बुधवार 11 अप्रैल 1973 की अव्यक्त मुरली

>

11-04-73om shanti avyakt baapdaadaamdhuban

parivartan

practical moortta banaane vaale, sarvagun sampanna baba bole:-

vartamaan samay ko parivartan ka samay kehte hain। is samay ke anusaar jo nimitta bane hue hain un mein bhi avashya har samay parivartan hota ja raha hai tabhi to un ke aadhaar se samay parivartan hota hai। samay ek parivartan ka aadhaar hai। parivartan karne vaalon ke oopar arthaat jo parivartan karne ke liye nimitta bane hue hain, woh apne mein aise anubhav karte hain ki har samay mansa, vaacha aur karmana sabhi roop se parivartan hota ja raha hai। isko kahenge-’chadhti kala ka parivartan’। parivartan to dvaapar mein bhi hota hai, parantu woh hai girti kala ka parivartan। abhi sangam par hai chadhti kala ka parivartan। to jab samay anusaar bhi chadhti kala ka parivartan hai, to jo nimitta aadhaar moortiyaan hain un mein bhi avashya aise hi parivartan hain। aise anubhav karte ho ki parivartan hota ja raha hai? parivartan ki speed (Speed) kabhi check ki hai? parivartan to ek saptaah mein hota hai,ek din mein aur ek ghante mein bhi hota hai। haan, total kahenge parivartan ho raha hai। lekin abhi ke samay-pramaan parivartan ki stage kya honi chaahiye,woh anubhav karti ho? jo mukhya nimitta bane hue mahaaveer hain yadi un ko kisi bhi baat mein parivartan laane mein samay lagta hai, to final parivartan mein bhi avashya samay lagega।

nimitta bane hue mahaaveer jo hain woh hain maanon samay ki ghadi। jaise ghadi samay spashta dikhaati hai, isi prakaar mahaaveer jo bante hain, nimitta bane hue hain,woh bhi ghadi hain, to ghadi mein samay nazdeek dikhaai padta hai ya door? svayan ghadi ho aur svayan hi saakshi ho samay ko check karne vaali ho, to parivartan ki pragti fast hai? final parivartan jisse srishti ka bhi final parivartan ho। abhi to thoda-thoda parivartan hota hai, to srishti ki haalton mein bhi thoda-thoda parivartan hai। lekin final sampoorn parivartan ki nishaani kya hai jisse samjhen ki yeh parivartan ki sampoorn stage hai?

abhi ki parivartan ki stage, sampoorn parivartan ki nishaani, varsha ginti karte-karte ab baaki samay kya raha hai? parivartan aisa ho jo sabhi ke mukh se nikle ki inmen to poora hi parivartan aa gaya hai। apne parivartan ki baat poochhte hain, sada kaal ke liye natural roop mein dikhaai de,woh kaise hoga? abhi natural roop mein nahin hai। ab purooshaartha se thode samay ke liye woh jhalak dikhaai deti hai lekin natural roop sada kaal rehta hai। to sampoorn parivartan ki nishaani yeh hai। harek mein jo kamjori ka mool sanskaar hai yeh to harek apna-apna jaante hain। kabhi bhi koi stage mein sampoorn paas nahin hote,percentage mein paas ho jaate hain, iska kaaran yeh hai। to har baat mein harek mein vishesh roop se jo mool sanskaar hai,jisko aap nature kehti ho to woh dikhaai deve ki unka pahle yeh sanskaar tha,abhi yeh nahin hai। aapas mein ek doosre ke mool sanskaar varnan bhi karte hain। yeh purooshaartha mein bahut achhe hain lekin yeh sanskaar inko samay-prati-samay aage badhne mein rookaavat daalta hai। un mool sanskaaron mein jab tak poora parivartan nahin hua hai tab tak sampoorn vishwa ka parivartan ho nahin sakta। sabhi mein sampoorn parivartan ho woh to doosri baat hai। woh to nambarvaar result mein bhi hota hai। lekin jo parivartan ke mool aadhaar moortiyaan hain jinko mahaaveer aur mahaarthi kehte hain un ke liye yeh parivartan aavashyak hai। jo koi bhi aise varnan na kare ki inke yeh sanskaar to shuru se hi hain। is liye ab percentage mein bhi dikhaai dete hain। yeh varnan karne mein nahin aaye,dikhaai na de,isko kaha jaata hai -- sampoorn parivartan। agar jara ansh maatra bhi hai to usko sampoorn parivartan nahin kahenge। saadhaaran parivartan mahaarthiyon se thode hi poochhenge? jo vishwa-parivartan ke nimitta bane hue hain un ki parivartan ki stage bhi auron se oonchi hogi to yeh chaiking (checking) honi chaahiye। raat din ka antar dikhaai de, is par hi lucky stars ka gaayan hai। gyaan soorya,gyaan chandrama to apne stage par hain, lekin sampoorn parivartan mein lucky stars ka naam baala hai। vartamaan samay saakaar roop mein follow to sabhi aap logon ko karte hain na? buddhi yog se shakti lena, buddhiyog se shreshtha karma ko follow karna -- woh to maat-pita nimitta hain। lekin saakaar roop mein ab kisko follow karenge? jo nimitta hain। to parivartan ka aisa udaahran bano। varsha mein ek do baari bhi aisa sangathan ho jaaye। har samay ke sangathan mein apni chadhti kala ka parivartan hai। jaise jo varsha beet chuka hai, usmein sneh, samparka,sahayog,ismen chadhti kala aur parivartan hai। abhi sampoorn stage pratyaksha roop mein dikhaai de। is varsha mein yeh parivartan vishesh roop mein hona aavashyak hai।

ab dheere-dheere pratyakshata ke liye jaanboojh kar bam lagaane shuru kie hain na? jab dharma-yuddha ki stage par aana hai। aap log ek baat mein hi haar khila sakte ho ki dharma aur dhaarna, un logon ka practical nahin hai aur parmaatma- gyaan ka proof (Proof) aapka practical life (Practical Life) hai। ek taraph dharma-yuddha ki stage doosri taraph practical dhaarnaamoortta ki stage। agar in donon ka saath na hoga to aap log ki chelenj (Challenge) hai practical life ki-woh pratyaksha roop mein dikhaai nahin dengi। jaise-jaise aage aate jaate ho, vaise is baat par bhi attention (Attention) dena hai। practical mein gyaan arthaat dhaarnaamoortta, gyaan moortta va gun-moortta। moortta se bhi woh gyaan aur gun dikhaai deven। aajkal discuss (Discuss) karne se apni moortta ko siddha nahin kar sakte lekin moortta se un ko ek second mein shant kara sakti ho। ek taraph bhaashan ho, lekin doosri taraph phir practical moortta bhi ho। tab dharma-yuddha mein successful (Successful) honge; isliye jaise service ka programme banaate ho, saath-saath apne programme (Programme) mein bhi progress (Progress) karo। yeh bhi hona aavashyak hai। apne purooshaartha ke progress ka, apne-apne purooshaartha ke bhinna-bhinna anubhav ka len-den karne ka bhi programme saath-saath hona chaahiye। donon ka balance (Balance) saath-saath ho। achha।

is murli ka saar

1. baba kehte tum bachche samay ki ghadi ho। check karo tumhaari parivartan ki speed fast hai? sampoorn parivartan ki nishaani yeh hai ki jo sanskaar pahle the, woh ab bilkul dikhaai na den। parivartan aisa ho jo sabhi ke mukh se nikle ki yeh to bilkul hi badal gaya hai।

2. abhi dharma-yuddha ki stage par aana hai। aap log unhein ek baat mein hi haar khila sakti ho ki dharma aur dhaarna jismen practical mein nahin hain। aapki moortta mein bhi woh gyaan aur gun dikhaai dena chaahiye। discuss karne se nahin balki apni moortta se hi tum unhein shant kara sakti ho।