मंगलवार 11 जुलाई 1972 की अव्यक्त मुरली

>

11-07-72om shanti avyakt baapdaadaamdhuban

nirnayshakti ko badhaane ki kasauti – “saakaar baap ke charitra”

vartamaan samay ke visheshtaaon ko jaante huye apne mein woh sarva-shaktiyaan dhaaran kar apne aap ko vishesh aatma banaaya hai? jaise is samay ki visheshtaaon ka varnan karte ho, vaise hi apne mein bhi woh visheshtaayen dekhte ho? jitni samay mein visheshtaaen hain utni svayan mein bhi hen? va samay mein jyaada hain aur svayan mein kam hain? samay aur svayan mein kitna antar samajhte ho? antar hai? aap svayan powerful hain va samay powerful hai? (abhi samay hai, hona svayan ko chaahiye) agar kehte ho, hona yeh chaahiye to duniya vaale agyaani, nirbal aatmaon aur aap gyaani aatmaon mein va master sarvashaktivaan aatmaon mein kya antar raha? aisa hona chaahiye - yeh hona chaahiye, yeh to woh log bhi kehte hain। aap bhi kehte ho ki hona chaahiye, to antar kya hua? gyaani aur agyaani mein yahi antar hai। jo log kehte hain-chaahiye-chaahiye, gyaani log ‘chaahiye’ nahin kehte, jo hona chaahiye woh karke dikhaate hain। unhon ka hota hai kehna। gyaaniyon ka hota hai karna। yahi antar hai। woh sirf kehte hain, aap karte ho, agar ab bhi aap kehte ho ki yeh hona chaahiye to antar kya hua? apne aap se poochho ki samay ki kya-kya visheshtaaen hain aur un visheshtaaon mein se mere mein kya-kya visheshta kam hai? agar koi ek bhi visheshta kam hui to kya vishesh aatmaon mein aa sakenge? nahin aa sakenge na। is samay ki visheshtaaon ko nikaalo to anekaanek visheshtaaen dikhaai dengi। unmein se is samay ki shreshtha visheshta kaunsi hai? sangam ka samay chal raha hai na। shreshtha banne ka samay to hai lekin samay ki shreshthata kya hai jo aur koi samay ki nahin ho sakti? is sangamayug ki visheshta yeh hai ki sangamayug ka har second madhur mela hai, jis mele mein aatmaon ka baap se milan hota hai। yeh visheshta aur koi bhi yug mein nahin hain। woh yahin hain। baap aur bachchon ka mela athva milan kaho; to is visheshta ko sada apne mein dhaaran karte huye chalte ho? jaise sangamayug ka har second ka mela hai, vaise har samay apne aap ko baap ke saath milan manaane ka anubhav karte ho? va is mahaan shreshtha mele mein chalte-chalte kab-kab baapdaada ka haath chhod mele va milan manaane se vanchit ho jaate ho? jaise kab-kab mele mein kai bachche kho jaate hain na। maa-baap ka haath chhod dete। mela hota hai khushi manaane ke liye। agar mele mein koi bachcha mon-baap se bichhud jaaye va haath-saath chhod de to usko kya praapti hogi? khushi ke bajaay aur hi ashaanta ho jaavenge। to aise apne aap ko dekho ki mele mein sada khushi ki praapti kar raha hoon, sada milan mein rehta hoon? jo sada milan mein rahega uski nishaani kya hogi? unki visheshta kya hogi? ateendriy sukh mein rahne vaale va sada milan manaane vaale ki nishaani kya hogi? unki visheshta kya hongi? jo sadaiv milan mein magna hoga woh kab bhi koi vighna mein nahin hoga। milan vighna ko hata deta hai। woh vighna-vinaashak hoga। milan ko hi lagan kehte hain। koi bhi prakaar ka vighna aata hai va vighna ke vash ho jaate hain; to isse kya siddha hota hai? sada milan mela nahin manaate ho। jaise auron ko kehte ho ki samay ko pahchaano, samay ka laabh uthaao। to apne aap ko bhi yeh soochna dete ho? va sirf doosron ko dete ho? agar apne aap ko bhi yeh soochna dete ho to ek second bhi milan se door nahin rah sakte ho। har second milan manaate rahenge। jaise koi bhi bada mela lagta hai, uska bhi samay fix hota hai ki itne samay ke liye yeh mela hai। phir woh samaapta ho jaata hai। agar koi shreshtha mela hota hai aur bahut thode samay ke liye hota to kya kiya jaata hai? mele ko manaane ka prayatna kiya jaata hai। vaise hi is sangam ke mele ko agar ab nahin manaaya to kya phir kab yeh mela lagega kya? jabki saare kalpa ke andar yeh thoda samay hi baap aur bachchon ka mela lagta hai, to itne thode samay ke mele ko kya karna chaahiye? har second manaana chaahiye। to samay ki visheshtaaon ko jaante huye apne mein bhi woh visheshta dhaaran karo। to svatah hi shreshtha aatma ban jaavenge। lakshya to sabhi ka shreshtha aatma banne ka hai na। lakshya shreshtha banne ka hote huye bhi purooshaartha saadhaaran kyon chalta hai?

lakshya shreshtha hai to phir lakshan saadhaaran aatma ka kyon? iska kaaran kya hai? lakshya ko hi bhool jaate ho। lakshya rakhne vaale, phir lakshya ko bhool jaate? koi bhi vighna ka nivaaran karne ki shakti kam kyon hai? iska kaaran kya? nivaaran kyon nahin kar sakte ho? nivaaran na karne ke kaaran hi jo lakshya rakha hai isko pa nahin sakte ho। to nivaaran karne ki shakti kam kyon hoti? shreemat par chalne vaale ka to jaisa lakshya vaise lakshan honge। agar lakshya shreshtha hai aur lakshan saadhaaran hai to iska kaaran? kyonki vighnon ko nivaaran nahin kar paate ho। nivaaran na karne ka kaaran kya hai? kis shakti ki kami hai? nirnay shakti; yeh theek hai। jab tak nirnay nahin kar paate tab tak nivaaran nahin kar paate। agar nirnay kar lo to nivaaran bhi kar lo। lekin nirnay karne mein kami rah jaati hai। aur nirnay kyon nahin kar paate ho, kyonki nirvikalp nahin hote। vyartha sankalp, vikalpa buddhi mein hone kaaran, buddhi clear na hone kaaran nirnay nahin kar paate ho aur nirnay na hone kaaran nivaaran nahin kar paate। nivaaran na kar sakne kaaran koi-na-koi aavran ke vash ho jaate। nivaaran nahin to aavran avashya hai। to apne nirnay shakti ko badhaane liye sahaj saadhan kaunsa diya hua hai? jaise sone ko parakhne ke liye kasauti ko rakha jaata hai, isse maaloom ho jaata hai ki sachcha hai va jhootha hai। aise hi nirnay shakti ko badhaane ke liye aapke saamne kaunsi kasauti hai? saakaar baap ka har karttavya aur har charitra yahi - kasauti hai। jo bhi karma karte ho, jo bhi sankalp karte ho - agar is kasauti par dekh lo ki yeh yathaartha hai va aythaartha hai, vyartha hai va samartha hai is kasauti par dekhne ke baad jo bhi karma karenge woh sahaj aur shreshtha hoga। to is kasauti ko hi saath nahin rakhte ho, isliye mehnat lagti hai। jo sahaj yukti hai, isko bhool jaate ho। is kaaran vighnon se mukti nahin pa sakte ho। agar sone ka kaam karne vaale ke paas kasauti theek na ho to kya hoga? dhokha kha lenge। aise hi agar yeh kasauti sada saath, smriti mein na rakhte ho tab mushkil anubhav karte ho। hai to sahaj na। phir mushkil kyon ho jaata? kyonki yukti ko yuz nahin karte ho। yukti use karo to mukti zaroor ho jaaye। chaahe sankalpon ke toofaan se, chaahe koi bhi sambandh dvaara va prakriti va samasyaaon dvaara koi bhi toofaan va vighna aate hain to usse mukti na paane ka kaaran yukti nahin। yukti-yukta nahin bane ho। jitna yog yukta, yukti-yukta honge utna sarva vighnon se muktazroor honge। sarva vighnon se mukta ho ya yukta ho? yog-yukta nahin rehte ho tab vighnon se yukta ho। jo koi bhi programme rakhte ho, va bhaashan aadi karte ho, va kisko bhi samjhaate ho to usmein sabhi ko mukhya kaun si baat sunaate ho? mukti-jeevanmukti aapka janmasiddha adhikaar hai। to jab aapka janmasiddha adhikaar hai to unko praapta karo। phir kehte ho - ab nahin to kab nahin। to yeh jo mukhya sloganhai - mukti-jeevanmukti janmasiddha adhikaar hai; isko aap logon ne paaya hai? bachche bane aur adhikaar nahin paaya? auron ko samjhaate ho-bachcha bana aur varse ka adhikaari bana। to yeh sirf samjhaane ka hai va practical karne ki baat hai? laayak banna doosri baat hai, lekin mukti-jeevanmukti ka varse mil gaya hai va nahin? yahaan hi pa liya hai va muktidhaam mein mukti aur svarga mein jeevan-mukti lena hai bhavishya mein to milna hai lekin bhavishya ke saath-saath abhi mukti-jeevan mukti nahin mili hai? jab baap abhi mila hai to varsa bhi abhi mila hai। bhavishya ke dilaase par chal rahe ho? (check mila hai) bachchon ko check nahin diya jaata। bachche to baap ke har

cheezpar adhikaari hote hain। adhikaari ko check ka dilaasa nahin diya jaata। to practical jo varsa hai woh abhi praapta hota hai। jeevan-bandha ke saath hi jeevan-mukta ka anubhav hota hai। vahaan to jeevan-bandha ki baat hi nahin, vahaan to sirf usi praarabdha mein honge। mukti-dhaam ke mukti ka anubhav jo abhi kar sakte ho woh vahaan nahin kar sakenge। to yeh nahin samajhna ki mukti-jeevanmukti ka janmasiddha adhikaar bhavishya mein paana hai। nahin। jab se bachche bane to varsa bhi pa liya hai। baaki raha aagyaakaari, vaphaadaar, farmaanbardaarakhaan tak bante ho woh number। varse ke adhikaari to ban jaate ho। us varse ko jeevan mein dhaaran kar ke usse laabh uthaana, woh harek ki avastha par hai। varsa dene mein baap koi antar nahin karta hai। laayak aur na-laayak banne par antar ho jaata hai। isliye kaha ki janmasiddha adhikaar apne aap mein sada praapti karte ho। sada mukta rehna chaahiye na। deh se, deh ke sambandh se bhi mukta aur puraani duniya ki smriti se bhi mukta। mukta nahin bane ho? mukti ki avastha ka anubhav agar karte ho to mukta hone baad jeevan-mukti ka anubhav otome- tikli ho jaata hai। kyonki jeevan mein to ho na। shareerdhaari ho na। jeevan mein rehte huye deh aur deh ke sambandh aur puraani duniya ke aakarshan se mukta ho - isko hi jeevan-mukta avastha kaha jaata hai। to mukti-jeevanmukti ka anubhav abhi karna hai na ki bhavishya mein। bhavishya mein to yahaan ki praapti ki praalabdha milti rahengi। lekin praapti ka anubhav abhi hota hai, bhavishya mein to andarastood hai। woh hai shreshtha karmon ki praarabdha। lekin shreshtha karma to abhi hote hain na। to praapti ka bhi anubhav abhi hoga na। bhivashya ke dilaase par sirf na rehna। check rakh apni checking mein rah jaao - aise nahin karna। apne aap ko dekho ki baap dvaara jo varsa mila hai isko kahaan tak praapta kar chal rahe hain? baap ne to de diya। adhikaari ka adhikaar koi chheen nahin sakta। to ham adhikaari hain - is nashen mein, nishchay mein raho। sirf yeh dekho ki mile huye varse ko kahaan vyartha ganva to nahin lete ho? aise kai bachche hote hain jinko milta bahut hai lekin ganvaate bhi bahut hain। ganvaane kaaran, milte huye bhi bhikhaari rah jaate। adhikaari hote bhi adheen ban jaate hain। jab adhikaar na hoga to zaroor adheenta hogi। vighnon ke adheen ho jaate ho na। kyonki adhikaar ko nahin paaya hai। agar sada adhikaari bankar chalo to koi bhi vighna ke adhikaari ho nahin sakte। is prakriti ke adheen nahin banna hai। jaise baap prakriti ko adheen kar aata hai, adheen nahin hota। vaise hi is deh va jo bhi yeh prakriti hai usko adheen kar chalna hai, na ki adheen। achha!

kalaabaaji ka khel dekha? bhattheevaalon ne aaj kalaabaaji achhi dikhaai। abhi samaapti mein sabhi kamjoriyaan bhi samaapta ho jaavegi na। phir yeh kalaabaaji to nahin khelenge na। sada mukti aur jeevanmukti adhikaar ke nishchay aur nashe mein rahne vaale, sarva shreshthataaon ko dhaaran kar shreshtha aatma banne vaali aatmaon ko yaad-pyaar aur namaste।