मंगलवार 14 जून 1977 की अव्यक्त मुरली

>

14-06-77om shanti avyakt baapdaadaamdhuban

baap-daada ka desh aur videsh ka sair-samaachaar

sada baap samaan gunon ka, gyaan ka, shaktiyon ka daan karne vaali mahaadaani aatmaon prati baap-daada ke uchchaare hue mahaavaakya :-

videsh ki visheshta- ek taraph srishti ke parivartan karne ke sthool saadhan inventa(Invent;khoj) karne ke nimitta bani hui aatmaaen vigyaani log apni invention ki riphaaeennes (Refineness;maheenta) mein lage hue the। vaigyaaniyon ki lagan, samay aur prakriti ke tattvon ke oopar vijay praapta karne ki, sarva tatvon ko apne vasheebhoot karne ki ichchha mein lage hue hain। har vastu ko refine karne mein woh apni vijay samajhte hain। jaise kalpa pahle ki yaadgaar mein bhi raavan raajya ki visheshta sarva tattvon ko apne vasheebhoot karna gaaya hua hai - kalpa pahle maaphak isi kaarya mein videshi aatmaaen lagi hui hain। saath-saath vigyaani aatmaaen aap yogi aatmaon ke liye, aapke shreshtha yog ki jo praalabdha svarga ke raajya bhaag ki praapti honi hai; us aane vaale raajya mein sarva sukhon ke saadhan aap raajayogi aatmaon ko praapta hon, aise saadhan na jaante hue bhi banaane mein khoob vyasta hain। arthaat aap hovanhaar devtaaon ke liye prakriti ke satopradhaan shreshtha saadhnon ki invention karne mein aapki hi seva mein lage hue hain। jaise aap ko karne ki ek hi lagan hai। baap dvaara sarva praaptiyon ki lagan mein rehte, vaise videshi aatmaaen bhi apne science bal dvaara srishti ko svarga banaane ke ichchhuk hain। svarga arthaat jahaan apraapta koi vastu na ho। isi kaarya ke lagan mein lagi hui aatmaaen draamaanusaar nimitta ban apna kaarya bahut achhi tarah se kar rahi hain। lekin aapke liye hi kar rahi hain। aise aap sabko anubhav hota hai ki yeh sab hamaari taiyaariyon mein lage hue hain? kitni sachchaai, saphaai se seva karne vaale hain। agar unheen ka kaarya dekho aur lagan dekho to anubhav karenge। seva ke kaarya mein achha hi vaphaadaari se din raat lage hue hain। sevaadhaari to ek hi lagan mein magan hain। lekin aap aatmaaen jo sarva sukhon ke saadhan praapta karne vaali hain,vishwa ke raajya ke adhikaari banne vaali hain, woh isi lagan mein magan rehti ho,ya vighna lagan ko avinaashi banaane nahin dete? lagan ki agni avinaashi prajvalit rehti hai, va abhi lagan aur abhi vighna?

videsh ke vigyaani aatmaon mein nirantar apne kaarya ke lagan ki visheshta dekhi, to jo aapke sevaadhaariyon mein gun hain - woh vishwa ka maalik banne vaali aatmaon mein bhi gun hain na। apne aapko chaik karo। doosri taraph videsh mein parmaatma-gyaani bachchon ko dekh unhon mein bhi vartamaan samay ek hi dridh sankalp ki lagan hai, umang,utsaah hai ki ab jaldi se jaldi baap ka sandesh deven। videsh dvaara nimitta bani hui vishesh aatmaaen jin aatmaon ke anubhav ke aavaaz se bhaaratvaasi kumbhakran jaagenge। aise nimitta bani hui aatmaon ko baap ke sammukh pratyaksha karen arthaat sambandh va samparka mein laaven। sameep samay ki soochna videsh dvaara bhaarat mein phailaaven। isi ek lagan mein dridh sankalp ke kangan mein bandhe hue parmaatma-gyaani bachchon ko dekha। unhon ko bhi na din,na raat donon samaan hain। is lagan mein magan hain। vartamaan samay ki lagan mein majority vighnamukta aatmaaen ek do ke sneh aur sahayog ke dhaage mein piroe hue maala ke manke achhe chamakte hue nazar aa rahe the। nae va puraane har aatma mein ek hi umang hai ki is shreshtha kaarya mein ham bhi anguli den। kuchh karke dikhaaven aur kya dekha? sandesh paane vaali aatmaaen,ichchhuk aatmaaen arthaat jigyaasa vaali aatmaaen thode se samay mein shanti aur shakti ki anchali praapta kar bahut khush hoti hain। nimitta bani hui aatmaon ko paramatma dvaara va god father (God Father) dvaara bheje hue alaukik pharishte anubhav karte hain। thodi si li hui seva ka bhi return dene mein bhi apni khushi anubhav karte hain aur phauran return karte। thodi si seva ka shukriya bahut maante hain। yeh vartamaan samay ke parmaatma-gyaaniyon ki va nimitta bani hui shreshtha aatmaon ki is seva ke chakra mein chakravarti banne ki jo drama ki noondh hain isi noondh mein sthaapna aur vinaash ke rahasya ka bahut connection hai। yeh thode samay ki seva dena va chakravarti ban apne drishti dvaara, vaani dvaara, va samparka dvaara, va sookshm shubhbhaavna aur shubhkaamna ke vritti dvaara anek prakaar ke aapki raajdhaani ke taiyaari ke nimitta bane hue sevaadhaari aatmaon ko seva ke phal mein sevaadhaari banne ke kaarya mein sarva shreshtha aatma ki nazar dvaara sab nimitta banne vaali aatmaaen gyaani va vigyaani prasiddha ho rahi hain। samjha rahasya ko?

bhaarat mein to aapki bhakta aatmaaen milengi। lekin teen prakaar ki aatmaaen chaahiye - ek ‘brahman so devta’ banne vaali aur praja banne vaali aatmaaen; doosri bhakta aatmaaen;aur teesri aapki raajdhaani taiyaar kar dene vaali aatmaaen। sevaadhaari sarva sukhon ke saadhan aur saamagri taiyaar karne ke nimitta bante hain। aur aap praalabdha bhogte ho। yeh paanch tatva aur paanch tatvon dvaara bani hui refine cheejen sab aapke seva ke nimitta banegi। itna shreshtha svamaan smriti mein rehta hai va ab tak bhi smriti-vismriti ke khel mein hi chal rahe ho? ‘smriti swaroop se samarthi swaroop’ bano। suna, videsh ka samaachaar? aur bhi vartamaan chakravarti aatmaon ke chakra lagaane ka rahasya hai। jahaan-jahaan parmaatma-gyaani aatmaaen eeshvareey seva-sthaan kholne ke nimitta bani hain aur aage bhi banne hain। to ab ke videsh seva-sthaan bhavishya mein aapke sair sthaan banenge। jaise bhaarat mein yaadgaar sthaan mandir hain lekin yeh dvaapar ke baad hain। isliye videshi aatmaon ka bhi bhavishya sthaapna mein connection hai,samjha? aaj videsh samaachaar sunaaya, phir bhaarat ka sunaayenge। yeh sab samaachaar sunne ke baad karna kya hai?sirf sunaana hai va kuchh karna bhi hai? aise sarva saadhnon ko praapta karne ke liye svayan ko sadaiv vishwa ke maalik banne yogya banaao। ‘nirantar yogi banna hi yogya aatma banna hai।’ aise apne ko samajhte ho? teevra purushaarthi ban svayan ko bhi sampanna banaao aur nimitta bane hue sevaadhaari aatmaon ko bhi kaarya mein sampanna banne ki prerna do। tab vishwa-parivartan hoga।

sada lagan dvaara vighna vinaash karne vaale vighna-vinaashak aatmaon ko, sada apne drishti aur vritti dvaara bhi vishwa seva mein tatpar rahne vaali aatmaon ko,sada baap samaan gunon ka,gyaan ka,shaktiyon ka daan karne vaali mahaadaani, roohaani nazar se vardaan dene vaali aatmaon ko baap-daada ko yaad-pyaar aur namaste।

party se-

vishwa ki sarva aatmaon prati sada raham va kalyaan ki bhaavna rehti hai? had ke prati kalyaan ki bhaavna rehti hai va behad ke prati? ab vishwa ke prati kalyaan ki bhaavna rahegi to otometeekli svayan prati rahegi। sangamayugi braahmanon ki vishesh duty va dharma aur karma hi hai ‘vishwa kalyaan’ karna। apne janma ka kaam karna mushkil nahin hota। to sada amritvele apne position ko smriti mein laao ki hamaara position vishwa kalyaankaari ka hai। apne position par set hone se opposition se bach jaaenge।

sadaiv saaksheepan ki seat par sthit hokar rehte hue har act apni aur doosron ki dekhte ho? koi drama ki scene seat par sthit hi dekhne mein maja aata hai। koi bhi scene seat ke bina nahin dekha jaata। to saaksheepan ki seat par sada sthit rehte ho? yeh behad ka drama sada chalta rehta hai। yeh do-teen ghante ka nahin,avinaashi hai to sada dekhne ke liye seat bhi sada chaahiye। aise nahin do ghante seat par baitha phir utar jaao। to sada saakshi ho dekhenge woh‘kabhi haar aur jeet’ ke drishya ko dekhkar dagmag nahin honge। sada ek ras rahenge। drama yaad rahe to sada ekras rahenge। drama ko bhoole to dagmag rahenge। agar drama kabhi-kabhi yaad rehta to raajya bhi kabhi-kabhi karenge? agar saakshi kabhi-kabhi rehte to svarga mein saathi bhi kabhi-kabhi honge। knowledgeful to ho na? sab jaante ho lekin jaante hue bhi ‘saaksheepan’ki stage par na rahne ka kaaran attention mein albelaapan,svaachintan ki bajaae apna vyartha baaton mein svachintan ko ganva dete। svachintan mein na rahne vaala saakshi nahin rah sakta। parchintan ko samaapta karne ka aadhaar kya hai? agar har aatma ke prati shubh chintak honge to parchintan kabhi nahin karenge। to sada shubhchintan aur shubhchintak rahne se sada saakshi rahenge। saakshi arthaat abhi bhi saathi aur bhavishya mein bhi saathi।

vishesh aatmaon ne apni visheshta kya dikhaai hai? last visheshta kaun-si hogi vishesh aatmaon ki?jiska in-advance (InAdvance;pahle se) baap-daada drishya dekh rahe hain। woh kya visheshta hogi?jaise science vaale har cheez refine bhi kar rahe hain aur apni speed quick (Quick;tej) bhi kar rahe hain। jaise kahne mein aata hai minute-motor vaise vishesh aatmaon ki last visheshta yahi rahegi - second mein kisi bhi aatma ko mukti aur jeevanmukti ke anubhvi bana dengi। sirf raasta nahin batlaayegi lekin ek second mein shanti ka va atiindriy sukh ka anubhav karaayegi। jeevanmukti ka anubhav hai sukh,aur mukti ka anubhav hai shanti। saamne aaya aur anubhav kiya। aisi speed jab hogi tab science ke oopar silence ki vijay dekhte hue sabke mukh se vaah-vaah ka aavaaz niklega ki science ke oopar bhi inki vijay ho gai। jo science nahin kar sake woh silence karke dikhaave। science ka lakshya bhi hai - sabko shaantimay,sukhmay jeevan vyateet karna। to jo science nahin kar sake woh karo tab kahenge science ke oopar vijay। shanti vaalon ko shanti aur sukh vaalon ko sukh mile,tab aapka gaayan karenge,aapko poorvaj maanenge, ashtadev samjhenge aur baarambaar baap ki mahima karenge। isi aadhaar par phir dvaapar mein bhakta aur dharmapita ke sanskaar emerge honge। yeh vishesh kaarya ab hone vaala hai tab samjho last vijay ka samay aa gaya। sabko kuchh na kuchh milega,sirf bhaatarvaasi hi nahin samjhenge ki ‘hamaara baba hai’, sabhi samjhenge hamaara hai tab to great-great grand father (Great Great Grand Father) kaha jaayega na! doosre desh vaale abhi samajhte hain bhaarat ke pita ka parichay dete hain, lekin jab kaha jaata god is one (GodIs One;bhagwan ek hai) to sabhi one (One;ek) ka anubhav to karen na। jab aise one ka anubhav karen tab sab samjho win (Win;vijay) hogi। sabke mukh se ek aavaaz nikle -hamaara baba; tab phir dvaapar mein sabhi ‘O god father’ kah pukaarenge। achha।