bhi dekho - jab maaya thoda-bahut bhi behosh kar deti hai, apni shreshtha smriti ka hosh gaayab kar deti hai; to us samay chaal kaisi hoti hai? woh najaara saamne aata hai? us samay agar saakshi ho dekho to apne aap par hansi aavegi। baapdaada saakshi hokar khel dekhte hain। harek bachche ka to…aisa khel dikhaana achha lagta hai? baapdaada kya dekhna chaahte hain, usko bhi tum jaante ho। jab jaante ho, maante bhi ho, phir chalte kyon nahin ho? teen kone theek hon baaki ek theek na ho; to kya hoga? chaaron hi baaten jaante hue bhi, maante hue bhi, varnan bhi karte ho lekin kuchh chalte ho, kuchh nahin chalte ho। to kami ho gai na। abhi is kami ko bharne ka prayatna karo। jaise do- do baaten sunaaeen na। to aise hi knowledgeful aur powerful - in donon ka balance theek rakho to sampoornata ke sameep aa jaayenge। knowledgeful bahut bante ho, powerful kam bante ho; to balance theek nahin rehta। shaktiyon ko aur shakti ko bailensad dikhaate hain, aasheervaad deta hua dikhaate hain। to svayan apne balance mein theek na honge, apne oopar hi balance nahin kar sakenge to anekon ke liye master blissful kaise ban sakenge? abhi to is cheezke sabhi bhikhaari hain। bliss ke vardaani va mahaadaani shiv aur shaktiyon ke sivaae koi nahin hain। to jis cheezke vardaani va mahaadaani ho woh pahle svayan mein sampanna hongi tabhi to doosron ko de sakenge na। aise master knowledgeful, blissful aur itna hi phir careful, shreshtha aatmaon ko namaste।