शनिवार 16 अप्रैल 1977 की अव्यक्त मुरली

>

16-04-77om shanti avyakt baapdaadaamdhuban

brahman janma ki divyata aur alaukikta

maryaada purooshottam, baap samaan banne vaale, sada sirtaaj, sada baap ke sarva praaptiyon ke sahaare mein rahne vaale bachchon prati uchchaare hue baba ke mahaavaakya :-

sunna aur samaana। ‘sunna’sahaj lagta hai roochi hoti hai sunte hi rahen। yeh ichchha sadaiv rehti hai। aise hi samaana bhi itna hi sahaj anubhav hota hai। sada ichchha rehti hai ki samaane se baap samaan banna hai। samaane ka swaroop hai baap samaan banna। to abhi tak first stage par ho,second stage par ho va last stage tak ho?last stage hai sunna aur banna। sun rahe hain, ban hi jaayenge, banna hi hai। kalpa pahle bhi bane the, ab bhi avashya banenge,yeh bol last stage mein samaapta ho jaate hain। ek- ek bol jaise-jaise sunte ja rahe hain, vaise-vaise bante ja rahe hain। last stage vaalon ka lakshya aur bol, swaroop dvaara spashta dikhaai dega। jaise pahla paath aatma ka sunte ho aur sunaate ho। last stage vaali aatma sirf shabd sunengi, sunaavengi nahin। lekin saath-saath swaroop mein sthit hogi। isko kehte hain baap samaan banna। svayan ka va baap ka swaroop va gun va karttavya,sirf sunaayenge nahin lekin har gun aur karttavya apne swaroop dvaara anubhav karaayenge। jaise baap anubhvi moortta hai,sirf sunaane vaale nahin hain। to aise follow father karna hai। jaise saakaar mein baap ko dekha, sunaane ke saath karma mein, swaroop mein karke dikhaaya। sunna, sunaana aur swaroop ban dikhaana - teenon hi saathsaath chala। aise sunna aur sunaana aur dikhaana saath-saath hai?abhi tak jitna suna hai utna hi samaaya hai। vishwa ke aage kar dikhlaaya hai! mahaan antar hai va thoda sa antar hai? result kya hai? sunna aur sunaana to common (Common;saadhaaran) baat hai। braahmanon ki alaukikta kahaan tak dikhaai deti hai? jaise baap ke mahaavaakya hain ki‘mera janma aur karma praakrit manushyon sadrishya nahin,lekin divya aur alaukik hai।’baap-daada ke saath-saath aap braahmanon ka janma bhi saadhaaran nahin,divya aur alaukik hai। jaisa janma, jaisa divya naam vaisa hi divya alaukik kaam hai।

jaise harek laukik kul ki maryaada ki bhi lakeer hoti hai। aise brahman kul ki maryaadaaon ki lakeer ke andar rehte hai? maryaadaaon ki lakeer, sankalp mein bhi kisi aakarshan vash ullanghan to nahin karte hain। arthaat lakeer se baahar to nahin jaate hain। shoodrapan ke svabhaav va sanskaar ki smriti aana arthaat achhoot banna। arthaat brahman parivaar se apne aap hi apne ko kinaare karna। to yeh chaik karo ki saare din mein baap ka sahaara kitna samaay rehta aur apne aap kinaara kitna samay kiya? baarbaar kinaara karne vaale baap ke sahaare ka anubhav, baap ke saath-saath rahne ka anubhav,baap dvaara praapta hue sarva khazaanon ka anubhav, chaahte hue bhi nahin kar paate hain। saagar ke kinaare par rehte sirf dekhte hi rah jaate hain, pa nahin sakte। paana hai, yeh ichchha bani rehti hai lekin ‘pa liya hai’, yeh anubhav nahin kar paate hain। jigyaasa hi rah jaate hain। ‘adhikaari’ nahin ban paate hain। to saare din mein ‘jigyaasu’ki stage kitna samay rehti hai aur ‘adhikaari’ ki stage kitna samay rehti hai? aap log ke paas bhi jab koi naya aata hai to usko pahle ‘jigyaasu’banaate ho। jigyaasu arthaat jigyaasa rahe ki paana hai। aap log bhi ‘jigyaasu’ko kinaare rakhte ho। sangathan mein ya raigular class mein aane nahin dete ho। jab woh kehta hai ki ab anubhav hua,nishchay hua va maan liya,jaan liya,tab sangathan mein aane ki permission (Permission;anumti) dete ho। to apne aap se poochho ki jab jigyaasu ki stage rehti hai to baap ka sahaara va kul ka sahaara arthaat sangathan ka sahaara svatah hi sameep ke bajaae, apne ko door-door vaala anubhav nahin karte? sahaare ke bajaaye svatah buddhi dvaara kinaara nahin ho jaata? bachche ke bajaay maangane vaale bhakta nahin ban jaate?shakti do,madad karo, maaya ko bhagaao, yukti do, maaya se chhudaao, yeh‘braahmanpan’ke sanskaar nahin hain। brahman kab pukaarte nahin। braahmanon ko svayan baap bhinna-bhinna ‘shreshtha taaeetal’ se pukaarte hain। jaante ho na?aapke kitne taaeetal hain? brahman arthaat pukaarna banda। brahman arthaat sirtaaj। kabhi bhi prakriti ke va maaya ke mohtaaj nahin। to aise sirtaaj bane ho? maaya aa jaati hai arthaat mohtaaj banna। puraane sanskaar vash ho jaate hain, svabhaav vash ho jaate hain, yeh hai mohtaaj pan। aisa mohtaaj baap ke sirtaaj nahin ban sakta। vishwa ke raajya ke taajdhaari nahin ban sakta, baap ke sirtaaj banne vaale svapna mein bhi mohtaaj nahin ban sakte। samjha,realise karo। ab self riylaaeejshan course (Self-Realization Course) chal raha hai na। achha।

sada apne brahman kul ki maryaada ke lakeer ke andar rahne vaale ‘maryaada purooshottam’,sunne,sunaane aur samaan banne vaale, abhi-abhi swaroop se dikhaane vaale,sada sirtaaj,sada baap ke sarva praaptiyon ke sahaare mein rahne vaale shreshtha aatmaon ko baap-daada ka yaad-pyaar aur namaste।

deedi ji se

jaana aur aana kahenge? jaana aur aana tab kahen jab saath chhod kar jaata?kahaan se bhi jaana hota hai,jaana arthaat kuchh chhod kar jaana। lekin yahaan jaana aur aana shabd kah sakte hain? yahaan hain to bhi saath hain, vahaan hain to saath hain। jo sada saath rehta, sthaan mein bhi aur sthiti mein bhi,to uske liye jaana nahin kahenge। jaise madhuban mein bhi ek kamre se doosre kamre mein jaao to yeh nahin kahenge ham ja rahe hain,chhutti leven, nahin। natural jaana aana chalta rehta hai, kyonki saath-saath hai na। yeh bhi ek kamre se doosre kamre mein chakkar lagaate hain। hain madhuban vaasi। isliye vidaai shabd bhi nahin kehte। sada seva ki badhaai dete hain। sada saath rehte, sada saath chalte, ang-sang hain। aise hi anubhav hota hai na? mahaarthi arthaat baap samaan। mahaarthiyon ke har kadam mein padmon ki kamaai to common baat hai, lekin har kadam mein anek aatmaon ko padmaapti banaane ka vardaan bhara hua hai। mahaarthi kahenge ham jaate hain? nahin,lekin saath jaate hain। mahaarthiyon ki service, nainon dvaara baap se praapta hue vardaan anekon ko praapti karaana arthaat apne dvaara baap ko pratyaksha karna hai। aap ko dekhte-dekhte baap ki smriti svatah aa jaae। harek ke dil se nikle ki kamaal hai banaane vaale ki! to baap pratyaksha ho jaaega। baap, aap dvaara pratyaksha dikhaai dega aur aap gupta ho,jaayenge। abhi aap pratyaksha ho, baap gupta hai, phir harek dil se baap ki pratyakshata ke gungaan karte hue sunenge। aap dikhaai nahin denge, lekin jahaan bhi dekhenge to baap dikhaai dega। isi kaaran jahaan bhi dekhen vahaan baap hi baap hai। yeh sanskaar last mein sama jaate hain jo phir bhakti mein jahaan dekhte vahaan ‘tu hi tu’ kah pukaarte hain। last mein aap sabke chehre darpan ka kaarya karenge। jaise aajkal mandiron mein aise darpan rakhte hain jismen ek hi soorat anek roopon mein dikhaai deti hai। aise aap sabke chehre chaaron or baap ko pratyaksha dikhaane ke nimitta banenge। aur bhakta kahenge jahaan dekhte tu hi tu। saare kalpa ke sanskaar to yahaan hi bharte hain। to bhakta isi sanskaar se mukti ko praapta karenge। isliye dvaapar ki aatmaon mein ya mukti paane ka sanskaar ya tu hi tu ke sanskaar jyaada emerge rehte hain to apne va baap ke bhakta bhi abhi hi nishchit hote hain। raajdhaani bhi abhi banti to bhakta bhi abhi bante। to bhakton ko jagaane jaati ho va bachchon se milne ke liye jaati ho? chaik karna ki is chakkar mein mere bhakta kitne bane aur baap ke bachche kitne bane। donon ka vishesh part hai। bhakton ka bhi aadha kalpa ka part hai aur bachchon ka bhi aadha kalpa ka adhikaar hai। bhakta bhi abhi dikhaai denge ya ant mein?jo naudha bhakti karne vaale number one‘bhakta maala’ke manke honge, woh bhi pratyaksha yahaan hi hone hain। vijay maala bhi aur bhakta maala bhi। kyonki sanskaar bharne ka samay ‘sangamayug’hi hai। bhakta ant mein pukaarte rah jaayenge, he bhagwan, humein bhi kuchh de do। yeh sanskaar bhi yahaan se bharenge aur bachche saath ka anubhav karenge। achha।