रविवार 26 अक्टूबर 1975 की अव्यक्त मुरली

>

26-10-75 om shanti avyakt baapdaadaamdhuban

vikaari deh roopi saanp se saari kamaai khatma

sarva praaptiyon ka adhikaar dilaane vaale, beeti ko beeti kar vartamaan aur bhavishya ke har sankalpon ko shreshtha banaane vaale aur aatmaon ke karmon ki karma-kahaani ko jaanne vaale dharmaraaj shiv baba bole :-

baap-daada sab bachchon ko dekh rahe hain ki har-ek ne yahaan aane par course kiya hai? course kiya hai na। course ke baad phir revise course chala। revise ke baad ab antim course hai realisation course। arthaat jo kuchh suna, jo paaya, jo baap ke charitra dekhe usi pramaan apne mein samaaya kitna aur ganvaaya kitna?sirf sunne vaale bane ya svayan sampanna bane?samartha bane ya sirf anya shreshtha aatmaon va baapdaada ke gungaan karne vaale bane?gyaan-swaroop,yaad-swaroop,divya gun sampanna swaroop aur sada sevaadhaari swaroop bane ya in sabke sirf sumiran vaale bane? gyaan to bahut ooncha hai, yog bada shreshtha hai, divya-gun dhaaran karna aavashyak hai aur seva karna mujh brahman ka pharja hai, aisa sirf sumiran karte ho ya swaroop bhi bane hain? isi prakaar se apne aap ko realise karna,yeh hai last course। jaise deepaavli par puraana potaamel samaapta kar naya shuru karte hain aur apne rajistarsa check karte hain aise aap sabko bhi aadi se ant tak arthaat aaj tak apna register check karna hai,ki har subject mein kitni marks li hain? samay ke pramaan jabki manzil saamne dikhaai de rahi hai, double lakshya spashta hai - vartamaan sangamayugi pharishtepan ka lakshya aur bhavishya devta swaroop ka lakshya। jaise lakshya spashta hai vaise lakshan spashta dikhaai dete hain? vishwa-parivartan ke pahle kya svayan mein parivartan hua anubhav hota hai?aisi checking ki hai?

baapdaada ne sarva bachchon ke register check kiye। jinhonne apni karma-kahaani likhi unki result bhi dekhi। to kya dekha - kai aatmaon ne bhay aur lajja ke vash likhi hi nahin hai। lekin baapdaada ke paas niraakaari aur saakaari baap ke roop mein har bachche ka register aadi se aaj tak ka spashta hai। isko to koi mita nahin sakta hai। ab tak ke register ki result mein vishesh teen prakaar ki result hain - ek chhipaana; doosra - kahin-na-kahin phansana; teesra- albelepan mein bahaana banaana। bahaanebaaji mein bahut hoshiyaar hain। apne aap ko va apni galti ko chhipaane ke liye bahut wonderful baaten banaate hain। aadi se ab tak aisi baaton ka sangrah karen to aajkal ke shaastron samaan bade shaastra ban jaayen। apni galti ko galti maanne ke bajaay use yathaartha siddha karne mein va jhooth ko sach siddha karne mein aajkal ke kaale kot vaale vakeelon ke samaan hain, maaya se ladne ke bajaay aise case ladne mein bahut hoshiyaar hain। lekin yeh yaad nahin rehta ki abhi apne ko siddha karna arthaat baap dvaara janma-janmaantar ke liye sarva-siddhiyon ki praapti se vanchit hona hai। siddha karne vaalon mein jidda karne ke sanskaar zaroor hote hain। aisi aatma sadgati ko nahin pa sakti। ab tak majority pahle paath arthaat pahli baat - ‘pavitra drishti aur bhaai-bhaai ki vritti’ mein fail hain। ab tak is pahle pharmaan par chalne vaale pharmaanbardaar bahut thode hain। baar-baar is pharmaan ka ullanghan karne ke kaaran apne oopar bojh uthaate rehte hain। iska kaaran yeh hai ki pavitrata ki mukhya subject ka mahatva nahin jaante hain, uske nuksaan ki knowledge ko nahin jaante।

koi bhi dehdhaari mein sankalp se va karma se phansana, is vikaari deh roopi saanp ko touch karna arthaat apni ki hui ab tak ki kamaai ko khatma karna hai। chaahe kitna bhi gyaan ka anubhav ho ya yaad dvaara shaktiyon ki praapti ka anubhav kiya ho ya tan-man-dhan se seva ki ho,lekin sarva praaptiyaan is deh roopi saanp ko touch karne se is saanp ke vish ke kaaran, jaise vish manushya ko khatma kar deta hai, vaise hi yeh saanp bhi arthaat deh mein phansane ka vish saari kamaai ko khatma kar deta hai। pahle ki hui kamaai ke register par kaala daag pad jaata hai jisko mitaana bahut mushkil hai। jaise yog-agni pichhle paapon ko bhasma karti hai vaise yeh vikaari bhog bhogne ki agni pichhle punya ko bhasma kar deti hai। isko saadhaaran baat nahin samajhna। yeh paanchaveen manzil se girne ki baat hai। kai bachche ab tak albelepan ke sanskaar-vash is baat ko kadi bhool va paap karma nahin samajhte hain। varnan bhi aisa saadhaaran roop mein karte hain ki mere se chaar paanch baar yeh ho gaya, aage nahin karoonga। varnan karte samay bhi pashchaataap ka roop nahin hota,jaise saadhaaran samaachaar suna rahe hain। andar mein lakshya rehta hai ki yeh to hota hi hai manzil to bahut oonchi hai, abhi yeh kaise hoga?

lekin phir bhi aaj aise paap aatma, gyaan ki glaani karaane vaalon ko baapdaada warning dete hain ki aaj se bhi is galti ko kadi bhool samajhkar yadi mitaaya nahin to bahut kadi saza ke adhikaari banenge। baar-baar avagya ke bojh se oonchi sthiti tak pahunch nahin sakenge। praapti karne vaalon ki line ke bajaay pashchaataap karne vaalon ki line mein khade honge। praapti karne vaalon ki jayjaykaar hogi aur avagya karne vaalon ke nain aur mukh ‘haay haay’ ka aavaaj nikaalenge aur sarva praapti karne vaale brahman aisi aatmaon ko kulaklankit ki line mein dekhenge। apne kiye vikarmon ka kaalaapan chehre se spashta dikhaai dega। isliye ab se yeh vikraal bhool arthaat badi-se-badi bhool samajhkar ke abhi hi apni pichhli bhoolon ka pashchaataap dil se karke baap se spashta kar apna bojh mitaao। apne aap ko kadi saja do taaki aage ki sazaaon se bhi chhoot jaayen।

agar ab bhi baap se chhupaavenge va apne ko sachcha siddha karke chalaane ki koshish karenge to abhi chalaana arthaat ant mein aur ab bhi apne man mein chillaate rahege - kya karoon, khushi nahin hoti, saphalta nahin hoti, sarva-praaptiyon ki anubhooti nahin hoti। aise ab bhi chillaayenge aur ant mein ‘haay mera bhaagya’ kah chillaayenge। to ab ka chalaana arthaat baar-baar chillaana। agar abhi baat ko chalaate ho to apne janma-janmaantar ke shreshtha takdeer ko jalaate ho। isliye is vishesh baat par vishesh attention rakho। sankalp mein bhi is vish-bhare saanp ko touch nahin karna। sankalp mein bhi touch karna arthaat apne ko moorchhit karna hai। to register mein vishesh albelaapan dekha। doosri result kal sunaai thi ki kin-kin baaton mein chadhti kala ke bajaay rook jaate hain। teevra gati ke bajaay madhyam gati ho jaati hai। yeh hai majority ka result। isliye ab apne aap ko realise karo arthaat antim realise course samaapta karo। apne aap ko achhi tarah har prakaar se har subject mein check karo। sarva maryaadaaon ko,baap ke pharmaanon ko aur shreshtha-mat ko kahaan tak practical mein laaya hai,usko check karo aur saath-saath madhuban mahaayagya mein sadaakaal ke liye antim aahuti daalo। samjha?abhi baap ke prem-swaroop ka ulta advantage nahin uthaao। nahin to antim mahaakaal roop ke aage ek bhool ka hajaar guna pashchaataap karna padega।

aise ishaare se samajhne vaale brahman so devta, sarva praapti ke adhikaar praapta karne vaale adhikaari aur beeti ko beeti kar bhavishya aur vartamaan ke har sankalp ko shreshtha banaane vaale,aise brahman-kul ke deepkon ko,ummeedvaar sitaaron ko apni aur vishwa ki takdeer jagaane vaale takdeervaan aatmaon ko baapdaada ka yaad-pyaar aur namaste।

is murli ki vishesh baaten

1. bachchon ke karma-kahaani ke rajistarsa mein vishesh teen prakaar ki result hain - ek chhipaana, doosra kahin-na-kahin phansana, teesra albelepan mein bahaane banaana।

2. abhi apne se hui bhool ko sach siddha karna arthaat baap dvaara janmajanmaantar ke liye sarva siddhiyon ki praapti se vanchit hona hai।

3. koi bhi dehdhaari mein sankalp se va karma se phansana arthaat apni ki hui ab tak ki kamaai ko khatma karna hai।

5. jaise lakshya spashta hai - vartamaan sangamayugi pharishtepan ka aur bhavishya devta swaroop ka - vaise lakshan bhi spashta dikhaai dene chaahien। A pratigya karo ki - deh-roopi vish bhare saanp ko sankalp mein bhi touch nahin karenge।