गुरुवार 28 दिसंबर 1978 की अव्यक्त मुरली

>

28-12-78om shanti avyakt baapdaadaamdhuban

parmaatma pratyakshata ka aadhaar - satyata

avyakt baapdaada boleh -

aaj baap-daada sarva bachchon ko shakti sena va paandav sena ke roop mein dekh rahe hain। senaapti apni sena ko dekh harshit bhi ho rahe hain aur saath-saath apni sena ke mahaarthi va ghode savaar donon ke karttavya ko dekh rahe hain - mahaarthi kya kar rahe hain, ghod savaar kya kar rahe hain - donon hi apna-apna part baja rahe hain। ab tak drama anusaar jo bhi harek ne part bajaaya woh nambarvaar achha kahenge - lekin ab kya karna hai - mahaarthiyon ko ab apni kaun-si mahaaveerta dikhaani hai। baap-daada vishesh mahaaveerniyon aur mahaaveeron ke seva ke part ko dekh rahe the - ab tak seva ke kshetra mein kahaan tak pahunche hain! jaise sthool sena ka senaapti nakshe ke aadhaar par sada dekhte rehte hain ki sena kahaan tak pahunchi hai! kitni area ke vijayi bane hain! astra shastra,baarood arthaat saamagri kahaan tak stock mein jama hai! aage kya lakshya hai! lakshya ki manzil se kahaan tak door hain! kis speed se badhte ja rahe hain! - vaise aaj baap-daada bhi aadi se ab tak ki seva ke nakshe ko dekh rahe the। result kya dekha! mahaaveer va mahaaveerniyaan seva ke kshetra mein aage badhte ja rahe hain - shastra bhi sab saath mein hain - area bhi badhaate ja rahe hain - lekin abhi tak aatmik bam lagaaya hai,abhi parmaatma bam lagaana hai। aatmik sukh va aatmik shanti ki anubhooti roohaaniyat ki anubhooti ke bhinna bhinna shastra nambarvaar samay pramaan kaarya mein lagaaya hai lekin last bam arthaat parmaatma bam hai baap ki pratyakshata ka। jo dekhe,jo samparka mein aa karke sune unheen dvaara yeh aavaaz nikle ki baap aa gaye hain - direct almighty authority ka karttavya chal raha hai। yeh antim bomb hai jisse chaaron or se aavaaz niklega - abhi yeh kaarya raha hua hai। yeh kaise hoga aur kab hoga? parmaatma pratyakshata ka aadhaar satyata hai। satyata hi pratyakshata hai - ek svayan ke sthiti ki satyata doosri seva ki satyata। satyata ka aadhaar hai svachchhata aur nirbhayta। in donon dhaarnaaon ke aadhaar se satyata dvaara hi pratyakshata hogi। kisi bhi prakaar ki asvachchhata arthaat zara bhi sachchaai saphaai ki kami hai to karttavya ki siddhi,pratyakshata ho nahin sakti।

sachchaai aur saphaai- sachchaai arthaat jo main hoon jaisa hoon sada us original satya swaroop mein sthit hona। arthaat aatma ke aureeznal satopradhaan swaroop mein sthit rehna hai rajo aur tamo stage sachchaai ki original stage nahin। yeh sangadosh ki stage hai। kiska sang? maaya athva raavan ka। aatma ki satyata satopradhaanta hai। to pahli yeh sachchaai hai। doosri baat- bol aur karma mein bhi sachchaai arthaat satyata ki stage satopradhaanta hai va abhi rajo aur tamo mix hain! satyata natural sanskaar roop mein hain va purooshaartha se satyata ki stage ko laana padta hai! jaise baap ko truth arthaat satya kehte hain vaise hi aatmik swaroop ki vaastavikta bhi satya arthaat truth hai। to satyata satopradhaanta ko kaha jaata hai, aisi sachchaai hai!

saphaai arthaat svachchhata। zara bhi sankalp dvaara bhi ashuddhi arthaat buraai ko va avgun ko touch nahin karen - agar buddhi va sankalp dvaara bhi sveekaar kiya arthaat dhaaran kiya to sampoorn saphaai nahin kahenge। jaise sthool mein bhi koi prakaar ki gandagi ko dekhna bhi achha nahin lagta, dekhne se kinaara kar denge, aise buraai ko sochna bhi buraai ko touch karna hua। sunna aur bolna va karna yeh to svayan hi buraai ko dhaaran karte hain। saphaai arthaat svachchhata, sankalp maatra bhi ashuddhi na ho। isko kaha jaata hai sachchaai aur saphaai arthaat svachchhata। doosri baat hai nirbhayta । nirbhayta ki paribhaasha bhi badi guhya hai!

pahli baat- apne puraane tamoguni sanskaar par vijayi banne ki nirbhayta। kya karoon, hota nahin, bahut prabal hai, yeh bhi nirbhayta nahin। anya aatmaon ke samparka aur sambandh mein svayan ke sanskaar milaana aur anya ke sanskaar parivartan karna ismen bhi nirbhayta ho। pata nahin chal sakenge, nibha sakenge mera maanenge va nahin maanenge ismen bhi agar bhayta hai to isko sampoorn nirbhayta nahin kahenge। teesri baat- vishwa ki seva mein arthaat seva ke kshetra mein vaayumandal va anya aatmaon ke siddhaanton ki paripakvata ko dekhte hue sankalp mein bhi unheen ki paripakvata va vaataavran vaayumandal ka prabhaav padna yeh bhi bhayta hai। yeh bigad jaayenge, hangaama ho jaayega - halchal ho jaayegi isse bhi nirbhayta ho। jab aatmik gyaani aap tana dvaara nikli hui shaakhaaen woh bhi apne alpagya maanyata mein nirbhayta ka prabhaav daalti hain, apni alpa mat ko pratyaksha karne mein nirbhay hoti hain, jhooth ko sach karke siddha karne mein atal or achal rehti hain, to sarvagya baap ke shreshtha mat va-anaadi aadi satya ko pratyaksha karne mein sankoch karna bhi bhay hai। shaakhaaen hilne vaali hoti hain, tana achal hota hai to shaakhaaen nirbhay ho aur tana mein sankoch ke bhay ki halchal ho isko kya kahenge! isliye jo pratyakshata ka aadhaar svachchhata aur nirbhayta hai usko check karo। isi ko hi satyata kaha jaata hai। is satyata ke aadhaar par hi pratyakshata hai। isliye antim powerful bomb parmaatma pratyakshata ab shuru nahin ki hai। ab tak ki result mein raajayogi aatmaaen shreshtha hain,raajayog shreshtha hai,karttavya shreshtha hai,parivartan shreshtha hai। yeh pratyaksha hua hai lekin sikhaane vaala direct almighty hai - gyaan soorya saakaar srishti par uday hua hai yeh abhi gupta hai - parmaatma bomb ki result kya hogi!

vishwa ki sarva aatmaon ke alpakaal ke sahaare sab samaapta ho ek baap ka sahaara anubhav hoga। jaise science ke bombs dvaara desh ka desh samaapta ho pahla drishya kuchh bhi nazar nahin aata - sab samaapta ho jaata hai aise is antim bomb dvaara sarva alpakaal ke saadhna roopi saadhan samaapta ho ek hi yathaartha saadhan raajayog dvaara harek ke beech baap pratyaksha hoga। vishwa mein vishwa pita spashta dikhaai dega। har dharma ki aatma dvaara ek hi bol niklega ki hamaara baap hinduon va musalmaanon ka nahin- sabka baap। isko kaha jaata hai parmaatma bomb dvaara antim pratyakshata। ab result suni ki kya kar rahe hain aur kya karna hai! ab ke varsha parmaatma bomb phainko। baap ko svachchhata aur nirbhayta ke aadhaar se satyata dvaara pratyakshata karo। achha।

aise baap ko vishwa ke aage pratyaksha karne vaale, sada nirbhay, sada ek hi dhun mein masta rahne vaale ramta sahaj raajayogi, antim samay ko sameep laane vaale, arthaat sarva aatmaon ki manokaamnaaen poorn karne vaale baap samaan daya va raham ke saagar, aise merciful bachchon ko baap-daada ka yaadapyaar aur namaste।

party ke saath baatcheet

sabhi apne shreshtha bhaagya ke gungaan karte hue sada khushi mein rehte ho? aisa shreshtha bhaagya jiska gaayan svayan bhagwan kare, aisa bhaagya phir kabhi milega? bhavishya mein bhi aisa bhaagya nahin hoga, ab nahin to kab nahin, aisi khushi hoti hai?bhaagya ka sitaara sadaiv chamakta rahe to chamakti hui cheez ki taraph svatah hi sabka attention jaata hai,yeh kya hai! aise harek ke mastak beech bhaagya ka sitaara sadaiv chamakta rahe to vishwa ki nazar automatically jaaegi ki yeh kaun se bhaagya ka sitaara chamakta hua dikhaai de raha hai। jaise koi vishesh sitaara vishesh roop se chamakta hai to automatic sabka attention jaata hai aise bhaagya ka sitaara sabko aakarshit kare। aisa chamakta hua sitaara svayan ko bhi dikhaai de aur vishwa ko bhi। chamakti hui cheez na chaahte bhi, nazar ghumaate bhi dikhaai deti hai,to bhale chaaron taraph nazar ghumaayen lekin aakhir mein aapke taraph hi nazar aaegi,aisa chamakta hua bhaagya anubhav hota hai?

is samay ki oonchi sthiti ki result saare kalpa mein oonche - is samay ki oonchi sthiti vaale uchcha pad paane vaale honge, vishwa mein poojya ke roop mein bhi oonche honge,baap ke bachche bhi oonche,bhakti mein bhi oonche aur gyaan mein bhi ooncha raajya karne mein bhi oonch honge। har part ooncha bajaane kaaran,oonche te oonchi aatma anubhav karenge।