बुधवार 21 नवंबर 1979 की अव्यक्त मुरली

>

21-11-79om shanti avyakt baapdaadaamdhuban

vishwa parivartan ke liye sarva ki ek hi vritti ka hona aavashyak

aaj baap-daada chaaron or ke bachchon ke chetan chitron dvaara va harek ke chehre dvaara vishesh do baaten check kar rahe hain। harek bachcha sense (Sense) aur essence (Essence) mein kahaan tak sampanna hua hain arthaat gyaan sampanna aur sarva shakti sampanna kahaan tak bana hai? jisko roop-basanta kaha jaata hai। roop-basanta arthaat sense aur essence full।

aaj baap-daada roohaani drill kara rahe the। ek second mein sangathit roop mein ek hi vritti dvaara, vibrations dvaara vaayumandal ko parivartan kar sakte hain। nambarvaar har indeevijuval apne-apne purooshaartha pramaan, mahaarthi apne vibrations dvaara vaayumandal ko parivartan karte rehte hain। lekin vishwa-parivartan mein sampoorn kaarya ki samaapti mein sangathit roop ki ek hi vritti aur vibrations chaahiye। thodi-si mahaan aatmaon ke va teevra purushaarthi mahaarthi bachchon ki vritti va vibrations dvaara kahin-kahin saphalta hoti bhi rehti hai lekin abhi ant mein sarva brahman aatmaon ki ek hi vritti ki anguli chaahiye। ek hi sankalp ki anguli chaahiye tab hi behad ka vishwa-parivartan hoga। vartamaan samay vishesh abhyaas isi baat ka chaahiye। jaise koi bhi sugandhit vastu second mein apni khushbu phaila deti hai। jaise gulaab ka essence daalne se second mein saare vaayumandal mein gulaab ki khushbu phail jaati hai। sabhi anubhav karte hain ki gulaab ki khushbu bahut achhi aa rahi hai। sabhi ka na chaahte bhi attention jaata hai ki yeh khushbu kahaan se aa rahi hai। aise hi bhinna-bhinna shaktiyon ka essence, shanti ka, aananda ka, prem ka, aap sangathit roop mein second mein phailaao। jis essence ka aakarshan chaaron or ki aatmaon ko aaye aur anubhav karen ki kahaan se yeh shanti ka essence va shanti ke vibrations aa rahe hain। jaise ashaanta ko agar shanti mil jaae va pyaase ko paani mil jaae to unki okh khul jaati hai,behoshi se hosh mein aa jaate hain। aise is shanti va aananda ki essence ke vibrations se andhe ki aulaad andhen ki teesri okh khul jaae। agyaan ki behoshi se is hosh mein aa jaaen ki yeh kaun hain, kiske bachche hain, yeh kaun-si param-poojya aatmaayen hain! aisi roohaani drill kar sakte ho?

sense aur essence ka balance

jab dvaapar ke rajoguni rishi-muni bhi apne tatva yog ki shakti se apne aaspaas shanti ke vibrations phaila sakte the yeh bhi aapki rachna hain। aap sab master rachayita ho। woh had ke jangal ko shant karte the aap raajayogi kya behad ke jangal mein shanti va shakti va aananda ke vibrations nahin phaila sakte ho? ab is abhyaas ka dridh sankalp, nirantar ka sankalp karo। har maas ke international yog ka abhyaas to shuru kiya hai lekin ab yahi abhyaas jyaada badhaao। jaise basanta roop ki vihang maarga ki seva mele,conference va yog shivir karte ho। ek hi samay sangathit roop mein anekon ko sandesh de dete ho va akhbaaron dvaara T.vi. va radio dvaara ek hi samay anekon ko sandesh de dete ho। aise hi roop arthaat yaad bal dvaara,shreshtha sankalp ke bal dvaara aisi vihang maarga ki service karo। iski bhi nai-nai invention nikaalo। jab roopabsanta donon ki seva ka balance ho jaayega tab hi antim samaapti hogi। iske liye sarva sangathit roop ka purooshaartha kaun-sa hai? jaante ho? usi purooshaartha ka varnan aur chitra ab tak bhakti mein chal raha hai। kaun-sa? purooshaartha ka chitra va gaayan kya hai?samaapti ka chitra kya dikhaaya hai? sthaapna ke varnan ka chitra bhi vahi hai aur samaapti ka bhi chitra vahi hai। brahma ne braahmanon ke saath kya kiya? yagya racha to sthaapna ka chitra bhi yagya racha। aur samaapti mein bhi yagya mein sarva braahmanon ke sangathit roop mein ‘‘svaaha’’ke dridh sankalp ki aahuti pade tab yagya samaapta hona hai arthaat vishwa-parivartan ka kaarya samaapta hona hai। to purooshaartha kaun-sa raha?ek hi shabd ka purooshaartha raha kaun-sa? ‘‘svaaha’’ jab svaaha ho jaata hai to haay-haay ke bajaae aaha ho jaati hai। parivartan ho gaya na। shabd kahne mein hi maza aata hai। ab apne se poochho sarva baaton mein svaaha kiya hai? svaaha karna aata hai।

jab sangathit roop mein puraane sanskaar, svabhaav va puraani chalan ke til va jaun svaaha karenge tab yagya ki samaapti hogi। til aur jaun yagya mein daalte hain na। jab yagya ki samaapti hoti hai sab ikatthe svaaha kar dete hain, tab hi yagya saphal hota hai। agar ek bhi aahuti nahin padi to achha nahin maante hain। to purooshaartha kya hua? sangathit roop mein svaaha karo। abhi kya karte ho? agar koi kehta bhi hai khatma karo,svaaha karo to kya karte hain? svaaha karne ki bajaae sanvaad chal padta hai। diskashan chal padta hai। woh sanvaad bade achhe hote hain। uska vishay‘‘kyon’’aur ‘‘kaise’’hota hai। aise sanvaad ya dialogue bahut chalte hain। baap-daada ke paas vatan mein radio par woh bahut aate hain। kabhi kisi station se kabhi kisi station se। us samay ke chitra aur ekshansa kaise lagte honge? jaise aapki duniya mein T.vi. par Mickey maaoos ka khel aata hai aise kabhi nayan bade ho jaate,kabhi mukh bada ho jaata, kabhi bahut teevragti se utarti kala ki seedhi tap-tap karke utar aate hain, kabhi maaya ke toofaan mein ud jaate hain, balance nahin rakh sakte। abhi-abhi hansate abhi-abhi rote hain। aise baap-daada bhi kai khel dekhte rehte hain। jaise sunne mein hansi aati hai to karte samay svayan par bhi hansi aa jaae to samaapta ho jaae। to sunaaya ‘‘svaaha’’nahin karte।

sahayog se svaaha

agar kisi ke kuchh puraane sanskaar rah bhi gaye hain woh svayan svaaha nahin kar sakte to sangathit roop mein sahayogi bano। kaise? agar karne vaala kar raha hai ya bol raha hai to sunne vaale, dekhne vaale, dekhen nahin, sune nahin, to uska karna bhi samaapta ho jaayega। koi geet gaane vaala ga raha hai, dance vaala dance kar raha hai, dekhne vaala, sunne vaala koi na ho to svatah hi samaapta ho jaayega। aisa sahayog do। isko kaha jaata hai ‘‘svaaha’’। jab aise sahayogi banenge tab hi sangathit roop mein vishwa parivartan kar sakenge। sense ke saath essence bhi chaahiye। lekin jab samparka mein aate ho,kaarya-vyavhaar mein aate ho,karma bandhani pravritti va shuddh pravritti mein aate ho to sense ki maatra jyaada hoti hai essence ki kam। sense arthaat gyaan ki paaintas arthaat samajh। essence arthaat sarva shakti swaroop, smriti aur samartha swaroop। sirf sense hone ke kaaran gyaan ko vivaad mein la dete ho। yeh to hoga hi,yeh to hona hi chaahiye। essence se shaktiyon ke aadhaar par gyaan ke vistaar ko practical jeevan ke saar mein le aate ho। iseelie vistaar va vivaad khatma ho jaata hai। thode samay mein svaaha kar aaha main! aur aaha mera baba! isi mein sama jaate ho। to sense aur essence donon ka balance rakho to har second svaaha hote rahenge। sankalp bhi seva prati ‘‘svaaha’’ bol bhi vishwa-kalyaan prati ‘‘svaah’’har karma bhi vishwa parivartan prati svaaha। to apnaapan arthaat puraanaapan svaaha ho jaayega। baaki rah jaayega - baap aur seva। to samjha, kya purooshaartha karna hai। apne deh ki smriti sahit-svaaha। tab ek second mein vibrations dvaara vaayumandal ko parivartan kar sakenge। samjha?

aise sada samartha, sada sarva ke parivartan karne mein sahayogi, sense aur essence ka balance rakhne vaale vishwa-parivartan ki ek hi dhun mein rahne vaale,baap aur seva aur koi baat nahin, aisi sthiti mein chalne vaale, aise baap samaan mahaan aatmaon ko baapdaada ka yaad-pyaar aur namaste।

hubli party - sada baap aur seva mein magan rehte ho? jo sada baap aur seva mein tatpar rehte hain, unki nishaani kya hogi? sada vighna-vinaashak - koi bhi vighna unki lagan ko mita nahin sakte। koi bhi toofaan us jaagti jyoti ko bujha nahin sakte। aisi jaagti-jyoti ho? akhanda jyoti। bhakti mein bhi aapke chitron ke aage akhanda jyoti jalaate hain। kyon jalaate hain? chetanya swaroop mein akhanda jyoti swaroop rahe ho tab akhanda jyoti ka yaadgaar rehta hai। jyoti ke aage koi aavran to nahin aata,toofaan hilaata to nahin hain? apna bhi swaroop jyoti, baap bhi jyoti aur ghar bhi jyoti tatva hai। to sirf jyoti shabd bhi yaad rakho to saara gyaan aa jaata hai। yahi ek ‘‘jyoti’’ shabd ki saugaat le jaana to sahaj hi vighna-vinaashak ho jaayenge! achha - hubli nivaasiyon ne apne ghar-ghar mein shivaalay banaaya hai? pahle shiv ke pujaari rahe ho abhi svayan shivvanshi ban gaye। adhikaari ban gaye na। abhi kuchh bhi maangane ki cheez rahi nahin, sarva khazaane svatah praapta ho gaye na! ab adhikaari ban karke anekon ko adhikaari banaane vaale ho,maangane vaale nahin। kya karoon - kaise karoon, yeh sab pukaar samaapta।

saar - abhi ant mein sarva brahman aatmaon ki ek hi vritti ki anguli chaahiye, ek hi sankalp ki anguli chaahiye tab hi behad ka vishwa-parivartan hoga। jab sangathit roop mein puraane sanskaar, svabhaav va puraani chalan ke til va jau svaaha karenge tab yagya ki samaapti hogi।