बुधवार 21 जून 1972 की अव्यक्त मुरली

>

21-06-72om shanti avyakt baapdaadaamdhuban

vishwa- mahaaraajan banne vaalon keevishva-kalyaankaari stage

apne aapko ek second mein shareer se nyaara ashareeri aatma samajh aatma-abhimaani va dehi-abhimaani sthiti mein sthit ho sakte ho? arthaat ek second mein karma-indriyon ka aadhaar lekar karma kiya aur ek second mein phir karma-indriyon se nyaara, aisi practice ho gai hai? koi bhi karma karte karma ke bandhan mein to nahin phans jaate ho? karma karte hue karma ke bandhan se nyaara ban sakte ho va ab tak bhi karma-indrayon dvaara karma ke vasheebhoot ho jaate ho? har karma-indriy ko jaise chalaana chaaho vaise chala sakte ho va aap chaahte ek ho, karmaindriyaan doosra kar leti hain? rachayita bankar rachna ko chalaate ho? jaise aur koi bhi jad vastu ko chaitanya aatma va chaitanya manushyaatma jaise chaahe vaise roop de sakti hai aur jaise chaahe vaise karttavya mein laga sakti hai, jahaan chaahe vahaan rakh sakti hai। jad vastu chaitanya ke vash mein hai, chaitanya aatma jaise chalaana chaahe vaise nahin chala sakti hai? jaise jad vastu ko kis bhi roop mein parivartan kar sakte ho, vaise karma-indriyon ko vikaari se nirvikaari va vikaaron ke vash aag mein jale hue karma-indriyon ko sheetalta mein nahin la sakte ho? kya chaitanya aatma mein yeh parivartan ki shakti nahin aai hai?

koi bhi karma-indriyon ki chanchalta ko sahansheel-saralchit nahin bana sakte ho? itni shakti apne mein anubhav karte ho? shaktishaali aatmaayen ho na। jo bhaagyashaali aatmaayen hain woh shaktishaali bhi bani hain va sirf brahmaakumaar-brahmaakumaari banne ke bhaagya ke kaaran bhaagyashaali bane ho? sirf bhaagyashaali banne se bhi maayaajeet nahin ban sakenge। bhaagyashaali ke saath- saath shaktishaali bhi banna hai। donon anubhav hota hai? jaise bhaagyashaaleepan ka nasha to avinaashi hai na। isko koi naash nahin kar sakta। vaise shaktishaali ka vardaan vardaata se le liya hai va abhi lena hai? kya samajhte ho? brahmaakumaar-kumaari to ho hi। woh to avinaashi chhaap lagi hui hai। ab shaktishaali ka vardaan le liya hai ki lena hai? jab shaktishaali ban gae to maaya ki shakti vaar kar sakti hai? yeh hai rachayita ki shakti, woh hai rachna ki shakti। to kamjor shoorveer ke oopar vaar karne ki himmat rakh sakta hai kya? rakhe bhi to uska parinaam kya hoga? vijayi kaun banega? shoorveer। to rachayita ki shakti mahaan hai, phir maaya ka vaar kaise ho sakta va maaya se haar kaise ho sakti? jab apne ko shaktishaali nahin samajhte ho va sadaakaal shaktishaali sthiti mein, smriti mein sthit nahin hote tab haar hoti hai। jahaan smriti hai vahaan vismriti ka aana asambhav hai। jaise din ke samay raat ka hona asambhav hai। aisa apne ko banaaya hai va ab tak sambhav hai? kab bhi maaya ka koi vaar nahin hoga - aisa avinaashi nishchaybuddhi ho gaye ho? sankalp mein bhi kab yeh na aaye ki maaya kab haar khila bhi sakti hai। aise ban gaye ho va abhi maaya aayegi to yuddha karke vijay praapta karenge? ab isko bhi samaapta karna hai। jabki duniya vaalon ko sandesh dete ho ki ab bahut thoda samay rah gaya hai, to kya yeh thoda-sa samay yuddha karne ki stage va yuddha karne vaali chandravanshi stage samaapta kar sooryavanshi stage nahin bana sakte ho? sooryavanshi arthaat gyaan-soorya ki stage। soorya ka karttavya kya hota hai? soorya to sabhi ko bhasma kar deta hai। sooryavanshi stage arthaat sarva vikaaron ko bhasma kar sada vijayi banne ki stage। to ab apni kaunsi stage samajhte ho? sooryavanshi ho va chandravanshi ho? agar yuddha karne mein samay dena padta hai to chandravanshi stage kahenge। ab tak apne aap prati hi samay dete rahenge to baap ke madadgaar ban practical mein master vishwa-kalyaankaari bankar vishwa ke kalyaan prati saara samay kab denge? last stage kaunsi hai?vishwa-kalyaankaari ki hai na। ab yeh prayatna karo -- din-raat sankalp, sekendavishvake karttavya mein va seva mein jaaye। jaise laukik reeti mein bhi jab laukik rachna ke rachayita bante hain to rachayita banne se apne taraph samay dene ke bajaayya rachna ki taraph hi lagaate। iske to anubhvi ho na। agar ati rogi, ati duhkhi, ati ashaanta rachna hoti hai to rachayita maa-baap ka poora attention usi prati rehta hai na। apne aap ko jaise bhoole hue hote hain। woh to hai had ki rachna lekin aap to behad vishvake master rachayita ho na। pahle apne prati samay diya lekin ab ki stage master rachayita ki hai। sirf ek-do ki baat nahin, poorevishvaki aatmaayen duhkhi, ashaanta, rogi, pareshaan hain, bhikhaari hain। behad rachna arthaat saarevishvako kalyaankaari ban sadaakaal ke liye sukhi aur shant banaana hai to behad rachayita ka attention hona chaahiye। vishvakalyaan mein hona chaahiye va ab tak bhi apne mein hi apne prati bahut samay diya, yuddha karne mein bahut samay lagaaya? ab aise hi samjho ki yeh jo thoda samay rah gaya hai woh haivishvake kalyaan prati। bhakti-maarga mein jo mahaadaani-kalyaankaari vritti vaale sevaadhaari hote hain woh koi bhi daan aadi apne prati nahin karenge, sarva aatmaon prati hi sankalp karenge। to yeh reeti-rasma aap shreshtha athva kalyaankaari aatmaon se shuru hui hai, jo bhakti mein bhi rasma chali aati hai।zaroor practical mein hui hai tab to yaadgaar roop mein rasma chal rahi hai। practical ka naya yaadgaar banta hai kya? to ab yeh parivartan laao। doosron ke arth sevaadhaari banne se va doosron ke prati samay aur sankalp lagaane se, serviceable banne se sada successful svatah hi ban jaaenge। kyonki anek aatmaon ko sukhi va shant banaane ka return pratyakshaphal ke roop mein svatah hi praapta ho jaata hai। jab seva karenge to iska khaata bhi jama hoga aur seva ke pratyakshaphal ki praapti svatah hi praapta ho jaaegi। to kyon na sada sevaadhaari bano। to apni unnati svatah hi ho jaaegi, karni nahin padegi। doosron ko dena arthaat svayan mein bharna। to svayan apni unnati ke liye alag samay kyon lagaate ho? ek hi samay mein agar do kaarya ho jaaen, bhale praapti ho jaae; to single praapti mein samay kyon lagaate ho? saare din mein vishwa-kalyaan ke prati kitna samay dete ho? braahmanon ka yeh alaukik janma hi kislie hai? vishwa-kalyaan arth hai na। to jis prati janma hai woh karma kyon nahin karte hain? jaise dekho -- jis kul mein janma lete hain us kul ke sanskaar janma lete hi svatah ho jaate hain। sthool kaam karne vaale majdoor aadi ke ghar mein bachcha paida hoga to chhotepan mein hi maa-baap ko dekhte hue us kaarya ke sanskaar svatah hi usmein emerge ho jaate hain। to ab janma hi brahmaakumaari ka hai to jo baap ka karttavya woh svatah hi bachchon ke sanskaar honechaahie। jaise saakaar baap ko pratyaksha roop mein dekho - to raat ka neend ka samay athva apne shareer ke rest ka samay bhi jyaada kahaan dete the? vishwa-kalyaan ke karttavya mein, sarva aatmaon ke kalyaan prati, na ki apne prati। vaani dvaara bhi sada vishwa-kalyaan ke sankalp hi karte the। isko kaha jaata hai vishwa kalyaankaari। to yeh man ke vighnon se yuddha karne mein hi samay dena - yeh to apne prati vyartha samay dena hua na। inko aavashyak nahin, vyartha kahenge। baap ne aavashyak samay bhi kalyaan prati diya aur bachche vyartha samay apne prati lagaate rahen to follow father hua? baap samaan banna hai na। to sada yeh check karo ki jyaada se jyaada to kya lekin sada hi samay aur sankalp vishwa-kalyaan prati lagaate hain? aise sada vishwa-kalyaan ke nimitta samay aur sankalp lagaane vaale kya banenge?vishwa-mahaaraajan। agar apne prati hi samay lagaate rehte hain to vishwa-mahaaraajan kaise banenge? tovishva-mahaaraajan banne ke liye vishwa-kalyaankaari bano। jab itne busy ho jaayenge to kya vyartha samay aur sankalp aayega? vyartha svatah hi samaapta ho jaayega aur sada samartha sankalp chalenge, sada vishwa-seva mein samay lagega। is stage ke aage chhoti-chhoti baaton mein samay dena va buddhi ki shakti vyartha ganvaana kya bachpan ka khel nahin lagta hai? laukik reeti mein bhi rachayita had ke brahma bante hain, vishnu bhi bante hain lekin shankar nahin bante hain। aise hi had ki sthiti mein rahne vaale bhi vyartha sankalpon ke rachta bante hain, paalanhaar bhi bante hain lekin vinaashkaari nahin ban sakte। kyonki had ki sthiti mein sthit ho। agar behad ki sthiti mein sthit raho to apne andar ki baat to chhodo lekin saare vishvase vyartha vikalpa va vikarma va vikaar vinaash karaane vaale vinaashkaari ban sakte hain। last stage hai vinaashkaari। vinaashkaari tab banenge jab kalyaankaari banenge। aisi sthiti hai na। had ko ab chhod chuke ho na। achha।

aise sadaavishva-kalyaankaari smriti aur seva mein sthit rahne vaali mahaan aatmaon ko namaste।