मंगलवार 26 दिसंबर 1978 की अव्यक्त मुरली

>

26-12-78om shanti avyakt baapdaadaamdhuban

ishta dev ki visheshtaaen

sada param poojya tatha aatmaon ko pujaari se poojya devta banaane vaale shivbaaba bole:-

aaj baap-daada har bachche ke ek hi samay par chaar roopon ka vansh dekh rahe hain। pahla harek shivvanshi, doosra brahmaavanshi,teesra devta vanshi,chautha ishta dev vanshi। harek ke chaar vansh ka roop baap-daada ke aage spashta hai - bhakti maarga mein aap hi shreshtha aatmaayen bhinna bhinna roop mein bhakton ke ishta dev bante ho। is samay bhi aap sabke bhakta aap ishta devon ko va deviyon ko pukaarte rehte hain। jaise pratyakshata ka samay spashta aur sameep aata ja raha hai vaise aap sab ke dev vansh arthaat raajvansh aur ishta vansh ki pratyakshata hoti jaayegi। aise anubhav karte ho ki ham hi ishta dev bankar anek bhakta aatmaon ki manokaamnaayen poorn karnevaale hain। jaise raajvansh mein nambarvaar hain,vaise hi poojya roop mein bhi nambarvaar ishta bante ho। yaad hai ham kaun se ishta hain! kaun-si devi ke roop mein aapka poojan ho raha hai? apni bhaktamaala ko jaante ho! jo ab ke seva mein sahayogi saathi bante hain,unmein koi raajvansh mein aate hain koi praja mein aate hain,to is samay ke seva ke sahayogi va najdeek ke saathi aur bhavishya ke royal family va praja aur bhakti mein ishta vanshi va bhakta। ishta devon ki vanshaavli bhi dikhaate hain। apne aapse poochho - ki ham raajvanshi so ishta vanshi hain?kis number ke ishta ho?koi ishta dev ki roj ki pooja hoti hai,koi-koi ki kab-kab hoti hai,koi ki niyam pramaan yukti-yukta roop se hoti hai,koi ki jab aaya jaise aaya vaise hoti hai। koi ki bade dhoomdhaam se variety vaibhvon se poojan hota hai aur koi ki kabhi-kabhi dhoomdhaam se hoti hai, koi ki bhakta maala bahut badi hoti hai, anginat sankhya ke bhakta hote hain aur koi ke bahut thode se bhakta hote hain। lekin braamhan vanshi so raajvanshi chhota va bada ishta dev zaroor bante hain to aap sabhi bhakton ke ishta ho।

baap-daada aaj sabhi ko ishta dev va ishta devi ke roop mein dekh rahe hain ki mere bachche kitne poojya hain! apna poojya swaroop bhi sada saamne rakho। shreshtha ishta dev banne vaale ki vishesh aath baaten yaad rakho। jaise ashta shaktiyaan yaad hain na - ishta banne ki aath visheshtaaen hain। usko to achhi tarah se jaante ho na - apne yaadgaar chitron mein dekhne se bhi woh visheshtaaen anubhav hongi।

pahli visheshta -ishta dev sada merciful hoga। kaun-sa raham? har aatma ko bhatakne va bhikhaareepan se bachaane ka। harek ke oopar raham karega। nishkaam merciful hoga। kis par raham aur kis par nahin - aise nahin। arthaat behad roop mein merciful honge। unke raham ke sankalp se anya aatmaon ko apne roohaani roop va rooh ki manzil second mein smriti mein aa jaayegi। unke raham ke sankalp se bhikhaari ko sarva khajaanon ki jhalak dikhaai degi। bhatakti hui aatmaon ko mukti va jeevan mukti ka kinaara va manzil saamne dikhaai degi - aisa merciful hoga।

doosri baat - ishta dev aatma sadaiv sarva ke duhkh harta sukh karta ka part bajaayegi। doosre ka duhkh apne duhkh ke samaan samajh sahan nahin kar sakegi। duhkh ko bhoolaane ki va duhkhi ko sukhi karne ki yukti va saadhan sada uske paas jaadu ke chaabi ke maaphik hoga।

teesri baat - sada sankalp, bol aur karma se pyooriti ki personality dikhaai degi।

chauthi baat - sada svabhaav mein, sanskaar mein chalne mein simple lekin shreshtha dikhaai dega।

paanchavi baat - jaise aapke jad chitra sada shrringaare hue dikhaaye hain vaise sarva gunon ke shrringaar se sada saje sajaaye nazar aayenge। koi ek gun roopi shrringaar bhi kam nahin hoga।

chhathi baat - aisi ishta aatma ke features sada svayan bhi kamal samaan honge aur doosre ko bhi kamal samaan nyaara aur pyaara bana denge।

saatveen baat - aisi ishta aatma sada sthiti mein achal, adol hogi। jaise moorti ko sthaapit karte hain, vaise woh chaitanya moorti sada ekras sthiti mein sthit hogi।

aathveen baat - woh sada sarva ke prati sankalp aur bol mein vardaani honge। glaani va shikaayat karne vaale ke oopar bhi vardaani। glaani karne vaale ke prati bhi vaah-vaah ke pushpon ki varsha karne vaale honge- iske return mein ishta dev roop mein pushpon ki varsha jyaada hoti hai। mahima karne vaale ki mahima karna - yeh common baat hai - lekin glaani karne vaale ke gale mein bhi gunmaala pahnaana janma-janma ke liye bhakta nishchit kar dena hai va saath-saath vartamaan samay ke sada sahayogi banaana - nishchit ho jaate hain।

jaise aajkal aap vishesh aatmaon ke svaagat ke samay gale mein sthool maala daalte hain to phir aap kya karte ho? daalne vaale ke gale mein return kar dete ho na - aise glaani karne vaale ko bhi aap gunmaala pahnaao to woh svatah hi aapki gun-maala aapko return karenge। jaise baap ke har kadam,har karma ke gun gaate hain vaise aap ishta dev, mahaan aatmaon ke sada gun gaate rahenge arthaat yeh dena,anek baar ka lena ho jaata hai - ab samjha ishta dev ki visheshtaaen। to ab sabhi apne aapko chaik karo - ishta dev swaroop kahaan tak taiyaar hue hain। jab moorti taiyaar ho jaati hai tab parda khulta hai। to aap sab taiyaar ho va koi taiyaari kar rahe hain। aapke bhakta adhoore saakshaatkaar mein raaji nahin honge isliye apne ishta dev roop ko sada saza sazaaya hua rakho। samjha ab kya karna hai!

dehli nivaasiyon ko taiyaar hona chaahiye kyonki sampoornata sampannata ka jhanda aur raajya ka jhanda donon dehli mein hona hai- to dehli nivaasi flag ceremony ki date fix karen- abhi se teevra taiyaariyaan karne lag jaana hai। videshi to pahla kaarya karenge- videshi videsh se powerful aavaaz dvaara vijay ke jhande ki neenv daalenge। sab videsh ke bhinnabhinna sthaanon se vishesh aatmaon ke sahayog ke aadhaar se vijay ka foundation padega। jaise aajkal ki duniya mein bhi har sthaan ki mitti ek sthaan par ikatthi karte hain -to har videsh ke sthaan ke vishesh vyaktiyon ke aavaaj dvaara bhaarat mein vijay ke jhande ka foundation mazboot hoga। to videshi is kaarya ke founder hain। jhanda lahraane ke pahle foundation chaahiye। har sthaan ke nikle hue vishesh aatmaon roopi phoolon ka guldasta baap-daada aur sarva parivaar ke aage pahle videsh bhent karega। guldasta ban raha hai na। aisi vishesh khushbu arthaat visheshta ho jo foreign se bhaarat tak pahunchti rahe। aise khushboodaar roohaani roohe-gulaab, sada-gulaab ka guldasta taiyaar ho raha hai! jaise koi bahut achhi man ko mohit karne vaali khushbu hoti hai to na chaahte hue bhi us taraph attention jaata hi hai ki yeh kahaan se khushbu aa rahi hai ! to roohaani roohe gulaab phoolon ki khushbu jab bhaarat tak pahunchegi to sabke attention ko apne taraph aakarshit karenge। sab dhoodhenge ki yeh khushbu kahaan se aai! is khushbu ka kendra kahaan hai। achha –

aise sada saje sajaaye moorti, raajvanshi so ishta vanshi sarva aatmaon ko, sada shreshtha sankalpon dvaara vardaan denevaali, sarva aatmaon ko merciful ban manzil dikhaane vaali,aise mahaadaani vardaani ishta dev shreshtha aatmaon ko baap-daada ka yaadapyaar aur namaste।

deedi ji se baatcheet

baap-daada ka ek prashn hai - koi-koi mahaarthiyon ke sanskaar brahma smaan jyaada hain aur koi-koi ke vishnu samaan sanskaar hain। koi ki janmapatri mein aadi se ant tak sthaapna ke nimitta banne ke sanskaar hain aur koi-koi ke paalna ke sanskaar hain - iska rahasya kya hai? is par roohroohaan karna। donon hi vishesh aatmaayen bhi hain- lekin antar bhi vishesh hai। to donon mein number one kaun hue! aur iska bhavishya ke saath kya sambandh hai- vartamaan donon ki vishesh praaptiyaan kya hain aur donon ke poojan mein bhi antar kya hai ? is par roohroohaan karna,badi topic hain na। is topic se apna poojya roop bhi samajh sakenge ki mera kaunsa roop hoga ! woh bhaavna aayegi। jaise abhi aapko koi aap ke naam se bulaata hai to jhat feel hota hai na ki mujhe bula rahe hain - aise spashta bhaavna aayegi। achha।

aaj to dehli ka tarna hai – dehli par sabko chadhaai karni hai - dehli ki dharni ko pranaam zaroor karna hai। dehli ka vishesh part sthaapna mein hai aur baambe ka vishesh part vinaash mein hai - kalkatte ka part bhi aavaaz phailaane mein achha sahayogi rahega - achha ab dehli vaale kya karenge!

dehli ko dil kehte hain- to dil ki dhadkan kaisi hai? baap-daada ki dil arthaat sthaapna ki dil - to sthaapna ki dil ka kya haal hai - teevragti hai va dheemi gati hai। dehli vaale jab vishesh varga ki variety service kar guldasta taiyaar karen tab kahenge sthaapna ki teevragti hai। abhi samparka ka dhaaga nahin baandha hai।

dehli ki taraph sabhi ki nazar hai। baap ki bhi nazar hai to sarva ki bhi nazar hai। kyonki sthaapna ki bindi bhi vahaan hi aur raajya ki bindi bhi vahi - to sabki nazar bindu taraph jaani hai - dehli ki mahaaveer paandav sena to bahut hai - paandavon ko milkar har maas koi saboot dena chaahiye kyonki dehli ke sapoot mashhoor hain। sapoot arthaat saboot dene vaale। dehli se seva ki prerna milni chaahiye। jaise sentral government hai to centre dvaara sarva station ko direction milte hain vaise seva ke plans va seva ko naveenta mein laane ke liye paarliyaamenta honi chaahiye। yahi paandav bhavan, paandav government ki paarliyaamenta hai। to paarliyaamenta mein sab taraph ke sarva members ki raay se naye rule taiyaar hote hain - dehli se har maas vishesh plans out hone chaahiye tab samaapti sameep aayegi aur isi paarliyaamenta house mein jay-jaykaar hogi। paandavon ne achhi tarah suna! shaktiyon ke bina paandav kuchh kar hi nahin sakte। shaktiyaan paandavon ko aage rakhen aur paandav shaktiyon ko aage rakhe tab vishnupuri sthaapan hogi। vishnupuri ki sthaapna mein combined ka part hai - to sthaapna ke kaarya mein bhi combined ka kaarya chalne se hi saphalta hoti hai।

dehli mein planning buddhi hain, lekin abhi gupta hain। abhi sab apni visheshta roopi anguli do। sarva ke visheshta ki anguli se hi sthaapna ka kaarya sampanna hoga। visheshta ko gupta nahin rakho। kaarya mein lagaao lekin nishkaam। to jaise sthaapna mein number one dehli rahi vaise visheshaataaon ke guldaste mein bhi number one banna hai। dehli mein sab mahaarthiyon ke sahayog ke haath hain,sarva mahaarthiyon ke sahayog ka paani dehli ki dharni mein pada hua hai - dehli ke foundation mein koi mahaarthi raha nahin hai - sab ne paani diya hai। abhi sirf yog ki dhoop chaahiye phir dekho kitni vishesh aatmaon ka pratyaksha phal nikalta hai। svatah hi aapke paas lene ke liye aayenge। dehli ki dharni ki visheshtaaen bahut hain। pahle to planning party banaao। jismen chaaron or ke mahaarthi aur shaktiyon ka bhi sahayog lo। seva ke prati samay prati samay dehli mein sangathan hona hi chaahiye। dharni par mahaarthiyon ka ikaththa hona bhi sthaapna ke kaarya ko vritti aur vaataavran se sameep laane ka kaarya karta hai। jaise madhuban charitra bhoomi hai, milan bhoomi hai, baap ko saakaar roop mein anubhav karaane vaali bhoomi hai vaise dehli ki dharni seva ko pratyaksha roop dene ke nimitta hai tab dehli se aavaaj niklega। abhi sab ki buddhiyon mein yeh sankalp tak utpanna hua hai ki jo kuchh kar rahe hain,jo chal raha hai usse kuchh hona nahin hai,abhi sab sahaare tootne lage hain - isliye aise samay par yathaartha sahaara abhi jaldi dhoodhenge। maang karenge। aisi nai baat koi sunaave aur aakhreen mein chaaron taraph bhatakne ke baad baap ke sahaare ke aage sab maatha jhukaayenge। samjhe - ab dehli vaalon ko kya karna hai। achha।