मंगलवार 18 जुलाई 1972 की अव्यक्त मुरली

>

18-07-72om shanti avyakt baapdaadaamdhuban

kamjoriyonkaasmaapti samaaroh karne vaale hi teevra purushaartheehai

apne ko ever ready samajhte ho? jo ever ready honge, unhon ka practical swaroop ever happy hoga। koi bhi paristhiti roopi paper va praakritik aapda dvaara aaya hua paper va koi bhi shaareerik karma bhog roopi paper aave, to bhi sabhi prakaar ke papers mein full paas va achhi marks mein paas honge - aise apne ko ever ready samajhte ho? athva ever ready ki nishaani jo ever happy hai, woh anubhav karte ho? apna intajaam aisa kiya hai jo kis ghadi mein bhi koi paper ho jaaye to taiyaari ho? aise ever ready ho? aap shreshtha aatmaon ke liye, aap logon dvaara jo anya aatmaaen nambarvaar varsa paane vaali hain unhon ke liye baaki thoda-sa samay raha hua hai। samay ki raphtaar tej hai। jaise samay kiske liye bhi rookaavat mein rookta nahin, chalta hi rehta hai। vaise hi apne aapse poochho ki svayan bhi koi maaya ke rookaavat mein rookte to nahin ho? koi bhi maaya ke sookshm va sthool vighna aate hain va maaya ka vaar hota hai to ek second mein apni shreshtha shaan mein sthit honge to maaya dushman par nishaana bhi theek rahega, agar shreshtha shaan nahin to nishaana na lagne ke kaaran pareshaan ho jaavenge। abhi pareshaani hoti hai? agar ab tak kisi bhi prakaar ki pareshaani hoti hai to anya aatmaon ki pareshaani ko kaise mitaavenge? pareshaaniyon ko mitaane vaale ho va svayan bhi pareshaan hone vaale ho? jaise jo bhi bhatthi karte ho to uska samaapti-samaaroh va parivartan-samaaroh manaate ho। to yeh jo behad ki bhattheechal rahi hai usmein kamjoriyon ki samaapti ka samaaroh va parivartan-samaaroh kab manaavenge? iski koi fix date hai? drama karaavega? drama to sarva aatmaon ka puraani duniya se samaapti-samaaroh karaavega lekin aap teevra purushaartheeshreshtha aatmaon ko to pahle hi kamjo- riyon ke samaapti samaaroh ko manaana hai na। ki aap bhi anya aatmaon ke saath ant mein karenge? jaise aur seminar aadi karte ho, uski date fix karte ho, usi pramaan taiyaari karte ho aur us kaarya ko saphal kar sampanna karte ho। aise yeh kamiyon ko mitaane ki seminar ki date fix nahin ho sakti? yeh seminar hona sambhav hai? jaise koi yagya rachte hain to beech-beech mein aahuti to daalte hi rehte hain। lekin ant mein sabhi mil kar sampoorn aahuti daalte hain to kya aise sabhi aapas mein mil kar sampoorn aahuti daal sakte hain? sarva kamjoriyon ko svaaha nahin kar sakte ho? jab tak sabhi milkar ke sampoorn aahuti nahin daalenge to saare vishvaka vaayumandal va sarva aatmaon ki vritiyaan va vibration parivartan mein kaise aavenge? aur jo aap sabhi ne jimmevaari li hai vishwa-parivartan ki va vishwa nav nirmaan ki, woh kaise hogi? to apni jimmevaari ko poora karne ke liye va apne kaarya ko poora sampanna karne ke liye sampoorn aahuti hi daalni padegi। iske liye apne ko ever ready banaane ke liye kaun-si yukti apnaao jo sahaj hi kamjoriyon se mukti ho jaaye? yuktiyaan to bahut mili hain, phir bhi aaj aur yukti bata rahe hain। sabse jyaada yaadgaar kiske bante hain? aur anek prakaar ke yaadgaar kiske bante hain? baap ke va bachchon ke? baap ki yaadgaar ka ek hi roop banta hai lekin aap logon ke arthaat shreshtha aatmaon ke anek roop aur reeti-rasma ke anusaar bane huye hain। aap shreshtha aatmaon ke bhinna-bhinna karma ka bhi yaadgaar bana hua hai। to jabki baap se bhi jyaada anek prakaar ke yaadgaar bane hue hain, woh kaise? aapke practical shreshtha karma ke, shreshtha sthiti ke hi yaadgaar bane hain na। to jo bhi sankalp va karma karte ho va vachan bolte ho, us har vachan aur karma ko check karo ki woh vachan va bol aisa hai jo hamaari yaadgaar bane? yaadgaar woh karma va bol hote hain jo yaad mein rah kar ke karte ho। jaise koi cheezgaadi jaati hai, jaise jhande ko gaadte ho na arthaat phaaundeshan daalte ho। kehte hain - is cheez ko achhi tarah se gaad lena। aise hi yaad se kiye huye karma sada ke liye yaadgaar ban jaata hai। jaise koi cheez duniya ke aage rakhni hoti hai to kitni sundar aur spashta banaai jaati hai! saadhaarancheezko kisi ke aage nahin rakhenge। koi visheshta hoti hai tab kisi ke aage rakhi jaati hai। tumhaare yeh abhi ke har karma va har bol vishvake aage yaadgaar ke roop mein aane vaale hain। aisa attention rakhte huye va aisi smriti rakhte huye har karma va bol bolo jo ki yaadgaar banne ke yogya ho। agar yaadgaar banne ke yogya nahin hai to woh karma nahin karo - yeh smriti sada rakho। jo vyartha sankalp va vyartha bol va saadhaaran karma hote hain, unka yaadgaar banega kya? yaadgaar banne ke liye yaad mein rah kar karma karo। jaise baap ko dekho ki yaad mein rehte huye karma karne se hi karma aaj aap sabhi ke dil mein yaadgaar ban gaya hai na। aise hi apne karmon ko bhi vishwa ke saamne yaadgaar roop banaao। yeh to sahaj hai na। jabki nishchay hai ki yeh sabhi anek prakaar ke yaadgaar hamaare hi hain; to kiye huye anek baar ke shreshtha karma va yaadgaar swaroop ab phir se repeat karne mein mushkil hoti hai kya? kalpa-kalpa ke kiye huye ko sirf repeat karna hai। to master trikaaldarsha ban apne kalpa pahle ke yaadgaar ko saamne rakh phir se sirf repeat karo। is smriti ke purooshaartha mein sada rehte aaye ho। to ab kya mushkil hai? maaya ab tak bhi is smriti mein taala lagaati hai kya? jab taala lag jaata hai to kya bana deti hai? betaala। sabhi ke taale kholne vaale bhi betaale ban jaate hain। yeh smriti ko taala kyon lagta hai? apne lakka ko bhool jaate ho to lock lag jaata hai। agar lakka ko dekho to kab bhi lock nahin lag sakta hai। to lock ki chaabi kaunsi hai? apne aapko lucky samjho। lovely bhi ho aur lucky bhi ho। agar lakka ko bhoolkar ke sirf lovely bante ho, to bhi adhoore rah jaate ho। lovely bhi hoon aur lucky bhi hoon - yeh donon hi smriti mein rahne se kab maaya ka lock nahin lag sakta। isliye apne kalpa pahle ke yaadgaaron ko phir se yaad mein rah kar repeat karen। ab bhi dekho agar koi yaadgaar yuktiyukta nahin banaate hain to aise yaadgaar ko dekh kar sankalp aavega ki yeh yuktiyukta nahin bana hua hai। koi deviyon va shaktiyon ka chitra yuktiyukta nahin banaate hain to dekhte hue sabhi ko sankalp aata hai ki yeh theek nahin hai। aise hi, apne karmon ko dekho, apne har samay ke roop va roohaab ko dekho ki is samay ke mere roop aur roohaab ka yaadgaar kya banega? kya yuktiyukta yaadgaar banega? jab yuktiyukta yaadgaar chitra hota hai to us chitra ki bhi kitni value hoti hai। to aise dekho hamaare har samay ke har charitra ki value hai? agar nahin to yaadgaar chitra bhi vailyuebal bhale nahin ban sakta। samjha? to aisa samay sameep aa gaya hai jo aapke har sankalp ke charitra roop mein yaadgaar banenge, aapke ek-ek bol sarva aatmaon ke mukh se gaayan honge। to apne ko aise poojneey aur gaayan yogya samajh kar har karma karen। achha।

har karma yaad mein rah sada yaadgaar banaane vaale lovely aur lucky sitaaron ko baap-daada ka yaadapyaar aur namaste।