मंगलवार 11 जनवरी 1977 की अव्यक्त मुरली

>

11-01-77om shanti avyakt baapdaadaamdhuban

svayan ka parivartan hi vishwa-parivartan ka aadhaar

svayan ke parivartan se vishwa parivartan karne ki yukti bataate hue avyakt baap-daada bole :-

baapdaada apni phulvaadi ko dekh bhi rahe hain aur sada dekhte bhi rehte hain। amritvele se lekar phulvaadi ko dekhte hain। aaj bhi baap-daada phulvaadi ko dekh rahe the ki har ek kis prakaar ka, kitna khushboodaar aur kaisa roop-rang vaala phool hai। kali hai ya kali se phool bane hain? har ek ki visheshta kya hai aur aavashyakta kya hai? khushboodaar to bane, lekin woh khushbu avinaashi aur door tak phailne vaali hai? ek phool hote hain jinki khushbu saamne se aati hai, door se nahin aati। to yahaan bhi khushboodaar to bane hain, lekin jab baap ke sammukh va seva ke nimitta aatmaon ke saamne jaate hain to khushbu hoti hai, lekin seva ke bina saadhaaran karma karte hue va shareer nirvaah karte hue woh khushbu nahin rehti। koi-koi phool door se bhi aakarshan karta hai। rang-roop ke aadhaar par aakarshan karta hai na ki khushbu ke aadhaar par। rang, roop,khushbu aadi sabhi mein sampanna hon - aise bahut thode se chune hue phool dekhe। rang,roop arthaat sensible (Sensible;samajhdaar) hain aur khushbu vaale isensaphul (Essenceful) hain। majority (Majority) sensible hain। isensaphul thode hain। sense (Sense) ke aadhaar par sevaadhaari to ban gae hain, lekin roohaani sevaadhaari banen - aise kam hain। kaaran? jaise baap niraakaar so saakaar ban seva ka part bajaate hain, vaise bachchon ko is ‘mantra ka yantra’ bhool jaata hai ki ham bhi niraakaar so saakaar roop mein part baja rahe hain। ‘niraakaar so saakaar’ - yeh donon smriti saath-saath nahin rehti hain। ya to niraakaar ban jaate aur ya saakaari ho jaate hain। sada yeh mantra yaad rahe ki ‘niraakaar so saakaar’ - yeh part baja rahe hain। yeh saakaar srishti, saakaar shareer stage hai। stage aur paatardhaari donon alag-alag hote hain। paartadhaari svayan ko kab stage nahin samjhenge। stage aadhaar hai,paartadhaari aadhaar moortta hai, maalik hai। is shareer ko stage samajhne se svayan ko paartadhaari svatah hi anubhav karenge। to kaaran kya hua? svayan ko nyaara karna nahin aata hai।

sadaiv yeh samajh kar chalo ki main videshi hoon। paraaye desh aur puraane shareer mein vishvakalyaan ka part bajaane ke liye aaya hoon। to pahla paath kamzor hone ke kaaran sensible bane hain, lekin isainsa kam hai। roop, rang hai lekin khushbu avinaashi aur phailne vaali nahin। isliye abhi phir se baap-daada ko pahla paath repeat karna padta hai। second mein svayan ka parivartan sahaj karenge। pahle apne-aap se poochho ki svayan ke parivartan mein kitna samay lagta hai। koi bhi sanskaar ,svabhaav, bol va samparka yathaartha nahin lekin vyartha hai to vyartha ko parivartan kar shreshtha banaane mein kitna samay lagta hai। sookshm sankalpon ko,sanskaaron ko jo socha aur kiya। check kiya aur change kiya - aisi tez speed ki machinery hai?

vartamaan samay aise svayan ki parivartan ki machinery fast speed ki chaahiye। tab hi vishwa-parivartan ki masheen tez hogi। abhi sthaapna ke nimitta bani hui aatmaon ke sochne aur karne mein antar hai। kyonki puraane bhakti ke sanskaar samay prati samay emerge (Emerge) ho jaate hain। bhakti mein bhi sochna aur kehna bahut hota hai।‘yeh karenge,yeh karenge’ - yeh kehna bahut hota hai,lekin karna kam hota hai। kehte hain, balihaar jaayenge, lekin karte kuchh bhi nahin। kehte hain ‘tera’,maante hain‘mera’ (arthaat apna), vese yahaan bhi sochte bahut hain, rooh-roohaan ke samay vaayde bahut karte hain - ‘aaj se badal kar dikhaayenge। aaj yeh chhodkar ja rahe hain। aaj yeh sankalp karte hain।’ lekin kahne aur karne mein antar hai। sochne aur karne mein antar hai। aise vinaash ke nimitta bani hui aatmaaen sochti hain lekin kar nahin paati hain। to ab baap samaan banne ke pahle is ek baat mein samaan bano arthaat svayan ke parivartan karne ki machinery tez karo। is antar ko mitaane ka mantra va yantra sunaaya ki ‘saakaar so niraakaar’mein part bajaane vaale hain। is mantra se sochne aur karne mein antar ko mitaao। yahi aavashyakta hai। samjha, ab kya karna hai?

svayan ke parivartan se vishwa-parivartan hoga। vishwa parivartan ki date nahin socho। svayan ke parivartan ki ghadi nishchit karo। svayan ko sampanna karo to vishwa ka kaarya sampanna ho hi jaaega। vishwa-parivartan ki ghadi aap ho। apne-aap mein hi dekho ki behad ki raat samaapta hone mein kitna samay hai? sampoornata ka soorya uday hona arthaat raat-andhakaar samaapta hona। baap se poochhte ho athva baap aap se poochhe?aadhaar moortta aap ho। achha।

aise second mein parivartan karne vaale, sochne aur karma mein samaan banne vaale, nirantar‘niraakaar so saakaar’ mantra smriti swaroop mein laane vaale, sampanna ban vishwa par master gyaan soorya samaan andhakaar ko samaapta karne vaale, sada nyaare aur sada baap ke pyaare - aise vishesh aatmaon ko baap-daada ka yaad-pyaar aur namaste।

deedi ke saath

vinaash ki date ka pata hai? kab vinaash hona hai? jaldi vinaash chaahte ho va haan aur na ki chaahna se pare ho? vinaash ke bajaay sthaapna ke kaarya ko sampanna banaane mein sabhi brahman ek hi dridh sankalp mein sthit ho jaaen to parivartan hua hi pada hai। jaise vinaash ki date mein sabhi ekmat ho gae na। vaise koi bhi sampanna banne ki vishesh baat lakshya mein rakhte hue aur date fix karen - hona hi hai। tab sampanna ho jaayenge। abhi sangathit roop mein ek hi dridh sankalp parivartan ka nahin karte ho। koi karta hai koi nahin karta hai। isliye vaayumandal powerful (Powerful) nahin banta hai। minority(Minority;alpa sankhyak) hone kaaran jo karta hai uska vaayumandal mein prasiddha roop se dikhaai nahin deta hai। isliye ab aise programme banaao, jo aise vishesh group ka karttavya vishesh ho - ‘dridh sankalp se karke dikhaana’। jaise shuru mein purooshaartha ke utsaah ko badhaane ke liye groups (Groups) banaate the aur purooshaartha ki race (RACE) karte the,ek doosre ko sahayog dete hue utsaah badhaate the, vaise ab aisa teevra purooshaarthiyon ka group bane,jo yeh paan ka beeda uthaaye ki ‘jo kahenge vahi karenge, karke dikhaayenge।’jaise shuru mein baap se pavitrata ki pratigya ki ki marenge, mitenge, sahan karenge,maar khaayenge, ghar chhod denge, lekin pavitrata ki pratigya sada kaayam rakhenge - aisi sherniyon ke sangathan ne sthaapna ke kaarya mein nimitta ban karke dikhaaya, kuchh socha nahin, kuchh dekha nahin - karke dikhaaya,vaise hi ab aisa group chaahiye। jo lakshya rakha us lakshya ko poorn karne ke liye sahan karenge,tyaag karenge, bura-bhala sunenge, pareekshaaon ko paas karenge lekin lakshya ko praapta karke hi chhodenge। aise group sample (Sample) banen tab unko aur bhi follow (Follow) karen। jo aadi mein so ant mein। aise maidaan mein aane vaale, jo ninda, stuti,maan-apmaan sabhi ko paar karne vaale hon - aisa group chaahiye। koi bhi baat mein sunna va sahan karna,kisi bhi prakaar se, yeh to karna hi hoga, kitna bhi achha karenge, lekin achhe ko jyaada sunna,sahan karna padta hai - aisi sahan shakti vaala group ho। jaise shuru mein pavitrata ke vrat vaala group maidaan mein aaya to sthaapna hui,vaise ab yeh group maidaan mein aae tab samaapti ho। aisa group nazar aata hai?jaise woh paarliyaamenta banaate hain na - yeh phir sampanna banne ki paarliyaamenta ho, nai duniyaan, naya jeevan banaane ka vidhaan banaane vaali ‘vidhaan sabha’ ho। ab dekhenge kaun-sa group banaati ho। videshi bhi aisa hi group banaana। sachche brahman bankar dikhaana। madhuban se kya bankar ja rahe ho? jahaan se aae hain vahaan pahaoonchate hi sabhi samjhen ki yeh to avtaar avatrit hue hain। jab ek ‘avtaar’duniya mein kraanti la sakta hai to itne sabhi avtaar jab utrenge to kitni badi kraanti ho jaayegi! vishwa mein kraanti laane vaale avtaar ho - aise samajhte hue kaarya karna hai। achha।

is group ko kaun-sa group kahenge? baap-daada is group ko messenger (Messenger;sandesh dene vaale) group dekh rahe hain। ek-ek anek aatmaon ko baap ka sandesh dene vaale hain। aise apne ko samajhte ho?ab dekhenge ki kaun-sa maali, kaun-se phool laate hain aur kitna bada guldasta taiyaar karte ho! sadaiv maali apne maalik ko bahut pyaar se guldasta banaakar pesh karta hai, to baap bhi dekhenge। sunaaya essence (Essence;khushbu) vaala hona chaahiye। roohaaniyat ki essence ho। apne ko maali samajhte ho? itne saare taiyaar ho jaayenge to vishwa ka kalyaan ho jaaega। baapdaada ki yahi ummeed hai।

sabhi paandav kalpa pahle ki tarah apni oonchi stage ko praapta hote hue deh- abhimaan se poorn reeti se gal gae hain? jaise paandavon ko dikhaate hain ki pahaadon par gal gae arthaat samaapta hue। aise deh-abhimaan ki sthiti se samaapta ho gae ho? abhi poore paandav samaan marjeeva nahin bane ho?marjeeva arthaat dehbhaan se marna। to marjeeva bane ho?marna to marna, ya abhi mar rahe ho?aise hota hai kya? ek sthaan se marna doosre sthaan mein jeena hota hai। yeh sab mein hota hai na?yahaan bhi deh-abhimaan se marna aur dehi-abhimaan se jeena। ismen kitna time chaahiye?kam se kam 6maas to ho gae hain na। paandav prasiddha hain - oonchi stage ko praapta karne mein। isliye paandav ke shareer bhi lambe-lambe dikhaate hain। shareer nahin lekin aatma ki stage itni oonchi ho। to vahi paandav ho na। teevra purooshaartha ka sahaj saadhan hai - dridh sankalp। dehi-abheemaani banne ke liye bhi dridh sankalp karna hai ki main shareer nahin hoon, aatma hoon। sankalp mein dridhta nahin to koi bhi baat mein saphalta nahin। koi bhi baat mein jab dridh sankalp rakhte hain tab hi saphalta hoti hai। dridh sankalp vaale hi maayaajeet hote hain। maaya se haar khaane vaale to nahin ho na? jab maaya ko parakhte nahin tab hi dhokha khaate hain। parakhne vaala kabhi dhokha nahin kha sakta। lucky (Lucky; khushanseeb) ho jo praapti se pahle varsa lene ka adhikaar praapta hua। jab khushiyon ke saagar baap ke bane, to kitni khushi honi chaahiye! apraapti kya hai, jo khushi gaayab hoti hai? jahaan praapti hoti hai, vahaan khushi hoti hai। alpakaal ki praapti vaale bhi khush hote hain। to sadaakaal ki praapti vaalon ko sada khush rehna chaahiye। kabhi-kabhi khushi mein rahenge to antar kya hua? ‘gyaani arthaat sada khush।’ agyaani arthaat kabhi-kabhi khush। to sada khush rahne ka dridh sankalp karke jaana।

teachers ke saath:-

teachers arthaat pharishta। teacher ka kaam hai - panda ban karke yaatriyon ko oonchi manzil par le jaana। oonchi manzil par kaun le ja sakega? jo svayan pharishta arthaat double light hoga। halka hi ooncha ja sakta hai। bhaari neeche jaaega। teacher ka kaam hai oonchi manzil par le jaana। to khud kya karenge? pharishta honge na। agar pharishte nahin to khud bhi neeche rahenge aur doosron ko bhi neeche laayenge। apne ko pharishta anubhav karti ho?bilkul halka। deh ka bhi bojh nahin। mitti bojh vaali hoti hai na। dehbhaan bhi mitti hai। jab iska bhaan hai to bhaari rahenge। isse pare halka arthaat pharishta honge। to deh ke bhaan se bhi halkaapan। deh ke bhaan se pare to aur sabhi baaton se svatah hi pare ho jaayenge। pharishta arthaat baap ke saath sabhi rishte hon। apni deh ke saath bhi rishta nahin। baap ka diya hua tan bhi baap ko de diya tha। apni vastu doosre ko de di to apna rishta khatma hua। sab hisaab-kitaab baap se, aur kisi se nahin। tumheen se baithoon,tumheen se boloon… to len-den sab khaata baap se hua na? jab ek baap se sab khaata hua to aur sabhi khaate khatma ho gae na?teacher arthaat jiske sab khaate baap se arthaat sab rishte baap se। koi pichhla khaata nahin, sab khatma ho gaya। isko hi tumheen se boloon… to len-den sab khaata baap se hua na! jab ek baap se sab khaata hua to aur sabhi khaate khatma ho gae na? teacher arthaat jiske sab khaate baap se arthaat sab rishte baap se। koi pichhla khaata rah nahin jaata। jab baap ke bane to pichhla khaata sab khatma ho gaya। isko hi kaha jaata hai sampoorn beggar (Beggar)। beggar ka koi bank balance (BankBalance) nahin hota। khaata nahin, koi rishta nahin। na kisi vyakti se,na kisi vaibhav se - khaate samaapta। pichhle karmon ke khaate mein koi bhi bank balance nahin hona chaahiye। aisi checking karni hai। aise kai hote hain ki marne ke baad koi sada hua khaata rah jaata hai to peechhe vaalon ko tang karta hai। to check karte ho ki sab khaate samaapta hain?svabhaav, sanskaar,samparka,sab baaten,sab rishte khatma। phir khaali ho jaayenge na। jab itna halka bane tabhi panda ban auron ko ooncha utha sakange। to samjha, teacher ko kya karna hota hai? teacher banna sahaj hai ya mushkil?teacher banna bhi baap samaan banna hua to jo teacher ki seat leta hai woh baap samaan banta hai। teacher bante hain arthaat jimmevaari ka sankalp lete hain। to baap bhi itna sahayog dete hain। jo jitni jimmevaari leta, utna hi baap sahayog dene ka jimmevaar hain। jab baap jimmevaari le lete to mushkil hua ya sahaj? jab baap ko jimmevaari de di, to svayan nahin uthaani chaahiye। jiske nimitta bante,unki jimmevaari apni samajhte ho। to mushkil ho jaati hai। jimmevaar baap hai na ki aap। apne-aap ke oopar bojh to nahin rakh lete?kaiyon ko bojh uthaane ki aadat hoti hai। kitna bhi kaho phir bhi utha lete hain। yeh na ho jaay, aisa na ho jaay yeh vyartha ka bojh hai, bojh baap ke oopar chhod do। baap ka ban baap ke oopar chhodne se saphalta bhi jyaada, unnati bhi jyaada aur sahaj ho jaaega। teachers to baap-daada ko priy hain, kyon? phir bhi himmat to rakhi hai na। baap-daada himmat dekh harshit hote, lekin himmatheen dekh aashcharya bhi khaate hain। teachers ko ‘kyon’ aur‘kya’ke question mein nahin jaana chaahiye। nahin to aapki ‘queue’ (Queue;kataar) bhi aisi ho jaaegi। teacher arthaat full stop (Full Stop) ki sthiti mein sthit। question vaale praja mein aa jaate hain। full stop arthaat raaja। question vaale ko kab ati-indriy sukh nahin ho sakta। isliye teachers ki vishesh dhaarna hi ‘full stop ki stage hai’। teachers arthaat inventor buddhi (Inventor;aavishkaar),programme pramaan hi sirf chalne vaale nahin। invention karne vaale। kya aisi nai baat nikaale,jo sahaj aur jyaada se jyaada ko sandesh pahunch jaae। yeh invention harek ko nikaalni hai। achha।