सोमवार 27 मई 1974 की अव्यक्त मुरली

>

27-05-74 om shanti avyakt baapdaadaamdhuban

vishwa-kalyaan ke nimitta bani aatmaon ke vachan bhi sada kalyaankaari

apne madhur mahaavaakyon dvaara aatmaon ko mahaan bana kar vishwa parivartan karne vaale, aatmaon ki karma-kahaani ko jaanne vaale tatha merciful vishwa pita shiv bole:-

aavaaz mein aane aur aavaaz se pare hone mein kitna antar hai kya iske sabhi anubhvi ban chuke ho? (mike mein kuchh aavaaz clear nahin tha) dekho aavaaz agar yathaartha nahin hai to achha nahin lagta hai na?yantra mein jara bhi khitkhit hai to aisi aavaaz pasanda nahin karte ho na?aise hi aapka yeh yantra, mukh bhi mike hai। is mukh dvaara bhi jab kabhi yathaartha va yukti-yukta bol nahin nikalte hain,to usi samay sabko kya anubhav hoga ya us samay aapko maaloom nahin padta hai kya? jab sthool yantra ka aavaaz bhi pasanda nahin karte ho, to natural mukh dvaara nikla hua bol va aavaaz svayan ko bhi aur sarva ko bhi aise hi anubhav hona chaahiye। agar yeh mahsoos karo, to is ghadi se kya parivartan ho jaaega, kya jaante ho? is ghadi se sada kaal ke liye vyartha bol,vistaar karne ke bol,samay vyartha karne ke bol aur apni kamzoriyon dvaara anya aatmaon ko sangadosh mein laane vaale bol sab samaapta ho jaavenge। mahaan aatmaon ke har bol ko mahaavaakya kaha jaata hai। mahaavaakya arthaat mahaan banaane ke mahaavaakya। mahaavaakya vistaar ke nahin hote। jaise vriksha ke andar beej mahaan hai aur uska vistaar nahin hota hai lekin usmein saara ‘saar’hota hai,aise hi mahaavaakya mein vistaar nahin hota, kintu usmein saar hota hai, kya aise saar-yukta,yukti-yukta,yog-yukta,shakti-yukta,sneh-yukta,svamaan-yukta aur smriti-yukta bol bolte ho?

jaise aajkal ki duniya mein jo vinaashi pad dhaaran karne vaali vishesh aatmaayen hain, woh bhi apne har bol ko chaik kar phir hi bolti hain ki kahin mere dvaara aisa koi ek bol bhi na nikle, ki jo desh mein va saathiyon mein sangharsha ka aadhaar bane। aise hi vishwa ka kalyaan karne ke shreshtha kaarya mein nimitta bani aap shreshtha aatmaaen ho;aapki vishwa mein vishesh sthiti hai। aapko yeh bhi chaik karna hai ki mere dvaara jo bhi bol nikalte hain,kya woh sarva ke va svayan ke prati kalyaankaari hain?vyartha ki to baat hi chhod do। lekin abhi ki stage ke anusaar aisa koi bhi shabd mukh se nahin nikalna chaahiye jismen kalyaan ka kaarya samaaya hua na ho। pahle bhi sunaaya tha ki aap vishesh aatmaon ke har bol ke mahatva ka yaadgaar, ab tak bhi bhakti maarga mein chalta aa raha hai -- woh kaun-sa hai? aapke har bol ke mahatva ka yaadgaar bhakti maarga mein kaun-sa hai? geeta to gyaan ka yaadgaar hai-practical life mein woh mahatva varnan karte hain। dekho, aajkal ki bhi jo mahaan aatmaayen hain,to bhakta log unke har bol ke peechhe ‘satya vachan mahaaraaj’kehte hain। chaahe vyartha ho aur chaahe gapoda bhi lagta ho phir bhi samajhte hain ki ye mahaan aatmaon ke bol hain,to yeh mahatva rakhte hain। ‘satya vachan mahaaraaj’ ka yeh yaadgaar kab se aarambha hua?pahle yathaartha practical mein chalta hai,phir bhaktimaarga mein sirf yaadgaar rah jaata hai, yathaartha nahin hota hai,to jab bhaktimaarga mein bhi har bol ka mahatva itna abhi tak bhi hai,jo antim ghadi tak bhi dekh va sun rahe ho to aise mahatva vaale bol jismen satyata tatha vishwa ka kalyaan ho, kya aise har bol nikalte hain? din pratidin nambarvaar purooshaartha anusaar jo mahaarthi va mahaaveer ban rahe hain,unheen ke mukh se nikalne vaale, har bol satya ho jaavenge। abhi nahin hote hain,kyonki abhi tak vyartha aur saadhaaran bol jyaada nikalte hain।

jaise koi lekh ya article likhte hain athva kisi patra-patrikaaon mein prakaashit karvaate hain, to likhne vaale baad mein phir se chaik karte hain ki jo likha gaya hai,woh theek va prabhaavshaali hai; jo lakshya va topic hai, kya usi ke anusaar hai? aise aap bhi amritvele se lekar raatri tak practical man, vaani,karma in teenon ka ek lekh ya lekha likhte ho arthaat drama mein karma dvaara noondhate ho। raat ko apni har roj ki practical noondh va lekhni ko chaik karo ki kitni samartha arthaat prabhaavshaali rahi aur kitni vyartha rahi,kya aisi chaiking karte ho?

baapdaada ke paas har ek bachche ki har ghadi ki teenon roopon mein arthaat mansa, vaacha,karmana se ki hui practical noondh emerge hoti hai jisse result kya dikhaai deti hai?ab tak 75% bachchon ki aadhi result vyartha bol va saadhaaran bol mein dikhaai deti hai। is hisaab se agar,abhi se hi satya vachan mahaaraaj ho jaave, to kai aatmaon ke purooshaartha ko halka karne ke va purooshaartha ko saadhaaran banaane ke nimitta ban jaao। isliye ab yeh vardaan drama anusaar sabko praapta nahin hai। bahut thodi aatmaayen hain,unko bhi bahut thoda-sa arthaat25% aisa shreshtha vardaan praapta hona praarambha hua hai। isliye apni zimmevaari samajh va mahatva samajh har bol par itna attention rakho। aap log saadhaaran reeti se bolenge lekin aap mahaan aatmaon ke bol satya hone ke kaaran kai aatmaon ka akalyaan ho jaata hai। isliye bhakti mein bhi vardaan ke saath-saath aap ka bhi gaayan hai। aap dete nahin hain, lekin aisi vyartha chalan va vyartha bol akalyaan ke nimitta otometeekli ban jaate hain। arthaat sunne vaali va dekhne vaali saadhaaran aatma aapke bol aur karma dvaara girti kala mein arthaat purooshaartha heen ki sthiti mein chali jaati hain। is prakaar woh aap dvaara shraapit ho jaati hain।

vishwa ke kalyaan ke nimitta agar aatmaayen na chaahte hue va na sochte hue saadhaaran reeti se bhi kisi aatma ko shraapit karne ke kaarya mein nimitta ban jaati hain, to usko kya kahenge?vardaani kahenge kya?to itna attention aur maheen chaiking vartamaan samay bahut aavashyak hai। kyonki abhi aap logon ka shreshtha jeevan vishwa ki seva ke prati hai। abhi tak svayan ki seva ke prati va svayan ke parivartan ke prati va svayan ke sanskaar aur svabhaav vash apne aap ko hi banaane aur bigaadne ke prati ho, to abhi woh samay beet gaya। ab har shvaans, har sankalp,har second,har karma,sarva-shaktiyaan,sarva eeshvareey sanskaar, shreshtha svabhaav va sarva praapta hue khajaane vishwa ki hi seva ke prati hain। agar abhi tak bhi svayan ke hi prati lagaate ho to phir praalabdha kya milegi?master rachayita banenge ya rachna? rachna svayan ke prati hi hoti hai, parantu rachayita, rachna ke prati hota hai। jo abhi hi master rachayita nahin bante to woh bhavishya mein bhi vishwa ke maalik nahin bante।

ab sampoorn sthiti ki stage va sampoorn parinaam (final result) ka samay najdeek aa raha hai। result aaoot baap-daada mukh dvaara nahin karenge ya koi kaagaz va board par number nahin likhenge। lekin result aaoot kaise hogi? aap svayan hi svayan ko apni yogyataaon pramaan apne-apne nishchit number ke yogya samjhenge aur siddha karenge। automatically unke mukh se svayan ke prati final result ke number na sochte hue bhi,unke mukh se sunaai denge aur chalan se dikhaai denge। ab tak to royal purooshaarthiyon ki royal bhaasha chalti hai, lekin thode samay mein royal bhaasha real ho jaayegi। jaise ki kalpa pahle ka gaayan hai royal purooshaarthiyon ka-kitna bhi svayan ko banaane ka purooshaartha karen, lekin satyata roopi darpan ke aage royal bhi real dikhaai dega। to aage chalkar aise satya bol, satya vritti, satya drishti, satya vaayumandal,satya vaataavran aur satya ka sangathan prasiddha dikhaai dega। arthaat brahman parivaar ek sheesh mahal ban jaayega। aisi final result automatically aaoot hogi।

abhi to bade-bade daag bhi chhupaane se chhup jaate hain, kyonki abhi sheesh-mahal nahin bana hai, jo ki chaaron or ke daag spashta dikhaai de jaaven। jab kinaara kar lete, to daag chhip jaata arthaat paap darpan ke aage svayan ko laane se kinaara kar chhip jaate hain। chhipta nahin hai,lekin kinaara kar aur chhipa hua samajh svayan ko khush kar lete hain। baap bhi bachchon ka kalyaankaari ban anjaan ban jaate hain jaise ki jaante hi nahin। agar baap kah de ki main jaanta hoon ki yeh daag itne samay se va is roop se hai to sunaane vaale ka kya swaroop hoga? sunaana chaahte bhi mukh banda ho jaayega, kyonki sunaane ki vidhi rakhi hui hai। baap jab ki jaante bhi hain,to bhi sunte kyon hain? kyonki svayan dvaara kiye gaye karma va sankalp svayan varnan karenge, to hi mahsoosta ki seedhi par paanv rakh sakenge। mahsoos karna ya aphsos karna ya maaphi lena baat ek ho jaati hai। isliye sunaane ki arthaat svayan ko halka banaane ki ya parivartan karne ki vidhi banaai gai hai। is vidhi se paapon ki vriddhi kam ho jaati hai। isliye agar sheesh mahal banne ke baad, svayan ko spashta dekh kar ke spashta kiya to result kya hogi, yeh jaante ho?baap-daada bhi drama pramaan un aatmaon ko spashta challenge denge, to phir kya kar sakenge? isliye jab mahsoosta ke aadhaar par spashta ho arthaat bojh se svayan ko halka karo,tab hi double light swaroop arthaat pharishta va aatmik sthiti swaroop ban sakenge। achha!

merciful baap ke merciful bachche, shreshtha aur sada spashta,darpan roop,divya-moorta,gyaan-moorta,sada harshit-moorta,sarva aakarshan se door,roohaani aakarshan-moorta,divya gun-moorta sarva aatmaon ke kalyaankaari,kalyaan ke aadhaar-moorta,aisi mahaan aatmaaen aur serviceable aatmaon ko baapdaada ka yaad-pyaar aur good night va namaste।’’

murli ka saar

1. mahaan aatmaon ke har bol ko mahaavaakya kaha jaata hai। mahaavaakya arthaat mahaan banaane ke mahaavaakya। aise mahaavaakyon mein vistaar na hokar saar hota hai।

2. sangamayug mein aap braahmanon ke bol ke mahatva ka yaadgaar bhakti maarga mein ‘satya vachan mahaaraaj’ ke roop mein abhi tak chala aa raha hai।

3. aap log amritvele se lekar raatri tak practical man, vaani va karma teenon ka ek lekh ya lekha likhte ho। raatri ko roj apni practical noondh va lekhni ko chaik karo ki woh kitni samartha rahi aur kitni vyartha rahi?