मंगलवार 7 अक्टूबर 1975 की अव्यक्त मुरली - 1

>

07-10-75 om shanti avyakt baapdaadaamdhuban

sarva adhikaar aur behad ke vairaagya vaala hi raajarishi

sada vijayi banaane vaale tatha sarva adhikaaron ki praapti karaane vaale roohaani militri ke sarvochcha commander niraakaar shiv baba boleh -

aaj baapdaada kaun-si sabha dekh rahe hain? yeh hai raaj rishiyon ki sabha। apne ko sada raaj rishi samajhte hue chalte ho? ek taraph raajya, doosri taraph rishi। donon ke lakshan alag-alag hain। woh hai bhaagya, woh hai tyaag। woh hai sarvaadhikaari aur woh phir rishi arthaat behad ke vairaagi। sarva adhikaari aur behad ke vairaagi। woh sarva ka pyaara aur woh sabse nyaara। donon hi lakshan, bol aur karma mein sada saath-saath dikhaai dete hain। vartamaan svaraajya arthaat sva ka in sarva-karmaindriyon par raajya - isko kehte hain svaraajya aur vahi hai bhavishya ka double raajya adhikaari। double raajya ka nasha sada rehta hai?jitna raajya ka nasha utna hi behad ka vairaag arthaat rishi roop sada smriti mein rehta hai? donon ka balance hai। va ek swaroop yaad rehta hai, doosra bhool jaata hai?is puraani deh aur deh ki duniya se behad ke vairaagi ban gaye ho? va abhi bhi yeh puraani deh aur duniya apni taraph aakarshit karti hai? yeh kabristaan anubhav hota hai? sabhi moorchchhit hui aatmaayen najar aati hain ya sirf kahne maatra hain? ye sab mare pade hain arthaat kabristaan hai, jab tak woh anubhav na hoga to behad ke vairaagi nahin ban sakenge। aaj ki duniya mein bhi had ke vairaagi jangal mein ya shmashaan mein jaate hain। isliye hi gaayan hai shmashaani vairaagya। to jab tak yeh duniya shmashaan hai, aisa anubhav nahin hoga to sadaakaal ka behad ka vairaagya - yeh anubhav kaise hoga?

apne aap se poochho ki rishi bana hoon? aise nishchay buddhi vairaagya ke saath-saath adhikaar ki khushi mein bhi rahege to raaj-rishi banne ke liye jitna hi raajya ka nasha utna hi behad ke vairaagya ke najaare, donon hi saath-saath anubhav honge। jitna kabristaan anubhav hoga,utna hi paristaan saamne dikhaai dega। tyaag ke saath-saath bhaagya bhi spashta saamne dikhaai dega। sampoorn raajarishi ki sthiti arthaat nasha aur nishaane donon hi spashta honge। nishaana arthaat sampoorn stage। aise nashe mein rahne vaale ke saamne nishaana itna sameep hoga jaise sthool netron ke saamne sthool vastu spashta dikhaai deti hai। jab saamne dikhaai deti hai, to phir koi sankalp nahin uthega ki yeh vastu hai ki nahin hai,kya hai, va kaisi hai? aise hi sampoorn stage ka nishaana saamne dikhaai dene ke kaaran, main banoonga ya nahin banoonga va sampoorn stage kisko kaha jaata hai yeh question samaapta ho jaayega। apne sampoorn staij ki nishaaniyaan svayan mein spashta najar aayengi। woh nishaaniyaan kya hongi,woh jaante ho va anubhav karte ho?

pahli nishaani-puraani duniya ki kisi bhi vyakti va vaibhav se sankalp-maatra va svapna-maatra bhi lagaav nahin hoga। sada svayan ko kaliyugi duniya se kinaara karne vaale sangamayugi samjhenge। saari srishti ki aasuri aatmaon ko kalyaan aur raham ki drishti se dekhenge। sada svayan ko baap samaan vishwa-sevaadhaari anubhav karenge। har paristhiti va pareeksha mein sada svayan ko vijayi anubhav karenge। vijay mera janma-siddha adhikaar hai। aisa adhikaari swaroop samajh kar har karma karenge। sada trimoorti takhta-nasheen anubhav karenge। trikaaldarsheepan ke smriti swaroop hone ke kaaran har karma ke teenon kaalon ko jaanne vaale har karma ko shreshtha karma va sukarma banaayenge। vikarma ka khaata samaapta hua anubhav hoga। har kaarya, har sankalp siddha hua hi pada hai aisa sada anubhav karenge, puraane sanskaar aur svabhaav se upraam anubhav karenge,sada saaksheepan ki seat par svayan ko sait hua anubhav karenge। yeh hai - nishaaniyaan bhi aur nishaana bhi। aise ko kaha jaata hai ‘raajarishi’। aise raaj-rishi bane ho? taaeetal to raaj-rishi ka mila hai na? jo taaeetal hain vahi practical bhi hai na?

brahman arthaat kehna aur karna, sochna aur bolna, sunna aur swaroop mein laana ‘ek samaan’ ho। sab brahman ho na? ek second mein jahaan apne ko chaaho us sthiti mein sthit kar sakte ho? aise ever ready bane ho?ashareeri banne ka abhyaas itna hi saral anubhav hota hai jaise shareer mein aana ati sahaj aur svatah lagta hai। roohaani militri ho na? militri arthaat har samay second mein order ko practical mein laane vaale। abhi-abhi order ho ashareeri bhav, to ever ready ho ya ready hona padega? agar militri ready hone mein samay lagaaye to vijay hogi?aisa sada ever ready rahne ka abhyaas karo। achha। aise sada sarva adhikaaron ke nashe mein rahne vaale sangamayugi shreshtha braahmanon,svaraajya aur vishwa ke raajya ke nashe mein rahne vaale,shreshtha aatmaon ko baapdaada ka yaad-pyaar aur namaste। om shanti।

murli ke vishesh tathya

1. ek taraph sarva adhikaar, doosri taraph behad ka vairaagya-donon ka balance rakhne vaala hi ‘raaj-rishi’kahla sakta hai।

2. apne ko double raajya arthaat svaraajya arthaat sarva karmaindriyon par raajya aur bhavishya vishwa ke raajya ka adhikaari samajh kar chalte ho?

3. asaar sansaar anubhav hota hai ya ab tak bhi koi saar dikhaai deta hai? yeh sab mare pade hain arthaat kabra daakhil hai,jab tak yeh anubhav nahin hoga tab tak behad ke vairaagi nahin ban sakenge।

4. brahman arthaat kehna aur karna, sochna aur bolna, sunna aur swaroop mein laana, ek samaan ho।

5. sampoorn stage ki guhya nishaani yeh hai ki puraani duniya ka koi bhi vyakti va vaibhav se sankalp-maatra va svapnamaatra bhi lagaav ka anubhav nahin hoga aur har paristhiti va pareeksha mein sada svayan ko vijayi anubhav karenge।