शनिवार 7 फ़रवरी 1976 की अव्यक्त मुरली - 1

>

07-02-76 om shanti avyakt baapdaadaamdhuban

avyakt pharishton ki sabha

sabhi aatmaon ko sukh, shanti va shakti ki anjali dekar,vardaan dekar tripta karne vaale, janma-janma ki pyaasi aatmaon ki pyaas bujhaane vaale,sarva ko thikaane par lagaane vaale roohaani baap bole:-

baap-daada sada harshit, sada had ke aakarshanon se pare avyakt pharishton ko dekh rahe hain। yeh pharishton ki sabha hai। har pharishte ke chaaron or light ka crown (Crown) kitna spashta dikhaai deta hai arthaat har pharishta light-house (Light House) aur might-house (Might House) kahaan tak bana hai, yeh aaj baapdaada dekh rahe hain।

jaise bhavishya svarga ki duniya mein sab devta kahlaayenge, vaise vartamaan samay sangam par pharishte samaan sab bante hain lekin nambarvaar। jaise vahaan har-ek apni sthiti pramaan satopradhaan hote hain, vaise yahaan bhi har purushaarthi pharishtepan ki stage ko praapta zaroor karte hain। to aaj baap-daada har ek ki result ko dekh rahe the। kyonki ab antim realisation course (Realization Course) chal raha hai। realisation course mein har ek apne aapko kahaan tak realise kar rahe hain? to result mein do vishesh baaten dekheen। woh kaunsi?

har ek kis position (Position) tak pahunche hain? opposition (Opposition) jyaada hai athva position ki stage jyaada hai? doosra - puraani deh aur puraani duniya se smriti ko kahaan tak transfer (Transfer) kiya hai? saath-saath transfer ke aadhaar par traansaperenta (Transparent) kahaan tak bane hain? chaaron hi subjects mein kahaan tak practical swaroop bane hain? baap-daada ke teenon swaroop - saakaar, aakaar aur niraakaar dvaara li hui paalna aur padhaai ka return (Return) kahaan tak kiya hai? aadi se ab tak jo baap-daada se vaayde kiye hain, un sab vaaydon ko nibhaane ka swaroop kahaan tak hai?jitna kaayda,utna phaayda uthaaya hai? aisi checking (Checking) har-ek apni karte ho?chaaron hi subjects ki checking ka sahaj saadhan aapki gaai hui mahima se siddha ho jaata hai। woh mahima jaante ho? woh kaun-si mahima hai jisse chaaron hi subjects check kar sakte ho? woh mahima to sabko yaad hai na। (sarva gun sampanna…) in chaaron hi baaton mein chaaron hi subjects ki result aa jaati hai। to yahi check karo ki in chaaron hi baaton mein sampanna bane hain? ab tak solah kala bane hain athva chaudah kala tak pahunche hain? sarva gun sampanna bane hain ya gun sampanna bane hain arthaat koi- koi gun dhaaran kiya hai? sab maryaadaayen dhaaran kar maryaada purooshottam bane hain? sampoorn aahinsak bane hain? sankalp dvaara bhi kisi aatma ko duhkh dena va duhkh lena - yeh bhi hinsa hai। sampoorn aahinsak arthaat sankalp dvaara bhi kisi ko duhkh na dene vaala। purooshottam arthaat har sankalp aur har kadam uttam arthaat shreshtha ho,saadhaaran na ho,laukik na ho aur vyartha na ho। aise kahaan tak bane hain?baap-daada ne kya dekha? ab tak vishesh do shaktiyon ki bahut aavashyakta hai। woh kaun-si hain?

ek svayan ko parakhne ki shakti, doosri svayan ko parivaartit karne ki shakti। in donon shaktiyon ki result mein jitna teevra purushaarthi teevra gati se aage badhna chaahte hain, utna badh nahin paate। in donon shaktiyon ki kami ke kaaran hi koi-na-koi rookaavat gati ko teevra karne nahin deti hai। doosre ko parakhne ki gati teevra hai doosre ko parivartan hona chaahiye - yeh sankalp teevra hai; ismen‘pahle aap’ka paath pakka hai। jahaan ‘pahle main’ hona chaahiye, vahaan‘pahle aap’hai aur jahaan ‘pahle aap’ hona chaahiye, vahaan‘pahle main’hai। teesra netra jo har ek ko vardaan mein praapta hai us teesre netra dvaara jo baap-daada ne kaarya diya hai,usi kaarya mein nahin lagaate। teesra netra diya hai rooh ko dekhne,roohaani duniya ko dekhne ke liye va nai duniya ko dekhne ke liye। uske badle jisma ko dekhna, jismaani duniya ko dekhna - isko kaha jaata hai ki yathaartha reeti kaarya mein lagaana nahin aaya hai। isliye ab samay ki gati ko jaante hue parivartan-shakti ko svayan prati lagaao। samay ka parivartan na dekho lekin svayan ka parivartan dekho। samay ke parivartan ka intazaar bahut karte ho। svayan ke parivartan ke liye kam sochte ho aur samay ke parivartan ke liye sochte ho ki hona chaahiye। svayan rachayita hain,samay rachna hai। rachayita arthaat svayan ke parivartan se rachna arthaat samay ka parivartan hona hai। parivartan ke aadhaarmoortta svayan aap ho। samay ki samaapti arthaat is puraani duniya ke parivartan ki ghadi aap ho। saare vishwa ki aatmaon ki aap ghadiyon ke oopar najar hai ki kab yeh ghadiyaan samaapti ka samay dikhaati hain। aapko maaloom hai ki aapki ghadi mein kitna baza hai?aap bataane vaale ho ya poochhne vaale ho?intazaar hai kya? samay dikhaane vaalon ko samay ke prati halchal to nahin hai na?halchal hai athva achal ho? ‘‘kya hoga,kab hoga, hoga ya nahin hoga?’’drama anusaar samay-prati-samay hilaane ke papers aate rahe hain aur aayenge bhi।

jaise vriksha ko hilaate hain na। to nishchay ki neenv arthaat foundation (Foundation) ko hilaane ke papers bhi aayenge। phir paper dene ke liye taiyaar ho athva kamjor ho?paandav sena taiyaar hai ya shaktiyaan taiyaar hain athva donon taiyaar hain? hoshiyaar student paper ka aahvaan karte hain aur kamjor darte hain। to aap kaun ho? nishchaybuddhi ki nishaani yeh hai ki woh har baat va har drishya ko nishchit jaankar sada nishchinta hoga, ‘‘kyon,kya aur kaise’’ ki chinta nahin hogi। pharishtepan ki last stage ki nishaani hai - sada shubhchintak aur sada nishchinta। aise bane ho?realisation course mein svayan ko realise karo। aur ab antim thode-se purooshaartha ke samay mein svayan mein sarvashaktiyon ko pratyaksha karo।

pratyakshata varsha mana rahe ho na। baap ko pratyaksha karne se pahle svayan mein (jo svayan ki mahima sunaai) in sab baaton ki pratyakshata karo, tab baap ko pratyaksha kar sakenge। yeh varsha vishesh jvaala-swaroop arthaat light-house aur might-house sthiti ko samajhte hue isi purooshaartha mein raho - vishesh yaad ki yaatra ko powerful (Powerful) banaao, gyaan-swaroop ke anubhvi bano। aisa svayan ki unnati ke prati vishesh programme banaao। jis dvaara aap shreshtha aatmaon ki shubh vritti va kalyaan ki vritti aur shaktishaali vaataavran dvaara anek tadapti hui, bhatakti hui,pukaar karne vaali aatmaon ko aananda, shanti aur shakti ki anubhooti ho। samjha? ab kya karna hai?sirf sunaana nahin hai, anubhav karna hai। anubhav karaane ke liye pahle svayan anubhveemoortta bano। is varsha ka vishesh sankalp lo। svayan ko parivartan kar vishwa ko parivartan karna hi hai। samjha? dridh sankalp ki result (RESULT) sada saphalta hi hai। achha।

aise dridh sankalp dvaara srishti ka nav-nirmaan karne vaale, apni roohaani vritti dvaara vaayumandal ko parivartan karne vaale, har aatma ko sukh, shanti va shaakti ki anjali dekar evan vardaan dekar, tripta aatma banaane vaale, janma-janma ki pyaasi aatmaon ki pyaas bujhaane vaale,sarva ko apne thikaane par lagaane vaale,sada nishchaybuddhi,halchal mein bhi achal rahne vaale,gyaan-swaroop evan yaad-swaroop aatmaon ko baap-daada ka yaadap yaar aur namaste।

is avyakt vaani ka saar

1. sarva gun sampanna,solah kala sampoorn, maryaada purooshottam,sampoorn aahinsak - in chaaron baaton mein chaaron subjects ka result aa jaata hai। to yeh check karo ki in chaaron hi baaton mein kahaan tak sampanna bane hain?

2. baba kehte - tumhein teesra netra diya hai rooh ko,roohaani duniya ko va nai duniya ko dekhne ke liye। agar uske badle jisma ko, jismaani duniya ko dekhte ho to maana teesre netra ko yathaartha reeti kaarya mein lagaana nahin aaya hai।

3. svayan rachayita ho, samay rachna hai,rachayita arthaat svayan ke parivartan se hi rachna arthaat samay ka parivartan hona hai।

4. parakhne ki shakti va svayan ko parivaartit karne ki shakti mein kami hone ke kaaran hi koi-na-koi thakaavat gati ko teevra karne nahin deti hai। samay ki gati ko jaante hue parivartan-shakti ko svayan prati lagaao।