मंगलवार 31 मई 1977 की अव्यक्त मुरली

>

31-05-77om shanti avyakt baapdaadaamdhuban

vishwa-kalyaan karne ka sahaj saadhan hai - shreshtha sankalpon ki ekaagrata

master sarvashaktivaan, sada maayaajeet so jagatjeet, sada gyaanasvaroop,shaktisvaroop sthiti mein sthit rahne vaale, vijayi ratnon prati baba bole-

apne niraakaari aur saakaari donon sthitiyon ko achhi tarah se jaan gae ho? donon hi sthitiyon mein sthit rehna sahaj anubhav hota hai, va saakaar sthiti mein sthit rehna sahaj lagta hai aur niraakaari sthiti mein sthit hone mein mehnat lagti hai? sankalp kiya aur sthit hua। saikand ka sankalp jahaan chaahe vahaan sthit kar sakta hai। sankalp hi oonch le jaane aur neeche le aane ki roohaani lift hai jis dvaara chaahe to sarva shreshtha arthaat oonchi manzil par pahuncho arthaat niraakaari sthiti mein sthit ho jaao,chaahe aakaari sthiti mein sthit ho jaao,chaahe saakaari sthiti mein sthit ho jaao। aisi practice anubhav karte ho?sankalp ki shakti ko jahaan chaaho vahaan laga sakte ho? kyonki aatma maalik hai in sookshm shaktiyon ki। master sarvashaktivaan arthaat sarvashaktiyon ko jab chaahen,jahaan chaahen,jaise chaahen vaise kaarya mein laga sakte hain। aisa maalikpan anubhav karte ho?sankalp ko rachne vaale rachta, svayan ko anubhav karte ho? rachna ke vasheebhoot to nahin hote ho?aisa abhyaas hai jo ek second mein jis sthiti mein sthit hone ka direction (Direction) mile usi sthiti mein second mein sthit ho jaao - aisi practice hai?va yuddha karte hi samay beet jaayega?agar yuddha karte hue samay beet jaae, svayan ko sthit na kar sako to usko master sarvashaktivaan kahenge va kshatriy kahenge? kshatriy arthaat chandravanshi।

vartamaan samay vishwa-kalyaan karne ka sahaj saadhan apne shreshtha sankalp ke ekaagrata dvaara, sarva aatmaon ki bhatakti hui buddhi ko ekaagra karna hai। saare vishwa ki sarva aatmaaen vishesh yahi chaahna rakhti hain ki bhatki hui buddhi ekaagra ho jaae va man chanchalta se ekaagra ho jaae। yeh vishwa ki maang va chaahna kaise poorn karenge?agar svayan hi ekaagra nahin honge, to auron ko kaise kar sakenge? isliye ekaagrata, arthaat sada ek baap doosra na koi,aise nirantar ek ras sthiti mein sthit hone ka vishesh abhyaas karo। uske liye jaise sunaaya tha, ek to vyartha sankalpon ko shuddh sankalpon mein parivartan karo। doosri baat, maaya ke aane vaale anek prakaar ke vighnon ko apni eeshvareey lagan ke aadhaar se sahaj samaapta karte, kadam ko aage badhaate chalo। vighnon se ghabraane ka mukhya kaaran kaunsa hai? jab bhi koi vighna aata hai, to vighna aate hue yeh bhool jaate ho ki baap-daada ne pahle se hi yeh knowledge de di hai ki lagan ki pareeksha mein yeh sab aayenge hi। jab pahle se hi maaloom hai ki vighna aane hi hain, phir ghabraane ki kya jaroorat?nai baat kyon samajhte ho?

maaya kyon aati hai? vyartha sankalp kyon aate hain? buddhi kyon bhatakti hai? vaataavran kyon prabhaav daalta hai? sambandhi saath kyon nahin dete hain?puraane sanskaar ab tak kyon emerge hote hain? yeh sab question (Question;prashn) vighnon ko mitaane ke bajaae,baap ki lagan se hataane ke nimitta ban jaate hain। kya yeh baap ke mahaavaakya bhool jaate ho ki jitna aage badhenge utna maaya bhinna-bhinna roop se pareeksha lene ke liye aayengi। lekin pareeksha hi aage badhaane ka saadhan hai na ki giraane ka। kyonki kaaran ke nivaaran ke bajaae kaaran sochne mein samay ganva dete ho। shakti ganva dete ho। kaaran ki bajaae nivaaran socho aur nirvighna ho jaao। kyon aaya? nahin,lekin yeh to aana hi hai - is smriti mein rahne se, samarthi swaroop ho jaaenge।

doosri baat, chhote se vighnon ko,kyon ke question uthne se vyartha sankalpon ki queue (Queue;kataar) lag jaati hai,aur usi queue ko samaapta karne mein kaaphi samay lag jaata hai। isliye mukhya kamzori hai, jo gyaan swaroop arthaat knowledgeful sthiti mein sthit hote hue, vighnon ko paar nahin kar paate hain। gyaani ho, lekin gyaan-swaroop hona hai।

vaataavran prabhaav kyon daalta hai? uska bhi kaaran? apne powerful vritti dvaara vaayumandal ko parivartan karne vaale hain,yeh smriti bhool jaate ho। jab kehte hi ho vishvaprivarta ka hain to vishwa ke parivartan mein vaayumandal ko bhi parivartan karna hai। ashuddha ko hi shuddh banaane ke liye nimitta ho। phir yeh kyon sochte ho ki vaayumandal aisa tha, isliye kamzor ho gaya। jab hai hi kaliyugi, tamopradhaan,aasuri srishti, usmein vaataavran ashuddha na hoga to kya hoga?tamoguni srishti ke beech rehte hue, vaataavran ko parivartan karna, yahi braahmanon ka karttavya hai। karttavya ki smriti mein rahne se arthaat rachtaapan ki sthiti mein sthit rahne se,vaataavran arthaat rachna ke vash nahin honge। to jo sochna chaahiye ki parivartak hoke parivartan kaise karoon, is sochne ke bajaae yeh sochne lag jaate ki vaataavran aisa hai isliye kamzor ho gaya hoon,vaataavran badlega to main badloongi, vaataavran achha hoga to sthiti achhi hogi। lekin vaataavran ko badalne vaala kaun? yeh bhool jaate ho। is kaaran thode se vaataavran ka prabhaav pad jaata hai।

aur kya kehte ki sambandhi nahin sunte va sang achha nahin hai, is kaaran shaktishaali nahin bante। baap-daada ne to pahle se hi suna diya hai ki har aatma ka apna-apna alag-alag part hai। koi satoguni, koi rajoguni, koi tamoguni। jab variety aatmaaen hain aur variety drama hai, to sab aatmaon ko ek jaisa part ho nahin sakta। agar kisi aatma ka tamoguni arthaat agyaan ka part hai,to shubh bhaavna aur shubhkaamna se un aatma ko shanti aur shakti ka daan do। lekin usi agyaani ke part ko dekh, apni shreshtha sthiti ke anubhav ko bhool kyon jaate ho?apni sthiti mein halchal kyon karte ho?saakshi ho part dekhte hue, jo shakti ka daan dena hai, woh do। lekin ghabraao mat। apne satopradhaan part mein sthit raho। tamoguni aatma ke sang ke rang ka prabhaav padne ka kaaran hai - sada baap ke shreshtha sang mein nahin rehte। sada shreshtha sang mein rahne vaale ke oopar aur koi sang ka rang prabhaav nahin daal sakta। to nivaaran ka socho। aur kya kehte, hamaare sambandhi ke buddhi ka taala kholo। baap ne sarva aatmaon ki buddhiyon ka taala kholne ki chaabi bachchon ko pahle se hi de di hai। to chaabi ko yuj kyon nahin karte ho? apna kaarya bhoolne kaaran, baap ko bhi baar-baar yaad dilaate ho ki taala kholna va buddhi ko parivartan karna। baap to sarva aatmaon roopi bachchon ke prati sada vishwa-kalyaankaari hain hi। phir baar-baar kyon yaad dilaate ho? baap ko apne samaan bhoolne vaale samajhte ho kya? kahne ki bhi aavashyakta nahin। jitna aapko apne had ke part ke sambandh ka khyaal hai, baap to sada bachche ke sambandh mein rahne vaale,to baap bachchon ko bhool nahin sakta। lekin baap jaante hain ki harek aatma ka, koi apna samay-samay ka part hai,koi ka aadi mein part hai,koi ka madhya mein, koi ka ant mein part hai, koi ka bhakti ka part hai, koi ka gyaan ka part hai। isliye baar-baar yeh chintan mat karo, taala kab khulega? lekin taala kholne ka saadhan hai - apne mansa sankalp dvaara seva,apni vritti dvaara vaayumandal ko parivartan karne ki seva। apne jeevan ke parivartan dvaara aatmaon ko parivartan karne ki seva ki pharja adaai nibhaate chalo। abhi baar-baar yeh nahin bolna ki taala kholo। apna taala khola,to unka khul hi jaayega। mukhya teen baaten baar-baar likhte aur kehte ho - yog kyon nahin lagta? taala kyon nahin khulta?aur maaya kyon aati hai?sochte bahut ho,isliye maaya ko bhi maja aata hai। jaise malla yuddha mein bhi agar thoda sa bhi girne lagta hai to doosre ko maja aata hai aur giraakar oopar chadhne ka। to jab yeh sochte ho maaya aa gai। maaya kyon aai?to maaya ghabraaya hua dekh, aur vaar kar leti hai। isliye sunaaya maaya aani hi hai। maaya ka aana arthaat vijayi banaane ke nimitta banna। shaktiyon ki praapti ko anubhav mein laane ke liye nimitta kaaran maaya banti hai। agar dushman na ho to vijayi kaise kaha jaayega? vijayi ratna banaane ke nimitta yeh maaya ke chhote-chhote roop hain। isliye maayaajeet samajh,vijayi ratna samajh, maaya par vijay praapta karo। samjha? master sarva shaktivaan, kamzor mat bano, maaya ko challenge karne vaale bano। achha।

sada maayaajeet so jagatjeet, vaataavran ko apni samartha vritti se sato pradhaan banaane vaale, apne shreshtha baap ke sang se anek maayaavi sangadosh se paar rahne vaale, sada gyaanasvaroop,shaktisvaroop mein sthit rahne vaale, aise sada vijayi ratnon ko baap-daada ka yaad-pyaar aur namaste।

party se-

sangamayug ka bade te bada khajaana kaunsa hai? sabse bade te bada khajaana hai-’ati indriy sukh’,jo kisi bhi yug mein praapta nahin ho sakta। satayug mein bhi ati indriy sukh ka varnan nahin karenge। yeh ati indriy sukh ab ka hi khajaana hai। is khazaane ka anubhav hai?jo sabse badhiya cheez hoti, ya achhi lagti usko kabhi bhoola nahin jaata। ati indriy sukh bade te bada aur achhe te achha khajaana hai to sada yaad rehna chaahiye। yaad arthaat anubhav mein aana। jo is anubhav mein rahenge woh indriyo ke sukh mein nahin honge। jo sada ati indriy sukh mein nahin rehte woh indriyo ke sukh ki taraph aakarshit ho jaate। indriyon ke sukh ke anubhvi to ho na। us alpakaal ke sukh mein bhi duhkh bhara hua hai। jaise aajkal kadvi davaai ke oopar meetha board laga dete। to yeh indriyon ka sukh, dikhaai sukh deta lekin hai kya?jab samajhte ho duhkh hai phir unki aakarshan mein kyon aate?

sada apne ko vishesh paartadhaari samajh part bajaate ho? jo vishesh paartadhaari hote hain unki har act vishesh hoti hai। to aapka bhi har karma ke oopar itna attention hai? koi bhi karma saadhaaran na ho। saadhaaran aatma jo bhi karma karegi woh deh abhimaan se। vishesh aatma dehi abhimaani ban karma karegi। dehi abhimaani ban part bajaane vaale ki result kya hogi? woh svayan bhi santushta aur sarva bhi unse santushta honge। jo achha part bajaate to dekhne vaale vans mor (Once More;ek baar aur) karte। to sarva ka santushta rehna arthaat vans mor karna। sirf svayan se santushta rehna badi baat nahin lekin ‘svayan santushta rahkar doosron ko bhi santushta karna’ - yeh hai poora salogan। woh tab ho sakta jab dehi abhimaani hokar vishesh part bajaao। aisa part bajaane mein maja aaega, khushi bhi hogi।

sada svayan ke shreshtha svamaan master sarvashaktivaan ke smriti mein rehte ho? sabse shreshtha svamaan kaunsa hai? master sarvashaktivaan। jaise koi bada officer va raaja hota, jab woh svamaan ki seat par sthit hota to doosre bhi use sammaan dete। agar svayan seat par nahin to uska odarra koi nahin maanega। to aise hi jab tak aap apne svamaan ki seat par nahin to maaya bhi aapke aage surrender nahin ho sakti। kyonki woh jaanti hai, yeh seat par set nahin hai। seat par set hona arthaat svayan ko master sarvashaktivaan samajhna।

sangamayug hi pratyaksha phal dene vaala hai। satayug mein sangamayug ka hi phal chalta rehta। sangam par ek ka sau guna bhar karke pratyaksha phal milta hai। sirf ek baar sankalp kiya - ‘main baap ka hoon’ to anek janma ek sankalp ke aadhaar par phal praapta hota rehta hai। ek baar sankalp kiya - ‘main master sarvashaktivaan hoon’ to maayaajeet banne ke, vijayi banne ke nashe ka anubhav hoga। pratyakshaphal sangamayug par hi anubhav hota। jaise beej boya jaata to phal milta hai na। aise sankalp karna va purooshaartha karna yeh hai beej aur uska phal, ek ka padma guna mil jaata। tab to sangam ki mahima hai। sab se bade te bada sangamayug ka phal hai, jo svayan baap pratyaksha roop mein milta। paramatma bhi saakaar roop mein, saakaar manushya roop mein milne aata। is phal mein aur sab phal aa jaate। achha।