मंगलवार 14 नवंबर 1978 की अव्यक्त मुरली

>

14-11-78om shanti avyakt baapdaadaamdhuban

vakta ki pukaar

samartha ki sthiti mein sthit karaane vaale sarva samartha shiv baba apni laadli sangamayugi santaan se bole –

sada svayan ko oonche se oonche baap ke direct eeshvareey santaan samajhte hue sada samartha sthiti mein rehte ho ? jaise baap sada samartha hai vaise baap samaan samartha bane ho? vartamaan samay ke pramaan jabki aap sabhi pahle se hi samay ke challenge pramaan ever raidi ho to samay pramaan ab vyartha ka khaata naam maatra rehna chaahiye। jaise kahaavat hai aate mein namak ke samaan। aise samartha ka khaata99% hona chaahiye। tab hi bhavishya nai duniya ke liye100% satopradhaan raajya ke adhikaari ban sakenge। ab to bhavishya raajya ya aapka apna raajya aap sabka aahvaan kar rahe hain - kinhi ka aahvaan kar rahe hain? sarvagun sampanna 16kala sampoorn aatmaon ka। samay pramaan vartamaan stage ka chart nikaalo ? samartha kitna aur vyartha kitna। sankalp aur samay donon ka chart rakho। saare din ki dincharya mein kaunsa khaata jyaada hota hai। agar ab tak bhi vyartha ka khaata 50% ya 60% hai to aise result vaale ko kaun se samay ke raajya adhikaari kahenge ? kya satayug ke pahle raajya ke ya satayug ke madhyakaal ke ya treta ke aadikaal ke? aadikaal ke vishwa adhikaari vahi ban sakte jin aatmaon ka vartamaan samay,sankalp aur samay par adhikaar hai। aisi adhikaari aatmaaen hi vishwa ki aatmaon dvaara satopradhaan aadikaal mein sarva ka satkaar praapta kar sakti hain।

pahle svaraajya phir hai vishwa ka raajya। jo svaraajya nahin kar sakte woh vishwa ke raajya ke adhikaari nahin ban sakte। isliye abhi apne aap ko chaik karo। arntamukhi ban svachintan mein raho। jo aadi mein pahle din ki paheli sunaai jaati hai‘‘main kaun?’’ ab phir isi paheli ko apne sampoorn stage ke pramaan, shreshtha position (Position) ke pramaan baap dvaara praapta taaeetalz ke pramaan chaik karo, what em aai? (What Am I? )। yeh paheli abhi hal karni hai। apne saare din ki sthiti dvaara svayan ko jaan sakte ho ki aadikaal ke adhikaari hain ya satayug ke ya madhyakaal ke adhikaari hain? jabki lakshya hai aadikaal ke adhikaari banne ka to usi pramaan apne vartamaan ko sada samartha banaao। gyaan ke manan ke saath apni sthiti ki chaiking bhi bahut zaroori hai। har din ke jama hue khaate mein svayan se santushta hain ya ab tak bhi yahi kahenge ki jitna chaahte hain utna nahin। ab tak aisi result nahin honi chaahiye। jo svayan se santushta nahin hoga woh vishwa ki aatmaon ko santushta karne vaala kaise ban sakega। satayug ke aadikaal mein aatmaayen to kya prakriti bhi santushta hai,kyonki sampoorn hain - to santushtamni bano। samjha abhi kya karna hai।

seva ke saadhan jo ab tak hain usi pramaan seva to kar hi rahe hain - lagan se kar rahe hain, mehnat bhi bahut karte hain, umang ullaas bhi bahut achha hai,lekin seva ke saath vishwa ki seva aur svayan ki seva ho। vishwa ke prati bhi merciful aur svayan prati bhi merciful bano। donon saath-saath chaahiye। samay ka intazaar nahin karna hai ki tab tak sampanna ho hi jaayenge। jab aatmaon ko kehte ho ki kal nahin lekin aaj, aaj nahin ab karo,aise pahle svayan se baat karo - aise ever raidi (Eveready) hain? sada yeh smriti rehti hai ki ab nahin to kab nahin। aise svayan se rooh roohaan karo। achha। sunaaya to bahut hai - ab baap kya chaahte hain ab sunaane ka samay nahin lekin dekhne ka samay hai। baap ek-ek ratan ko sampanna aur sampoorn dekhna chaahte hain। samjha।

aise ishaare se samajhne vaale, sunne aur karne ki samaanta mein laane vaale sada samartha baap ki samartha yaad mein rahne vaale, samartha sthiti mein hone vaale saphalta moortta shreshtha aatmaon ko baap-daada ka yaadapyaar aur namaste।

deedi ji ke saath baatcheet

mahaarthiyon ko dekh sab khush hote hain, kyon khush hote hain?kyonki mahaarthi saakaar baap ke samaan sabke aage saakaar roop mein sampanna va shreshtha hain। isliye mahaarthiyon ko baap bhi dekh harshit hote hain kyonki samaan hain। to samaan ko dekh harsha hota hai। sangam par hi baap bachchon ko seva ke takhtansheen banaate hain - yeh sangamayug ki rasam apne haathon se bhavishya mein bhi takhtansheen banaayenge। svayan gupta roop mein takhtansheen bachchon ko dekhte bhi hain,sahayogi bhi hain lekin praikteekal takhtansheen bachchon ko hi banaate hain। yeh rasam abhi se aarambha hoti hai।

karan karaavanhaar hai - to karanhaar ka bhi part bajaaya aur abhi karaavanhaar ka bhi part baja rahe hain। baap ka takhta hone ke kaaran takhtansheen hone mein bojh anubhav nahin hota, kyonki baap ka takhta hai na। aur baap ne svayan takhtansheen banaaya। is nimitta banne ka takhta kitna sahaj hai। takhta ki visheshta hai,is takhta mein hi vishesh jaadu bhara hua hai,jo mushkil,second mein sahaj ho jaati hai। is nimitta banne ka takhta samay pramaan, drama pramaan sarva shreshtha takhta aur ati saphalta sampanna takhta gaaya hua hai। jo bhi takhta par baithe saphalta moortta। yeh anaadi aadi vardaan hai takhta ko। is takhta ke takhtansheen bhi bade guhya rahasya aur raajayukta aatmaaen hi banti hain। baap-daada mahaarthiyon ko vartamaan samay bhi double takhtansheen dekhte hain। diltakhta to hai hi lekin yeh nimitta banne ka takhta bahut thodon ko praapta hota hai। yeh bhi raaz bade guhya hain। achha।

madhuban nivaasi bhaaeeyon se

madhuban nivaasiyon ne bahut suna hai baaki sunne ko kuchh raha hai? sanmukh suna, revise course suna ab baaki kya sunne ko raha ?jitne teer bhare hain utne chhode hain? madhuban nivaasiyon ko teen prakaar ki service ka chance (Chance) hai - kis prakaar ki service ka vishesh chance hai ? vishesh madhuban nivaasiyon ko sahaj service ka saadhan yeh vardaan bhoomi ya charitra bhoomi ka aadhaar hai,is bhoomi ke charitra ki mahima agar kisi aatma ko sunaao to jaise geeta sunne mein itna interest (Interest) nahin lete jitna bhaagvat sunne mein, to aise praikteekal charitra sunaane ka saadhan madhuban vaalon ko hai। is sthaan aur charitra ka bhi parichay do to aatmaaen khushi mein naachne lagengi। jab bhi koi aate hain to vishesh charitra bhoomi ko jaanne aur anubhav karne aate hain to madhuban nivaasi bhaagvat dvaara service kar sakte hain ki yahaan aisa hota hai। to aap log dharni ki visheshta ka mahatva sunaane ke nimitta ho। jis nazar se sab aatmaaen ek-ek ratan ko dekhti hain usi tarah unhein baap ki taraph aakarshit karo to kitni seva hai? yahaan baithe hue praja ban sakti hai ya family ban sakti hai। jaise taajamhal mein guides kitne ramneek dhang se taajamhal ki history sunaate hain aise charitra sunaao to unhein sahaj hi yaad rahegi aur us seva ka phal aapko mil jaayega। jo bhi aave usko khushi-khushi se, umang se, lagan se,mahatva mein sthit ho karke agar mahatva sunaao to bahut adhik phal le sakte ho - aisi seva karne se bahut khushi rahegi। to seva bhi rahi, yaad bhi rahi aur praapti bhi rahi aur kya chaahiye? aise lucky ho madhuban nivaasi।

is varsha mein vishesh svayan aur seva ka balance (Balance) chaahiye। seva ke saath svayan ki personality (Personality) aur prabhaav ya dhaarnaamoortta ka prabhaav sone par suhaage ka kaam karega। koi bhi dekhe to anubhav kare gyaanmoortta aur gunmoortta। donon ki samaanta dikhaai de। abhi tak aavaaz aati hai ki gyaan ooncha hai lekin chalan aisi nahin। to donon ke balance ka attention rakhne se praja va vaaris dikhaai denge। service ke saadhan to bahut hain - abhi dharma netaaon tak nahin pahunche hain,jo last yuddha hai, jisse chaaron or aavaaz phail jaae। yeh hoga gyaan ki baat se। jaise geeta ke bhagwan ki baat se naam baala hona hai। iske liye chhote-chhote group banaakar chaaron or pahle kuchh apne sahayogi banaao,stoodentas kampeeteeshan (Student Competition) rakhi na,phir usmein se ek chuna। aise har sthaan par chhote-chhote group banen aur phir un sabka ek sthaan par sangathan ho phir naam baala hoga। yeh varsha hai hi naam baala karne ka varsha। achha।

is murli ki vishesh baaten –

1. sankalp aur samay donon ka chart rakho। aadi kaal ke vishwa adhikaari vahi ban sakte hain jin aatmaon ka vartamaan samay sankalp aur samay par adhikaar hai।

pahle hai ‘‘svaraajya’’phir hai vishwa ka raajya। jo svaraajya nahin kar sakte woh vishwa ke raajya ke adhikaari nahin ban sakte।

2. gyaan ke manan ke saath apni sthiti ki chaiking bhi bahut zaroori hai। seva ke saath vishwa ki seva aur svayan ki seva ho। vishwa ke prati bhi raham dil aur svayan ke prati bhi raham dil bano।