शनिवार 20 सितंबर 1975 की अव्यक्त मुरली

>

20-09-75 om shanti avyakt baapdaadaamdhuban

shakti hote hue bhi jeevan mein saphalta aur santushtata kyon nahin?

sarvashaktiyon, siddhiyon aur nidhiyon ke daata, shiv baba bole -

jaise baap sarva gunon ke saagar hain, kya aap bhi vaise hi apne ko master saagar samajhte ho? saagar akhanda, achal aur atal hota hai। saagar ki vishesh do shaktiyaan sadaiv dekhne mein aayengi - ek samaane ki shakti, jitni samaane ki shakti hai utni saamna karne ki bhi shakti hai। lahron dvaara saamna bhi karte hain aur har vastu va vyakti ko svayan mein sama bhi lete hain। to master saagar hone ke kaaran apne mein bhi dekho ki yeh donon shaktiyaan mujh mein kahaan tak aai hain? arthaat kitne percentage mein hain? kya donon shaktiyon ko samay-pramaan use kar sakte ho?kya shaktiyon dvaara saphalta ka anubhav hota hai?

kai bachche sarva shaktiyon ka svayan mein anubhav bhi karte hain aur samajhte hain ki mujh mein yeh shaktiyaan hain। lekin shaktiyaan hote hue bhi kahi-kahi ve saphalta ka anubhav nahin karte। gyaanasvaroop, aananda,prem,sukh aur shanti swaroop svayan ko samajhte hue bhi svayan se sada santushta nahin athva purushaarthi hote hue bhi praarabdha arthaat praapti ka pratyaksha phal ke roop mein jo anubhav hona chaahiye, woh kabhi-kabhi hi kar sakte hain। sarva niymon ka paalan bhi karte hain, phir bhi svayan ko sada harshit anubhav nahin karte। mehnat bahut karte hain lekin phal ka anubhav kam karte hain। maaya ko daasi bhi banaate hain, lekin phir bhi kabhi-kabhi udaasi mahsoos karte hain। iska kaaran kya hai? shaktiyaan bhi hai, saath-saath gyaan bhi hain,niymon ka paalan bhi karte hain, tab kami kis baat mein hai ki svayan,svayan se hi kanphyooj rehte hain?

ismen kami yeh hai ki praapta ki hui shakti ko va gyaan ki points ko jis samay, jis reeti se kaarya mein lagaana chaahiye us samay,us reeti se use karna nahin aata hai। baap se preeti hai, gyaan se bhi preeti hai, divya gun-sampanna jeevan se bhi preeti hai - lekin preeti ke saath-saath reeti nahin aati hai va reeti ke saath ‘preeti’nahin aati। isliye amoolya vastu bhi saadhaaran praapti ka aadhaar ban jaati hain। jaise sthool mein bhi kitna hi bada yantra va moolyavaan vastu paas hote hue bhi use karne ki reeti nahin aati hai to us dvaara jo praapti honi chaahiye woh nahin kar paate hain, aise hi gyaanvaan bachche bhi gyaan aur shaktiyon dvaara jo praapti honi chaahiye,nahin kar paate hain। aisi aatmaon ke oopar baapdaada ko bhi raham aata hai।

ab woh reeti, jo na aane ke kaaran praapti ka anubhav nahin kar paate, woh reeti kaise aaye?ismen chaahiye - nirnay shakti। nirnay shakti na hone ke kaaran jahaan samaane ki shakti use karni chaahiye vahaan saamna karne ki shakti use kar lete hain। jahaan sametne ki shakti use karni chaahiye,vahaan vistaar karne ki shakti use kar lete hain। isliye sankalp saphalta ka hota hai,lekin swaroop mein va praapti mein sankalp-pramaan saphalta nahin hoti hai। vishesh shakti ki praapti ka mukhya aadhaar kya hai? nirnay shakti ko tej karne ke liye kis baat ki aavashyakta hai?koi bhi yantra spashta nirnay nahin kar paata to uska kaaran kya hota hai? nirnay shakti ko badhaane ke liye apni shreshtha sthiti - niraakaari,nirhankaari,nirvikaari aur nirvikalpata ki chaahiye। agar in chaaron mein se kisi bhi baat ki kami rah jaati hai, to yeh shreshtha dhaarna na hone ke kaaran spashtata nahin hoti hai। shreshtha hi spashta hote hain। yahi uljhan buddhi ko svachchha nahin banne deti। ‘svachchhata hi shreshthata’hai। isliye apni nirnay shakti ko badhaao। tab hi baap ke samaan sarva-gunon mein master saagar anubhav kar sakenge।

jaise saagar anek vastuon se sampanna hota hai vaise svayan ko bhi sarvashaktiyon se sampanna swaroop ka anubhav karo, kyonki sampannata ka vardaan sangamayug par hi milta hai। sampanna-swaroop ka anubhav sivaay sangamayug ke aur kahin bhi nahin kar sakenge। aapke hi daivi jeevan ke sarvagun sampanna hone ka gaayan hai। 16 kalaaon ka bhi gaayan hai। lekin sampanna ka swaroop kya hota hai? gun aur kala ki knowledge is eeshvareey jeevan mein hi hai। isliye sampanna banne ka aananda is eeshvareey jeevan mein hi praapta kar sakte ho।

reeti seekhne ke liye, baap dvaara jo bhi praapta hota ja raha hai, chaahe gyaan, chaahe shaktiyaan, inhon ko samay pramaan kaarya mein lagaate jaao। bahut achhi baaten hain aur bahut achhi cheej hai, sirf yeh samajh kar andar sama na lo। arthaat buddhi ki tijori mein rakh na lo। sirf bank balance na banaate jaao ya kai bujurgo ke muaaphik gathriyaan baandh kar andar rakh na do। sirf sunne aur rakhne ka aananda nahin lo, lekin baar-baar svayan ke prati aur sarva aatmaon ke prati kaam mein lagaate jaao kyonki is samay ki jo praapti ho rahi hai, in praaptiyon ko use karne se eeshvareey niyam-pramaan jitna use karenge utni vriddhi hogi,jaise daan ke liye kahaavat hai - ‘dhan diye dhan na khute’, arthaat dena hi badhna hai, aise hi in eeshvareey praaptiyon ko anubhav mein laane se praapti kam nahin hogi, balki aur hi praapti swaroop ka anubhav karoge। baar-baar yuz karne se, jaisa samay vaisa swaroop apna bana sakenge va jis samay jo shakti use karni chaahiye woh shakti us reeti use kar sakenge। samay par dhokha khaane se bach jaayenge। dhokha khaane se bachna arthaat duhkh se bachna। to kya ban jaayenge? - sada harshit arthaat sada sukhi, khushanseeb ban jaayenge। to ab apne oopar raham karke,praaptiyon ko use karke aur preeti ke saath reeti ko jaan karke, sada master gyaan saagar bano, shakti ka saagar bano aur sarva praaptiyon ka saagar bano। achha।

aise sarva anubhvon se sampanna maayaajeet, jagatjeet,apne anubhvon dvaara sarva ko anubhvi banaane vaale baapdaada ke bhi baalak so maalik, aise baap ke maalik aur vishwa ke maalik aatmaon ko baapdaada ka yaad-pyaar aur namaste!

is murli ki vishesh baaten athva tathya

1. gyaansaagar baap dvaara praapti ki hui shaktiyon va gyaan ke tathyon ko jis samay jis reeti se kaarya mein lagaana chaahiye us samay us reeti se upayog na kar savne ke kaaran svayan mein uljhe hue rehte hain aur saphalta va siddhi ki anubhooti apne jeevan mein nahin kar paate hain।

2. upayog ki uchit reeti ko jaanne ke liye apni nirnay shakti ko badhaana aavashyak hai।