गुरुवार 18 जनवरी 1979 की अव्यक्त मुरली

>

18-01-79om shanti avyakt baapdaadaamdhuban

18 January‘smriti divas’ko sadaakaal ka samarthi divas manaane ke liye shikshaaen

sarvasmartha shiv baba ‘sada amar bhav’ ka vardaan dete hue bole :-

aaj sabhi bachche vishesh saakaari yaad - prem swaroop ki smriti mein jyaada rahe। saakaari so aakaari baap sabhi ke naynon mein samaaye hue hain। amritvele se lekar deshvidesh ke bachchon ki yaad ke sandesh saare vatan mein vaayumandal ki reeti se phaile hue the - prem ke aasunon ki maalaayen vatan ko saja rahi theen। harek bachcha brahma baap ke lav mein lavleen the। chaaron or dil ke dilrooba ki aavaaz baapdaada ke paas pahunch rahi thi - harek ke man se baap ki mahima ke sundar aalaap saajon ke samaan vatan mein goonj rahe the। harek ke aashaaon ke deepak jage hue,vatan ko jagamga rahe the। baapdaada bachchon ke sneh ko dekh muskara rahe the। videshi va deshvaasi bachche apne buddhiyog dvaara vatan mein bhi pahunche hue the। brahma baap bhi bachchon ke sneh ke saagar mein bachchon ke lav mein lavleen the - yaad ka return de rahe the।

bachche baap se poochhte hain ham sabse pahle akele vatanvaasi kyon? mejoriti bachchon ka yahi sneh ka savaal tha। baap bole - jaise aadi mein sthaapna ke kaarya prati saakaar roop mein nimitta ek hi bane - alpha ki taar pahle ek ko aai। seva arth - sarvasva tyaagmoorta ek akele bane। jisko dekh bachchon ne follow father kiya। tyaag aur bhaagya donon mein number one baap nimitta bane। ab ant mein bhi bachchon ko ooncha uthaane ke liye va avyakt banaane ke liye baap ko hi avyakt vatanvaasi banna pada। is saakaari duniya se ooncha sthaan avyakt vatan apnaana pada - abhi baap kehte hain baap samaan svayan ko aur seva ko sampanna karo। baap samaan avyakt vatanvaasi ban jaao। baapdaada abhi bhi aahvaan karte hain। der kiski hai? drama ki der hain! drama mein bhi nimitta kaaran kaun। sirf ek chhoti-si baat dridh sankalp roop se dhaaran karo to sadaakaal ka milan ho jaavega। jaise aaj ke din sahajyogi,nirantarayogi,ek baap doosra na koi - isi sthiti mein sthit rahe,aise hi sada amar bhav ke vardaani bano। to kya hoga। sadaakaal ke liye judaai ko vidaai mil jaavegi aur sada milan ki badhaai hogi। sneh swaroop ko samaan swaroop mein parivartan karo। jaise jis bhi aatma se sneh hota hai to sneh ka swaroop yahi hai ki jo snehi ko pasanda ho vahi sneh karne vaale ko pasanda ho - chalna- khaana-peena-rehna snehi ke dil pasanda ho। aise hi baap se sneh - jaante ho baap ka sneh kisse hain? baap ko sada kya pasanda hai?apne dil pasanda nahin lekin snehi baap ke dilapsanda। to sada jo bhi sankalp karo va karma karo pahle yeh socho ki snehi baap ke dilapsanda hai। agar baap ko pasanda nahin to lokapsanda bhi nahin। to sirf itni si baat hai snehi ke pasandi se chalna hai। itna return sada kar sakte ho na! sarva sambandh ke sneh se itna sa return kya mushkil lagta hai? aaj ke smriti divas ko sadaakaal ke liye samarthi divas manaao। yeh sankalp karo - jo baap ko pasandi vahi meri pasandi। sada baap pasanda lok pasanda rehna hai।

dilshikasta hona, kisi bhi sanskaar va paristhitiyon ke vasheebhoot hona,alpakaal ki praapti karaane vaale vyakti va vaibhvon ke taraph aakaarshi hona - in sab kamjoriyon roopi kaliyugi parvat ko aaj ke samarthi divas par sab bachche dridh sankalp ki anguli de sadaakaal ke liye samaapta karo arthaat sadaakaal ke vijayi bano। vijay aapka tilak hai। vijay aapke gale ki maala hai। vijay janmasiddha adhikaar hai। sada is samarthi swaroop mein raho। yeh hai sneh ka return। baap bachchon se poochhte hain - jaise brahma baap ne saare gyaan ka saar svayan dhaaran kar bachchon ko follow father karne ki himmat di, saakaar roop dvaara antim mahaavaakay amoolya saugaat di - us saugaat ko swaroop mein laaya? saugaat ki return mein baap ko swaroop ban dikhaaya? sirf teen bol jo the unko saakaar mein laaya। saakaar sneh ke return mein saakaar roop hai। in hi teen bol se baap ne karmaateet avastha ko paaya - follow father। saakaar baap ne sthiti ka stambha bankar dikhaaya - jiske sneh mein yeh smriti stambha bhi banaaya hai - aise hi tatvam - sarvagunon ke stambha bano। jo vishwa ke har dharma vaali aatmaayen dhaarna swaroop stambha aapko maane - vishwa ke aage aadi pita ke samaan shakti aur shanti stambha bano।

sneh ke sandesh jo bachchon ne bheje return mein baapdaada bhi sabhi snehi bachchon ko padamguna sneh de rahe hain। ab padmaapdam bhaagyashaali sada raho। achha –

aise sada baap ke smriti so samarthi swaroop, baap ke sada dilapsanda, sada dridh sankalp dvaara svayan ka or vishwa ka second mein parivartan karne vaale, sada vishwa ke aage shakti aur shanti stambha samaan sthit rahne vaale - aise baapdaada ke sameep sikeeldhe bachchon ko baapdaada ka yaad-pyaar aur namaste।

deedi ji se baatcheet :- aaj ka din sneh aur shakti ka balance raha? aaj ke din vishesh saakaar baap ko yaad kiya va daanon ka balance tha - balance rakhne vaale bachche baap dvaara blissful ke vardaan ko praapta karte hain। aaj saakaar baap ne bhi bachchon ko yaad kiya - har bachche ki visheshta roopi ratnon ko dekhte harshaaya। laukik shareer ke sanskaar bhi javaahri ke the। alaukik jeevan mein bhi javaahri ke kaarya mein hi rahe। javaahri ki nazar kahaan jaati hai? amoolya ratnon ke taraph,to baap bhi apne ratnon ko dekh ratnon ko hi saja rahe the। brahma baap ke teevra purooshaartha ke sanskaar ko to jaanti ho - aaj bhi baba bole ab maala taiyaar karo - maala taiyaar hona arthaat khel khatma। phir kya hua hoga। brahma apne teevra purooshaartha ke sanskaar pramaan maala banaane lage aur baap muskaraane lage। maala taiyaar bhi hui,lekin taiyaar hone ke baad jab dekhne lage to dilapsanda nahin lagi। to phataaphat badli karne lage। sankalp tha ki karke dikhaavenge - baap bole - full powers hain - jo chaahe jaise chaahe taiyaar karke dikhaao। brahma baap to roj aahvaan karte hain। aap aahvaan karte ho? phir result kya hui। bahut ramneek drishya hua। roohrihaan bhi chali aur ek-do ko dekh muskaraaye।100 ki maala phir bhi 90% ban gai 8 ki maala mein badli bahut thi - kisko 4number den kisko 5 number den - uski rooh-roohaan thi। matlab to aaj brahma ko maala taiyaar karne ka teevra sankalp tha।

jaise baap vichitra hai, vichitra baap ki leela bhi vichitra hai - duniya vaale samajhte hain baap chale gaye aur baap bachchon se vichitra roop mein jab chaahen tab milan mana sakte। duniya vaalon ki aankhon ke aage parda aa gaya - vaise bhi snehi milan parde ke andar achha hota hai - to duniya ki aankhon mein parda aa gaya - lekin baap bachchon se alag ho nahin sakta। vaayda hai saath chalenge,vahi vaayda yaad hai na। jo aadi se ant।

party se mulaakaat

1. sabhi ne baapdaada ki aaj ke vatan ki rooh-roohaan suni। usse apne ko ever ready banaane ki prerna bhi li। sadaiv yeh atainshan rahe ki ham sabhi baap samaan vijayi bane hain - kyonki bahut samay ke vijayi,vijayi maala ke manke ban sakte hain। agar abhi-abhi haar hogi to kabhi bhi vijay maala ke manke nahin ban sakte। vijayi banne ke liye sadaiv kya yaad rahe? vijayi banne ke liye sada baap ko saamne rakho - jo baap ne kiya woh humein karna hai। har kadam-kadam ke oopar jo baap ka sankalp vahi bachchon ka sankalp, jo baap ke bol vahi bachchon ke bol tab vijayi ban sakte ho। aisa attention sadaiv rehta hai?jab sada kaal ka raajya-bhaagya paana hai to attention bhi sadaakaal ka chaahiye, agar alpakaal ka raajya lena hai to thod samay ke liye yaad rakho। jaisa purooshaartha vaisi praalabdha। to sada ka raajya aur sada ka purooshaartha -aise purushaarthi ho? maaya ke bhi knowledgeful ho,to knowledgeful kabhi dhokha nahin khaate। anjaan hote hain to dhokha kha lete hain। knowledge ko light aur might kaha jaata hai। jo knowledgeful hain arthaat light aur might donon hain woh kabhi maaya se haar nahin kha sakte। sirf sankalp mein dridhta ki kami hoti hai। sankalp karte ho ki yeh karenge lekin dridhta na hone ke kaaran sochne-karne mein pharka pad jaata hai। sankalp mein dridhta ho to sochna aur karna donon samaan ho jaaen। to suna bahut hai lekin ab jo suna woh saakaar swaroop mein laao।

2. sangamayug ke mahatva ko jaante hue har sankalp aur second jama karte ho?vyartha to nahin jaata hai?second bhi vyartha gaya to second ki value bahut badi hai। jaise ek ka laakh guna banta hai vaise ek second bhi vyartha jaata to laakh guna vyartha gaya। itna attention rehta hai। albelaapan to nahin aata। abhi woh samay nahin hai। abhi to chal jaata hai,koi hisaab lene vaala hi nahin hai lekin thode samay ke baad apne aapko hi pashchaataap hoga। samay ki value hai samay ke vardaan se hi amoolya ratan bante ho। amoolya ratan samay bhi amoolya reeti se vyateet karte hain। amoolya ratan samajhne se second aur sankalp bhi amoolya ho jaayenge।

3. sabhi apne ko sada sarva aatmaon se shreshtha aatma samajh shreshtha karma karte ho?jaisa occupation hota hai vaise karma hota hai। agar koi bada position vaala hoga to uski activity bhi usi pramaan hogi। aapka occupation kya hai? sarva aatmaon se shreshtha aatma। to shreshtha aatma ka har sankalp har second bhi aisa hi hoga! aap jaisa vishesh part baap ko pa lena, aisa part aur kiska ho nahin sakta। jab brahmaakumaar kahlaate ho, paramatma ke bachche kahlaate ho to chalan bhi to aisi chaahiye। sada occupation aur activity ko milaao। bada aadmi karma besamjhi ke va bachche jaise kare to log hasenge na। aise hi jab brahmaakumaar kahlaate ho aur saadhaaran aikta chalo to kya kahenge! aadhaakalpa besmajh rahe ab samajhdaar bane - to samajhdaar ka har sankalp shaktishaali hoga।

4. sada kalpa pahle maaphik apne ko angad ke samaan achal samajhte ho? angad ke samaan achal arthaat sada nishchay buddhi vijayanti। jara bhi halchal mein aaye to vijayi ban nahin sakenge। maaya ke vighna yeh to drama mein mahaaveer banaane ke liye paper ke roop mein aate hain। bina paper ke kabhi class change nahin hota। paper aana arthaat class aage badhna। to paper aane se khush hona chaahiye na ki halchal mein aana hai। maaya se bhi lesson seekho,woh kabhi bhi halchal mein nahin aati - atal rehti,yahi lesson maaya se seekh maayaajeet ban jaao।

5. sneh ka respond hai phaalophaadar। jisse sneh hota hai usko automatically follow karna hota hai। sada yaad rahe ki yeh karma jo kar rahe hain yeh follow father hai। agar nahin to stop। follow father hai to karte chalo, kaapi hi karni hain na। baap ko kaapi karte baap ban jaao। kaapi karne ke liye jaise kaarban paper daalte hain vaise attention ka paper daalo to kaapi ho jaayega।

abhi apne ko teevra purushaarthi nahin banaayenge to aage chalkar yeh samay bhi khatma ho jaayega phir tu let ho jaayenge, vanchit rah jaayenge। abhi har shakti se svayan ko sampanna banaane ka samay hai। agar svayan-svayan ko sampanna nahin kar sakte ho to sahayog lo, chhod nahin do। sampannata ki nishaani hai santushtata। isliye sada santushta aatma bano। achha - om shanti।