सोमवार 10 फ़रवरी 1975 की अव्यक्त मुरली

>

10-02-75 om shanti avyakt baapdaadaamdhuban

sarva shaktiyon-sahit seva mein samarpan

satkaar na karne vaalon ka bhi satkaar karne vaale, thukraane vaalon ko bhi thikaana dene vaale, tyaag dvaara sarvottam bhaagya banaane vaale shiv baba bole -

aaj yeh sangathan gyaani tu aatmaon ka hai। aisi gyaani tu aatmaayen, athva yogi aatmaayen baapdaada ko bhi ati priy hai aur vishwa mein bhi ati priy hain। aisi gyaani tu aatma aur yogi tu aatma ka bhakti maarga mein gaayan aur poojan chalta rehta hai। vartamaan samay mein bhi woh aatmaayen poojneey aur gaayan-yogya hai। poojneey arthaat oonchi aatmaayen aur gaayan-yogya aatmaaen - aisi aatmaon ke gunon ka gaayan va varnan ab bhi sab karte hain। bhavishya ke gaayan aur poojan ka aadhaar vartamaan par hai। bhavishya mein arthaat bhakti mein kaun kitne gaayan aur poojne yogya banenge, uska buddhi-bal dvaara saakshaatkaar har koi abhi kar sakta hai। har- ek apne aapko dekhe ki is samay bhi mujh aatma ko sarva-aatmaayen arthaat jo samparka mein aane vaali hain,apne brahman kul ki aatmaayen hain aur saath-saath agyaani aatmaayen bhi jo samparka mein aati hain,to ve shreshtha arthaat poojyata ki najar se dekhti hai? poojya bade ko bhi kaha jaata hai। to sarva aatmaayen us nazar se dekhti va samajhti hain?

agar alpa aatmaayen poojya anubhav karti hain to vartamaan ka aadhaar saare bhavishya par hai। aise hi jo bhi aatmaayen saathi banti hain va sambandh mein aati hain, unko mujh aatma vishesh ke gun anubhav mein aate hain? agar kisi aatma ke gun anubhav mein aayenge to ab bhi woh aatmaayen man-hi-man mein va vaani mein bhi aisi aatmaon ke gunon ka gaayan avashya karengi। gun koi bhi hon ve apna prabhaav avashya daalte hain। gun chhup nahin sakte। to aisi poojya aur gungaan karaane vaali gyaani aatmaayen aur yogi aatmaaen bane ho? alpa aatmaon ke prati athva sarva ke prati sarva gunon ka gaayan karte hain athva thode-bahut gunon ka gaayan karte hain? gunon ke gaayan ka palda bhaari hai athva saadhaaran chalan ka palda bhaari hai?

samay-pramaan abhi apne sab subjects ke khaate ko check karo ki kahaan tak jama kiya hai va man, vaani,karma dvaara kahaan tak har subject ko sampanna kiya hai। sarva-gun sampanna bane hain ya gun-sampanna hi bane hain?kalyaankaari bane hain athva vishwa-kalyaanvaari bane hain? ab agar check karenge to check karne ke baad sampanna karne ka kuchh samay hai। lekin kuchh samay ke baad sampanna karne ka samay bhi samaapta ho jaayega। phir kya karenge?sampanna bani hui aatmaon ko dekhne vaale ban jaayenge। seat lene vaale nahin ban sakenge। to saakshaatkaar moorta banna hai ya saakshaatkaar karne vaala banna hai?

aise saakshaatkaar moorta banne ke liye saar roop mein teen baaten apne mein dekho –

1. sarva-adhikaari bane hain? 2. paropkaari bane hain? 3. sarva prati satkaari bane hain?arthaat sarva ko satkaar dene aur lene yogya bane hain? yaad rakho ki satkaar dena hi lena hai।

in teen baaton ke aadhaar se hi vishwa ke aage vishwa-kalyaankaari prasiddha honge। unke spashteekran ko achhi tarah se jaante ho?

sarva-adhikaari ka arth hai-sarva-karmendriyon par adhikaar। saath-saath jaise is shareer ki bhinna-bhinna shaktiyaan haath, paanv aadi hain, vaise hi aatma ki bhi shaktiyaan hain - man, buddhi aur sanskaar। in sookshm shaktiyon par bhi adhikaari bane ho? apni rachna - prakriti ke oopar adhikaari bane ho? koi bhi prakriti ke tatva apni taraph aakarshit to nahin karte hain?jab science dvaara prakriti va prithvi ke aakarshan se pare stage par pahunch jaate hain to master sarva-shaktivaan prakriti ke aakarshan se pare,arthaat vyakta bhaav se pare, avyakt va almighty authority ki stage ko praapta karna mushkil anubhav kare - yeh to shobhta nahin। aise hi baap dvaara praapta hui sarva shaktiyaan jinmen se thoda sample roop mein chitra bhi bana hai। to varse mein praapta hui shaktiyaan arthaat svayan ki jaaydaad va property par apna adhikaar hai। jab chaaho tab kisi bhi shakti dvaara svayan ko saphal bana sako। jaise sthool jaaydaad par adhikaar hone ke kaaran jis samay chaaho us samay usi vastu ko kaam mein laga sakte ho kyonki apni jaaydaad hai। aise hi eeshvareey jaaydaad ko jis samay chaaho aur jis shakti ko chaaho usko kaam mein laga sakte ho? is jaaydaad ke bhi adhikaari ho? isko kaha jaata hai sarva-adhikaari।

har aatma ke prati sada upkaar arthaat shubh bhaavna aur shreshtha kaamnaayen। har aatma ko dekhte hue aise anubhav ho ki yeh sarva-aatmaaen jaise ki baap ke har samay snehi aur sahayogi banne ke liye svayan ko kurbaan kar dete hain। aise kurbaan karne ke nimitta kyon bante? - kyonki baap sab ke aage svayan kurbaan hote hain। sarva ke saamne svayan ko sab shaktiyon samet seva mein samarpit kiya hai। apne samay ko, sukhon ko, praapti ki ichchha ko sarva ke prati mahaadaani ban daata bane। aise follow father svayan ke prati naam, shaan, maan sarva praapti ki ichchha ko kurbaan karne vaale hi paropkaari ban sakte hain। lene ki ichchha chhod dene vaale mahaadaani hi paropkaari ban sakte hain। aise hi satkaari sarva ke prati satkaar ki bhaavna ho - satkaari banne ke liye svayan ko sarva ke sevaadhaari samajhna pade। sevaadhaari ki paribhaasha bhi guhya hai। sirf sthool seva va vaani dvaara seva,samparka dvaara seva,selveshan dvaara va bhinna-bhinna prakaar ke saadhnon dvaara seva karna, sirf itna hi nahin,apne har gun dvaara daan karna va doosron ko bhi gunvaan banaana, svayan ke sang ka rang chadhaana, yeh hai shreshtha seva। avgun ko dekhte hue bhi nahin dekhna। svayan ke gunon ki shakti dvaara anya ke avgunon ko mita dena arthaat nirbal ko balvaan banaana। nirbal ko dekh kinaara nahin karna hai va thak nahin jaana hai। lekin hopeless case ko bhi svayan ki seva dvaara apne shreshtha svamaan mein sthit ho sammaan dene ke dvaara sarva ke satkaari ban sakte hain। svayan ke tyaag dvaara anya ko satkaar dete hue apna bhaagya banaana hai। chhota, bada,mahaarthi va pyaada sarva ko satkaar ki najar se dekho। satkaar na dene vaale ko bhi satkaar dene vaala, thukraane vaale ko bhi thikaana dene vaala, glaani karne vaale ke bhi gungaan karne vaala, aise ko kaha jaata hai sarva-satkaari। to is varsha mein do prakaar ki vishesh seva honi chaahiye। ek svayan ko sampanna banaane ki। iske liye is varsha mein chaaron taraph vishesh sthaanon par unnati ke saadhan, yog-bhatthi ke saadhan aur dhaarna ki bhatthi chaahiye। aise har jagah chaaron or group -wise bhatthi ka programme rakho, har ek ko svatantra kar bhatthi ka anubhav karaao। jaise pichhle varsha mein yog bhatthi ka programme rakha tha aise dhaarna aur yaad donon subjects par svayan ko sampanna banaane ki bhatthi ho। aisa programme sab milkar ke banaao।

doosri baat hai vishwa seva ke prati। uske liye har ek sevaakendra ko svayan ke aas paas ke sthaanon ko sandesh dene ka programme teevragti se karna pade। koi bhi aaspaas ka sthaan sandesh dene se vanchit raha to phir sandesh dene ki margin na rahegi। vanchit rahi hui aatmaon ka bojh nimit bani hui aatmaon par hai। isliye chakravarti bano। mahaadaani arthaat mahaadaan dete aage badhte chalna hai। ek ek nimit bani hui shreshtha aatma ko sirf do chaar sthaan nahin lekin aaspaas ke sarva sthaanon par chakra lagaane ke nimitta banna hai। har sthaan par aap samaan nimitta banaate jaao aur aage badhte jaao। usi sthaan par baith na jaao। to is varsha chakra lagaate vishesh seva yeh karni hai। sandesh dete aap samaan nimitta banaate saare vishwa ko tatha svayan ke aaspaas vaalon ko sandesh dena hai। ab hands banaane ka karttavya karo। samay pramaan jaise samay ki gati teevra hoti ja rahi hai, aisi seva ki result ka pratyaksha phal bani banaai nimit banne vaali aatmaaen sahaj hi nikal sakti hain। sirf lakshya,himmat aur parakh chaahiye।

jaise kalpa pahle ka gaayan hai - paandavon ne teer maara aur jal nikla arthaat purooshaartha kiya aur phal nikla। ab pratyaksha phal ka samay hai। season hai, samay ka vardaan hai। iska laabh uthaao। apne saadhnon va apne prati samay va sampatti ka tyaag karo, tab yeh pratyaksha phal ka bhaagya praapta kar sakenge। svayan ko aaraam,svayan ke prati seva-arth arpan ki hui sampatti lagaane se kabhi saphalta nahin milegi। jaise seva ke praarambha mein apne pet ki roti bhi kam karke har vastu ko seva mein lagaane se uska pratyaksha phal aap aatmaayen ho। aise madhya mein baap ne drama ne sahaj saadhnon ko svayan ke prati lagaane ka anubhav bhi karaaya hai। lekin ab ant mein prakriti daasi hote hue bhi sarva saadhan praapta hote hue bhi svayan ke prati nahin lekin seva ke prati lagaao। kyonki ab aage chalkar anek aatmaayen saadhan aur sampatti aapke aage jyaada se jyaada arpan karengi। lekin svayan ke prati sveekaar kabhi nahin karna। svayan ke prati sveekaar karna arthaat svayan ko shreshtha pad se vanchit karna। isliye aise tyaagmoorta ban seva ka pratyaksha phal nikaalo। samjha? ab nimit banne vaale vaarison ka aur seva mein sahayogi banne vaalon ka guldasta baap ke aage bhent karo। tab kahenge vishwa-kalyaankaari,so vishwa-raajya adhikaari। is par prize milegi। pichhli baar ki result nahin aayi hai jo prize den। isliye is baari purooshaartha karke phir se double prize lo।

achha aise will karne vaale, one number mein aane vaale, pratyaksha phal dene vaale,baap ko prakhyaat karne vaale, shakti sena aur paandav sena ka jhanda lahraane vaale aur vishwa ke aage baapdaada ka jay-jaykaar karaane ke nimitta banne vaali vijayi aatmaon ko baapdaada ka yaad-pyaar aur namaste!

avyakt vaani ka saar

1. har ek apne aapko dekhe ki is samay bhi mujh aatma ko sarva aatmaaen, jo bhi samparka mein aane vaali hain, ve shreshtha arthaat poojyata ki najar se dekhti hain?

2. apne sab subjects ke khaate ko check karo ki kahaan tak jama kiya hai va man,vaani aur karma dvaara kahaan tak har subject ko sampanna kiya hai? check karenge tab hi sampanna banne ka purooshaartha kar sakenge।

3. jaise sthool jaaydaad par adhikaar hone ke kaaran jis samay chaaho,us samay usi vastu ko kaam mein laga sakte ho। aise hi eeshvareey jaaydaad ko jis samay chaaho aur jis shakti ko chaaho, use kaam mein laga sakte ho।