बुधवार 22 नवंबर 1972 की अव्यक्त मुरली - 1

>

22-11-72om shanti avyakt baapdaadaamdhuban

antim service ka antim swaroop

apne antim swaroop ka saakshaatkaar hota rehta hai? kyonki jitna- jitna nazdeek aate jaate hain utna aise anubhav hoga, jaise koi sammukh vastu dikhaai de rahi hai। aise hi anubhav hoga ki abhi-abhi yeh banenge। jaise vriddha avastha vaalon ko yeh sada smriti rehti hai ki abhi- abhi vriddha hoon, abhi-abhi jaakar bachcha banoonga। aise hi apne antim swaroop ki smriti nahin lekin sammukh spashta roop se saakshaatkaar hota hai-abhi yeh hoon, phir yeh banenge? jaise shuru mein sunaate the ki jab manzil par pahunch jaavenge to aise samjhenge ki kadam rakhne ki deri hai। ek paans rakh chuke hain, doosra rakhna hai। bas, itna antar hai। to aise apni antim stage ki sameepta ka anubhav hota hai? aproksha spashta saakshaatkaar hota hai? jaise aaine mein apna roop spashta dikhaai deta hai, vaise hi is knowledge ke darpan mein aisa hi apna antim swaroop spashta dikhaai de-jaise koi bahut achha sundar chola saamne rakha ho aur maaloom ho ki hamko abhi yeh dhaaran karna hai to na chaahte huye bhi jaisa-jaisa samay najdeek dhaaran karne ka aata rahega to attention jaavega kyonki saamne dikhaai de raha hai। aisa hi apna antim swaroop saamne dikhaai deta hai aur us swaroop taraph attention jaata hai? woh light ka swaroop kaho va chola kaho, light hi light dikhaai padegi। pharishton ka swaroop kya hota hai? light। dekhne vaale bhi aise anubhav karenge ki yeh light ke vastradhaari hain, light hi inhon ka taaj hai, light hi vastra hain, light hi inhon ka shrringaar hai। jahaan bhi dekhenge to light hi dekhenge। mastak ke oopar dekhenge to light ka crown dikhaai padega। nainon mein bhi light ki kirnen nikalti hui dikhaai dengi। to aisa roop saamne dikhaai padta hai? kyonki might roop arthaat shakti roop ka jo part chalta hai woh prasiddha kisse hoga? light roop se koi bhi saamne aaye to ek second mein ashareeri ban jaaye - woh light roop se hi hoga। aisa chalta-phirta light-haaoos ho jaavenge jo kisi ko bhi yeh shareer dikhaai nahin padega। vinaash ke samay paper mein paas hona hai to sarva paristhitiyon ka saamna karne ke liye light-haaoos hona pade, chalte-phirte apna yeh roop anubhav hona chaahiye। yeh practice karni hai। shareer bilkul bhool jaaye। agar koi kaam bhi karna hai, chalna hai, baat karni hai woh bhi nimitta aakaari light ka roop dhaaran kar karna hai। jaise part bajaane ke samay chola dhaaran karte ho, kaarya samaapta hua chola utaara। ek second mein dhaaran karenge, ek second mein nyaare ho jaavenge। jab yeh practice pakki ho jaavegi, phir yeh karmabhog samaapta hoga। jaise injection laga kar darda ko khatma kar dete hain। hathayogi to shareer se nyaara karne ka abhyaas karaate hain। aise hi yeh smriti- swaroop ka injection lagaakar aur deh ki smriti se gaayab ho jaayen। svayan bhi apne ko light roop anubhav karo to doosre bhi vahi anubhav karenge। antim service, antim swaroop yahi hai। isse saare kaarobaar bhi light arthaat halke honge। jo kahaavat hai na -- pahaad bhi raai ban jaati hai। aise koi bhi kaarya light roop banne se halka ho jaavega, buddhi lagaane ki bhi aavashyakta nahin rahegi। halke kaam mein buddhi nahin lagaani padti hai। to isi light-swaroop ki sthiti mein, jo master jaani-jaananhaar va master trikaaldarsha ke lakshan hain, woh aa jaate hain। karen ya na karen -- yeh bhi sochna nahin padega। buddhi mein vahi sankalp hoga jo yathaartha karna hai। usi avastha ke beech koi bhi karmabhog ki bhaasna nahin rahegi। jaise injection ke nashe mein bolte hain, hilte hain, sabhi kuchh karte bhi smriti nahin rehti hai। kar rahe hain - yeh smriti nahin rehti hai, svatah hi hota rehta hai। vaise karmabhog va karma kisi bhi prakaar ka chalta rahega lekin smriti nahin rahegi। woh apni taraph aakarshit nahin karega। aisi stage ko hi antim stage kaha jaata hai। aisa abhyaas hona hai। yeh stage kitna sameep hai? bilkul sammukh tak pahunch gaye hain? jab chaahen tab light roop ho jaaven, jab chaahen tab shareer mein aaven va jo kuchh karna ho woh karen। sadaakaal woh sthiti ekras jab tak rahe tab tak beech-beech mein kuchh samay to rahe। phir aise rehte-rehte sadaakaal ho jaavegi। jaise saakaar mein aakaar ka anubhav karte the na। first mein rehte bhi pharishte ka anubhav karte the। aisi stage to aani hai na। shuru-shuru mein bahuton ko yeh saakshaatkaar hote the। light hi light dikhaai deti thi। apne light ke crown ke bhi anek baar saakshaatkaar karte the। jo aadi mein sample tha woh ant mein practical swaroop hoga। sankalp ki siddhi ka saakshaatkaar hoga। jaise vaacha se aap direction deti ho na, vaise sankalp se saare kaarobaar chala sakti ho। neeche prithvi se oopar tak direction lete rehte hain, to kya shreshtha sankalp se kaarobaar nahin chal sakti hai? saaeens ne kopeeto silence se hi kiya hai। to example dene arth pahle se hi spashta roop mein aapke saamne hai। kalpa pahle to aap logon ne kiya hai na। phir bolne ki aavashyakta nahin। jaise bolne mein baat ko spashta karte hain, vaise hi sankalp se saare kaarobaar chalen। jitna-jitna anubhav karte jaate ho, ek do ke sameep aate jaate ho to sankalp bhi ek-do se milte jaate hain। light roop hone se vyartha sankalp, vyartha samay samaapta ho jaane ke baad sankalp vahi uthega jo hona hai। aapki buddhi mein bhi vahi sankalp uthega aur jisko karna hai unki buddhi mein bhi vahi sankalp uthega ki yahi karna hai। naveenta to yeh hai na। yeh kaarobaar koi dekhe to samjhenge inhon ki kaarobaar kahne se nahin, ishaaron se chalti hai। nazar se dekha aur samajh gaye। sookshm vatan yahaan hi banna hai। aisi practice karaati ho? teachers ko yeh sikhlaati ho ki ajun bhaashan karna sikhlaati ho? aap logon ki stage apni hai। aap log woh stage paar kar chuke hain। nambarvaar to hain na। jaise bhavishya mein taaj, takhta dhaaran karke phir chhodkar dete jaavenge na। tab to doosre lenge। yahaan bhi aap log stage ko paar karte chalte jaavenge tab doosre us stage par aavenge। bhavishya ki rooprekha yahaan chalegi na। us stage se aisi lagan lag jaavegi jo unke bina jaise achha hi nahin lagega। na chaahte bhi baar-baar us taraph chale jaavenge। achha!