शुक्रवार 4 मई 1973 की अव्यक्त मुरली

>

04-05-73 om shanti avyakt baapdaadaamdhuban

adhikaari aur adheen

sarvashaktivaan number one artist banaane vaale, bhaagya vidhaata, sarva-aatmaon ki takdeer jagaane vaale baba bole:-

jitni aavaaz mein aane ki practice (Practice) nirantar aur natural (Natural) roop mein hai, aise hi aavaaz se pare apni aatma ke svadharma, shant swaroop ki sthiti ka anubhav bhi natural roop mein aur nirantar karte ho? donon abhyaas samaan roop mein anubhav karte ho ya 84 janmon ke shareerdhaari banne ke sanskaar bahut kade ho gaye hain? 84 janma vaani mein aate rehte ho aur 84janmon ke sanskaaron ko ek second mein parivartan kar sakte ho arthaat vaani se pare sthiti mein sthit ho sakte ho ya ve sanskaar baar-baar apni taraph aakarshit karte hain? kya samajhte ho? 84janmon ke sanskaar prabal hain ya is suhaavne sangamayug ke ek second mein ashareeri,vaani se pare apni anaadi stage (Stage) ka anubhav bhi prabal hai? uski tulna mein woh stage powerful hai jo apni taraph aakarshit kar sake ya 84janmon ke sanskaar powerful hain?woh 84janma hain aur yeh ek second ka anubhav hai। phir bhi powerful anubhav kaun-sa hai? kya samajhte ho? jyaada aakarshan kaun karta hai? woh anubhav ya yeh anubhav? vaani mein aane ka sanskaar ya vaani se pare hone ka anubhav?

vaastav mein yeh ek second ka anubhav bahut samay ke anubhav ka aadhaar hai, ek second mein anek praaptiyon ko anubhav karaane vaala hai। isliye yeh ek second anek varshon ke samaan hai। aisa anubhav karte ho na? jab chaahen aur jaise apne mukh ko chalaana chaahen vaise chalaayen। second isko kaha jaata hai। is shareer ko chalaane vaale master maalikpan ki stage। to maalik bane ho?shareer ke maalik bane ho?maalik kaun ban sakta hai,yeh jaante ho?maalik woh ban sakta hai jo pahle baalak ban jaaye। agar baalak nahin bante to aap apne shareer ka maalik bhi nahin ban sakte। sarvashaktivaan ke baalak apni prakriti ke maalik nahin honge? jab yeh smriti swaroop ho jaate hain ki ham baalak so maalik hain, abhi is prakriti ke maalik hain aur phir vishwa ka maalik banna hai arthaat jitna baalakpan yaad rahega utna maalik-pan ka nasha rahega,khushi rahegi,aur is masti mein magna rahenge। agar kisi bhi samay prakriti ke aadheen ho jaate hain to uska kaaran kya hai?apni master sarvashaktivaan ki stage ko bhool jaate hain। apne adhikaar ko sadaiv saamne nahin rakhte hain। adhikaari kabhi kisi ke aadheen nahin hote।

apne ko ever-ready aur olraaundar (Allrounder) samajhte ho? ever-ready ka arth kya hai? kaisi bhi paristhiti ho, kaisi bhi pareekshaayen hon lekin shreemat pramaan jis sthiti mein sthit hona chaahte ho,kya usmein sthit ho sakte ho? order par ever-ready ho? order arthaat shreemat। to aise ever-ready ho jo sankalp bhi shreemat pramaan chale?aise evarredi ho? shreemat hai-ek second mein saakshi avastha mein sthit ho jaao, to us saakshi avastha mein sthit hone mein ek second ke bajaay agar do second bhi lagaaye to kya usko ever ready kahenge? jaise militri ko order hota hai-stop to phauran stop ho jaate hain। stop kahne ke baad ek paanv bhi aage nahin badha sakte hain। isi pramaan shreemat mile va direction mile aur ek second mein us sthiti mein sthit ho jaayen doosra second bhi na lage-isko kaha jaata hai ever-ready। aisi stage mein ek second mein us sthiti mein sthit ho jaayen।

ek second mein apne ko sthit karne ke is purooshaartha ko hi teevra purooshaartha kaha jaata hai। sabhi teevra purushaarthi ho na? purushaarthi ki stage se abhi paar ho gaye ho na? kya sabhi abhi teevra purushaarthi ki stage par pahunch gaye hain? aise apne ko anubhav karte ho? jara bhi sankalpon ki halchal na ho,aisi stage anubhav karte ja rahe ho? isi hisaab se sabhi ever-ready ho?shakti sena to ever-ready ban gai na? shastradhaari shakti sena is sthiti tak pahunch gayi hai,ya pahunche ki pahunche? kya abhi pahunche nahin hain? kya samajhte ho? ismen paandav number one hain ya shaktiyaan? kamaal yeh hai ki paandav vaataavran va vaayumandal ke samparka mein aate hue bhi apni sthiti ko aisa bana len jaise apni kaar ho ya koi bhi savaari ho to usko jahaan chaaho, vahaan ro sakte ho ki nahin? aise apni har karma-indriyon ko jab chaaho jaise chaaho vahaan lagaao aur jab na lagaana ho to karma-indriyon ko control kar sako। apni buddhi ko jahaan chaaho, jitna samay chaaho, utna samay us sthiti mein sthit kar sakte ho na?kya paandav first (First) nahin hain? ya jis baat mein apna bachaav ho usmein shaktiyon ko aage karte hain aur kya shaktiyon ko dhaal banaate ho?shaktiyaan bhi kam nahin। shaktiyaan paandavon ko extra hailpa de dengi। shaktiyaan mahaadaani hain to aise ever-ready banaana hai।

achha, olraaundar ka arth samajhte ho? olraaundar ka arth kya hai? olraaundar to ho na? sampoorn stage mein olraaundar ki stage kaunsi hai? ismen teen vishesh baaten dhyaan mein rakhne ki hain। jo olraaundar hoga woh ek to service mein rahega, doosra svabhaav va sanskaar mein bhi sabhi se mix ho jaane ka usmein vishesh gun hoga। teesra koi bhi sthool kaarya jisko karmana kaha jaata hai usi karmana ki subject mein bhi jahaan usko jis samay fit karna chaahe vahaan aise fit ho jaaye jaise ki bahut samay se isi kaarya mein laga hua hai,koi naya anubhav na ho। har kaarya mein ati puraana aur jaanne vaala dikhaai de। jo teenon hi baaton mein jo har samay fit ho jaate va lag jaate hain usko kaha jaata hai-olraaundar। kyonki is ek-ek baat ke aadhaar par karmon ki rekhaayen banti hain va aatma mein sanskaaron ka record (Record) bharta hai। isliye in sabhi baaton ka praarabdha se bahut connection hai।

agar kisi bhi baat mein 90% hai, 10% ki kami hai to praarabdha mein bhi itni thodi-si kami ka bhi prabhaav padta hai। is sookshm kami ke kaaran hi number ghat jaate hain। vaise dekhenge ki jo ham-shareek purushaarthi dikhaai dete hain unmein mukhya baaten ek-doosre mein samaan dikhaai dengi lekin yadi maheen roop se dekhenge to koi- na-koi percentage mein kami hone ke kaaran ham-shareek (baraabri ke) dikhaai dete hue bhi number mein pharka pad jaata hai। to isse apne number ko jaan sakte ho ki hamaara number kaun-sa hoga? teenon hi baaton mein percentage kitni hai? teenon hi baaten mujh mein hain, sirf ismen hi khush nahin hona hai। isse number nahin banenge। kitni percentage mein hain us pramaan number banenge। to aise evarredi aur olraaundar bane hain?

lakshya to sabhi ka first ka hai na? last mein bhi agar aaye to kya harja, aisa lakshya to nahin hai na?agar yeh lakshya bhi rakhte hain ki jitna mila utna hi achha to usko kya kaha jaayega?aisi nirbal aatma ka title kaun-sa hoga? aisi aatmaon ka shaatran mein bhi gaayan hai। ek to title bataao kaun-sa hai, doosra bataao unka gaayan kaun-sa hai? aisi aatmaon ka gaayan hai ki jab bhagwan ne bhaagya baanta to ve soye hue the। albelaapan bhi aadhi neend hai। jo albelepan mein rehte hain,woh bhi neend mein sone ki stage hai। agar albele ho gaye to bhi kahenge ki soye hue the? aise ka title kya hoga? aise ko kaha jaata hai - ‘aaye hue bhaagya ko thokar lagaane vaale’। bhaagyavidhaata ke bachche bhi bane arthaat adhikaari bhi bane, bhaagya saamne aaya arthaat baap bhaagyavidhaata saamne aaya। saamne aaye hue bhaagya ko banaane ki bajaay thokar maar di to aise ko kya kahenge?-’bhaagyaheen’। ve kahin bhi sukh nahin pa sakte। aise to koi banne vaale nahin hain na?apni takdeer banaane vaale ho?jaisi takdeer banaayenge vaisa bhavishya praarabdha roopi tasveer banegi!

apni bhavishya tasveer ko jaante ho? apni tasveer banaane vaale aaaartista ho na? to kahaan tak apni tasveer bana chuke ho, svayan to jaante ho na? abhi tasveer bana rahe ho ya sirf final touching (Final Touching) ki deri hai? tasveer bana chuke ho to woh zaroor saamne aayegi। agar saamne nahin aati to banaane mein lage huye ho। ban gai to woh phir baar-baar saamne aayegi। to sabhi number one aaaartista ho,second ya third to nahin ho? koi-koi aaaartista achhe hote hain। lekin pharaakdil nahin hote to kuchh kami kar dete hain। to jaise aaaartista achhe hon, saamaan bhi bahut achha mila hua ho to vaise pharaakdil bhi bano। arthaat apne sankalp, karma,vaani, samay,shvaas sabhi khajaanon ko pharaakdil se use (Use)karo to tasveer achhi ban jaayegi। kaiyon ke paas hote hue bhi ve use nahin karte hain। economy karte hain। ismen jitna pharaakdil banenge utna first class (First Class) banenge। samay ki bhi economy nahin karni hai। isi kaarya mein lagaane mein economy nahin karni hai। vyartha kaarya mein lagaane mein economy karo। shreshtha kaarya mein economy nahin karni hai। sunaaya tha na! yathaartha economy kaun-si hai? eknaami banna। ek ka naam sada smriti mein rahe। aisa eknaami ‘economy’kar sakta hai। jo eknaami nahin woh yathaartha economy nahin kar sakta। kitna bhi bhale prayatna kare।

to aise sada svadharma arthaat vaani se pare sthiti mein sthit rehte hue vaani mein aane vaale va sadaiv sarvashaktiyon ko kaarya mein lagaane vaale master sarvashaktivaan, ever-ready,olraaundar bachchon ko yaad-pyaar aur namaste।

shiv baba ke mahaavaakyon ka saar

1. sangamayug ke ek second ka anubhav bahut samay ke anubhav ka aadhaar hai। yeh ek second anek praaptiyon ka anubhav karaane vaala hai is liye yeh ek second anek varshon ke samaan hai।

2. jaise apni kaar ya koi bhi savaari ko jahaan chaahen,vahaan rok sakte hain, aise hi apni har karmendriy ko jahaan aur jaise lagaana chaahen vahaan laga saken, aur apni sthiti jaisi banaana chaahen, bana saken-isi ko hi kaha jaata hai ever-ready ya teevra purushaarthi।