गुरुवार 14 अप्रैल 1977 की अव्यक्त मुरली

>

14-04-77om shanti avyakt baapdaadaamdhuban

shreshtha takdeer ki tasveer

apni takdeer ki tasveer dvaara takdeer banaane vaale, har paristhiti ke pepron mein ever ready, sada mahaaveer rahne vaale bachchon prati baba bole :-

aaj baap-daada har bachche ke takdeer ki tasveer dekh rahe hain। har ek ne yatha- shakti apni-apni tasveer taiyaar ki hai। tasveer ke andar visheshta roohaaniyat ki chaahiye। roohaaniyat bhari tasveer har aatma ko roohaani baap ki raah bata deti hai। jaise laukik mein bahut sundar bani hui tasveer apni rachayita ki smriti dilaati hai ki isko banaane vaala kaun? aise hi roohaani tasveer arthaat shreshtha takdeer-vaali tasveer banaane vaale baap ke taraph svatah hi aakarshit karti hai। aapka bhaagya, bhaagya banaane vaale bhagwan ki svatah yaad dilaata hai। aise shreshtha takdeer ki tasveer banaai hai? roohaani takdeer arthaat chalta-phirta light house (Light House)। light house ka karttavya hai - harek ko sahi raah dikhaana। chalte-phirte itne light house kya kamaal karenge? aise bane ho va ab tak banne ke plan bana rahe ho?

is baar baap-daada result lene ke liye aae hain। jab paper arthaat imtahaan ke din hote hain to us samay padhaai padhaayi nahin jaati hai, lekin padhe hue ka imtahaan hota hai। to baap-daada ne bhi sankalp dvaara, vaani dvaara, karma dvaara padhaai bahut padhaayi hai,ab uski result dekhenge। harek apni result se santushta hain? chaik kiya hai ki samay pramaan va baap ki padhaai pramaan, vishwa ke aage svayan ko pratyaksha pramaan banaaya hai? koi bhi baat ko spashta karne ke liye anek prakaar ke pramaan die jaate hain। lekin sabhi pramaan mein shreshtha pramaan, ‘patyaksha pramaan’ hi hai। to aise bane ho? jo koi bhi dekhe to anubhav kare ki inhen padhaane vaala va banaane vaala sarvashaktivaan baap hai। pratyaksha pramaan hi baap ko pratyaksha karne ka sahaj aur shreshtha saadhan hai। is saadhan ko apnaaya hai?pratyakshata varsha to manaaya lekin svayan ko pratyaksha pramaan banaaya?sahaj hai va mushkil hai?kyonki pratyaksha pramaan arthaat jo ho,jiske ho usi smriti mein rehna। woh mushkil hota hai? apne aapko yaad karna kisko mushkil lagta hai? temparri? (Temporary;asthaayi) part bajaane ke samay apna temparri time ka smriti mein rakhna mushkil hota hai। jaise koi female (Female) se mel (Male) banega to phir bhi part bajaate-bajaate female ka roop kab smriti mein aa jaayega। lekin niji swaroop kab bhoolta nahin hai। to aap jo ho, jiske ho aur jahaan ke ho woh anaadi niji swaroop,anaadi baap,anaadi sthaan hai, na ki temparri। anaadi ki smriti sahaj hoti hai va mushkil? pratyaksha pramaan arthaat anaadi roop mein sthit rehna। phir bhi bhool jaate ho? vaastav mein bhoolna mushkil hona chaahiye। kyonki bhoolkar jo swaroop smriti mein laate ho woh anaadi nahin,madhyakaal ka hai। madhyakaal arthaat dvaapar ka samay,to madhyakaal ka swaroop mushkil yaad aata hai। yeh yathaartha nahin lekin aythaartha hai।

baap-daada result lene aaye hain, khaas puraanon se। jinhonne vishesh ulhanon dvaara aahvaan kiya hai। puraanon ka aahvaan karna arthaat result dene ke liye taiyaar rehna। kyonki baap-daada ne pahle hi kah diya tha। jaise nayon ko sunaate ho, baap ka aana apne aapko jeete ji marne ka saahas rakhna। kyonki baap ka aana arthaat vaapas le jaana va puraani duniya ka parivartan karna। vaise hi aapko baap ka bulaana arthaat result dene ke liye taiyaar rehna। to paper ke liye taiyaar ho na?vishwa ko parivartan karne ki halchal dekhte hue achal ho?svayan ko halchal karaane vaale nimitta samajhte ho va ab tak apne hi halchal mein ho?baap-daada hilaane ke paper leve? achal rahenge va dagmag honge?ready (REady) ho ya ever ready (Eveready;sada taiyaar) ho? result kya hai? svayan ke sanskaaron ke paper, svayan ke vyartha sankalpon ke paper va koi na koi shakti ki kami ke kaaran paper, sarva se sanskaar milaane ke paper, ab tak in chhote-chhote had ke paper mein bhi halchal mein aate ho va achal ho? behad ke paper arthaat anaadi tatvon dvaara paper,behad ke vishwa ke halchal dvaara paper,behad ke vaataavran dvaara paper,behad srishti ke tamopradhaan ashuddha vibration (Vibration) vaayumandal dvaara paper। aise behad ke paper dene ke liye pahle hai - ‘svayan dvaara svayan ka paper’, chhote se brahman sansaar dvaara va braahmanon ke sanskaaron dvaara aaya hua paper, yeh kachcha imtahaan hai va pakka imtahaan hai?jaise chhah maas ka aur baarah maas ka pakka imtahaan hota hai na! to had ka paper de paas ho gaye ho? abhi behad ka paper shuru ho? isi tarah apne aapko chaik karo ki - kisi bhi subject ke paper mein paas marks (Marks;number) lene yogya bane hain va paas with honour (Pass With Honour;sammaan sahit paas) bane hain। samjha, kya karna hai? ghabraate bahut ho aur ghabraate kisse ho? maaya ke budbudon se। jo abhi-abhi hain,abhi-abhi nahin honge। chhote bachche bhi budbudon se nahin darte hain। khelte hain na ki darte hain। master sarvashaktivaan budbudon se khelne vaale hain na ki darne vaale। achha phir aage sunaate rahenge। achha।

aise chalte-phirte light house, apne takdeer ki tasveer dvaara takdeer banaane vaale,baap ko har samay pratyaksha karne vaale, har paristhiti ke pepron mein ever ready rahne vaale,sada pratyaksha pramaan ban anya ko prerna dene vaale, aise sada mahaaveer rahne vaale bachchon ko yaad-pyaar aur namaste।

deedi ji se vaartaalaap

aap sabhi vishesh aatmaaen baap-daada ke kaarya mein sahayogi ho। sahayog ke return mein vishesh sarva aur sahaj praaptiyaan hoti hain। jitna samay jo sarva prakaar se sahayogi bante hain, uska pratyaksha-phal sarva praaptiyon ka anubhav sahaj hota hai। jaise samay prati samay baap ke sahayogi bante hain to baap bhi return mein madad karte hain। himmat ka sankalp ek bachche ka aur hazaar shreshtha sankalpon ka sahayog baap ka। aisa sahayog samay par dete rehte hain। bachchon ne socha aur baap ke sahayog se hua। yeh hai vishesh aatmaon ko sahayogi banne ka pratyaksha phal। pratyaksha phal praapta karne vaali aatma kab mushkil ka anubhav nahin karegi - itna sahaj lagega jaise abhi-abhi ki hui baat ko repeat kar rahe hain। kalpa pahle ki hai - nahin, abhi-abhi ki hai, abhi-abhi repeat kar rahe hain। kal ki baat ko bhi sochna padega,khenchana padega - lekin abhi-abhi ki hai। ismen buddhi par bojh nahin aayega। karna hai, kaise hoga yeh bojh bhi nahin। abhi-abhi kiya hai aur abhi-abhi repeat karna hai। aisa pratyaksha phal praapta hota hai। to pratyaksha phal khaane vaale ho na bhavishya ke aadhaar par soch rahe ho। bhavishya to hai hi। lekin bhavishya se bhi shreshtha ‘pratyaksha phal’ hai। pratyaksha ko chhod bhavishya ke intajaar mein nahin rehna hai। abhi-abhi baap ke bane aur abhi-abhi mila। baap se door rahne vaali aatmaaen bhavishya arthaat door ki baaten sochenge। sameep rahne vaali aatmaaen sada pratyakshaphal ka anubhav karengi। ek ka laakh guna ke roop mein return mein anubhav karengi। aise hota hai na।

chal nahin rahe hain lekin koi chala raha hai। apni godi mein bithaakar chala rahe hain, to mushkil thode hi hoga! jaise bachcha agar baap ki godi mein ghoomta hai to usko kab thakaavat nahin hogi, maja aayega। apne paanv se chale to thakega bhi, royega bhi, chillaayega bhi। yeh to baap chalaane vaala chala raha hai। baap ki godi mein baithe hue chal rahe hain। kitna ati indriy sukh va aananda ka anubhav hota hai! jara bhi mehnat va mushkil ka anubhav nahin। praapti hai va mehnat hai?sangamayugi sada saathi banne vaali aatmaon ko mehnat kya hoti hai, woh‘avidya maatram’ hote hain। aise bahut thode honge jinhon ko mehnat avidya maatram hogi। yeh hai final stage ki nishaani। uske sameep aa rahe hain। purooshaartha bhi ek natural karma ho jaae। jaise aur karma natural hai na। uthna, baithna,chalna, sona natural karma hain, vaise svayan ko sampanna banaane ka purooshaartha bhi natural karma anubhav ho tab is nature ko parivartan kar sakenge। abhi to woh service rahi hui hai। abhi aap sab ja rahe ho, sabhi ko final paper dene liye taiyaar karne। kyonki aap sab nimitta ho na। aise ever ready ban jaao jo koi bhi chhoti va badi pareeksha mein achal rahe। abhi to chhote paper mein halchal mein aa jaate hain। svayan ke papers dvaara hi halchal mein hain। to ab aisi taiyaari kar bhejna jo puraane yahaan aaven to ever ready dikhaai pade। baap-daada ne realisation course diya hai to uski result bhi lenge। anubhvi banaate jaao। uchchaaran karne vaale ban jaate hain lekin anubhvi kam bante hain। agar anubhvi moortta ban jaae to anubhvi kab dhokha nahin khaayenge। dhokha khaana arthaat anubhvi nahin। aisa hi lakshya rakh karke sabhi mein aise lakshan bharte jaao। yeh result dekh lenge। abhi to yahi umang sarva ka hona chaahiye ki ‘sampanna ban vishwa parivartan ka kaarya sampanna karenge।’ nahin to vishwa parivartan ka kaarya bhi halchal mein hai। abhi-abhi baadal bharte hain, thoda baraste hain - phir bikhar jaate hain। kaaran? sthaapna karne vaale vishwa parivartak hi hilte rehte hain। apne nishaane se bikhar jaate hain to parivartan ke baadal bhi bikhar jaate hain। garajte hain lekin baraste nahin। achha।