गुरुवार 11 जुलाई 1974 की अव्यक्त मुरली

>

11-07-74 om shanti avyakt baapdaadaamdhuban

murli mein di gai directions se hi sarva-kamiyon se chhutkaara

drishti aur vritti ko satopradhaan banaane vaale, karma-bandhanon se mukti dilaane vaale,sarvashaktiyon ki chaabi pradaan karne vaale, ati meethe shiv baba ne poochha:-

apne ko mahaadaani, sarvashaktiyon ke adhikaari,trimoorti baap dvaara praapta hue teenon takhtansheen samajhte ho? teen takhta kaun-se hain? ek hai-begampur ke baadshaah banne ka saakshi sthiti mein sthit hone vaala, ‘saaksheepan’ka takhta। doosra hai powerful master sarvashaktimaan baap samaan saboot banaane vaalon ka, baap ka ‘dil roopi’takhta। teesra hai-’bhavishya vishwa mahaaraajan’ ka takhta। kya in teenon takhton ke adhikaari bane ho? teenon takhton ke adhikaari ki vartamaan stage kaun-si hai? teenon takhton ki teen visheshtaaen sunaao।

saaksheepan ke takhta ki mukhya nishaani kaun-si hogi? woh sadaiv har kadam,har sankalp mein baapdaada ko sada saathi anubhav karenge;jitna saatheepan ka anubhav hoga,utna hi achal,adol aur ateendriy sukh mein rahenge। unka har bol baap ke saath dikhaai dega। jaise baap-daada practical mein sada ke saathi aise hain jise aap alag karna chaaho to bhi nahin kar sakte। jaise donon saathiyon ke saath ka kabhi-kabhi aisa bhi anubhav karte ho ki do hain va ek hain? aise hi do ka saath ek samaan ho। ek hi nahin,lekin ek samaan। samaan ko logon ne samaana kah diya hai, to aise apne ko kya baap-daada ke saathi anubhav karte ho? follow-father karte ho? jab follow-father hai to saaksheepan aur saatheepan ka anubhav, har second va har kadam mein hona chaahiye। aise saaksheepan ke anubhvi hi takhtansheen hote hain, doosra baap ke dil-takhtansheen woh hoga, jo sapoot hoga arthaat baap-daada ko mansa, vaacha,karmana va tan-man-dhan sab baaton mein follow karne ka saboot dega। teesra hai vishwa-mahaaraajan ban vishwa ke raajya ke takhtansheen banne ka। woh na sirf karmaindriyjeet lekin woh saath-saath prakritijeet bhi hoga। aisa vikarmaajeet,karmendriy-jeet,prakritijeet,jagatjeet banta hai। kya aise teenon takhtansheen bane ho? agar teenon takhta ke adhikaari ban gaye to aise adhikaari, baap ke paas kisi bhi prakaar ki queue mein nahin honge। jo koi bhi queue mein hain-to unhein kisi bhi prakaar ke adhikaar ki praapti nahin।

aaj baap-daada harek queue vaale ko response de rahe hain। bhinna-bhinna prakaar ki arzi daalte ho ki yeh kar do, woh kar do। aisi arzi daalte ho, to yeh yaad nahin aata ki baap-daada bachchon ko svayan se bhi jyaada har kaarya mein aage rakhta hai। jab sarvashaktiyaan arthaat powers bachchon ko de deen hain,to aise baalak so maalik arzi kya daalte hain? jaise baap koi ki bhi buddhi ka taala khol sakta hai va sanskaar ko badal sakta hai, to kya aap log nahin kar sakte ho?aap logon ki buddhi ka taala khula hai?ismen to na nahin kahenge na? baapdaada ne harek ko buddhi ka taala kholkar anubhvi banaaya hai na? jaise aap logon ka baap ne khola,anubhav karaaya to anubhav ki hui baat kya svayan nahin kar sakte ho? jaise aap logon ka khula, vaise hi doosron ka kholo। doosron ka taala kholna mushkil hai kya? taale ki chaabi kaun-si hai? woh chaabi baap ne aapko nahin di hai kya? jab se baap ke bachche bane ho to jo baap ka so aapka nahi hai kya? chaabi bhi aapki hai na?chaabi hai,phir bhi baap ko kehte ho ki taala kholo! ya samay par chaabi milti nahin hai?baap to apne paas sirf divya drishti ki chaabi rakhte hain। baaki buddhi ka taala kholne ki chaabi apne paas nahin rakhte। buddhi ka taala kholne ki chaabi kaun-si hai?-sarvashaktiyaan;yahi chaabi hai। yeh to sabke paas hai na? divya drishti ke daata to nahin ho lekin master sarvashaktimaan to ho na? jab sarvashaktiyon ki chaabi baap dvaara praapta ho chuki hai, phir bhi arzi kyon daalte ho? baap ko servant banaaya hai isliye order dete ho ki yeh karo aur woh karo। vaanaprastha tak pahunchne vaale bhi abhi tak chhote hain। abhi to samay hai apni rachna rachne ka, praja aur bhakta maala banaane ka। rachayita kahe ki main chhota hoon to rachna kaise rachenge? isliye yeh bhinna-bhinna prakaar ki arzi baap ko daalte ho। pahle chaabi ko praapta karo to arzi svatah hi poori karenge।

doosri baat baap ko ulahna dete ho। ulahnon ki bhi queue hai na? kisi prakaar ka ulahna kaun deta hai? koi bhi baat ka ulahna tab diya jaata hai, jab knowledgeful nahin hain। yeh kyon hua? aisa nahin hona chaahiye tha,peechhe kyon aaye, saakaar mein kyon nahin mile, yeh sab ulahne hain na? agar master knowledgeful ki stage par sthit ho jaao,trikaaldarshi ki sthiti mein sthit ho jaao to koi ulahna denge?kya ulahnon se saakaar tan ke milne ki praapti ho sakegi? jab beet chuka hua part phir se repeat hoga kya? woh to phir 5000varsha baad repeat hoga। to knowledgeful ki stage par sthit hone vaala kabhi bhi kisi prakaar ka ulahna nahin dega। ulahna arthaat knowledge ki kami aur light-might ki kami।

teesri baat kampalentsa karte ho woh bhi lambi queue hai na? bhinna-bhinna prakaar ki kampalentsa karte rehte ho-yog nahin lagta, vyartha sankalp bahut aate hain ya phalaani shakti dhaaran nahin kar sakte। in kampalentsa ka kaaran kya hai -- vyartha sankalp। mukhya complaint mejoriti ki yeh dikhaai deti hai। doosri mukhya complaint hai-vritti aur drishti chanchal hoti hai। yeh donon kampalentsa tab tak hain, jab tak roj ki murli dvaara jo directions milti rehti hai un directions ko arthaat murli ko dhyaan se sunkar aur dhaaran nahin karte hain। vyartha sankalp chalne ka mool kaaran yeh hai jo gyaan ka khazaana har roj baap dvaara milta hai us khajaane ki kami hai। agar saara samay gyaan-ratnon se khelne mein va gyaan khajaane ko dekhne mein,sumiran karne mein buddhi ko busy rakho, to kya vyartha sankalp aa sakte hain? pahle apne aap se poochho ki kya meri buddhi saara din gyaan ke sumiran mein va vishwa-kalyaan ke plans banaane mein busy rehti hai?jaise laukik reeti mein bhi koi kaarya mein buddhi busy rehti hai to doosre sankalp va doosri baaten nahin aati hain,kyonki buddhi busy hai। aap logon ko bhi zimmevaari va baap dvaara jo kaarya mila hai woh kitna bada hai aur ab tak bhi kaarya kitna raha hua hai? abhi vishwa ki total aatmaon ke hisaab se paanch paandav nikle ho। itna raha hua kaarya aur saath-saath apne vikarmo ko bhasma karne ka kaarya hai। kitne janmon ke bojh ko bhasma karna hai? 63janmon ke paap-karmo ke khaate ko bhasma karna hai। saath-saath gyaan ke khajaane ko sumiran karte raho to kya samay bach sakta hai ya kam padega?teen baaten sunaai-ek to gyaan khajaane ke sumiran karne ka kaarya,doosra vikarma bhasma karne ka kaarya,teesra vishwa ke kalyaan ka kaarya, ye teenon hi vishesh aur behad ke kaarya hain। itna buddhi ka kaam hote hue bhi, buddhi free kaise rehti hai? phursat kaise milti hai aap logon ko?vishwa ke kalyaan ka kaarya samaapta kar liya hai kya?vikarma bhasma kar liye hain kya? itni kaarobaar chalaane vaale va itne bade kaarya ke nimitta bani hui aatmaayen free rahen to usko kya kaha jaay?apne kaarya ki knowledge nahin va svayan ko chalaane ki knowledge nahin,ya apni dincharya ko set karne ki knowledge nahin। aajkal kaurav gavarnamenta ke chhote-chhote kalarka bhi time table set kar sakte hain to kya aap master knowledgeful, master sarvashaktimaan apna time table set nahin kar sakte? kyonki aap svayan ko apni seat par set nahin karte ho iseelie upset hote ho।

atah roj amrit vele baba se milan manaane ke baad va rooh-roohaan karne ke baad roj ka time table set karo। jaise sthool kaam ka programme set karte ho vaise vyavhaar ke saath parmaartha ka programme bhi set karo। vyartha sankalp chalna arthaat taajdhaari nahin bane ho। ‘taaj hai zimmevaari ka’। svayan ki zimmevaari aur vishwa ki zimmevaari। agar ab bhi baar-baar taaj ko utaar dete ho va taajdhaari nahin ban sakte ho to bhavishya mein taajdhaari kabhi ban nahin sakte। abhi se practice chaahiye bhavishya taajdhaari aur takhtadhaari banne ki। saaksheepan ka takhta aur baapdaada ke dil ka takhta। to abhi se taaj aur takhtadhaari banenge tab bhavishya mein bhi taaz aur takhta praapta kar sakenge। apna time table set karo va svayan-hi-svayan ka shikshak ban svayan ko hom work do। jaise shikshak studenta ko hom work dete hain na? ismen buddhi busy rahe। is prakaar roj apne ko hom work do aur phir saakshi hokar chaik karo ki hom work mein busy hain ya maaya ke aakarshan mein hom work bhool gaye hain? to phir complaint samaapta ho jaayegi।

doosri baat hai vritti aur drishti ke chanchal hone ki। prejenta samay bhi mejoriti ki result mein dekhen to 50pratishat abhi bhi hain jinki yeh complaint hai। sankalp mein, svapna mein aur karma mein vritti aur drishti chanchal hoti hai। vritti aur drishti chanchal kyon hoti hai?koi bhi cheej chanchal kyon hoti hai, kaaran kya hai? koi bhi cheej hilti kyon hai? hilne ki margin hai tab to hilti hai। agar woh full arthaat sampanna ho to hilegi? to drishti aur vritti chanchal hone ka kaaran yeh hai। jo baap ne smriti sunaai uske bajaay vismriti ki margin hai tab hilti hai va chanchal hoti hai। agar sada smriti swaroop ho, smriti sampanna ho to vritti aur drishti ko chanchal hone ki margin mil nahin sakti। iske liye bahut chhota-sa slogan bhool jaate ho। laukik mein bhi kehte hain-bura na dekho, bura na socho, aur bura na suno। agar is slogan ko bhi sada smriti mein rakho va practical mein laao ki deh ko dekhna arthaat bura dekhna hai। dehdhaari prati sochna va sankalp karna,yeh bura hai। dehdhaari ko dehdhaari samajh usse bolna yeh bura hai। iseelie agar yeh saadhaaran slogan bhi practical mein laao to drishti aur vritti chanchal nahin hogi।

jis samay vritti aur drishti chanchal hoti hai to us samay svayan ko yeh samajhna chaahiye ki kya mainne sarva-sambandhon ki sarva-rasnaayen baap dvaara praapta nahin ki hain? koi ras rah gaya hai kya ki jis kaaran drishti aur vritti chanchal hoti hai? jis sambandh se bhi vritti aur drishti chanchal hoti hai usi sambandh ki rasna yadi baap se lene ka anubhav karo to kya doosri taraph drishti jaayegi? samjho koi mel ki,female ki taraph drishti jaati hai ya female ki, mel ki taraph jaati hai to kya baap sarva roop dhaaran nahin kar sakta? saajan va sajni ke roop mein bhi baap se sajni ban va saajan ban kar ateendriy sukh ka jo ras sada-sada kaal smriti mein aur samarthi mein laane vaala hai,woh anubhav nahin kar sakte ho? baap se sarva- sambandhon ke ras va sneh ka anubhav na hone ke kaaran dehdhaari mein vritti aur drishti chanchal hoti hai। aise samay mein baap ko dharmaraaj ke roop mein saamne laana chaahiye aur svayan ko ek raurav narkavaasi va vishtha ka keeda samajhna chaahiye। aur saamne dekho ki kahaan master sarvashaktimaan aur kahaan main,is samay kya ban gaya hoon?raurav narkavaasi vishtha ka keeda aise svayan ka roop saamne laao aur tulna karo ki kal kya tha aur ab kya hoon?takhtansheen se kya ban gaya hoon? takhta-taaj ko chhod kya le raha hoon?gandagi। to us samay kya ban gaye? gandagi ko dekhne vaala va dhaaran karne vaala kaun hua?ganda kaam karne vaale ko kya kehte hain?bilkul jimmevaar aatma se jamaadaar ban jaate ho। kya aise ko baap-daada touch kar sakta hai?sneh drishti de sakta hai? arzi maan sakta hai?complaint va ulahna sun sakta hai? itne knowledgeful hone ke baad bhi vritti aur drishti chanchal ho, to use bhakta aatma se bhi giri hui aatma kahenge। bhakta bhi kisi yukti se apni vritti ko sthir karte hain। to master knowledgeful bhakta aatma se bhi neeche gir jaate hain। to kya aisi aatma ki koi praja banegi? jamaadaar ki koi praja banegi kya ya woh svayan praja banenge?

apna ek photo nikaal rakho। jaise koi gandagi uthaane vaala ho aur tokre par tokra ganda ka uthaaya ho। aisa chitra nikaal buddhi mein rakho। jis samay vritti aur drishti chanchal hoti hai, us samay woh photo dekho। jaise baap-daada ne bhavishya praarabdha ki photo nikalvaai kyonki chitra ko dekh charitra smaran aayega। aisa chitra jab saamne aayega to kya sharma va lajja nahin aayegi? ek taraph master sarvashaktimaan ka chitra, doosri taraph woh chitra rakho to apne aap hi maaloom pad jaayega ki ham kya ban gaye। master sarvashaktimaan ke aage abhi tak bhi vritti aur drishti ka chanchal hona shobhta nahin hai।

pahli galti to yeh hai ki shareer ko kyon dekhte ho? tumko to mastak mein aatma ko dekhna hai na? mastak mein mani hai na?mastak mein mani ke bajaay saanp ko kyon dekhte ho jisse vish ki praapta ho jaati hai? pahli galti to yeh karte ho ki jo mastak ke bajaay shareer ko dekhte ho। kai complaint karte hain ki vaataavran aur sang aisa hai,saathi aise hain, daphtar mein, business mein kaam karna padta hai, samparka mein aana padta hai। samparka mein aate, baatcheet karte mastak ke sivaay aur kahin dekhte hi kyon ho। doosri baat vaataavran ke vasheebhoot hone vaale apne aap se poochhe ki hamne baap ke saath-saath kis baat ka theka uthaaya hai? thekedaar ho na aap sab log?narka ko badal kar svarga banaana, prakriti ke tamogun ko satogun mein parivartan karna,yeh theka uthaaya hai na?prakriti ko badalne vaale svayan hi badal jaate hain? theka uthaaya hai paanch tatvo ko badalne ka, aur vasheebhoot phir vaataavran ke ho jaate ho! jis samay vaataavran ke vasheebhoot ho jaate ho us samay sthool udaahran saamne rakho। agarbatti kab vaataavran ke vasheebhoot nahin hoti hai। vaataavran ko badalne ke liye agarbatti hai। to aapki rachna mein agarbatti banne vaala kaun?-manushya aatma। to aapki rachna mein yeh visheshta hai aur rachayita mein nahin? to rachayita hue ya kamjor hue? is complaint ko bhi apni smriti aur yukti dvaara samaapta karo।

mukhya yeh do kampalentsa hain। ek-do party se milte ho to yeh complaint hi vishesh hoti hai। isliye draamaanusaar baar-baar yahi baaten karna aur baar-baar baap dvaara yahi shiksha milna iska bhi hisaab-kitaab banta hai। isliye draamaanusaar ab tak bhi special service lena yeh bhi part samaapta ho raha hai। ismen bhi rahasya hai। vahi baat kai baar poochhte hain-ek varsha vaayda karke jaate hain ki agle varsha yeh complaint nahin hogi। doosre varsha phir dobaara kehte ki agle varsha nahin hogi। jo varsha beeta woh kis khaate mein gaya? samajhte hain ki baap-daada ko vaayda bhool jaata hai। samajhte hain baap-daada ko kya yaad hoga? baap-daada ko sabke vaayde yaad rehte hain lekin baapdaada bachchon ka dis-regard nahin karte। saamne baith kahe ki vaayda nahin nibhaaya, yeh bhi dis-regard hai। jab sir ka taaj bana rahe hain, svayan se bhi aage rakh rahe hain, to aisi aatma ka dis-regard kaise karenge?isliye muskaraate hain। aise nahin ki yaad nahin rehta hai। aatmaon ko to chala dete hain। nimitta bani hui teechron ko badi chaturaai se chala dete hain। kahenge aapne hamaare bhaavaartha ko nahin samjha। hamaara bhaav yeh nahin tha, shabd mukh se nikal gaya। lekin baap-daada bhaav ke bhi bhaav ko jaanta hai। usse chhipa nahin sakenge। teacher phir bhi samjhenge mere se galti ho gai;ho sakta hai। lekin baap se to nahin ho sakti hai na?isliye ab chhoteechhoti baaton ke liye samay nahin। yeh bhi vyartha mein add ho jaata hai। baap se jitni mehnat lete ho,utna return karna hoga। vyakta roop mein mehnat li। avyakt roop mein bhi kitne varsha ho gaye। chhatha varsha chal raha hai। avyakt roop mein bhi chhah varsha inheen baaton par shiksha milti rahi। ab tak bhi vahi shiksha chaahiye?abhi service lene ka time hai athva return karne ka time hai?agar return nahin karenge to praja nahin bana sakenge। isliye ab svayan ko powerful banaao। knowledgeful banaao। anek prakaar ki queue se svayan ko mukta karo। yukti jo milti hai usko kaam mein nahin lagaate ho, isliye mukta nahin ho paate। achha yeh hua queue ka response। ab baap-daada bachchon se vidaai lete hain। achha! om shanti।

is murli ka saar

(1) saaksheepan ka takhta, baap-daada ka dil takhta aur vishwa ke raajya bhaagya ka takhta-in teenon takhton ka adhikaari baap ke paas kisi bhi prakaar ki queue mein nahin hoga।

(2) buddhi ka taala kholne ki chaabi hai ‘sarvashaktiyaan’। inko praapta karne se bhinna-bhinna prakaar ki aarjiyaan baap-daada ke paas daalni banda ho jaayengi।

(3) knowledgeful aur trikaaldarshi ki stage par sthit hone vaala kabhi bhi kisi bhi prakaar ka ulahna nahin dega।

(4) roj ki murli dvaara jo directions milti rehti hain un directions arthaat murli ko dhyaan se sunkar aur use dhaaran karne se vyartha sankalp aur vritti aur drishti ka chanchal hona-yeh donon mukhya kampalentsa samaapta ho jaayengi।