शनिवार 14 अप्रैल 1973 की अव्यक्त मुरली

>

14-04-73om shanti avyakt baapdaadaamdhuban

sangathan ki shakti - ek sankalp

sarva-shreshtha mat dene vaale, sada abhool banaane vaale shiv-baba bole –

sabhi kis sankalp mein baithe ho? sabhi ka ek sankalp hai na? jaise abhi sabhi ka ek sankalp chal raha tha, vaise hi sabhi ek hi lagan arthaat ek hi baap se milan ki, ek hi ‘ashareeri-bhav’banne ke shuddh-sankalp mein sthit ho jaao। to sabhi ke sangathan roop ka yeh ek shuddh sankalp kya kar sakta hai? kisi ke bhi aur doosre sankalp na hon। sabhi ek-ras sthiti mein sthit hon to bataao woh ek second ke shuddh sankalp ki shakti kya kamaal kar deti hai? to aise sangathit roop mein ek hi shuddh sankalp arthaat ek-ras sthiti banaane ka abhyaas karna hai। tab hi vishwa ke andar shakti sena ka naam baala hoga।

jaise sthool sainik jab yuddha ke maidaan mein jaate hain to ek hi order se ek hi samay ve chaaron or apni goli chalaana shuru kar dete hain। agar ek hi samay, ek hi order se ve chaaron or gheraav na daalen to vijayi nahin ban sakte। aise hi roohaani sena, sangathit roop mein, ek hi ishaare se aur ek hi second mein,sabhi ek-ras sthiti mein sthit ho jaayenge, tab hi vijay ka nagaada bajega। ab dekho ki sangathit roop mein kya sabhi ko ek hi sankalp aur ek hi powerful stage (Powerful Stage) ke anubhav hote hain ya koi apne ko hi sthit karne mein masta hote hain, koi sthiti mein sthit hote hain aur koi vighna vinaash karne mein hi vyasta hote hain? aise sangathan ki result mein kya vijay ka nagaada bajega?

vijay ka nagaada tab bajega jab sabhi ke sarva-sankalp, ek sankalp mein sama jaayenge,kya aisi sthiti hai? kya sirf thodi si vishesh aatmaon ki hi ek-ras sthiti ki anguli se kaliyugi parvat uthna hai ya sabhi ke anguli se uthega? yeh jo chitra mein sabhi ki ek hi anguli dikhaate hain uska arth bhi sangathan roop mein ek sankalp, ek mat aur ek-ras sthiti ki nishaani hai। to aaj baapdaada bachchon se poochhte hain ki yeh kaliyugi pahaad kab uthaayenge aur kaise uthaayenge? woh to suna diya,lekin kab uthaana hai? (jab aap order karenge) kya ek-ras sthiti mein ever-ready ho? order kya karenge?order yahi karenge ki ek second mein sabhi ek-ras sthiti mein sthit ho jaao। to aise order ko practical mein laane ke liye ever-ready ho? woh ek second sada kaal ka second hota hai। aise nahin ki ek second sthir ho phir neeche aa jaao।

jaise anya agyaani aatmaon ko gyaan ki roshni dene ke liye sadaiv shubh bhaavna va kalyaan ki bhaavna rakhte hue prayatna karte rehte ho। aise hi kya apne is daivi sangathan ko bhi ek-ras sthiti mein sthit karne ke sangathan ki shakti ko badhaane ke liye ek-doosre ke prati bhinna-bhinna roop se prayatna karte ho? kya aise bhi plaansa banaate ho jisse ki kisi ko bhi is daivi sangathan ki moortta mein ek-ras sthiti ka pratyaksha roop mein saakshaatkaar ho - aise plaansa banaate ho? jab tak is daivi sangathan ki ek-ras sthiti prakhyaat nahin hogi tab tak baapdaada ki pratyakshata sameep nahin aayegi-aise ever-ready ho?jabki lakshya rakha hai vishwa mahaaraajan banne ka, indipaindainta raaja nahin। aise abhi se hi lakshan dhaaran karne se lakshya ko praapta karenge na? harek brahman ki responseebiliti na sirf apne ko ek-ras banaana hai lekin saare sangathan ko ek-ras sthiti mein sthit karaane ke liye sahayogi banna hai। aise nahin khush ho jaana ki main apne roop se theek hi hoon। lekin nahin।

agar sangathan mein va maala mein ek bhi manka bhinna prakaar ka hota hai to maala ki shobha nahin hoti। to aise sangathan ki shakti hi us parmaatma-gyaan ki visheshta hai। uttam gyaan aur parmaatma-gyaan mein antar yeh hai। vahaan sangathan ki shakti nahin hoti lekin yahaan sangathan ki shakti hai। to jo is parmaatma- gyaan ki visheshta hai isse hi vishwa mein saare kalpa ke andar woh samay gaaya hua hai। ‘ek dharma’, ‘ek raajya’, ‘ek mat’ - yeh sthaapna kahaan se hogi? is brahman sangathan ki visheshta-devta roop mein practical chalte hain। isliye poochh rahe hain ki yeh visheshta, jisse kamaal honi hai,naam baala hona hai, pratyakshata honi hai, asaadhaaran roop, alaukik roop pratyaksha hona hai, ab pratyaksha mein hain? is visheshta mein ever-ready ho?sangathan ke roop mein ever-ready? kalpa pahle ka result (Result) to nishchit hai hi lekin ab ghoonghat ko hataao sabhi sajniyaan ghoonghat mein hain। ab apne nishchay ko saakaar roop mein laao। kaheenkaheen saakaar roop, aakaar mein ho jaata hai। isko saakaar roop mein laana arthaat sampoorn stage ko pratyaksha karna hai। us din sunaaya tha na ki parivartan sabhi mein aaya hai lekin ab sampoorn parivartan ko pratyaksha karo। jab apna bhi varnan karte ho to yahi kehte ho - parivartan to bahut ho gaya hai, ‘phir bhi’…yeh phir bhi shabd kyon aata hai? yeh shabd bhi samaapta ho jaaye। harek mein jo mool sanskaar hain, jisko aap log nature kehti ho, woh mool sanskaar ansh-maatra mein bhi na rahe। abhi to apne ko chhudaate ho। koi bhi baat hoti hai to kehte hain, mera yeh bhaav nahin tha। meri nature aisi hai, mera sanskaar aisa hai aur aisi baat nahin thi। to kya yeh sampoorn nature hai?

harek ka jo apna mool sanskaar hai vahi aadi sanskaar hai। unko bhi jab parivartan mein laayenge, tab hi sampoorn banenge। ab chhoti-chhoti bhoolen to parivartan karna sahaj hi hai। lekin ab last purooshaartha apne mool sanskaaron ko parivartan karna hai। tab hi sangathan roop mein ek-ras sthiti ban jaayegi। ab samjha? yeh to sahaj hai na-karna? copy karna to sahaj hota hai। apna- apna jo mool sanskaar hai, usko mitaakar baapdaada ke sanskaaron ko copy karna sahaj hai ya mushkil hai? ismen copy bhi real ho jaayegi। sabhi baapdaada ke sanskaaron mein samaan ho। ek-ek baapdaada ke samaan ho gaya phir to ek-ek mein baapdaada ke sanskaar dikhaai denge। to pratyakshata kiski hogi?baapdaada ki। jaise bhakti-maarga mein kahaavat hai jidhar dekhte hain udhar tu hi tu hai। lekin yahaan practical mein dikhaai dekhen, jisko dekhen vahaan baapdaada ke sanskaar hi practical mein jahaan deven। yeh mushkil hai kya? mushkil isliye lagta hai jab follow karne ke bajaay apni buddhi chalaate ho। ismen apne hi sankalp ke jaal mein phans jaate ho। phir kehte ho kaise niklen?aur nikalne ka purooshaartha bhi tab karte ho jab poora phans jaate ho। isliye samay bhi lagta hai aur shakti bhi lagti hai। agar follow karte jaao to samay aur shakti donon hi bach jaavengi aur jama ho jaavengi। mushkil ko sahaj banaane ke liye last purooshaartha mein saphalta praapta karne ke liye kaun-sa paath pakka karenge। jo abhi sunaaya ki‘follow-father’। yeh to pahla paath hai। lekin pahla paath hi last stage ko laane vaala hai। isliye is paath ko pakka karo। isko bhoolo mat। to sada kaal ke liye abhool, ek-ras ban jaayenge। achha।

aise teevra purushaarthi, sada ek-ras, ek-mat,aur ek hi ke lagan mein rahne vaali shreshtha aatmaon ko namaste।

mahaavaakyon ka saar

1. jaise sainik, ek hi order se,ek hi samay chaaron or goli chalaana shuru kar dete hain tabhi vijayi bante hain anyatha vijayi ban nahin sakte। aise hi jab roohaani sena sangathit roop se,ek second mein ek-ras sthiti mein sthit hogi tab hi vijay ka nagaada bajega।

2. sangathan ki shakti hi parmaatma-gyaan ki visheshta hai। isi kaaran vishwa mein saare kalpa ke andar woh samay gaaya hua hai-ek dharma,ek raajya,ek mat aur ek bhaasha।

3. jaise bhakti maarga mein kahaavat hai -‘jidhar dekhta hoon udhar tu hi tu hai।’ lekin yahaan practical mein jahaan dekhen, jisko dekhen vahaan baapdaada ke sanskaar hi practical mein dikhaai deven। yeh tab hoga jab baapdaada ko follow karenge।