गुरुवार 30 जून 1977 की अव्यक्त मुरली

>

30-06-77om shanti avyakt baapdaadaamdhuban

baap-daada ki har brahman aatma prati shreshtha kaamnaaen

bhavishya takdeer banaane ke nimitta bane hue master aalmaaeeti authority bachchon prati avyakt baap-daada bole:-

sarva khushanseeb, sarva shreshtha aatmaon ke kalyaan arth nimitta bane hue baap-daada ke saath sada sahayogi rahne ke part bajaane vaali sarva aatmaon ko dekh baapdaada bhi harshit hote hain। baap ke sneh va lagan mein rahne vaali snehi aatmaon ko milan ke umang,utsaah mein dekh baap bhi bachchon ko sneh aur umang ka return de rahe hain। baapdaada jaante hain ki sabhi bachchon ke andar sneh,sahayog ki bhaavna aur baap samaan banne ka shreshtha sankalp bhi hai। in sabko dekh baap-daada bachchon ko svayan se bhi sarva shreshtha taaj,takhta nasheen paramdham ke chamakte hue sitaare aur vishwa ke sarva aatmaon ke dil ke sahaare,vishwa ki aatmaon ke aage sada poorvaj aur poojya - aise shreshtha dekhne chaahte hain। bachchon ko shreshtha dekhte baap ko jyaada khushi hoti hai। harek brahman aatma sada oonche te oonche baap ke saath oonchi sthiti mein sthit rahe। jaisa ooncha naam,vaisa ooncha kaam। jaisa vishwa ke aage ooncha maan hai, aisa hi svamaan va shaan sada kaayam rahe - yahi baap-daada ki har brahman aatma mein shreshtha kaamna hai।

bachchon ko kya karna hai? jo baap-daada dvaara gyaan ka, gunon ka, shaktiyon ka shrringaar mila hai, us shrringaar ko dhaaran karo। jaise aapke jad chitra sada saje sajaae hain, aise chaitanya roop mein bhi sada saje sajaae, baap-daada ke dil takhta nasheen, ati indriy sukh mein jhoomte hue sada pharishte roop ke nashe mein rehna hai। yahi baap-daada ko return karna hai। return karna aata hai? dil ki chaahna aur karna samaan ho। aise nahin ki chaahte hain, lekin karte nahin hain। apni sarva shreshtha authorities (Authorities)ko, kaunsi authority? saakaari karmendriyaan arthaat karmachaari aur saath-saath apni sookshm shaktiyaan man,buddhi,sanskaar arthaat kaarya kalaaon ko yathaartha reeti se chalaane ki authority। aisi authority dhaaran ki hai? master sarvashaktivaan,master almighty authority hokar apne karmendriyon ko chalaate ho va brahman parivaar ke hi sahayogi kaaryakarttaaon arthaat madadgaar aatmaon va service saathiyon ke oopar authority chalaate ho? brahman aatmaon ke samparka mein sneh aur sahayog ki bhaavna rakhni hai, na ki authority use karni hai। aur karmendriyon ke oopar sookshm shaktiyon ke oopar authority chalaani hai। usmein kabhi bhi adheen hona ki - mere svabhaav,sanskaar aise hain, aalmaaeeti authority ke yeh bol nahin hain। jo svayan ke oopar authority nahin chalaate to authority ko miss use (Misuse;duroopayog) karte hain। to authority ko miss use mat karo।

baap-daada ne sarva bachchon ke milan-mele mein bachchon ka umang-utsaah bhi dekha, shreshtha bhaavna bhi dekhi,vishwa-kalyaan ki kaamna bhi dekhi। saath-saath baap samaan banne ki shreshtha ichchha bhi dekhi। lekin in sab baaton ko sankalp aur vaani tak dekha। practical mein sada ‘lakshya ke pramaan lakshan’ svayan ko va sarva ko dikhaai de - uske balance mein antar dekha। balance karne ki kala abhi chadhti kala mein chaahiye। sankalp hai, lekin sankalp ki sampoorn stage - ‘dridh sankalp’ hai। sakanlpa hai, lekin dridhta chaahiye। svadarsha na jisse maaya ko sada ke liye vidaai mil jaati hai, uske saath-saath sva-darshan aur pardarshan donon chakkar ghoomte rehte hain। pardarshan maaya ka aahvaan karta hai। svadarshan maaya ko challenge karta hai। pardarshan ki leela ki lahar bhi achhi tarah se dikhaai deti hai। behad ke drama ke har part ke ‘trikaaldarshi’banne ka lakshya bhi dekha। lekin vyartha baaton ke trikaaldarshi bhi jyaada bante hain। pahle bhi aise hua tha, abhi hai aur yeh hota hi rahega - aise trikaaldarshi ban gae hain। aur ek maje ki baat kya hoti hai,jo bhakti mein bhi aapko kaapi ki hai,woh kaun si baat hai? ‘managdhant kahaaniyaan’ -jaise ganesh va hanumaan real hain kya?lekin kahaani kitni ramneek hain! aise chhoti si baat ka bhaav badal, managdhant bhaav bharkar poori stori (Story;kahaani) taiyaari kar lete hain। aur sunne, sunaane vaale badi roochi aur samay dekar sunte-sunaate hain। aisi bhi lahar dekhi।

baap-daada, shreshtha pad paane ke liye va sarva ke snehi banne ke liye sadaiv yahi shiksha dete hain ki ‘svayan ko badalna hai।’lekin svayan ko badalne ke bajaae,paristhitiyon ko aur anya aatmaon ko badalne ka sochte hain - yeh badle, to main theek hoonga। paristhiti badle to main parivartan hoonga। salvation mile to parivaartit hoonga। sahayog va sahaara mile to parivartan hoonga। iski result kya hoti? jo kisi bhi aadhaar par parivartan hota hai, usko janma-janma praalabdha bhi kisi aadhaar par hi rahegi। uska kamaai ka khaata jis baat mein jitnon ka aadhaar lete hain woh sheyarsa (Shares;hisse) mein bant jaata hai। svayan ka khaata jama nahin hota। isliye jama hone ki shakti aur khushi se sada vanchit rehte hain। isliye sada lakshya rakho ki svayan ko parivartan hona hai। main svayan vishwa ki aadhaar moortta hoon,sivaae baap ke aadhaar ke alpakaal ke aadhaar samay par chhod denge। vinaashi hilne vaale aadhaar aapko bhi sada koi na koi halchal mein laate rahenge। ek samaapta honge,doosra janma lenge - isi mein hi aur shaktiyaan vyartha hongi। aur baat,chalte-chalte albele hone ke kaaran, kamzori ke bol baar-baar aise bolte,jaise bada maan se bol rahe hain - sankoch nahin hota। sachchaai, saphaai samajhkar bolte hain। kya bolte hain? main disturb (Disturb) hoon, main kuchh karke dikhaaoongi। kya karke dikhaaoongi? hangaama?ya apne aapko kuchh karke dikhaaoongi। dis-service hogi yeh dekh lena,main hoon hi kamzor, sanskaar vash hoon। main badal nahin sakti। aapko yeh salvation deni hi hogi। aise-aise bol bahut easy roop mein, bahaaduri dikhaane ke roop mein, dabaane aur dhamkaane ke roop mein, bahut bolte hain। baap-daada ko raham aata hai। aisi kamzor aatmaaen, jo sankalp ke baad vaani tak bhi laati hain, karma tak bhi laati hain। ismen akalyaan kiska?samajhte aise hain jaise ki baap ka akalyaan hona hai, service ka akalyaan। samajhte hain baap ko nuksaan padega। lekin in baaton ke sanskaar banaane vaale apna hi akalyaan karne ke nimitta ban jaate hain। draamaanusaar vishwa-seva ka kaarya nishchit hi saphal hua pada hai। koi hila nahin sakta।

yeh to baap-daada nimitta bana hai, ek karma ka padma guna phal dene ke liye। bachchon ko seva arth nimitta banaate hain। karenge to padmaguna paayenge। to bachchon ke bhaagya banaane ke liye nimitta banaaya hua hai। baaki koi ke hilne se kaarya nahin hil jaata hai। kalpakalpa ki nishchit bhaavi,vijay ki hui padi hai। isliye aisi kamzor bhaasha ko parivartan karo। arthaat svayan ka kalyaan karo। baap, kalyaankaari samay aur vishwa kalyaan karne ke kaarya ke samartha ban,svayan ka bhavishya banaao।

baap jaante hain, mehnat bhi bahut karte hain; tyaag bhi kiya hai,sahan bhi bahut karte hain। lekin jisse sneh hota hai uski chhoti-si kamzori bhi dekh nahin sakte hain। sada shreshtha banaane ki shubh bhaavna rehti hai। isliye yeh sab dekhte, sunte hue bhi, sampanna banaane ke liye ishaara de rahe hain। baap-daada sada bachchon ke saath har kadam mein sahayogi hai aur ant tak rahenge। baap ko kisi ke prati ghrina nahin hoti। sadaiv apkaari ke bhi ‘shubh chintak’ hain। isliye sada sahayog lete chalte chalo। amritvele ka mahatva jaan baap dvaara vardaan lete raho। season ki samaapti ki arthaat sahayog ki samaapti nahin hai। harek bachche ke saath sarva svaroopon se sarva sambandhon se, ‘baap-daada ka sada haath aur saath hai।’ abhi draamaanusaar samay mila hai,yeh apna luck (Luck;bhaagya) samajh samay ka laabh uthaao। vinaash ki ghadi ke kaante ‘aap’ho। aapka sampanna hona samay ka sampanna hona hai। isliye sada sva-chintan,svadarshan chakradhaari bano। achha।

aise bhavishya takdeer banaane ke nimitta bani hui aatmaaen, svayan dvaara kal ki tasveer dikhaane vaale, sada baap ko return dene vaale master almighty authority bachchon ko baapdaada ka yaad-pyaar aur namaste।

party se

mahaadaani bachchon ki nishaani kya dikhaai degi? mahaadaani banne se laabh kaun-kaun se hote hain? mahaadaani arthaat baap aur seva ke sivaae aur koi bhi baat apne taraph aakarshit na kare। sada isi lagan mein magan। mahaadaani arthaat jo har samay deta rahe। koi bhi aatma khaali haath na jaae। agar mahaadaani nahin banenge to vardaani phir kaise banenge?jo mahaadaani,vardaani donon hai vahi vishwa-kalyaankaari hain। sadaiv jo milta rehta hai woh dene se badhega। mahaadaani bachchon ka aisa koi samay ya din nahin ja sakta jismen daan na kare।

mahaadaani banna arthaat doosron ki seva karna, doosron ki seva karne se svayan ki seva svatah ho jaati hai। mahaadaani banna arthaat svayan ko maalaamaal karna, doosron ko daan hi dena hai। jitni aatmaon ko sukh va shakti ka va gyaan ka daan dete ho, utni aatmaon ki praapti ki aavaaz ya sukriya jo nikalta, woh aapke liye aasheervaad ka roop ho jaata। unki aasheervaad aapko aage badhaati rahegi। itni aatmaon ki aasheervaad milne se apaar khushi rahegi। isliye chaaron hi subject mein mahaadaani banne ke liye amritvele apna programme banaao। ek bhi subject mein kam na hona chaahiye।

‘aur sang tod ek sang jodo’ -- yeh kahaavat kyon prasiddha hain?kyonki ek baap ka pyaara banne ke liye sarva se nyaara banna padta hai। jab ek mein sarva sambandhon ki praapti ho jaati hai to sahaj hi sarva se kinaara ho jaata। to sarva se todna aur ek se jodna aapke liye sahaj hai। kyonki ek dvaara sarva praapti hone se apraapta koi vastu nahin rehti jis taraph buddhi bhatke। pahle pyaar milta hai phir nyaare hote - isliye bhi sahaj hai। to ‘sabse nyaara aur baap ka pyaara, isi ko hi kamal pushpa samaan kaha jaata hai।’to check karo kamal pushpa samaan hain? keechad ke chheente to nahin padte?

yogya teacher ki nishaani kya hai? yogya teacher arthaat har second,har sankalp dvaara seva karne vaali। agar second va sankalp vyartha jaata hai use teacher kahenge, lekin yogya teacher nahin। ‘yogya teacher arthaat yogayukta arthaat yuktiyukta।’jo yogayukta hoga uska har sankalp samartha hoga। jab sankalp roopi beej samartha hoga to phal bhi samartha hoga। nimitta hai arthaat ekjaampal (Example;udaahran) hai,jaise ekjaampal hoga vaise aur bhi honge।

sunne ka andaaj kitna hai? isi season mein bhi kitna suna hoga? ab drama ki bhaavi suna rahi hai ki - aavaaz se pare jaana hai। yeh shareer ki khitkhit bhi nimitta suna rahi hai ki shiksha bahut ho gai hai। abhi sunne ke baad samaana arthaat swaroop banna -uski season hai। sunne ki season kitne varsha chali! chaahe saakaar dvaara,chaahe rivaaeej course dvaara,sunne ka season bahut chala hai। to abhi swaroop dvaara service karna। abhi last yahi season rah gaya hai na, jismen hi pratyakshata ka nagaada bajega। aavaaz banda hoga, silence hoga। lekin silence dvaara hi nagaada bajega। jab tak mukh se nagaade jyaada hain,tab tak pratyakshata ka nahin। jab pratyakshata ka nagaada bajega tab mukh ke nagaade banda ho jaaenge। gaaya hua bhi hai ‘science ke oopar silence ki jeet’, na ki vaani ki। samay ki samaapti ki nishaani kya hogi? otometeekli aavaaz mein aane ki dil nahin hogi - programme praamaan nahin,lekin natural sthiti। jaise saakaar baap ko dekha, to sampoornata ki nishaani kya dikhaai di?do minute hain ya ek minute hai,uski pahchaan is sthiti se hoti ja rahi hai। automatic vairaag aaega jyaada aavaaz mein aane se। jaise abhi chaahte hue bhi aadat aavaaz mein le aati, vaise chaahte hue bhi aavaaz se pare ho jaaenge। programme banaakar aavaaj mein aaenge। jab yeh change dikhaai de, tab samjho abhi vijay ka nagaada bajne vaala hai। aajkal chaaron or majority se poochhenge to sabko sukh se bhi shanti aadhik chaahiye। woh ek ghadi bhi shanti ka anubhav itna shreshtha maante hain jaise bhagwan ki praapti ho gai। to ek second mein shanti ka anubhav karaane vaale svayan shant swaroop mein sthit honge na। vinaash kab hoga?uske liye kaun nimitta banega? ghadi ki suiyaan kaun si hogi? ghante bajne ke nimitta sui hoti hai na? to vinaash ke ghante bajne ke liye sui kaun hai?

sarva shaktiyon ka stock jama kiya hai? kyonki agar stock jama nahin hoga to anek janma ki praalabdha ko bhi pa na sakenge। isi ek janma mein anek janmon ka jama karte ho। itna jama kiya hai jo 21 janma woh praalabdha bhogte raho? itni jama kiya hai, jo bhikhaari aatmaon ko mahaadaani ban daan kar sako?sada stock ko check karo। stock mein sarvashaktiyaan chaahiye। aise nahin samaane ki shakti hai, sahan shakti nahin to harja nahin। lekin final paper mein question vahi aaega jis shakti ki kami hai। aise kabhi nahin sochna - chhah nahin do to hain, dhaaran nahin hai, service to hai hi। service nahin hai, yog to hai hi। lekin sab chaahiye। jaise baap mein sab hai na gyaan, shakti,gun… to follow father karna hai।

sada svachintan mein apne stock ko jama karne mein lago। isi samay ko aage chal karke bahut yaad karna padega। to peechhe yeh na sochna pade, pashchaattaap nahin karna pade,uske liye abhi se ‘svachintan’mein lago। sadaiv apne ko har subject mein aage badhaane mein lage ho?har gun ke anubhav ko aage badhaate jaao। jitna aage badhaaenge utni naveenta ka anubhav karenge। anubhvi moortta hone ki research (Research;khoj) karo to bahut maja aaega। jaise baap saagar hai vaise master saagar bano। abhi aisa purooshaartha chaahiye।

sevaadhaariyon ne seva ka part to bajaaya। sevaadhaari ki visheshta kaun si hoti hai jise sab dekh kahen ki yeh sabse first class sevaadhaari hai? seva karne mein bhi nambarvaar hote hain। number one sevaadhaari ki visheshta kya hogi? first class sevaadhaari ki visheshta yahi dikhaai degi - jo seva karte bhi seva dvaara baap ke gunon aur karttavya ko prasiddha kare - sirf karmana service nahin। chaahe sthool kar rahe ho, lekin har karma dvaara,har kadam dvaara baap ke gun aur karttavya ko prasiddha kare। yeh hai first class seva। seva karte hue bhi master gyaan saagar,sukh ka saagar,shanti ka saagar anubhav ho। to aisa lakshya rakha ya sirf karmana mein athak banne ka lakshya rakha?first class sevaadhaari arthaat ek samay mein teenon prakaar ki seva kare। moortta dvaara bhi, mansa dvaara bhi aur karma dvaara bhi। moortta se alaukik sevaadhaari ki jhalak arthaat pharishtepan ki jhalak dikhaai de aur mansa apne shreshtha vritti dvaara seva kare - aise ek hi samay mein teen sevaaen ikatthi ho - isko kaha jaata hai first class sevaadhaari। seva karna yeh ek gun hua,lekin master sarva gun ke saagar rehna yeh visheshta hai jo aur kahaan ho nahin sakti। athak to sab ban sakte, lekin all-round sevaadhaari, ek samay mein teen prakaar ke sevaadhaari nahin milenge। to jo braahmanon ki visheshta hai woh lakshya rakh lakshan dvaara dikhaana।

abhi vishesh kaam kya karenge? sunaaya tha na ki yaad ki yaatra ka,har praapti ka aur bhi antarmukh ho, ati sookshm aur guhya te guhya anubhav karo, research karo,sankalp dhaaran karo aur phir uska parinaam dekho, siddhi dekho - jo sankalp kiya woh siddha hua ya nahin? jo shakti dhaaran ki us shakti ki practical result hone kitne percent rahi? ‘abhi anubhvon ki guhyata ki prayogshaala mein rehna।’ aise mahsoos ho jaise yeh sab koi vishesh lagan mein magan is sansaar se upraam hain। karma aur yog ka balance aur aage badhaao। karma karte yog ki powerful stage rahe - iska abhyaas badhaao। balance rehna arthaat teevra gati। balance na hone ke kaaran chalte-chalte teevra gati ki bajaae saadhaaran gati ho jaati hain। to abhi jaise seva ke liye invention karte vaise in vishesh anubhvon ke abhyaas ke liye samay nikaalo aur naveenta laakar ke sabke aage ‘ekjaampal’bano। abhi varnan sab karte yog arthaat yaad, yog arthaat connection। lekin connection ka practical roop, pramaan kya hai, praapti kya hai, uski maheenta mein jaao। mote roop mein nahin, lekin roohaaniyat ki guhyata mein jaao। tab pharishta roop pratyaksha hoga। ‘pratyakshata ka saadhan hi hai svayan mein pahle sarva anubhav pratyaksha ho।’jaise videsh ki seva mein bhi result kya suni? prabhaav kiska padta?drishti ka aur roohaaniyat ki shakti ka,chaahe bhaasha na samjhe lekin jo chhaap lagti hai woh pharishtepan ki, soorat aur naynon dvaara roohaani drishti ki। result mein yahi dekha na। to ant mein na samay hoga, na itni shakti rahegi। chalte-chalte bolne ki shakti bhi kam hoti jaaegi। lekin jo vaani karma karti hai usse kai guna adhik roohaaniyat ki shakti kaarya kar sakti hai। jaise vaani mein aane ka abhyaas ho gaya hai, vaise roohaaneeyat ka abhyaas ho jaaega to vaani mein aane ka dil nahin hoga।