गुरुवार 19 मई 1977 की अव्यक्त मुरली

>

19-05-77om shanti avyakt baapdaadaamdhuban

aatma gyaan aur parmaatma gyaan mein antar

sada antarmukhi arthaat harshit mukhi, knowledgeful,powerful,sada baap ke saath ka anubhav karne vaale anubhvi moortta bachcho prati baba bole:-

svayan ko sada svadarshan chakradhaari anubhav karte ho? sirf samajhte ho va har samay anubhav hota hai? ek hota hai samajhna,doosra hota hai swaroop mein laana arthaat anubhav karna। is shreshtha jeevan ki va shreshtha knowledge ki shreshthata hai anubhav karna। har baat jab tak anubhav mein nahin laai hai to phir aatma gyaan aur parmaatma gyaan mein koi antar nahin rehta। aatmaaen hain,aatma gyaan sunaane aur samjhaane vaali na ki anubhav karaane vaali। parmaatma gyaan, har baat ka anubhav karaate hue chadhti kala ki or le jaata hai। apne aap se poochho ki gyaan ki har baat anubhav mein laai hai? samajhne vaale ho, sunne vaale ho va anubhvi moortta ho?jeevan mein anek prakaar ke anubhav aatma ko knowledgeful aur powerful banaate hain? kisi bhi gyaan ki point mein powerful nahin ho to avashya woh sab point ke anubhvi moortta nahin bane ho। samajhne,samjhaane vaale va varnan moortta bane ho lekin manan moortta nahin bane ho। jaise auron ko saptaah course mein vishesh saat points sunaate ho, woh saat hi points saamne rakho aur chaik karo ki sab points mein anubhvi moortta hai aur kisi points mein samajhne tak hai, kis points mein sunne tak hai? baap-daada result ko dekhte hue jaante hain ki anubhvi moortta sarva baaton mein bahut kam hain। kyonki anubhvi arthaat sada kisi bhi prakaar ke dhokhe se, duhkh,duvidha se pare rahenge। anubhav hi foundation (Foundation;neenv) hai। anubhav roopi foundation majboot hai to kisi bhi prakaar ke svayan ke sanskaar,anya ke sanskaar va maaya ke chhote-bade vighnon se majboor ho jaate hain, to siddha hai ki anubhav ka foundation majboot nahin hai। anubhvi moortta sada svayan ko sampanna samajhte hue majboori ko majboori na samajh,jeevan ke liye majbooti ka aadhaar samjhenge। majboori ki sthiti apraapti ki nishaani hai। anubhvi moortta sarva praapti swaroop hai।

isi prakaar duhkh ki lahar va dhokha kha lete hain - uska bhi kaaran maaya kehte hain, lekin maaya ke anek roopon ke anubhvi nahin hain। anubhvi jo hain woh maaya ko besmajh bachche ki tarah samajhte hain। jaise besmajh bachche koi bhi karma karte hain to samjha jaata hai ki - hain hi besmajh, bachche ka kaam hi aisa hota hai। isi prakaar anubhvi arthaat bujurga ke aage chhote bachche khel karte hain to maaya ke anek prakaar ki leela ko anubhvi moortta, bachchon ka khel anubhav karenge। aur doosre maaya ke chhote se vighna ko pahaad samaan samjhenge aur sada yahi sankalp karenge ki - maaya badi balvaan hai, maaya ko jeetna bada mushkil hai। kaaran kya? anubhav ki kami। aisi aatmaaen baap-daada ke shabdon ko lengi, bhaav ko nahin samjhengi। anubhav ka aadhaar nahin hoga lekin shabdon ko aadhaar banaavengi ki - baap-daada bhi kehte hain, ‘maaya ko jeetna maasi ka ghar nahin hai va maaya bhi sarva shaktimaan hai। abhi ajun sampoorn nahin bane hain - ant mein sampoorn banenge।’aise-aise shabdon ko apna aadhaar banaae chalne se,aadhaar kamzor hone kaaran baar-baar dagmag hote rehte hain। is liye shabdon ko aadhaar nahin banaao। lekin baap ke bhaav ko samjho। anubhav ko apna aadhaar banaao। dagmag hone ka kaaran hi hai anubhav ki kami। kahlaate hain ‘master sarvashaktivaan’, ‘vijayi ratna’, ‘svadarshan chakradhaari’, ‘shiv shakti paandav sena’, ‘sahaj raajayogi’, ‘mahaadaani vardaani’, ‘vishwa kalyaankaari’hain, lekin jab svayan ke kalyaan ki koi baat aati hai,maayaajeet banne ki koi baat aati hai to kya karte hain aur kya kehte hain? jaante ho na ki kya karte hain? bahut majedaar khel karte hain। knowledgeful se bilkul anjaan ban jaate hain। jaise maaya besmajh bachcha hai vaise maaya ke vash ho, knowledgeful ko bhool besmajh bachche ke samaan karte hain। kya karte hain? ‘aise thode hi samjha tha, yeh pahle maaloom hota to tyaag nahin karte, brahman nahin bante। itna saamna karna padega। sahan karna padega। har baat mein apne ko badalna padega। mitna padega,marna padega। yeh to maaloom hi nahin tha।’ trikaaldarshi knowledgeful hote hue yeh bahaana, besmajh bachpan nahin? lekin yeh sab kyon hota hai?kyonki baap ke sada saath ka anubhav nahin। sada baap ke saath ke anubhvi aisa kamzori ka sankalp bhi nahin kar sakte। baap ke saath ke nashe ka kalpa pahle vaala yaadgaar bhi abhi tak gaaya ja raha hai। kaun sa?akshoni sena ke saamne hote, bade-bade mahaaveer saamne hote bhi paandavon ko kiska nasha tha?baap ke saath ka। akshoni sena arthaat maaya ke anek bhinna-bhinna swaroop bhi baap ke saath se akshoni nahin lekin ek kshan mein bhasmi bhoot hue pade hain। aisa nasha yaadgaar mein bhi gaaya hua hai। mahaaveer ko mahaaveer nahin samjha, lekin mare hue murde samjhe। yeh kiska yaadgaar hai? baap ke saath rahne vaale anubhvi aatmaon ka। is kaaran kaha anubhvi kabhi dhokha nahin khaate। mushkil anubhav nahin karte। anjaan anubhav nahin karte। kalpa pahle ke yaadgaar ko prekteekal anubhav kar rahe ho va sirf varnan karte ho? baap-daada jab bachchon ki aisi sthiti dekhte hain, jo svayan ka kalyaan nahin kar sakte, svayan ko parivartan nahin kar sakte aur apni kamzori ko bahaaduri samajh kar varnan karte hain to baap bhi samajhte hain - samajhne vaale hain lekin anubhvi nahin। is kaaran knowledgeful hain, lekin powerful nahin। sunne sunaane vaale hain, lekin samajhne vaale baap samaan banne vaale nahin। jo samaan nahin vo saamna bhi nahin kar sakte। kabhi murjhaate kabhi muskaraate rehte। isliye ekaanta vaasi bano,antarmukhi bano। har baat ke anubhav mein svayan ko sampanna banaao। pahla paath baap aur bachche ka hai - kiska bachcha hoon? kya praapti hai?is pahle paath ke anubhveemoortta bano to sahaj hi maayaajeet ho jaaenge। alpa samay anubhav mein rehte ho। jyaada samay sunne aur samajhne mein rehte ho। lekin anubhvi moot arthaat sada sarva anubhav mein rehna। samjha?saagar ke bachche bane ho lekin saagar arthaat sampanna ka anubhav nahin kiya hai? achha।

sada antarmukhi arthaat harshitmukhi, maaya ke har vaar ko maakhan se baal samajh paar karne vaale, aise sahaj yogi, sada baap ke saath ka anubhav karne vaale, sarva anubhvi murton ko baap-daada ka yaad-pyaar aur namaste।

deedi ji se:-

saakshi hokar sarva aatmaon ka apna-apna part dekhte hue koi bhi part ko dekh, ‘aisa kyon’ ki halchal hoti hai?mahaarthi aur ghode savaar donon ka vishesh antar yahi hai। ghode savaar ki nishaani kya hogi? question mark (Question Mark;prashn chinha) aur mahaarthiyon ki nishaani hogi full stop (Full Stop;poorn viraam) jaise koi bhi sena hoti hai to usmein first number hai, yeh second hai,uski nishaani hoti hai। phir unko medal milta hai jisse maaloom pad jaata hai ki yeh first,yeh second hai। to anaadi drama mein roohaani sena ke senaaniyon ko koi medal nahin deta hai lekin otometeekli (AUTOMATICALLY;svatah) draamaanusaar unhon ko sthiti roopi medal praapta ho hi jaata hai। koi medal lagaata nahin hai - svatah hi laga hua hota hai। to sunaaya ki mahaaveer ka medal hoga - full stop। stop bhi nahin full stop। aur sevenda number arthaat ghode savaar ki nishaani - kab stop, kab question। vishesh nishaani ‘question’ki hogi। isse hi samajhna chaahiye ki kis stage vaali aatma hai। yeh nishaani hi medal hai। spashta dikhaai deta hai na? din-pratidin harek aatma apna svayan hi saakshaatkaar karaati rehti। na chaahte hue bhi harek ki stage pramaan sthiti dikhaai deti ja rahi hai। sarkamtensas (Circumstance;paristhiti) aise aayenge,samasyaaen aisi unhon ke saamne aayegi jo na chaahte hue bhi svayan ko chhipa nahin sakenge। kyonki ab jaise samay sameep aa raha hai to sameep samay ke kaaran maala svayan hi apna saakshaatkaar karaayegi। sthiti apna number aatometeekli prasiddha karti ja rahi hai। aise anubhav hota hai na?kisko aage badhna hai to usko chance hi aisa mil jaata। kisko peechhe ka number hai to automatically samasya va baaten aisi saamne aayegi jis kaaran svatah aage badhne ki thaharti kala ho jaayegi। kitna bhi chaahen lekin aage badh nahin sakenge। deevaar ko paar karne ki shakti nahin hogi। aur iska bhi mool kaaran ki shuru se har gun, shakti ka paainta ka anubhvi bankar nahin chale hain। bahut thodi aatmaaen hongi jinhon ka foundation anubhav hai। lekin majority ka aadhaar sangathan ko dekhna va sirf saatvik jeevan par prabhaavit hona, ek sahaara samajh kar chalna va kiske saath se ullaas umang se chal padna, kiske kahne se chal padna, knowledge achhi hai uske sahaare chal pade - aise chalne vaalon ka anubhav ka foundation majboot na hone kaaran chalte-chalte ulajhte bahut hain। lekin number to banne hi hain। kai aise ab bhi hain jo yog sikhaate hain lekin yog ka anubhav nahin hai। varnan karte hain yog kisko kaha jaata hai, yog se yeh praapti hoti hai, lekin yogi jeevan kisko kaha jaata hai, uska anubhav bahut alpakaal ka hai। ‘‘drama’’kehte, lekin drama ke rahasya ko jaan drama ke aadhaar par jeevan mein anubhav karna woh bahut kam। aisa dikhaai deta hai na? phir bhi baap kehte hain aisi aatmaon ko bhi saath dete hue manzil tak to le jaana hi hai na? baap apna vaayda to nibhaayenge na। lekin sangamayug ki praapti ka jo ‘shreshtha bhaagya’ hai usse khaali rah jaate hain। sahayog ki lift se chalte rahenge। lekin jo saare kalpa mein nahin milna hai aur ab mil raha usse vanchit rah jaate hain। aise ko dekh karke raham bhi aata hai,taras bhi padta hai। saagar ke bachche ban kar bhi taalaab mein nahaane ke adhikaari ban jaate hain। apni chhoti-chhoti kamzori ki baaton mein samay bitaana yeh taalaab mein nahaana hua na?achha।

party se:-

sabhi sada saath ka anubhav karte ho? kyonki mukhya baat hai baap ko apna saathi banaana। agar sada ka saathi banaaenge to maaya svatah hi apna saath chhod degi। kyonki jab dekhegi in aatmaon ne mujhe chhod aur ko saathi bana diya to kinaare ho jaaegi। sada baap ke saathi bano, second bhi kinaara nahin। jab saathi saath nibhaane ke liye taiyaar hai phir kinaara kyon karte?phaayda bhi hai। phaayde vaali baat kabhi chhodi jaati hai kya? saathi ka saath na hone kaaran akele karte isliye mehnat lagti। baap ka saath arthaat hua hi pada hai। kinaara karte to chhoti baat bhi mushkil lagti। isliye antarmukhi ho in anubhvon ke andar jaao phir shaktishaali anubhav karenge।

sada apne ko khushi mein anubhav karte ho? jaise sthool khazaane ke maalik sada khazaane ke nashe mein rehte, aise khushi ke khazaane se bharpoor apne ko samajhte hue chalte ho? sada khushi ka khajaana kaayam rehta hai va kabhi loot jaata hai? agar khajaana koi loot leta to khushi bhi chali jaati। khushi jaana arthaat khazaane ka jaana। khazaana to baap ne diya lekin use sambhaalne vaale nambarvaar hain। yeh khajaana apna hai to apni cheez ki kitni sambhaal rakhi jaati। chhoti-si cheez ko bhi sambhaala jaata, yeh to bade te bada khajaana hai। agar sambhaalna aata to sada sampanna honge। to sada khushi se rehte ho?brahman jeevan hai hi khushi। agar khushi nahin to kuchh bhi nahin। sadaiv attention rakho,raasta jaan lo ki kis raaste se khajaana loot jaata hai। us raaste ko banda karo phir sada shaktishaali anubhav karenge। khazaane ko sambhaalna seekho। sambhaalne ka aadhaar hai - ‘attention।’to sada khush rahne ka apne se vachan lo। doosre ke aage vachan lene se temparri (asthaayi) time rehta। lekin svayan apne aap se vachan lo ki kuchh bhi ho jaae lekin pratigya ko kabhi nahin todenge। baap mila, varsa mila baaki kya raha? itni shreshtha praapti vaala kitna nashe mein rahega?sada maayaajeet arthaat sada harshit। svayan aur doosron ki seva ka balance ho to mehnat kam aur saphalta jyaada hogi।