गुरुवार 1 फ़रवरी 1979 की अव्यक्त मुरली

>

01-02-79om shanti avyakt baapdaadaamdhuban

manan-shakti hi maaya jeet banne ka saadhan

manan dvaara magna rahne vaale master bhagwan bachchon bachchon prati baap-daada bole –

aaj baapdaada bachchon ke anek prakaar ke purooshaartha ki vidhi ko dekhte hue bachchon ke umang, utsaah,milan ki lagan,sneh ka sankalp sada sahayogi banne ke kaarya mein tatpar rehna, sab sang tod ek sang jodne ki mehnat ko dekh baapdaada harshit bhi ho rahe the aur saath-saath snahe ke kaaran taras bhi pad raha tha - harek apne-apne yathaashakti lakshya ko praapta karne ke liye teevragti se lage hue hain। sabki ek hi ichchha hai ki fast jaaven first aaven। din raat isi lagan mein chal rahe hain - lekin lakshya ek hai, lagan bhi ek se hi hai। saath bhi ek ka hi hai phir bhi koi mahaaveer hain aur koi bahut mehnat anubhav karte hain - koi sahajyogi hain - koi purushaarthi yogi hain, koi sarva praapti swaroop hain - koi sarva praapti karne mein khoob lage hue hain। koi maayaajeet hain - aur koi maaya ke vighnon se yuddha karne mein lage hue hain - koi ke man ka aavaaz jo paana tha pa liya - aur koi ka aavaaz hai abhi pa rahe hain। koi sada saath ka anubhav karte aur koi sada saathi banaane ke prayanta mein rehte। aisa dekh baapdaada ko mehnat karne vaalon ke oopar taras padta hai - ek baap ke bachche do prakaar ke kyon? aur yeh mehnat bhi kab tak? yeh alaukik janma jis janma ko vardaan hai kyonki vardaata dvaara yeh janma hai - aisa vardaani janma praapta hote hue bhi yeh janma bhi manaane ke bajaae mehnat mein hi jaae to aisa vardaani janma phir kab milega! isliye is vardaani janma ka har second aur sarva praapti karne ka suhaavna second hai। aise samay ko paane ke bajaae mehnat mein lagaana kya achha lagta hai! chaahte bhi nahin hain phir bhi kar lete hain - kyon?aaj baapdaada ne vishesh kaaran dekhe। mool kaaran hai jo chaahte nahin ho lekin parvash ho jaate kiske vash ho jaate ho - usko bhi achhi tarah se jaante ho। jaante hue bachne ka prayatna karte hue bhi phir chakkar mein aa jaate ho - kyonki maaya bhi jaani jaananhaar roop mein aati hai - woh bhi jaanti hai ki in brahman aatmaon ka mukhya aadhaar buddhi yog hai – divya buddhi dvaara hi baap se milan mana sakte to maaya bhi pahle-pahle buddhi mein vaar karti hai। kamjor bana deti hai। kis dvaara? maaya ka vishesh baan vyartha sankalpon ke roop mein hota hai। is baan dvaara divyabuddhi ko kamjor bana deti hai aur kamzor banne ke kaaran parvash ho jaate hain। kamzor vyakti jo chaahe woh nahin kar paate isliye chaahte ho lekin kar nahin paate ho। is kaaran ka nivaaran sarvashaktivaan baap dvaara jo praapta hua hai us shakti ko kaarya mein nahin lagaate ho। woh vishesh shakti hai manan shakti। manan shakti ko use karna nahin aata। manan shakti hi divya buddhi ki khuraak hai। khuraak ko na khaane se kamjor ban jaate। aur kamzor hone ke kaaran parvash ho jaate। manan shakti ka vistaar bahut bada hai। lekin vidhi nahin aati।

jab se brahman janma hua tab se abhi tak director baap dvaara jeevan ke kitne titles sune hain - agar varnan karo to poori lambi maala ban jaae - bhakti maarga mein bhi sumiran karne ke abhyaasi hain - ek-ek manke par sumiran karte hain। bhakti mein sumiran shakti hai aur gyaan mein smriti ki shakti hai। jab bhakta aatmaayen apni shakti ko nahin bhoolti। alpakaal ki vidhi se alpakaal ki siddhi ko paati rehti hain - to aap gyaani tu aatmaayen smriti ki shakti ki vidhi ko kyon bhool jaate ho। agar roz amritvele apne ek title ko bhi smriti mein laao aur manan karte raho to manan shakti se sada buddhi shaktishaali rahegi। shaktishaali buddhi ke oopar maaya ka vaar nahin ho sakta arthaat parvash nahin ho sakti। to mool kaaran hai buddhi ki kamjori aur kamjori ka nivaaran hai manan shakti।

jaise aajkal ki vishesh aatmaayen arthaat padhe likhe log jaisa kaarya hoga jaisa sthaan hoga vaisi apni dress change karte hain - aapke jad chitron ka bhi har samay dress change karte hain। bhavishya devtaai roop mein bhi har kaarya ki dress alag-alag hogi। yeh sanskaar bhavishya ka vartamaan ke aadhaar par hai - is samay ka fashion va reeti rasam satayug mein to chalegi lekin aapke jad chitron mein bhi rasma chali aa rahi hai - to sangamayug ki reeti rasam kaun si hai? jaisa kaarya karte ho vaise title pramaan apna swaroop yaad rakho - sabse jyaada fashionable sangamayugi brahman hain। jaisa samay vaisa swaroop - yeh swaroop bhi aapki dress hai। jaisi smriti vaisi vriti vaisi drishti aur vaisi sthiti arthaat swaroop। jaise aajkal ka fashion hai na jaisa shrringaar - vastra bhi vaise, tilak bhi vaise lagaavenge to aankhon ka shrringaar bhi vaisa karenge। to sabse fashionable aap brahman ho। aisi smriti vriti aur drishti banaao। smriti hai tilak aur drishti hai aankhon ka shrringaar - aur vriti hai make up karna। vriti se jaisa parivartan chaaho vaise kar sakte ho। to sadaiv roohaani saji sajaai moorta ho vishwa ko parivartan karne vaale!

manan shakti arthaat apne anek taaitilaz arthaat swaroop smriti mein rakho। anek gunon ke shrringaar ko smriti mein rakho - anek prakaar ke khushi ki pvaaeentas smriti mein rakho, roohaani nashe ke pvaaeentas smriti mein rakho, rachta baap ke parichay ki pvaaeentas buddhi mein rakho,rachna ke vistaar ki pvaaeentas smriti mein rakho। yaad dvaara anek prakaar ke anubhav aur praaptiyon ki pvaaeentas ko smriti mein rakho to manan shakti ka saadhan kitna bada hai! jo chaahe woh manan karo। jo aapki pasandi ho woh pasanda karo - to manan karte magan avastha bhi sahaj praapta ho jaavegi। parvash ke bajaae maayaajeet banne ka vasheekran mantra sada saath rahega aur maaya sada ke liye namaskaar karegi। sangamayug ka pahla bhakta aapki maaya banegi। master bhagwan bano to bhakta bhi bane na। agar khud hi bhagat honge to woh kiska bhakta bane। to bhakta banenge va master bhagwan banenge - iska sahaj saadhan sunaaya। manan shakti ko badhaao। samjha।

bangaal bihaar ka zone to shrringaar karna jaanta hai, jaise deviyon ko bahut sajaate hain, apne jad chitron ko sajaane aata hai na। aise svayan ko sajaana hai। is zone ki bhi visheshta hai - jo baap ko ati priy hai। aise bachche bahut hain - woh kaun? gareeb bhi hain aur bholenaath ke bhole bhi hain - donon hi baap ko ati priy hain। isliye is zone ka group dekho bada hai na - is zone ki visheshta hai - is zone mein kitne alag- alag pradesh hai - nepaal bhi hai to aasaam bhi hai,variety phoolon ka guldasta hai - seva bhi ab vistaar ko paati ja rahi hai। saakaar tan ko dhoondha bhi yahaan se hi hai। to sthaan ki visheshta rahi na। jaise government ko kis sthaan se koi vishesh amoolya vastu milti hai to us sthaan ka mahatva rehta hai - naameegraami rehti hai - history mein aa jaati hai। aise yeh sthaan bhi baap ki history mein vishesh sthaan hai। aage chalkar is sthaan ka mahatva vishwa mein mahatvapoorna hoga - jaise dehli ki visheshta apni hai, baambe ki apni hai। is sthaan ka mahatva bhi bahut bada apna hai,isliye aage chalkar aur bhi is sthaan ko vishesh bhoomi ki reeti se dekhenge aur sunenge। aise vishesh bhoomi ke nivaasi bhi vishesh aatmaayen ho। bhoomi ke saath aap log ke bhaagya ka bhi sab varnan karenge। achha

sada shaktishaali swaroop mein sthit rah maaya dushman ko bhi apna bhakta banaane vaale, sada saje sajaaye swaroop mein sthit rahne vaale, vasheekran mantra dvaara maaya ko vash karne vaale, sada smriti dvaara samartha rahne vaale, sarvashaktivaan aatmaon ko baapdaada ka yaad-pyaar aur namaste।

paartiyo se mulaakaat

1. har sankalp va karma baap samaan karne se - nirantar sahajyogi ki stage ka anubhav :- sangamayug ka shreshtha sthaan hai baap ka diltakhta,jo is takhta par baithte hain vahi vishwa ke takhta ke adhikaari bante hain। aur jaise baap parampoojya hai vaise bachche bhi poojya ban jaate hain। kyonki dil mein vahi samaaye jaate hain jo samaan hote hain, to baap samaan follow father karne vaali aatmaayen ho na - aise anubhav hota hai jo baap ki smriti woh bachchon ki smriti, jo baap ke gun woh bachchon ke gun,jo baap ka karttavya woh bachche ka। isko kaha jaata hai follow father। jo bhi sankalp va karma karo to pahle check karo ki baap samaan hai, agar baap samaan hai to sahajyogi ki stage ka anubhav hoga। mehnat nahin lagegi। aur koi bhi paristhiti mein baap ko saamne laane se,svasthiti ke aadhaar se parivartan ho jaayegi। chaahe kitne bhi desh ke haalaat naajuk hon lekan aap sada kamalpushpa ke samaan baap ki chhatrachhaaya mein nyaare aur pyaare rahenge। sada chhatrachhaaya mein ho na? baap sevaadhaari ban karke aate hain to chhatrachhaaya ke roop mein bachchon ki sada seva karte hain। baap ko yaad kiya aur saath anubhav kiya,vaise koi bhi shareerdhaari ka saath lene mein samay lag jaata hai lekin baap to second mein haazar hoga - to door rehte bhi sada sameep aatma ho aisa anubhav hota hai?jo jitna pyaara hoga utna sameep hoga - to kitne sameep ho?abhi bhi sameep ho aur paramdham mein bhi sameep honge phir bhavishya mein bhi sameep - to teenon hi sthaanon ke sameep ho na। jahaan bhi brahman bachchon ke paanv padte hain vahaan koi na koi aatmaayen hain tab jaana hota hai। jo bachche baap ki yaad mein rehte hain,yaad mein rahne vaale bachchon ko baap sada respond dete bhi rehte hain aur sada dete rahenge,kyonki yaad dvaara hi anubhvon ka adhikaar praapta hota hai।

bhaashan hi sirf seva ka saadhan nahin hai, anubhav dvaara bhi prabhaavit kar sakte ho, anubhav ki topic sabse jyaada atraikta karne vaali hoti hai। seva zaroor karni hai,jaise bhi karo। sab subject mein marks leni hain, agar ek bhi kam rah gai to paas with aanad kaise honge,isliye sab subject ko cover karo।

2. saare kalpa mein sangamayug hi bahaari mosam hai :- sada bahaar ke samaan khile hue pushpa khushboodaar roohe gulaab apne ko samajhte ho? jab bahaar ka mausam aata hai to sab phoolon mein ragat aa jaati hai, khil jaate hain, sundar lagte hain, sangamayug bhi saare kalpa ke andar bahaari mausam hai,jismen harek aatma roopi pushpa khila hua rehta hai। to aise apne ko sada khila hua arthaat sada roohaani yaad mein rahne vaala roohe gulaab samajhte ho?ki kabhi phool se mukhdi bhi ban jaate ho?jo pahle chhoti kali hoti hai woh banda hoti hai, phir khil jaati hai to phool kaha jaata। to sada khile hue ho ya kabhi phool ya kabhi kali। sada khila hua pushpa woh hai jo door se hi sabko aakarshit kare। aisi roohaaniyat hai? jo bhi samparka mein aae usko yeh roohaani khushbu aakarshit kare - khile hue full hi kisi ko bhent kiye jaate। baapdaada ke oopar bhi khile hue full hi balihaar hote hain। jo sachche bhakta hote hain woh kabhi devtaaon par sade hue phool nahin chadhaayenge, achhe khile hue phool devaataaon par bhent karenge। to aise khile hue roohaani gulaab ho jo baap ke oopar balihaar ho saken। sada yeh yaad hai ki ham kis baagvaan ke bageeche ke phool hain। direct baap phoolon ko apne sneh ka paani de rahe hain,to kitne lucky ho gaye!

baapdaada sada har bachche ko dekh kya sochte? ki har bachcha vishwa ke maalik bane

had ke nahin, state ke nahin lekin vishwa ke। vishwa ka maalik kaun banenge?jo vishvakalyaankaari honge? to aap sab kaun ho vishwa par raajya karne vaale ya state par? jo vishwa par raajya karne vaale honge woh sada behad ki sthiti mein sthit honge - sambandh, sanskaar svabhaav sab behad mein honge, had nahin hogi। had ki pravriti mein apna jyaada samay samay dete ho ya behad mein?banna hai behad ka maalik aur samay dete had mein - to kya hoga? behad ke maalik banne vaale behad ki seva mein zaroor lagenge। had nimittamaatra,saara attention behad ki seva mein। behad mein jaakar seva karo,service mein naya mod laao। bahut samay se dil mein jo plan hain woh practical mein laao। is varsha ki yojna banaao - ki itne centre kholne hain - haindas bhi automatically nikal aate hain। vahaan ke bhi haindas taiyaar karo। achha - omshaanti।